shadow
Diocese de Dili > NOTÍCIAS > Notícias > Caso Confirmado nafatin 24, Totál Ema Nebé Submete Ona ba Exame Laboratório Hamutuk 480 ba Loron Ohin

Caso Confirmado nafatin 24, Totál Ema Nebé Submete Ona ba Exame Laboratório Hamutuk 480 ba Loron Ohin

DILI 27 Abril 2020 (DCAD) – Porta-voz Sala de Situação Centro Integrado Gestão de Crise, Dr. Sergio Lobo afirma, actualização dadus segunda (27/04/2020) ne’e, totál teste nebé Laboratório Nasionál halo ona hamutuk 480. Caso Confirmado nafatin 24, husi 24 ne’e recuperado 6 composto husi provável 4 no positivo 2, caso negativo 367 no hein resultado 89.

To’o ohin, loron 27 fulan-abril tinan 2020, total ema nebé sei iha confinamento obrigatório no auto confinamento hamutuk 448. Husi número ne’e, nain 8 auto quarentena iha Dili, 35 auto quarentena iha município, total ema nebé iha quarentena obrigatório iha facilidade sira nebé Estado prepara iha Dili hamutuk 337 no iha facilidade iha município hamutuk 68.

Além de ne’e, iha mós profissional saúde hamutuk 40 mak hela iha quarentena obrigatório. Enquantu, ema nebé completa ona loron sanulu resin haat iha quarentena obrigatório no auto quarentena hamutuk 1694.

Liu tan ne’e, Cordenador Força-Tarefa Prevenção no Mitigação Surto COVID-19 Dr. Sergio Lobo haktuir relaciona atividade vigilância sentinela iha município Liquiça katak equipa vigilância epidemiológica consege recolha ona espécime hamutuk 27 hodi submete ba análize iha laboratóriu. No husi ema nain 27 ne’e, resultado teste laboratório confirma katak iha ema nain 17 resultado hatudu negativo, enquanto, sira nain 10 seluk sei hein resultado husi laboratório Darwin, dehan Cordenador Força-Tarefa Prevenção no Mitigação Surto COVID-19 Dr. Sergio Lobo iha Centro Conção Dili Segunda ne’e.

Liga ho caso confirmado ida husi profissional saúde, Dr. Sergio Lobo explica equipa vigilância epidemiológica liu husi investigação detecta ona ema hamutuk 35 maka iha contacto besik ho pessoal saúde ne’e no equipa rasik foti ona sira nia amóstra hodi halo análize laboratorial.

Atu taka Dr. Sergio Lobo mós alerta ba comunidade tomak katak Corona virus hanesan moras ida nebé perigo tebes, maibé bainhira ita iha imunidade nebé diak, prática ho diak higiene pessoal hanesan fase liman bebeik no uja máscara bainhira sai husi uma, hakmatek iha uma no mantein nafatin distância social ita bele hamate ona virus ne’e iha ita nia isin. (Alin/Leo)

Leave a Reply

Your email address will not be published. Required fields are marked *