shadow
Diocese de Dili > NOTÍCIAS > Notícias > Actualização Dadus Quarta–Feira (29/04/2020); Caso Confirmado Nafatin 24

Actualização Dadus Quarta–Feira (29/04/2020); Caso Confirmado Nafatin 24

DILI 29 Abril 2020 (DCAD) – Porta-voz Sala de Situação Centro Integrado Gestão de Crise, Dr. Rui Maria de Aroújo afirma, actualização dadus Quarta –Feira  (29/04/2020) ne’e, totál número teste nebé Laboratório Nasional halo ona hamutuk 629 compara horseik 527. Total comulativo Caso Confirmado nafatin 24, housi 24 ne’e recuperado 6 composto housi confirmado 2 no provável 4. Total número negativo 390 no hein resultado 215. No total caso foun (0).

To’o ohin, loron 29 fulan abril tinan 2020, total ema nebé sei iha confinamento obrigatório no auto confinamento hamutuk 436. Enquanto, ema nebé completa ona loron sanulu resin haat iha quarentena obrigatório no auto quarentena hamutuk 1712, dehan Dr. Rui Maria de Aroújo

Liga ba doação equipamento housi povo no governo China mai Timor-Leste ne’e Dr. Rui Maria de Aroújo esclaresse katak dúvida iha público nia le’et kona ba sasan doação housi povo no Governo China ne’e Organização Mundial Saúde (OMS) hateten ona katak “ema nebé simu sasan pacote housi China la iha risco atu hetan da’et virus corona foun (Covid-19). Dr. Rui Maria de Aroújo hateten, housi análise nebé halo ona comprovado katak virus corona la moris naruk iha buat sira hanesan carta ka sasan iha pacote”.

Dr. Rui Maria de Aroújo hatutan tan katak técnico sira housi Ministério Saúde ho apoio housi OMS, verifica ona especificação no qualidade housi equipamento no bens consumíveis sira nebé to’o horiseik housi China no hato’o ona informação katak buat hotu tuir hela especificação OMS nian. Mai ita hotu agradece ba povo no Governo China nia laran luak ba povo Timor-Leste.   (Leo/Alin)

Leave a Reply

Your email address will not be published. Required fields are marked *