shadow
Diocese de Dili > NOTÍCIAS > Notícias > Agora Loke Ona Aeroporto no Porto Sira, Hodi Autoriza Ema Tama Ona Timor

Agora Loke Ona Aeroporto no Porto Sira, Hodi Autoriza Ema Tama Ona Timor

DILI, 30 Junho 2020 (DCAD) –Primeiro Ministro Taur Matan Ruak, Hato’o liafuan hirak ne’e iha ceremonia enceramento no desmantela Sala de Situação–Centro Integrado Gestão de Crise (SS-CIGC), iha Centro Convenções Dili 30/06 segunda ne’e.

“Agora ba oin ita loke ona Aeroporto no Porto sira, hodi autoriza ema tama ona iha ita nia rain, importante mak ema sira nebé tama mai ne’e tem que cumpre nafatin regras sira nebé iha ona.” Dehan Primeiro Ministro Taur Matan Ruak

Primeiro Ministro Taur informa katak; Agora moras ne’e la iha ona ihaTimor, maibé ita nia nação vizinho sira sei iha. Tanbá ne’e maka oinsá ita bele controla ita nia fronteiras ba ema sira nebé mai, sira tem que cumpre nafatin regras Ministério Saúde nebé mak estabelece ona.

Taur Matan Ruak hatutan; Ita bele ona autoriza ema tama ona mai ita nia rain, hanesan funcionario nacões Unidas nian, embaixada Cina nian no emprezario sira nebé serviço iha ita rain atu tau matan ba projeto sira, ita haruka sira tem que tama. Ne’e significa ba oin ita sei haruka husik tama mai ita nia rain, maibé sira tem que cumpre nafatin regras ka medidas Saúde nian.

Ba ema sira nebé hakarak tama ita nia rain, bele tama maibe sira tem que cumpre regras no sira sei apresenta a’an iha Ministério da Saúde atu ita halo nafatin quarentena nafatin ba sira.

Recomendação housi Primeiro Ministro Taur Matan Ruak apelo ba população tomak atu reforca deit buat nebé Ministério Saúde tihan barak ona fó, atu ita hotu tuir tanba ita nia saúde iha ita liman rasik. Sei ita nia cidadão sira la tau atenção maka perigozo ba sira nia vida, ba sira nia familia, comunidade no ba nação tomak. Tanba ita hotu hatene nação ida labele parado total ho situação estado emergência deit, tanba ita estado emergência fulan tolu deit, ema barak hakilar ona dehan hahan laiha, serviço laiha no dehan sira iha uma baruk ona, tanba ne’e  estado emergência ba tinan ida tomak hau hanoin ladun diak, ne’e laos deit ita combate covid-19, maibé ita bele hakoi mos cidadão sira tanba hamlaha no la iha serviço ba sira. tenik Primeiro Ministro Taur Matan Ruak. (L.S’mauS)

Leave a Reply

Your email address will not be published. Required fields are marked *