shadow
Diocese de Dili > NOTÍCIAS > LETURA DIÁRIA > XIII DOMINGO TEMPO COMUM (ANO A)

XIII DOMINGO TEMPO COMUM (ANO A)

Primeira Leitura           2 Rs. 4, 8-11. 14-16a

Lia housi Livro Liurai sira nian:

Iha loron ida, profeta Eliseu liu housi Suném. Moris iha nebá feto ida, ema boot, nebé hakahik Eliseu atu ba han ho nia. Hahú ba ne’e, wainhira liu housi iha nebá, nia ba han iha uma ne’e. Feto ne’e dehan ba nia la’en: ha’u hanoin ema nebé mai bei-beik ita uman, ema di’ak ida, nia Maromak emar. Ne’e duni, ita haruka halo fatin ida, iha uma leten, didin ho fatuk; iha nebá, ita sei tau cama ida, mesa ida, cadeira ida ho ahi-oan ida. Wainhira nia mai iha ita uman, nia bele hela iha nebá.  Loron ida, Eliseu too ba hodi ba hela iha fatin ne’e, atu bele hamahan-an oitoan. Hafoin, nia husu ba nia atan Guecázi: “ita bele halo sa ba feto ne’e?” Guecázi simu: “feto ne’e la iha oan, nia la’en mos otas liu ona”. Eliseu dehan fali: “bolu feto ne’e mai!” atan ne’e ba bolu feto ne’e mai hamrik iha odamatan. Profeta dehan ba nia: “iha tempo ne’e duni, iha tinan oin mai, ó sei ko’us oan ida”.

Maromak Futar Lia.

 

Salmo Responsorial                                                                                                                                           Sal. 88, 2-3, 16-17. 18-19

Refrão : Ha’u hananu ba nafatin Maromak nia kmanek!!! Repete-se

Sei hananu ba nafatin Maromak nia kmanek

Housi oan ba bei-oan ha’u sei haklaken nafatin.

Nai koalia: “Maromak nia kmanek harí nafatin.

Harí iha lalehan tuir lia kmanek”. Refrão

 

Rahun di’ak ba povo nebé hahí Maromak;

Nai, nia sei lao tuir ita nia dalan.

Kalan loron Ita naran sei haksolok nia,

Ita nia justiça fo kbiit ba nia. Refrão

 

Tan nia kmanek no kbiit mak Ita,

Hodi Ita Boot nia tulun, Ita hahí Ita kbiit.

Nai mak ami nia Maksoyn,

Ami nia Liurai mak Israel nia santo. Refrão

 

Segunda Leitura                                                                                                                                                                 Rom. 6, 3-4. 8-11

Lia housi São Paulo nia surat ba sarani sira iha Roma:

Maun alin sira: ita hotu nebé simu oan baptismo iha Jesus Cristo, ita simu baptismo iha nia mate; hanesan Cristo moris hias housi mate, hodi Aman nia kbiitm nune’e mos, ita sei lori moris foun ida.Ita mate karik ho Cristo, ita mos fiar katak ita sei moris hias ho Nia. Nune’e, moris hias tiha, dala ida housi mate, Cristo la bele mate tenik; mate la iha tan kbiit hasoru Nia. Cristo, hodi mate nebé Nia terus, Nia mate dala ida deit ona ba salan; maibé, ho moris nebé Nia iha, Nia moris ba Maromak. Nune’e, imi mos, sei hanoin katak mate ona ba salan, hodi moris ba Maromak, hamutuk ho Jesus Cristo.

Maromak Futar Lia.

 

Aclamação                                                                                                                                                                                         Mt. 10, 38

Refrão : Aleluia, Aleluia!! Repete-se

Ema nebé la simu nia Cruz

Atu bele tuir Ha’u,

Laos Ha’u nian. Refrão

 

Evangelho                                                                                                                                                                                    Mt. 10, 37-42

Na’i Jesus Cristo nia Evagelho nu’udar São Mateus haktuir:

Iha tempo nebá, Jesus hateten ba Apóstolo sira: “ema nebé hadomi nia aman no inan liu Ha’u, nia laos Ha’u nian. Ida nebé la simu nia cruz atu bele tuir Ha’u, nia laos Ha’u nian. Ida nebé buka deit nia moris, nia sei lakon moris ne’e; ida nebé lakon nia moris tan Ha’u, nia sei hetan moris. Ema nebé simu imi, simu Ha’u; ida nebé simi Ha’u, simu ida nebé haruka Ha’u mai. Ida nebé simu profeta ida tan nia profeta, nia sei simu kolen profeta nian; ema nebé simu ema di’ak ida, tan nia ema di’ak, nia simu kolen ema di’ak nian. Ida nebé fo, maske we malirin kopu ida ba kiik oan sira ne’e ida, tan nia Ha’u nia escolante, Ha’u dehan tebes ba imi; nia sei la lakon nia kolen”.

Lia Maksoyn.

Leave a Reply

Your email address will not be published. Required fields are marked *