shadow
Diocese de Dili > NOTÍCIAS > Notícias > Dengue Ameaça Saúde Pública Iha TL; Ema nain 8 Lakon Vida

Dengue Ameaça Saúde Pública Iha TL; Ema nain 8 Lakon Vida

DILI 28 Abril 2020 (DCAD) – Porta-voz Sala de Situação Centro Integrado Gestão de Crise, Dra. Odete da Silva Viegas terça ne’e (28/04/2020) ne’e, haktuir katak situasaun balun nebé sai mos ameaça ba saude publika iha Timor Leste mak Dengue.

“Situação balun nebé sai mos ameaça ba saúde pública iha Timor-Leste mak Dengue. Tuir Odete katak caso comulativo husi Janeiro to’o horseik 27 Abril 2020 hamutuk 1050 (Dili hamutuk 628, Ermera iha 293 no restu iha Município seluk, Município 2 mak seidauk relata caso too agora hanesan Oe-Cusse no Viqueque). No ema mate nain 8 (Dili nain 6, Baucau 1 no Covalima tanba Dengue, dehan Porta-voz Sala de Situação Centro Integrado Gestão de Crise, Dra. Odete da Silva Viegas terça ne’e.

Dra. Odete da Silva Viegas salienta tan katak “Dengue lori husi (vetor) susuk ho naran Aedes aegypti. Susuk (signifika iha de’it temporada rua hanesan bai-loron no udan) hanesan Timor. Moras ne’e hamosu sinal sira hanesan Isin manas makaas, durante loron haat (4) to’o hitu (7), Ulun moras makaas, Sente moras iha parte haleu matan nian, Isin no ruin moras makaas, Laran sa’e no muta, Diarea (Te’e been), Mosu musan-musan ho cor mean (ruam, erupção cutânea) iha kulit. Tanba tuir Dra. Odete katak Wainhira iha sinais no sintomas hanesan iha leten no la trata lalais bele hamate ema.

Dra. Odete clarifica tan katak Sinal no sintoma sira Moras dengue iha tipo 2 hanesan Dengue Isin Manas no Dengue Isin manas no ran. Dala Barak liu causa husi mate mai husi Dengue isin manas no ran, tanba dengue tipo ida ne’e iha possibilidade boot atu lori ema ida ba condição dengue Shock síndrome tamba ran sai husi inus, matan, muta ran, liur ran, no kauza ita isin Iakon líquidos.

Além ne’e Dra. Odete da Silva Viegas apela ba comunidade tomak katak Hamos fatin sira nebé be’e nalihun ba, hanesan be’e iha vasos ai-fuan, be’e iha roda laran, be’e iha butil laran. Tesi/fukit duut nebé moris besik iha ita nia hela fatin, halot sasan sira iha uma laran no mos liur, uja mosquitero ka toba iha mosquitero laran, uja faru no kalsa naruk bainhira halo atividade iha fatin sira nebé nakonu ho susuk no uja ai-moruk anti susuk nian. (Leo/Alin)

Leave a Reply

Your email address will not be published. Required fields are marked *