shadow
Diocese de Dili > NOTÍCIAS > Notícias > GOVERNO CANCELA CRÉDITO BA DOCENTES

GOVERNO CANCELA CRÉDITO BA DOCENTES

DILI 08 MAIO 2020 (DCAD) – Governo liu housi reunião Conselho Ministro nian iha Sexta ne’e, cancela hikas proposta nebé apresenta housi Ministro Ensino Superior Ciência no Cultura Longuinhos dos Santos relaciona ho proposta Klibur Instituição Ensino Superior Provado Timor-Leste (KIESP-TL) ho objetivo atu fo crédito ba docente sira. proposta refere apresentado no aprovado iha fulan kotuk (22/04/2020) liu housi reunião Conselho Ministro nian. Maibé cancela hikas iha reunião Conselho Ministro nian iha Sexta ne’e (08/05/2020), tanba Banco Central la apoio ba decisão refere.

Ministro Ensino Superior Ciência no Cultura Longuinhos dos Santos relaciona ho proposta Klibur Instituição Ensino Superior Provado Timor-Leste (KIESP-TL) nia clarifica, Hau hasoru ona Governador Banco Central nian hodi koalia kona ba assunto ne’e, maibé Banco Central la apoio ba decisão ne’e. Tanba ne’e crédito sei la acontece ba docente sira. Maibé ida ne’e ita tau possibilidade sai hanesan política Ministério Ensino Superior nian ba futuro oinsa atu bele garante qualidade ba iha Ensino Superior nian liu-liu ba iha Ensino Superior Privadas sira. Membro Governo ne’e sugere atu Ensino Superior Privadas sira bele iha possibilidade atu bele acesso subsídio nebé liu housi MSS nian ba iha seguranca social.

Relaciona mós ho crédito ne’e, Ministro Ensino Superior Ciência no Cultura Longuinhos dos Santos tenta clarifica katak ita bele fo fundo empréstimo ba sira, maibé iha problema Lei la fo dalan. Então Ministério Ensino Superior orienta ona nia jurídico Ensino Superior nian atu bele elabora hikas decreto Lei kona ba fundo empréstimo nian ne’e atu bele iha possibilidade no hodi bele atribui mós ba instituições Ensino Superiores Privadas sira. Tanba ne’e mak Ministério iha política ida ba futuro nian atu bele halo fundo empréstimo ba instituições Ensino Superiores sira no mós ba bolsas nebé mak sai grau académico nian.

Ministro Ensino Superior Ciência no Cultura Longuinhos dos Santos tau ona iha concideração atu iha tempo badak sei convida reitores sira hotu housi Ensino Superior Publico no privadas sira hotu atu koalia ba assunto ne’e. (Leo S’mauS)

Leave a Reply

Your email address will not be published. Required fields are marked *