shadow
Diocese de Dili > NOTÍCIAS > Notícias > DOM. VIRGÍLIO : KILAT ÚNICO FUNU HASORU COVID-19 MAK PREVENÇÃO

DOM. VIRGÍLIO : KILAT ÚNICO FUNU HASORU COVID-19 MAK PREVENÇÃO

DILI 28 Abril 2020 (DCAD) – Arcebispo Arquidiocese Metropolita de Dili Dom Virgílio do Carmo da Silva hateten Kilat único atu funu hasoru Covid-19 mak hahalok prevene an.

“Apelo ba povo tomak katak liafuan nebé hau repete nafatin katak ita Timor ne’e nação nebé kiik, nação nebé kiak mos. Ita ladun iha meios barak, maibe ita nia kilat nebé único funu hasoru Covid-19 mak prevenção. Ne’e katak ita hakas a’an atu prevene an. Prevene mak medidas hotu nebé Governo liu husi Ministério da Saúde apela nafatin ba ita ne’e público buka atu hakas a’an atu sacrifica ita nian a’an, disciplina ita nia a’an lao tuir medidas hirak ne’e. Ho esperança Dom Virgílio dehan, Hau fiar katak ida ne’e sei ajuda ita tebes atu la husik moras covid-19 ida ne’e continua habelar no daet iha ita nia sociedade laran, dehan Arcebispo de Dili Dom Virgílio do Carmo da Silva iha Paço Episcopal Lecudere Dili terça ne’e.

Entretanto koalia kona ba extenção Estado de Emergência ne’e Dom Virgílio do Carmo da Silva hateten necessário teb-tebes atu halo renovação Estado de Emergência.

“Ba hau uluk nanain hare katak extenção ba iha estado de emergência iha ita nia rain ne’e necessário, tanba número caso ne’e continua aumenta no suspeito mos sei iha. Tanba ne’e, precisa fo tan lai tempo atu nune’e ita bele prepara a’an didiak. Liu husi meios ida ne’e ita mos bele hatoman ita nia a’an iha estado de emergencia ida ne’e. tan ne’e ba hau extenção estado emergência ne’e necessário, dehan Arcebispo Dili”.

Atu taka Arcebispo Arquidiocese Metropolita de Dili Dom Virgílio do Carmo da Silva, SDB inform mos katak relaciona ho missa sira iha Igreja sei continua mantein situação ida nebé hasai uluk ona katak sei la halibur malu iha evento sira Uma Creda nian to’o buat hotu normal fila fali. (Eq. DCAD)

Leave a Reply

Your email address will not be published. Required fields are marked *