shadow
Diocese de Dili > NOTÍCIAS > Notícias > Reitor UNPAZ; Questão Economia, Estudantes Barak La Participa Iha Processo Aprendizagem Online

Reitor UNPAZ; Questão Economia, Estudantes Barak La Participa Iha Processo Aprendizagem Online

DILI 02 Maio 2020 (DCAD) – Reitor Universidade da Paz (UNPAZ), Prof. DR. Adolmando Amaral sábado ne’e, haktuir housi via telefone ba jornalista Ite relaciona ho processo aprendizagem ho sistema online iha UNPAZ katak, nia parte reconhece duni participação estudantes iha processo aprendizagem ho sistema Online menus tanba deit Fator hirak hanesan, causa housi Estado de Emergência, cada estudantes menus ba facilidade atu acesso, no questão economia rasik. 

Tuir Reitor UNPAZ ne’e katak, Processo online halao nafatin hodi garante processo aprendizagem ba estudantes sira hahu housi semester I too VIII.

Reitor UNPAZ ne’e haklean tan mos katak, processo aprendizagem ho sistema online ne’e lao hela, maibé participação housi estudantes rasik menus tanba factor lubuk ida: Primeiro estudante barak iha estado emergência sira fila ba foho no iha foho sira susar atu acesso internet tanba ne’e programa online ne’e susar loos ba sira atu acesso. Ida seluk, entre estudantes sira balun laiha Laptop no mos telefone android. tanba facilidade sira nebé laiha dificulta sira atu participa iha processo aprendisagem online ne’e. Ida fali tan mos questão osan laiha. Tanba lor-loron tem–que ativa pacote internet hodi acesso. Tuir Reitor ne’e Katak, Factores sira ne’e maka dificulta estudante sira liu housi participação processo aprendisagem online ne’e sei menus.

Nia parte neon metin nafatin katak, maske estudantes sira ladun participa iha processo aprendizagem online ne’e, universidade hanoin ona atu halo press program ba sira depois de sira fila-fali mai wainhira estado emergência remata.

Baseia ba informação nebé anuncia housi Ministério Educação atu oferesse internet gratuito ba docentes no estudantes iha tempo estado de emergência, Reitor UNPAZ ne’e afirma to’o agora Ministro rasik seidauk halo encontro ho universidade público no privado sira atu koalia kona ba assuntos ne’e.

Tuir Reitor UNPAZ ne’e katak, Governo lalika halo promessa bar-barak too ikus mai la realiza iha Estado de emrgência ne’e, tanba ita koalia kona estado de emergência buat hot-hotu tem que lao urgente, dehan Reitor UNPAZ. (Leo S’MauS)

Leave a Reply

Your email address will not be published. Required fields are marked *