shadow
Diocese de Dili > NOTÍCIAS > Notícias > Dra. Odete; Graças a Deus, Caso Recuperado Aumenta

Dra. Odete; Graças a Deus, Caso Recuperado Aumenta

DILI 04 Maio 2020 (CDAD) – Centro Integrado Gestão de Crise (CIGC), liu housi Porta-voz Cordenadora Força-Tarefa Prevenção no Mitigação Surto Covid-19 Dra. Odete da Silva Viegas relata dadus actualização ba loron ohin (04/05) katak, total teste laboratório hamutuk ‘706’, hein resultado laboratório hamutuk ‘103’, total caso comfirmado mantein ‘24’, total caso foun la iha, total resultado laboratório negativo ‘579’, total caso recoperado ‘20’, (nain ‘16’ positivo no nain ‘4’ provável). Tuir Dra. Odete da Silva Viegas katak, ema nebé mak dadaun ne’e baixa iha fatin isolamento Vera-Cruz sei iha nain ‘8’.

Dra. Odete da Silva Viegas clarifica tan mos katak, total profissionais saúde sira nebé mak iha quarentena nafatin ‘40’, sira nebé mak sei hela iha quarentena no auto quarentena hamutuk ‘273’, housi número ‘273’ ne’e; quarentena obrigatório ‘212’, iha Dili ‘171’ no iha Município ‘41’. Auto quarentena ‘61’ ne’e mai housi município hotu. No iha Dili laiha.Total número nebé maka passa ona loron sanulun resin haat hamutuk ‘1941’; housi número ‘1941’ ne’e iha Dili ‘1539’ no município hamutuk ‘402’.

Iha ocasião ne’e Dra. Odete da Silva Viegas mos confirma katak, depois de primeiro caso positivo iha loron 21 março no caso positivo ikus liu lha loron 24 abril, felizmente to’o ohin loron ita seidauk iha tan caso positivo foun.

Hatan ba equipamento protecção individual nebé Timor-Leste enfrenta,  Dra. Odete da Silva Viegas fo resposta katak, proteção individual nian foin daudauk ita mos simu apoio housi Governo China no daudaun ne’e housi serviço SAMES halo ona distribuição ba iha municípios inclui mos profissional saúde sira nebé mak serviço iha hospitais, iha Centro Saúde internamento sira, no liu-liu mos ba sira nebé iha porto de entrada.

Relaciona ho dia mundial Higiene nebé monu iha loron 5 Maio, Dra. Odete da Silva Viegas  aproveita mos oportunidade ida ne’e fo sai ba público atu nafatin tau importância fase liman ka liman moos, sai mos pilar importante iha facilidade saúde no hospital sira hodi prevene no controla infecção hodi salva ida-idak housi moras oi-oin inclui covid-19 ne’e rasik. (Leo/Alin)

Leave a Reply

Your email address will not be published. Required fields are marked *