shadow
Diocese de Dili > NOTÍCIAS > Notícias > MS NO MTCI CONCORDA PROCESSA PAGAMENTO BA CONTRATOS NEBÉ PENDENTES

MS NO MTCI CONCORDA PROCESSA PAGAMENTO BA CONTRATOS NEBÉ PENDENTES

DILI 07 Maio 2020 (DCAD) – Reunião nebé Ministério da Saúde (MS) no Ministério Turismo Comércio no Industria (MTCI) realiza iha quinta ne’e iha sala Gabinete Apoio ba Sociedade Civil Palácio do Governo Dili, koalia liu ba assunto rua hanesan Assuntos Pendentes ligado ba iha contrato ba iha fatin quarentena sira no assunto compania sira nebé halo limpesas. Vice Ministro Desemvolvimento Estratégico Saúde, Bonifácio Mau Coli dos Reis hafoin remata tiha encontro haktuir katak, encontro ida ohin ne’e hamutuk Ministério Turismo Comércio Industria koalia liu kona ba assunto rua: primeiro kona ba assuntos pendentes, liga ba iha contrato sira liu-liu ba iha fatin quarentena sira no mós limpesas sira nebé mak início iha Ministerio da Saúde maibé depois de dacisão housi concelho inter-Ministerial fo competencia ba MTCI mak atu gere hodi apoio Ministério Saúde hare ba carga de serviço nebé mak Ministério da Saúde iha. Tanba ida ne’e mak iha encontro ida ne’e iha concordânçia ona atu início ne’e assina hamutuk hodi halo pagamento ba contrato sira nebé mak agora sei pendente hela.

Liu tan ne’e Bonifácio Mau Coli dos Reis esplica, por volta 49 projectos mak agora atu assina hamutuk liu-liu ba iha construção fatin quarentena ida mak halo rehabilitação Tibar, Tasi-tolu no iha Batugade, depois mai iha limpesa sira ne’e mak agora atu inicia para halo contrato hodi pagamento ba sira.

Baseia ba total Orçamento nebé atu halo pagamento ba projectos nebé pendentes hela Bonifácio Mau Coli relata, Ita nia orçamento ba iha Ministério da Saúde aprova tiha ona,  maibé nia número total mós hau seidauk confirma ho direção gestão orçamentação ninian. Entretanto orçamento ne’e mai housi fundos covid-19 nian nebé total por volta $ 150 Milhões mak uza atu halo pagamento ba iha actividades hotu durante hala’o iha pandemia covid-19. (Leo S’mauS)

Leave a Reply

Your email address will not be published. Required fields are marked *