shadow
Diocese de Dili > NOTÍCIAS > Notícias > Recuperado Nain Sanulu; Livre Ona Housi Isolamento Vera-Cruz

Recuperado Nain Sanulu; Livre Ona Housi Isolamento Vera-Cruz

DILI, 1 Maio 2020 (DCAD) – Centro Integrado Gestão de Crise ohin (1 Maio 2020) reintegra tan paciente nain sanulu (10) nebé curado ona iha sala isolamento Vera Cruz composto housi feto 5 no mane 5 ba ida-idak nia família tanba resultado teste iha laboratório nacional hatudu negativo dala rua tutuir malu.

Tuir Porta-voz Centro Integrado Gestão de Crise Dr. Sergio Lobo katak Sira nebé mak ohin recopera ne’e barak liu mai housi hotel Katuas. Maluk timoroan sira ne’e composto housi Município Baucau nain 2, Viqueque nain 1, Manatuto nain 1, no Município Dili hamutuk nain 6.

 Liu tan ne’e, porta-voz Centro Integrado Gestão de Crise Dr. Sergio Lobo agradece ba contribuição timoroan hotu nebé mak sei iha isolamento ho quarentena nian, inclui mos paciente sira nebé recuperado ninia dispozição no sira nia cooperação atu haforça hapara moras ne’e labele hadaet iha Timor laran tomak.

Liu housi observação Centro Integrado Gestão de Crise nota katak sira livre ona housi infecção tanba iha loron hirak liu ba halo teste ba sira no resultado negativo ba dala rua tutuir malu.

Além ne’e, porta-voz Centro Integrado Gestão de Crise Dr. Sergio Lobo bolu atenção nafatin ba recuperado sira katak mesmo sira fila ona hamutuk ho família, maibé sira rasik halo recomendação katak sira nafatin halo contacto ba parte Saúde karik sira balun hetan sintomas ruma iha liur.

Dr. Sergio Lobo mos apela ba população tomak atu lahalo discrimanação ba ita nia maluk sira ne’e, basá sira nebé mak ohin recupera ne’e katak sira nia saúde mos ona ou livre ona housi covid-19 nian no la iha infecção iha laran, dehan Dr. Sergio Lobo iha Centro Isolamento Vera Cruz. (Leo S’mauS)      

Leave a Reply

Your email address will not be published. Required fields are marked *