shadow
Diocese de Dili > NOTÍCIAS > Notícias > Dra. Odete; TL Ladauk Regista Ema Mate tanba Covid-19

Dra. Odete; TL Ladauk Regista Ema Mate tanba Covid-19

DILI 01 Maio 2020 (DCAD) Diretora Geral Prestação Saúde Dra. Odete da Silva Viegas afirma, actualização dadus Sexta-feira (01/05/2020) ne’e, totál número teste nebé Laboratório Nacional halo ona hamutuk 671 compara horseik 652. Total comulativo Caso Confirmado nafatin 24, housi 24 ne’e recuperado 16 no agora daudaun iha Vera Cruz falta paciente na’in 12 mak sei halo tratamento. Total número negativo 478, hein resultado 478 no total caso foun (0). To’o ohin, (1 Maio tinan 2020), total ema nebé sei iha confinamento obrigatório no auto confinamento 403. Profissional Saúde iha quarentena mantein 40, Enquanto, ema nebé completa ona loron sanulu resin haat iha quarentena obrigatório no auto quarentena hamutuk 1782, haktuir Dra. Odete da Silva Viegas iha Sala de Situação Centro Convenção Dili.

“Hanesan ita hotu hatene katak ho Graça Maromak nian durante pandemia covid-19, to’o agora ita seidauk regista ema mate iha Timor-Leste. Ita mos relata ona iha caso recupera to’o ohin loron hamutuk ema na’in 16, dehan Dra. Odete da Silva Viegas”.

Nia hateten, Uluk knana’in hakarak lori Centro Intergrado Gestão de Crise ou Sala de Situação nia naran agradece ba população iha Timor-Leste nia laran tomak, professiona’is Saúde, Segurança, Componentes hotu no familiares housi maluk sira hotu nebé hela iha quarenteana no Isolamento durante ne’e, tanba contribui ona durante periodo deficil ne’e ho paciência, ho ita boot sira hotu ninia colaboração, ita consegue liberta ona sira na’in 16 housi covid-19 iha Isolamento Vera-Cruz.

Dra. Odete da Silva Viegas iha biban ne’e apela nafatin ba população Timor-Leste tomak katak atu ida-idak continua assume ita nia contribuição ba covid-19, durante tempo hirak tuir mai, hodi nafatin acompanha ita nia maluk sira nebé sai ona housi quarentena no Isolamento atu cumpre nafatin medidas preventivas hotu nebé durante ne’e hato’o ona iha sala de situação kona ba atu hadook nafatin ita nia a’an, familia no sociedade housi covid-19. (Leo/Alin)

Leave a Reply

Your email address will not be published. Required fields are marked *