shadow
Diocese de Dili > NOTÍCIAS > Notícias > BANCADA FRETILIN, PLP NO KHUNTO LAKON CONFIANÇA BA PRESIDENTE PARLAMENTO NACIONAL

BANCADA FRETILIN, PLP NO KHUNTO LAKON CONFIANÇA BA PRESIDENTE PARLAMENTO NACIONAL

DILI 6 Maio 2020 (DCAD) – Bancada tolu iha Parlamento Nacional composto housi FRETILIN, PLP no KHUNTO liu housi conferência da imprensa quarta ne’e iha sala Bancada FRETILIN Parlamento Nacional Dili, hodi hatoo sira nia declaração relaciona ho lakon confiança ba Presidente Parlamento Nacional  Arão Noé de Jesus da Costa Amaral ho razão ikus-ikus ne’e la convoca agenda iha Plenária.

Representante housi Bancada tolu ne’e Francisco de Vasconcelos haktuir, ohin ami lideransa hosi Bancada Parlamentar FRETILIN, PLP no KHUNTO hakarak informa ba público tomak katak, horiseik (05/05/2020), ami hatama tiha ona pedidu ba mesa Parlamento Nacional atu husu agendamento  ba votação  ba destituição Presidente Parlamento Nacional ida agora.

Tuir Francisco de Vasconcelos katak, pedidu ida ne’e ami hato’o tuir dalan nebé Regimento Parlamento Nacional fo iha artigo 16-b, kona ba Destituição Presidente Parlamento Nacional, nuudar membro Parlamento, ami lakon ona confiança ba Sr. Arão Noé nu’udar Presidente Parlamento Nacional tanba ikus-ikus ne’e laiha liu agenda ba Plenária.

Francisco de Vasconcelos haktuir katak Wainhira V Legislatura ida ne’e hahu público bele hare iha Parlamento nia função nu’udar legislador hosi tinan 2018 to’o ohin loron sidauk Consegue finaliza Lei importante no necessário sira hanesan Lei Anti Corupção liu tinan rua ona Parlamento la consegue finaliza ne’e tanba incapacidade Presidente Parlamento Nacional nian atu atu haka’as an no lidera hodi garante Parlamento funciona ho diak.

Membro Parlamento ne’e clarifica mos katak, ami lakon confiança ba Sr. Arão Noé nuudar Presidente Parlamento Nacional tanba dala barak liu ninia comportamento laos hanesan orgão soberano ida ne’e, maibe comporta liu fali hanesan nia Presidente Bancada CNRT.

Tuir Francisco de Vasconcelos, público bele hare momos katak iha semana ida ne’e no semana kotuk ami Deputado sira mai iha ne’e la consegue halo serviço, maibe sei continua simu osan. Ida ne’e mak ema dehan “deputado simu gaji buta”. Ida ne’e tanba incapacidade Presidente Parlamento Nacional nian. Tuir Francisco de Vasconcelos katak, Sr. Arão Noé nia hahalok no incapacidade ida ne’e hatudu mos katak nia ho nia partido tenta atu provoca crise Intitucional ida tanba sira hakarak atu executa declaração nebé Presidente Partido CNRT halo tiha ona “atu lori Timor-Leste ba eleição Antecipada dala ida tan. (Alin)

Leave a Reply

Your email address will not be published. Required fields are marked *