shadow
Diocese de Dili > NOTÍCIAS > LETURA DIÁRIA > Sexta-Feira, XIII Semana Tempo Comum (ANO A)

Sexta-Feira, XIII Semana Tempo Comum (ANO A)

São Tomé, Apóstolo

Festa

 

Primeira Leitura                                        Ef. 2. 19-22

Lia Housi São Paulo nia Surat ba sarani sira iha Éfeso:

Maun alin sira: imi la’os ona ema rai seluk nian no mós la’os ema liur nian; imi ema sarani lós nian no emar Maromak Nia uma laran. Imi hari ona iha airin hun Apóstolo no Profeta sira leten, nebé Jesus Cristo nu’udar fatuk inan. Iha Cristo mak hari uma metin lós nian, foti atu hodi halo Na;i nia templo santo ida. Atu hamutuk Nia, imi mós tama ona iha uma ne’e, atu Espírito Santo, imi bele sai Maromak nia hôrik fatin.

Maromak Futar Lia.

 

Salmo Resposorial                                                                                         Sal. 116(117). 1, 2 (R. cf. Mc. 16. 15)

Refrão : Imi ba mundo tomak haklaken Evangelho!!! Repete-se

Hahí ba Na’i, nação hot-hotu;

Hananu ba Na’i, povo tomak. Refrão

 

Nia laran-luak hela metin ho ita;

Na’i nia laran metin hôrik nafatin. Refrão

 

Aclamação                                                                                                                                                         Jo. 20. 29

Refrão : Aleluia. Aleluia! Repete-se

Jesus lia tun teni ba Tomé: “Ó fiar tan ó hatene tiha Ha’u.

Ksolok ba sira nebé fiar maski la haré”. Refrão

 

 Evangelho                                                                                                                                                   Jo. 20. 24-29

Na’i Jesus Cristo nia Evangelho nu’udar São João haktuir:

Tomé, sira na’in sanulu resin rua ne’e ida, nebé ema hanaran kaduak, la hamutuk ho sira wainhira Jesus mosu. Tan ne’e, escolante sira hateten ba nia: “Ami haré ona Na’i!” Maibé nia hatan ba sira: “Ha’u la haré karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama ha’u nia liman iha nia sorin, ha’u sei la fiar”. Liu tiha loron ualu, escolante sira halibur fali iha uma laran. Tomé mós hamutuk ho sira. Odamatan sei taka hela, Jesus mosu hodi hamriik iha sira leet dehan: “Dame hela ho imi!” Hafoin Nia hateten ba Tomé: “Hatama ó nia limanfuan mai, no haré Ha’u nia liman; lolo ó nia liman hodi hatama iha Ha’u nia sorin. Ó keta laran tós, maibé fiar!” Tomé hatan dehan ba Jesus: “Ha’u Na’i, ha’u Maromak!” Jesus lia tun teni ba nia: “Ó fiar tan ó haré Ha’u. Ksolok ba sira nebé fiar maski la haré”.

Lia Maksoyn.

Leave a Reply

Your email address will not be published. Required fields are marked *