shadow
Diocese de Dili > NOTÍCIAS > Notícias > COLIGAÇÃO FOUN “CNRT, PD, PUDD, FM-UDT” NIA RECURSO HASORU PR SEI MOUT IHA PN

COLIGAÇÃO FOUN “CNRT, PD, PUDD, FM-UDT” NIA RECURSO HASORU PR SEI MOUT IHA PN

DILI 02 Maio 2020 (DCAD) – Coligação foun nebé composto housi CNRT, PD, PUDD, FM-UDT hakarak atu lori PR ba Tribunal, maibé hakarak ida ne’e sei mo ut iha Parlamento Nacional. Tuir Reitor UNPAZ Prof. DR. Adolmando Amaral liu housi via telefone haktuir katak situação agora ne’e ita bele concidera hanesan Decisão Política no decisão tuir dalan Legal.

Nia parte haktuir, Ita bele dehan modelo governo ida agora ne’e Governo Unidade Nacional katak partido Fretilin ba apoio tan VIII governo. Nune’e ita nia constituição la fo dalan, se ita hakarak lao tuir ita nia constituição hanesan nação democrático ida, ne’e labele tanba agora daudauk decisão política ne’e contra ona buat nebé hakerek iha constituição. Tanba ne’e ita husu lider sira ka político nain sira atu tur hamutuk oinsá atu bele soluciona ida ne’e.

Academista ne’e hateten, Implicação se ita continua nafatin fo apoio ba Presidente da República nia decisão para partido Fretilin tama tan depois ita bele hamosu governo unidade nacional, ne’e diak para atu soluciona deit inpasse política ida ne’e, maibé ita la housik história diak ida ba geração foun tanba ita ignora tiha ona ita nia constituição. Agora partido CNRT nia hare katak sira geração foun ne’e labele housik deit buat nebé contra ita nia constituição, sira tem que hanorin buat nebé loos. Tanba ne’e maka sira sei halo recurso hasoru Presidente da República kona ba PR nia decisão balun la tuir constituição. Tanba ne’e mak sira hakarak para depois housik hela buat diak ida ba geração foun sira tuir mai.

Reitor ne’e hateten, Coligação foun nebé composto housi CNRT, PD, PUDD, FM-UDT concidera decisão nebé Presidente hola ne’e contra Lei. Tanba ne’e mak sira sei halo recurso ba Tribunal de Recurso atu halo apreciação atu hare kona ba decisão tomak nebé Presidente da República hola ne’e tuir Constituição kalae, dehan Reitor UNPAZ Prof. DR. Adolmando Amaral.

Academista ne’e reforça mos tan katak, Ida ne’e ita nia constituição fo dalan para depois partido sira bele halo recurso hasoru ita nia Presidente da República wainhira karik iha decisão ruma contra ita nia constituição.

Nia parte haktuir tan, Partido CNRT hakarak atu lori Presidente da República ba iha Tribunal de Recurso tem que iha aprovação housi Parlamento Nacional. Tuir hau nia hare recurso ne’e sei mout iha Parlamento Nacional tanba coligação ida ikus ne’e (PLP, FRETILIN no KHUNTO) mai ho 36 cadeiras. Se sira ba direta Tribunal recurso ne’e hau la hatene Constituição fo dalan ka lae, tanba hau mos laos ema Jurista, dehan Reitor UNPAZ Prof. DR. Adolmando Amaral. (Leo S’MauS)

Leave a Reply

Your email address will not be published. Required fields are marked *