shadow
Diocese de Dili > NOTÍCIAS > Notícias > HENRIQUE MAIA SOARES; OHIN HA’U LA’O ONA TO’O ROHAN NO MAI SARAN A’AN BA ITA

HENRIQUE MAIA SOARES; OHIN HA’U LA’O ONA TO’O ROHAN NO MAI SARAN A’AN BA ITA

 DILI 23 Junho 2020 (DCAD) – Pe. Angelo Salsinha preside missa ba matebian Henrique Maia Soares ho idade (21), nebe maka hakotu i’is iha recinto Universidade da Paz (UNPAZ) iha Domingo (21/06) maizoumenus tuku 2:00 madrugada.

Matebian Henrique Maia Soares, moris iha aldeia Efaka iha loron 24/04/1999,no  hanesan oan primeiro housi Inan Domingas Soares no Aman Domingos Maia, Nudar membro Policia Unidade Batallião Ordem Público (BOP), durante ne’e hela iha aldeia Efaka, Suco Manleuana, Posto Dom Aleixo no Municipio Dili. Tuir familia matebian Henrique Maia Soares, ohin evaqua mate isin ba Era-Ulu, Posto Letefoho, Municipio Ermera no sei halot mate isin iha loron quarta (24/06).

 “Ohin ha’u la’o ona to’o rohan, no oras ne’e Nia saran a’an ba Maromak, ida nebe uluk Maromak ida nebe convida ba nia, fó moris ba nia, fó tempo no espassu ba nia hodi hamutuk ho nia inan-aman no ho nia colegas sira to’o remata entrega nia a’an tomak. Oras ne’e nia hasa’e a’an tomak ba Maromak, buat hot-hotu bele iha, comprende la comprende oras ne’e nia saran nia a’an tomak ba Maromak.” dehan Pe. Angelo Salsinha iha ninia homilia iha missa ba matebian Henrique Maia Soares iha Capela Manleuana, terca (23/06) semana ne’e.

Pe. Angelo Salsinha hateten “Vida nebe importante tebes ba ita la’o iha mundo  ida ne’e ida-idak ho ninia historia rasik, dalan moris rasik no ita nia obrigação mak tem que tulun malu, comprende malu, orienta ba malu no hatudu dalan ba malu atu cumpre dalan nebe maka lo’os. Ita moris iha mundo ida ne’e ita laran metin ba maromak no confianca iha maromak, ema ida-idak hakarak buat nebe mak perfeito (terbaik) iha nia moris, la iha ema ida maka moris iha mundo ne’e lakohi atu hakerek mak buat diak ida iha mundo ne’e. maibe ita ema fraco, ha’u hakarak hakerek buat nebe diak liu iha hau nia moris tomak, ha’u hakarak moris to’o tinan atus ida tan, maibe ita nia destino laos ita mak kaer no ita moris laos ita mak determina, maibe buat hot-hotu maromak plano nanis ona.

“Sei Ita moris iha mundo ida ne’e, Ó nia moris maka nakonu deit ho problema, então Ó hakerek deit mak problema no sei Ó nia moris maka nakonu ho mengeluh hela deit maka Ó hakerek deit mak mengeluh loron-loron iha Ó nia moris, no ó nia historia mak du’un ba ema seluk ba mai no la’o iha mundo ne’e lakohi hili buat diak ruma hodi tau ba o nia kohe, maka Ó nia destino to’o ó nia kohe mamuk no ema hateke ba Ó nia kohe buat ida sei laiha. No Sei ó comprende maromak ho ó nia kbit no forca tomak maka Ó nia historia sei marka iha mundo ida ne’e ho furak ba familia tomak.”

Pe. Angelo Salsinha dehan; Ba matebian Henrique Maia Soares nia sei ba apresenta ba maromak kona ba durante tinan 21 hala’o nia moris iha mundo ida ne’e, nia sei la subar buat nebe a’at no diak iha moris tomak no buat hotu sei entrega hotu ba maromak rasik. Ita nia peregrinação iha mundo ne’e dalan importante maka dalan haraik a’an, passiencia, Cruz, sacrificio, hamahon ita nia a’an no dalan confianca ba maromak nia domin, ida ne’e mak ita ona historia nebe furak iha moris loro-loron nian iha mundo ida ne’e. Oras ne’e Henrique nia hatene ona resposta katak saida mak dalan no saida mak lia los no saida mak moris tanba nia oras ne’e hamutuk ona ho maromak, então nia comprende ona dalan no comprende resposta lia-los no moris ba moris nia nain mak maromak. (L.S’mauS)

Leave a Reply

Your email address will not be published. Required fields are marked *