shadow
Diocese de Dili > NOTÍCIAS > Notícias > PM TAUR ACONSELHA MAP OINSA ASSEGURA SEGURANÇA ALIMENTAR

PM TAUR ACONSELHA MAP OINSA ASSEGURA SEGURANÇA ALIMENTAR

DILI 05 Maio 2020 (DCAD) – Primeiro Ministro Taur Matan Ruak terça ne’e convoca reunião ida ho Ministro Agricultura no Pescas, Joaquim José Gusmão dos Reis iha Palácio do Governo hodi koalia liu kona ba assunto oinsa atu assegura segurança alimentar iha rai laran liga ho surto covid-19.

Remata tiha encontro, Ministro Agricultura no Pescas, Joaquim José Gusmão dos Reis haktuir ba média relaciona ho reunião ne’e katak, Primeiro Ministro (PM) bolu ha’u mai iha ne’e atu consulta kona ba programa Ministério Agricultura nian, liu-liu kona ba ita nia preucupação ba iha covid-19 nebé mak agora acontece. Ita hotu hatene katak segurança alimentar iha rai laran sai hanesan preucupação boot ida, tanba ne’e, Primeiro Ministro hakarak atu hatene medidas saida mak Ministério Agricultura foti ona, saida mak começa halo ona, no saida tan mak sei halo ba oin hodi nune’e ita bele assegura ita nia segurança alimentar iha ita nia rai laran no mós ita bele motiva ita nia agricultor sira, dehan Joaquim José Gusmão dos Reis.

MAP salienta tan katak, Oras ne’e daudaun ita hatama ona proposta ba iha orçamento covid-19 nebé mak Ministério Agricultura no Pescas hato’o ba, maibé agora hein daudaun processo iha aprovação das propostas. Daudaun ne’e, ita começa mobiliza máquinas ita nian hanesan escavator lubuk ida nebé mak sei iha funciona ita comeca fahe ona ba iha irigação boot sira liu-liu iha parte leste nian hodi halo normalização ba iha canalização sira nebé mak iha.

Membro do Governo ne’e clarifica mos katak iha tinan tolu ona hahu husi tinan 2017-2019, ita laiha orçamento  para halo normalização ba ita nia irigação ita só halo deit normalização emergéncia ba ita nia irigação sira ne’e no foin tinan 2020 ita iha osan ituan para ita halo manutenção ba canál irigação boot sira ne’e, maibé orçamento la consege liu iha Parlamento Nacional.

Relaciona ho Orçamento nebé aloca ba MAP miliaun $ 4.9 ne’e, Membro Governo ne’e haktuir

 atu koko atu gere didiak orçamento ne’e tanba ita serviço ba iha segundu época ne’ei ta hatene katak bee mos começa tun oituan no ita la máximo iha ita nia produção, tanba ne’e mak ita nia orçamento nebé iha planeamento ne’e adecuadu. maibé ha’u hakarak fo hatene mos katak montante osan $ 4.9 ne’e laos ba iha agricultura los deit, maibé fahe mos ba iha ita nia loja Agricultura sira, apoio mos ba iha associação nebé mak hamahan iha loja agricultura sira no mos ajuda tranportação produto sira mai ne’e iha capítal, nune’e mos apoio area pescas no mos iha area pecuária nian. (Leo S’mauS)

Leave a Reply

Your email address will not be published. Required fields are marked *