shadow
Diocese de Dili > NOTÍCIAS > Notícias > COMPLETA 14 DIAS; CIDADÃO 41, OHIN HOUSIK ONA QUARENTENA

COMPLETA 14 DIAS; CIDADÃO 41, OHIN HOUSIK ONA QUARENTENA

DILI 04 Maio 2020 (DCAD) – Cidadão hamutuk 41 composto housi mane 25 no feto 16 nebé halo confinamento obrigatório iha facilidade nebé Governo prepara iha Dili hanesan; Hotel Luxury-Hudi laran, Hotel YQ, Hotel Viana, no Hotel Colmera, ohin (04/05/2020) tem que abandona ona fatin quarentena refere tanba completa ona loron sanulu resin haat no la hatudu sintomas moras covid-19. Processo deliberação ne’e halo iha Hotel YQ Raikotu Dili.

Diretor Gabinete Político de Cooperação Ministério da Saúde Narciso Fernandes relata katak Cidadão sira nebé mak completa ona loron sanulu resin haat ne’e iha facilidade nebé Governo prepara iha Dili hanesan; Hotel Luxury-Hudi laran hamutuk nain ‘6’, Hotel YQ hamutuk nain ‘17’, Hotel Viana hamutuk nain ‘17’ no Hotel Colmera nain ‘1’. No sira hamutuk ‘41’ sira nia origem housi municípios Dili ‘15’, Aileu ‘3’, Ainaro ‘4’, Baucau ‘7’, Ermera ‘3’, Lautem ‘1’, Manatutu ‘2’, Manufahi ‘1’, no Viqueque ‘5’.

Narciso Fernandes clarifica mos tan katak, wainhira quarentena primeiro (14 dias) mak teste laboratório positivo ba sira ida, então sei aplica fila-fali tan 14 dias ba sira seluk para atu continua iha quarentena atu nune’e bele halao fila fali teste ba segundo ninian. Maibé sira ne’e ohin completa ona 14 dias primeiro no segundo teste hatudu sira nia isin livre housi virus covid-19.

Iha ocasião ne’e Diretor Gabinete Político de Cooperação Ministério da Saúde nafatin apela ba cidadão sira nebé completa ona loron 14 iha quarentena sira hodi fila ba hamutuk ho família hakasan nafatin atu mantein regras sira nebé governo implemeta ona katak nafatin implementa distanciamento físico no social, fase liman bebeik, uja máscara bebeik nune’e prevene an housi covid-19, iha família no sociedade.

Iha sorin seluk, Pedro da Costa Pereira representa nia colega sira hotu felicita no aprecia ba esforço nebé Governo liu housi Ministério Saúde halo hodi tulun sira iha quarentena, assegura sira housi covid-19 no assegura sira hodi la hadaet moras ne’e ba iha comunidade. (Leo S’mauS)

Leave a Reply

Your email address will not be published. Required fields are marked *