shadow
Diocese de Dili > NOTÍCIAS > Notícias > Dr. Sergio: Nain ‘8’ mak sei Hela Iha isolamento Vera-Cruz

Dr. Sergio: Nain ‘8’ mak sei Hela Iha isolamento Vera-Cruz

DILI 03 Maio 2020 (DCAD) – Cordenador Oficial Ligação Força-Tarefa no Porta-voz Sala Situação Centro Integrado Gestão de Crise (SS-CIGC), Dr. Sergio Lobo informa dados ba ohin loron nian (03/05/2020) katak, total caso confirmado nafatin (24) laiha mudança, caso foun (0), caso recuperado (20), inclui proferssor portugueses nain rua iha Liquiça. Tan ne’e total número caso sira nebé sei baixa iha Vera-Cruz dadaun ne’e hela nain 8.

Total teste laboratório (688), total hein resultado laboratório (131), total número resultado negativo (533), total confinamento obrigatório 316; (auto confinamento iha município sira hamutuk 61, iha Dili nain (0), quarentena iha facilidade governo nian iha Município hamutuk 41. no 214 halo qaurentena iha facilidade nebé governo fo iha Dili. profissionais saúde iha quarentena hamutuk 59, maibé nain 19 teste dala rua tutuir malu negativo. Dadaun ne’e hela deit 40 mak sei iha quarentena. Total sira nebé liu periodo quarentena ka confinamento obrigatório 1898. 401 iha municípios no 1476 iha Dili.

Dr. Sergio Lobo clarifica mos ba público katak maluk sira nebé sai ona housi quarentena sira ne’e ita certifica katak sira la lori moras iha sira nia isin tanba durante loron sanulu resin haat iha quarentena sira la hatudu sintomas moras nian no maluk sira nebé hela hamutuk ho sira mos lahatudu sintomas ruma. Tanba ne’e mak husu ba comunidade atu labele discrimina sira.

Dr. Sergio Lobo informa kona ba inan isin rua ne’e katak inan isin rua ne’e parto tiha ona iha loron lima liu ba no inan no oan iha condição diak no inan no oan ne’e fila ona ba sira nia uma tanba livre housi moras covid-19.

Dr. Sergio Lobo lori Centro Integrado Gestão de Crise nia fatin apela nafatin ba público atu nafatin prática sistanciamento físico no social lu-liu agora tanba transporte público hahu lao fila fali ona. Tanba ne’e buka cumpre nafatin regras sira, uja máscara iha fatin nebé deit. No wainhira laiha assunto importante iha liur diak liu evita atu sai ba liur, evita mos halibur malu fatin público sira no mos iha comunidade. Apela mos ba sira hirak nebé toman fuma no hemu tua katak diak liu para fuma no hemu tanba wainhira kona moras ne’e ita boot sira nia imunidade tun no provoca kedas moras housi ligeiro ba liu kedas caso grave. (Leo /Alin)

Leave a Reply

Your email address will not be published. Required fields are marked *