shadow
Diocese de Dili > NOTÍCIAS > Notícias > CASO RECUPERADO AUMENTA BA 22, NAIN 6 SEI IHA FATIN ISOLAMENTO

CASO RECUPERADO AUMENTA BA 22, NAIN 6 SEI IHA FATIN ISOLAMENTO

DILI 10 Maio 2020 (DCAD) – Centro Integrado Gestão de Crise (CIGC), liu housi Porta-voz Cordenadora Força-Tarefa Prevenção e Mitigação Surto Covid-19, Dra. Odete Viegas clarifica daduz ba loron ohin (10/05/2020) katak, caso recuperado hamutuk (22). Housi 22 ne’e, nain 18 caso positivo no 4 seluk caso provável. Enquanto caso ativo baixa iha isolamento Vera Cruz dadaun ne’e hela deit nain ne’en.

Tuir esplicação housi Centro Integrado Gestão de Crise (CIGC), liu housi Porta-voz Cordenadora Força-Tarefa Prevenção e Mitigação Surto Covid-19, Dra. Odete Viegas katak, paciente nain ne’en nebé sei sei halo hela tratamento ativo iha sala isolamento Vera Cruz ne’e Maioria mai housi claster Hotel Katuas. Total profissionais saúde iha quarentena hamutuk 53 no aumento de número Profissionais ne’e mai housi sira nebé mak halo tratamento iha fatin isolamento, dehan Porta-voz Cordenadora Força-Tarefa Prevenção e Mitigação Surto Covid-19, Dra. Odete Viegas iha sala de situação Centro Convenção Dili (CCD) domingo ne’e.

Tuir Dra. Odete katak, total número comulativo teste hamutuk (909), nafatin hein resultado iha (104), caso confirmado mantein (24), caso foun felizmente laiha, resultado laboratório negativo (781). Entretanto total ema sira nebé iha quarentena no auto quarentena hamutuk 151. Quarentena obrigatório iha Dili hamutuk 89 no auto quarentena iha 3, quarentena obrigatório iha município hamutuk 38 no auto quarentena iha município iha 31. Sira nebé passa ona loron sanulun resin haat iha quarentena hamutuk 1662 no iha município 445. Nune’e total 2108.

Centro Integrado Gestão de Crise (CIGC), liu housi Porta-voz Cordenadora Força-Tarefa Prevenção e Mitigação Surto Covid-19, Dra. Odete Viegas nafatin apela ba público liu-liu ba Presidente Autoridade Município sira, Diretores Saúde Municípais, Diertores Hospitais Referais no Hospital Guido Valadares no mós Líderes comunitárias hotu katak equipa Ministério Saúde hamutuk ho Centro Integrado Gestão de Crise halao tiha ona teste ba dahuluk nebé hahu iha 5 too 8 de Maio. No aban (11/05/2020) sei tama ba fase daruak hahu housi 11 too 15 de Maio, ho objetivo ida katak atu bele hetan karik iha ona transmissão local iha comunidade nia leet. (Leo/Alin)

Leave a Reply

Your email address will not be published. Required fields are marked *