shadow
Diocese de Dili > NOTÍCIAS > Notícias > Dr. Rui; Papél Importante Atu Prevene Moras Hada’et, Liu Husi Fase Liman Bebeik

Dr. Rui; Papél Importante Atu Prevene Moras Hada’et, Liu Husi Fase Liman Bebeik

DILI 05 Maio 2020 (DCAD) – Centro Integrado Gestão de Crise (CIGC), liu husi Porta-voz Cordenador Força-Tarefa Prevenção no Mitigação Surto Covid-19 Dr. Rui Maria de Araújo relata dadus actualização ba loron ohin (05/05) katak, caso confirmado ba loron ohin nian mantein (24), caso confirmado foun laiha, caso recuperado (20), nain 16 caso confirmado no nain 4 caso provável, caso confirmado nebé mak sei iha isolamento Vera Cruz nain (8), comulativo exame laboratório (719), comulativo hein resultado laboratório (73), comulativo resultado laboratório negativo (622), total ema iha quarentena ka confinamento obrigatório (253), (46 autoquarentena iha Município sira, 169 iha facilidade Governo nian iha Dili, no 38 iha facilidade Governo nian iha Município seluk). Total ema nebé liu ona periodo quarentena ka confinamento obrigatório 1079, (420 iha município sira seluk, 1559 iha Dili).

Relaciona ho celebração loron higiene liman nia nebé monu iha loron 5 Maio nebé tinan tinan celebra, Porta-voz Cordenador Força-Tarefa Prevenção no Mitigação Surto Covid-19 Dr. Rui Maria de Araújo reconhece katak, ohin mundo tomak celebra loron Higiene Liman nian (Hand Hygiene day), tinan ida ne’e organização saúde Mundial propoin nu’udar objetivo celebração, atu ita hotu reconhece katak Fase Liman, sai nu’udar ação efetivo liu, nebé individo ida-idak bele halo, hodi reduz transmição fini moras nian inclui covid-19. Dr. Rui recomenda mos katak, profissional saúde sira no mos membro comunidade sira hotu iha papél importante ida atu prevene moras hada’et ba-mai, liu housi fase liman bebeik, fase liman ho be no sabaun durante minuto ida nia laran, bele salva ita nia a’an no mos salva ema seluk housi moras infecto-contagioza inclui housi moras covid-19. (Leo/Alin)

Leave a Reply

Your email address will not be published. Required fields are marked *