shadow
Diocese de Dili > NOTÍCIAS > Notícias > CPN CONSIDERA DECLARAÇÃO DEPUTADOS CNRT NIAN HANESAN ACTUS INDIVIDUAIS, LA REPRESENTA P. CNRT

CPN CONSIDERA DECLARAÇÃO DEPUTADOS CNRT NIAN HANESAN ACTUS INDIVIDUAIS, LA REPRESENTA P. CNRT

DILI 6 Maio 2020 (DCAD) – Partido Congreso Nacional de Reconstrução de Timor-Leste (CNRT) quarta ne’e liu husi conferência da Imprensa iha sede Partido CNRT Bairro dos Grilos Dili declara ba público ninia posição CPN-Partido CNRT nian kona ba conferência da Imprensa nebé halao iha Bancada CNRT Parlamento Nacional iha loron 5 maio 2020 laiha orientação no decisão husi Partido.

II vice Partido CNRT Virgílio Smith liu husi comferência imprensa ne’e considera conferência de imprensa nebé Deputado sira halo iha 5 de Maio 2020 iha Parlamento Nacional la iha orientação no decisão husi Partido. Nia hatutan CPN considera declaração husi Deputados CNRT sira nian hanesan actus individuais, la representa Partido nian.

Além ne’e Virgílio Smith mos reafirma posição katak decisão CPN iha loron 30 de Abril 2020 atu fo apoio tomak no autoriza Presidente do Partido CNRT atu representa CPN no Partido hodi hola medida no decisão kona ba situação política atual. Nia reafirma mos tan katak, CPN nia posição no apoio tomak ba petição nebé hatama ona ba supremo Tribunal da Justiça ou TR iha loron 5 fulan Maio 2020.  No reafirma mos katak posição CPN-CDN no estrutura nacional no município ba Presidente do Partido Maun Boot Kay-Rala Xanana Gusmão hodi representante partido baseia da decisão CPN iha loron 30 fulan Abril 2020.

Liu tan ne’e II Vice Partido CNRT Virgilio Smith declara mos katak CPN sei hola medidas no husu Responsabilidade ba deputados CNRT sira nebé halo Conferência de Imprensa iha loron 5 maio ne’e, CPN hodi estrutura tomak Partido nian afirma nia confiança tomak no sem reserva ba Partido CNRT Maun Boot Kay-Rala Xanana Gusmão. (Alin)

Leave a Reply

Your email address will not be published. Required fields are marked *