shadow
Diocese de Dili > NOTÍCIAS > Notícias > Paciente Covid-19 Nain 4, Ohin Recupera Tan Iha Sala Isolamento Vera-Cruz

Paciente Covid-19 Nain 4, Ohin Recupera Tan Iha Sala Isolamento Vera-Cruz

DILI 02 Maio 2020 (DCAD) – Cordenador Oficial Ligação Força-Tarefa no Porta-voz Sala Situação Centro Integrado Gestão de Crise (SS-CIGC), Dr. Rui Maria de Araújo informa dados ba ohin loron nian (02/05/2020) katak, total caso confirmado nafatin (24) laiha mudança, caso foun (0), caso recuperado (20), housi 20 ne’e composto housi provavel nain 4 no confirmado 16. No oras ne’e daudaun ita sei iha confirmado nebé sei iha isolamento Vera Cruz hela ema nain 8.

Total teste laboratorio (684), total hein resultado laboratório (159), total resultado negativo (501), total confinamento obrigatório 328; (auto confinamento iha município nain 62, iha Dili nain 5 no 220 iha facilidade governo iha Dili no 41 iha facilidade governo nian iha município.

Total sira nebé liu periodo quarentena ka confinamento obrigatório 1877. 401 iha municipius no 1476 iha Dili.

Relaciona ho inan isin rua karik confirmado covid-19 Dr. Rui esplica katak to’o agora pesquisa sira sei lao barak hela, housi experiência housi fatin seluk cientista sira buka documenta nafatin consequência housi ema ruma nebé isin rua hetan karik virus covid-19 ba bebe nebé nia kous. Seidauk iha concluções nebé metin ka conclusivo, maibé housi ponto devista saúde pública ninian importante maka primeiro transmissão housi inan ba oan durante ida ne’e seidauk hatene katak nia bele transmite wainhira bebe ne’e sei iha inan nia kabun laran. Maibé transmissão ne’e hala’o deit housi inan ba oan wainhira bebe ne’e moris ka bebe ne’e iha liur, tanba nia processo de transmissão ne’e hanesan ita acompanha bebeik housi coticulas então processo ida ne’e mak ita hatene ona. Maibé sira seluk agora dadauk ne’e sei iha pesquisas barak para atu hatene kona ba ida ne’e. (Leo /Alin)

Leave a Reply

Your email address will not be published. Required fields are marked *