shadow
Diocese de Dili > NOTÍCIAS > Notícias > Cidadão Nain 59 Ohin (30/04/2020) Husik Ona Quarentena Farol no Tasi-Tolu

Cidadão Nain 59 Ohin (30/04/2020) Husik Ona Quarentena Farol no Tasi-Tolu

DILI 30 Abril 2020 (DCAD) – Diretor Gabinete Político Cooperação Ministério de Saúde               Narcísio Fernandes hateten cidadão nain 59 composto husi feto 30 no mane 29 desconfinado husi Covid-19 no ohin quinta semana ne’e fila hikas ona ba ida-idak nia família tan cumpre ona loron sanulu resin ha’at iha quarentena no la hatudu sintomas ruma. Tuir Narcísio katak cidadão hirak ne’e maioria husi município Dili hamutuk ema nain 31, Aileu nain 1, Baucau nain 9, Lautem nain 2, Liquiça nain 4, Manatuto nain 6, Manufahi nain 1 no Viqueque nain 4.

Liu tan ne’e Narcísio clarifica mos katak Núnero nebé mak ohin sai ona husi quarentena Tasi-Tolu no Farol hamutuk iha ema nain 59. Husi 59 ne’e nain 54 husi quarentena Tasi –Tolu no nain 5 seluk husi Hotel Farol. Nia haktuir, sira hotu la iha sintomas ruma ba iha covid-19 tanba resultado laboratório nacional hatudu negativo. Tanba ne’e atu informa deit ba iha comunidade katak alin estudante sira nebé mak ohin ba hamutuk ona ho sociedadade ne’e, sira la hatudo sintomas ruma husi covid 19.

Narcísio sublinha mos tan katak, agora dadaun sira nebé mak sei iha quarentena Tasi-Tolu iha ema nain 6 mak sei hela nafatin iha quarentena ne’e, sira ne’e husi hotel Vila verde nian nebé agora dadauk seidauk completa loron sanulu resin ha’at.

Iha ocasião hanesan, Alexandro Maia hanesan cidadão ida nebé cumpre ona loron sanulu resin ha’at iha quarentena ne’e expressa ninia sentimento durante iha quarentena katak nia parte orgulho teb-tebes ba iha Ministério da Saúde iha política nebé diak, liu husi requisitos nebé hato’o husi organização Mundial Saúde mai ita no Timor-Leste atu ita bele alcança ba iha oin, atu nune’e ita hotu bele hamutuk contribui ba ita nia nação no ba ita nia família. (Leo)

Leave a Reply

Your email address will not be published. Required fields are marked *