shadow
Diocese de Dili > NOTÍCIAS > Notícias > Equipa Covid-19 Arquidiocese Dili Fahe Ai-han iha Área Ponte Comoro

Equipa Covid-19 Arquidiocese Dili Fahe Ai-han iha Área Ponte Comoro

DILI, 30 Abril 2020 (DCAD) – Equipa Apoio Pastoral covid-19 Arquidiocese Dili nebé forma housi Arcebispo Dili Dom Virgílio do Carmo da Silva, SDB, quinta ne’e, hahu distribui ona necessidades básicas hanesan fos, mina no seluk-seluktan ba população nebé hela iha área ponte Comoro. Pe. Ângelo Salsinha Reitor Seminário de Nossa Senhora de Fátima Balide nebé hetan fiar housi Arcebispo de Dili hodi lidera equipa ne’e iha entrevista iha Paço Episcopal Lecidere Dili ne’e hateten.

“Diocese hola iniciativa forma equipa de apoio ida ne’e hare liu ba assunto inportante sira hanesan: oinsá Uma Creda liu-liu housi Arquidiocese Dili nian atu fo apoio liu housi moral, espiritual no seluk tan ba ita nia maluk sira nebé iha Quarentena no isolamento sira. Ida ne’e sei serviço hamutuk ho parte equipa integrado covid-19 governo nian no dadaun ne’e sei hein orientação housi governo.

Sacerdote ne’e hatutan tan katak, assunto inportante seluk mos hanesan Uma Creda tau hamutuk nia força atu bele mos fo apoio ruma ba família sira nebé kbi’it laek, aileba sira, tanto iha paróquia sira, iha vigararia nian nune’e mos iha nivel nacional iha arquidiocese nia laran.

Liu tan ne’e Pe. Ângelo Salsinha haktuir katak apoio sira ne’e ita hetan hosi Arquidiocese nebé hatama necessidade básicas hanesan fos quase atus lima, Supermi ho buat seluk tan, no ita hetan mos apoio hosi ita nia maluk sira nebé laran diak hanesan empresário sira, “BTK, Jony Je”, no mos familia sira nebé ho voluntáriamente fo sira nia apoio. Dadaun ne’e fos hamutuk Quase atus ualu ona (800 Sacas).

Liga ba distribuição ai-han sira ba paróquia sira iha arquidiocese laran Pe. Ângelo esplica, agora dadaun ita halo ona distribuição ai-han ba Paróquia sira nebé mak dok hanesan Oe-cusse (300 sacas) no Atauro (100 sacas). Dadaun ne’e mos fahe ona ba ita nia maluk aileba sira nebé mak iha Dili laran, hanesan sira nebé suru raihenek iha mota Comoro nian. Ba oin ita sei hanoin continua nafatin no paróquia ida-idak mos halo hodi tau matan didiak ba ita nia povo, dehan Pe. Ângelo. (Ruben)

Leave a Reply

Your email address will not be published. Required fields are marked *