shadow
Diocese de Dili > NOTÍCIAS > Notícias > Irmã SSPS Na’in 3 Simu Primeira Votos No Me. Cristina Wolla Halo Tinan 25 moris nu’udar Religiosa

Irmã SSPS Na’in 3 Simu Primeira Votos No Me. Cristina Wolla Halo Tinan 25 moris nu’udar Religiosa

DILI-02Julho 2020 (DCAC)- Congregação Serva do Espírito Santo (Ssps) Iha Timor -Leste, celebra vigésimo quinto aniversaria ba Me. Cristina Wolla, SSPS, moris nu’udar Religiosa ba iha congregação Ssps no inclui Irmãs Na’in tolu simu primeiro Votos maka hanesan; Ir. Joana Salsinha, Ir. Maria Alicia Lobato, no Ir. Eduarda Graciana Soares, hodi hatan “Sim” ba Maromak. Iha celebração ne’e preside missa housi Archebispo metropolitana de Dili Dom. Virgilio do Carmo da Silva, SDB, iha Paróquia São Tiago Hera iha loron Segunda (02/07/2020).

Iha entrevista Archebispo metropolitana de Dili Dom. Virgilio haktuir katak; primeiro ha’u nia parabens ba Me. Cristina, nebé mak ohin celebra  ninia vigésimo quinto aniversario ka “Bodas De Prata” nu’udar Religiosa. No nu’udar religiosa tinan 25 ne’e katak nia lao tiha ona lubuk ida no nia moris koko saida mak moris hanesan religiosa. Iha tinan 25 ne’e hare fila fali ba kotuk sempre sai momentu ida atu bele recopera buat lubuk ida, no Maromak sempre bolu atu la’o besik liu tan ba nia tuir dalan santidade nian.

Aproveita oportunidade ida ne’e, atu agradece ba Maromak no aumesmo tempo husu Maromak atu fo nafatin força, kbiit no coragem atu bele fiel liu tan hodi hatan nafatin lor-loron bolu nebé Na’i fó ona ba nia. Dehan Archebispo Dom. Virgilio do Carmo da Silva, SDB.

Tuir bibi atan Arquediocese Dili katak; “kona ba Irmãs Na’in tolu nebé foin hahu ba profissão religiosa ne’e hanesan encontro domin nian, nebé Na’i Maromak bolu fetoran sira no foin sa’e sira ida nebé hakarak tuir nia  saran nia an atu dedica ba uma creda.”

Archebispo Dom. Virgílio esplica; Tanba ne’e sira nia bolu no sira nia hatan ne’e sai mós inspiração ba  iha foin sa’e barak, tanba ohin loron iha mundo ne’e ita hatene katak lia Timor mós iha dalan oin-oin ba moris nian. No sira hatene katak iha mós dalan ida nebé bele atu saran sira nia an ba Maromak. La’os forma família deit, buka osan ka forma buat nebé mundo nian, maibé sira mós hatene atu hatudu sira nia genorosidade fo an dedika an hodi serbi sira nia maluk sira liu hosi uma Creda particularmente congregação nian no iha sira nia votus katak ema ida-idak iha Na’i Maromak nia plano ba ema hot hotu.

Iha biban hanesan Me. Cristina Wolla, SSPS, nebé celebra  vigésimo quinto aniversario dehan; ha’u sente agradece tanba ohin bele celebra tinan 25 nu’udar moris religiosa nian, no durante 25 anos hala’o ha’u nia missão sempre tuir ha’u motto katak “ Maromak laran di’ak ho Nia domin Rohan Laek” (Sal,105).

Me. Cristina Wolla hatutan katak; Durante tinan 25 nia laran la’os ha’u mak fiel maibé Maromak mak fiel tanba durante tinan 25 nia laran hetan terus barak, tanis, no dala ruma mós hamnasa maibé ha’u sente katak Maromak sempre la’o hamutuk nafatin ho ha’u no la husik ha’u atu lao mesak. (Alin S. Gama)

Leave a Reply

Your email address will not be published. Required fields are marked *