shadow
Diocese de Dili > NOTÍCIAS > Notícias > CNRT RETIRA AN PÚBLICAMENTE HOUSI GOVERNO ACTUAL

CNRT RETIRA AN PÚBLICAMENTE HOUSI GOVERNO ACTUAL

 DILI 11 Maio 2020 (DCAD) – Baseia ba Acta reunião Congresso Nacional de Reconstrução de Timor-Leste (CNRT), Comissão Política Nacional (CPN) iha loron 30 abril 2020 nian katak, membros Comissão Política nebé presentes tuir lista presença hala’o reunião iha sede Partido CNRT atu halo análiza ba situação política iha rai laran. Presidente Partidos informa ba membros Comissão Política Nacional (CPN) katak Sr. Primerio Ministro anuncia tiha ona iha imprensa katak sei fo posse ba ema nain ne’en housi Partido FRETILIN iha remodelação boot ida ba Governo.

Jacinto Regoberto Gomes de Deus I Adjunto Secretária Geral Partido CNRT segunda ne’e, declara publicamente liu housi Conferência Imprensa iha Cede CNRT Rua Bairro dos Grilos Dili katak Partido Congresso Nacional de Reconstrução de Timor-Leste (CNRT) retira an públicamente housi Governo actual.

“Comissão política Naciona depois de halo análiza klean ba desemvolvimento político iha rai laran, decide fo mandato ba Presidente do Partido atu hakerek Carta ba Primeiro Ministro kona ba resolução hanesan tuir mai ne’e; (a), atu declara publicamente katak CNRT nuudar Partido retira an públicamente housi Governo actual; (b), atu recomenda ba hotu-hotu nebé iha Junho de 2018 Partido mak indigita hodi simu posse no halo parte iha  atual Governo atu resignaan ho livre vontade; (c), Atu permite liberdade de escolha ba sese deit nebé ho razões puramente pessoais hakarak hela nafatin iha actual Governo, maibé lakon kedas laços políticos ho partido hodi nune’e “nia ou sira” la representa iha “nia no sira” nia decisões nebé hasai nuudar membros Governo nian. Resolução ne’e hetan aprovação housi por unamidade housi membro da Comissão Política Nacional CNRT, hateten Jacinto Regoberto Gomes de Deus I Adjunto Secretária Geral Partido CNRT segunda ne’e, liu housi Conferência Imprensa iha Cede CNRT Rua Bairro dos Grilos Dili”.

Biban hanesan, II Vice Presidente Partido CNRT Virgílio Smith hatutan tan katak, ohin declara ona decisão Partido nian katak CNRT nuudar Partido retira housi VIII Governo. Carta ida ne’e haruka ona ba Primeiro Ministro. Partido CNRT políticamente no legalmente retira an housi VIII Governo. Virgílio Smith hateten, ba membro sira ida-idak livre escolha, maibé la representa ona Partido significa hakotu ona sira nia laços ho Partido. (Alin)

Leave a Reply

Your email address will not be published. Required fields are marked *