shadow
Diocese de Dili > NOTÍCIAS > Notícias > VICE PRESIDENTE PARLAMENTO NACIONAL PRONTO LIDERA MESA PARLAMENTO

VICE PRESIDENTE PARLAMENTO NACIONAL PRONTO LIDERA MESA PARLAMENTO

DILI 12 Maio 2020 (DCAD) – Primeira Vice Presidente Parlamento Nacional, Deputada Maria Angelina Sarmento Lopes housi Bancada Partido Libertação Popular (PLP) terça ne’e, haktuir katak Deputados 33 lakon confiança ba Presidente Parlamento Nacional Arão Noé de Jesus da Costa Amaral tanba la agenda Plenária.

Liu housi intervenção Primeira Vice Presidente Parlamento Nacional Deputada Maria Angelina Sarmento Lopes nian katak tuir lolos Presidente Parlamento Nacional simu responsável ida ne’e politicamente no moralmente tau ona ba agenda pedido destituição ne’e, tanba Presidente Parlamento ne’e povo la hili direitamente, maibé hili liu housi deputado sira iha Parlamento. Então Deputado sira lakon fiar ona la deposita ona confiança ba Presidente Parlamento Nacional no hakarak retira confiança ida ne’e housi Presidente Parlamento Nacional.

Vice Presidente Parlamento Nacional ne’e argumenta tan katak Iha Regimento Parlamento Nacional artigo 14 Número 4 haktuir, quando Presidente Parlamento falta ka iha inpedimento ruma, maka sei substitui rotativamente housi Vice Presidente sira. Nune’e mos Regimento Parlamento Nacional artigo 22 Número 1 haktuir mos katak Vice Presidente sira sei substitui rotativamente wainhira Presidente Parlamento falta ka iha inpedimento ruma. No karik Vice Presidente rua ne’e laiha hotu, Deputado ida nebé katuas liu bele assume fali responsabilidade hodi lidera plenária.

Relaciona ho pedido destituição nebé ohin hanesan último dia, Deputada Maria Angelica Sarmento Lopes dehan, Ohin ne’e último dia pedido destituição. Se Presidente Parlamento Nacional actual la agenda, ne’e Presidente Parlamento Nacional tem que hatene katak Parlamento Nacional hanesan orgão colectivo, so Presidente da República mak la iha ema ida subtitui tanba nia unipessoal, maibé Presidente Parlamento Nacional ne’e orgão coletivo, tenik Maria Angelina Sarmento Lopes terça ne’e iha Parlamento Nacional.

Deputada ne’e reforça tan katak, wainhira ita halo elaição ba Presidente Parlamento Nacional tuir kedas halo eleicões ba Vice-Presidente sira. Então quando Presidente Parlamento falta ka iha inpedimento ruma, regimento fo dalan atu Vice Presidente sira halo fali kna’ar Presidente Parlamento Nacional nian hodi lidera plenária.

Vice-Presidente ne’e garante katak sira sei assume cargo refere tanba Parlamento Nacional hanesan orgão coletivo ida la’os unipessoal. Nebé ema ida laiha karik seluk bele assume tanba iha regimento mos hateten. No karik Vice-Presidente rua ne’e laiha hotu maka deputado ida nebé katuas liu bele assume fali responsabilidade hodi lidera plenária.

Hatan ba atu lidera mesa Parlamento Nacional Primeira Vice Presidente Parlamento Nacional Deputada Maria Angelina Sarmento Lopes housi Bancada Partido Libertação Popular (PLP) ho confiança tomak hateten, Kona ba lidera ne’e hau hanoin hanesan Vice Presidente consequência hotu hanesan político no legal tem que assume tanba ho sitauação ida hanesan ne’e ita labele pronto atu assume. (Leo/Alin)

Leave a Reply

Your email address will not be published. Required fields are marked *