shadow
Diocese de Dili > NOTÍCIAS > Notícias > CIGC REINTEGRA CIDADÃO 80 BA FAMÍLIA TAN CUMPRE ONA QUARENTENA

CIGC REINTEGRA CIDADÃO 80 BA FAMÍLIA TAN CUMPRE ONA QUARENTENA

DILI 6 Maio 2020 (DCAD) – Governo liu husi Ministério de Saúde ohin quarta ne’e Re-integra tan cidadão hamutuk 80 ba sira ida-idak nia família tanba cumpre ona iha quarentena durante loron sanulu resin haat no la hatudu sintomas. Tuir daduz husi Ministério Saúde declara katak Entre cidadão hirak ne’ebe ohin desloca ba família husi Hotel Horizonte hamutuk 78 (feto 25 no mane 53), hotel Leokase nain ida, no Hotel Luxury mos ida, mai husi Município Dili hamutuk 53, Aileu 1, Ainaro 2, Baucau 7, Bobonaro 6, Covalima 3, Ermera 3, Lautem 2, Manatuto 1, Manufahi 1 no Viqueque nain 1.

Coordenador Centro Integrado Gestão de Crise Aurelio Guteres iha nia intervenção katak, hau orgulho tebes ba alin sira hotu nia contribução ba ita nia rain liu-liu oinsa mak bele prevene moras covid-19 iha ita rain. No felizmente iha ita nia rain consegue hala’o serviço contem moras ne’e para labele hada’et ba ita nia sociedade, agora imi completa ona, maibe ne’e la significa imi bele livre ona housi equipa saúde no autoridade local sira. sira sei acompanha nafatin ita boot sira iha ida-idak nia fatin. Dehan Aurelio Guteres iha Hotel Novo Horizonte Metiaut Dili quarta ne’e.

Nia hateten, moras covid-19 ne’e seidauk iha vassina tanba ne’e ita hot-hotu precisa disciplina contribui lisuk ba ida ne’e, tanba buat ne’e laos ba ita nia a’an deit, maibe ba ita nia família no ba ita nia nação.

Iha sorin seluk Diretor Gabinete Político de Cooperação Ministério da Saúde Narciso Fernandes haktuir mos katak tempo quarentena nian mak remata, maibe luta hasoru covid-19 sedauk remata. Tanba ne’e husu ba imi atu buat nebé imi aprende ka imi hetan ona iha quarentena buka nafatin iha imi nia an, iha comunidade no iha imi nia família.

 Entretanto Representante Ministério Administração Estatal (MAE) Valente Fátima fo motivação ba cidadão sira nebé atu fila ba hamutuk ho família katak, nia parte husu atu mantein nafatin instrução no orientação nebé mak durante ne’e hetan ona iha fatin quarentena ba iha família no sociedade. (Leo S’mauS)

Leave a Reply

Your email address will not be published. Required fields are marked *