shadow
Diocese de Dili > NOTÍCIAS > Notícias > ONU PRONTO APOIO TL COMBATE HAMLAHA DURANTE PERIODO COVID-19

ONU PRONTO APOIO TL COMBATE HAMLAHA DURANTE PERIODO COVID-19

DILI 11 Maio 2020 (DCAD) – Primeiro Ministro acompanhado housi Ministro Transporte no Comunicação José Agustinho da Silva cria reunião ho Cordenador Residente Organização Nações Unidas (ONU), Roy Trivedy hodi trata assunto assisténcia Humanitária ba Timor-Leste durante periodo Covid-19.

Remata tiha encontro refere, Ministro Transporte no Comunicação José Agustinho da Silva convoca reunião haktuir objetivo housi reunião ne’e katak, encontro nebé ohin Primeiro Ministro Taur Matan Ruak halo ho Cordenador Residente Organização Nações Unidas ONU Roy Trivedy trata liu ba assunto assisténcia Humanitária ba Timor-Leste durante periodo Covid-19. No encontro ida ne’e mos koalia kona ba oinsa ita nia preparação ba futuro atu concretiza iniciativa ida ne’e, tanba apoio ida ne’e nuudar apoio assisténcia humanitária ba Timor-Leste. Oinsa mak atu facilita equipamento médico hanesan ai-moruk no facilita ita tanba agora ita planea atu sosa aihan liu-liu fos housi rai liur, haktuir  José Agustinho da Silva segunda ne’e iha Palácio do Governo Dili.

Tuir Governantes ne’e katak ita precisa transportação. Tanba ne’e mak Secretário Geral ONU manda carta ida mai atu facilita cargo regionais no mos passageiros hodi facilita Timor-Leste ligado ba iha actividade covid-19 nian.

Iha fatin hanesan, Coordenador Residente Organização Nações Unidas (ONU), Roy Trivedy haktuir mos katak encontro ho Chefe Governo Taur Matan Ruak ne’e koalia liu kona ba plano nível global atu suporta humanitária iha setor Aero liu-liu Charter Voo nebé organizado housi WFP inclui parseiro ONU nebé atu ajuda cada País hodi fo apoio segurança aihan no aimoruk ba cada país no pessoal.

 Roy Trivedy afirma katak ami pronto atu tulun Governo wainhira precisa ami nia suporta atu combate hamlaha liu housi importação fos housi rai liur hanesan Vietname ho Cambodia. Relaciona ho equipamento médico ninian, Nia parte acressenta katak antes fulan ne’e remata fase dahuluk ai moruk bele too ona Timor-Leste. (Leo S’mauS)

Leave a Reply

Your email address will not be published. Required fields are marked *