shadow
Diocese de Dili > NOTÍCIAS > LETURA DIÁRIA > Sexta-Feira, XIII Semana Tempo Comum (ANO A)

Sexta-Feira, XIII Semana Tempo Comum (ANO A)

Primeira Leitura                 Am. 8. 4-6, 9-12

Lia housi Profecia Amós nian:

Rona didiak mai! Imi sira be sama hanehan ema kiak sira, imi sira be hakarak halakon tiha kiik sira iha rai klaran. Imi dehan: “Wainhira mak sei liu fulan fuan atu ita bele fa’an tiha ita nia aihan? Wainhira mak sei liu fulan foun atu ita bele fa’an tiha ita nia aihan? Wainhira mak sábado sei atu ita bele loke ita nia armazem hodi fa’an ita nia trigo? Ita sei halo ita nia sasukat sira ki’ik liu tan, ita sei hasa’e osan mutin nia folin, ita sei halo ita nia osan, sosa ema kiak sira. Ita sei hodi ita nia osan, sosa ema kiak sira. Ita sei sosa duni ema kiak sira hodi chinela par ida. Ita nia nia trigo ikis sira mós, ita sei fa’an hotu”.

Na’i Maromak dehan: “Iha loron nebá sei mosu nune’e: Hha’u sei halo loro nian roman l;akon iha meudia, no rai sei nakukun tomak iha loron tomak. Ha’u sei nakfila imi skolok ba luto; imi nia knananuk sira be halerik. Ha’u sei tau futu – kabun iha imi nia knotak hotu, imi nia fúuk sei koi mós hotu. Ha’u sei haraik luto hanesan  luto ba oan mesak ida; nia rohan sei sai hanesan loron susar nian ida”. Na’i Maromak dehan: “ Loron hirak be sei mai, Ha’u sei haruka hamlaha mai rai: la’os hamlaha ba aihan, la’os hamrok ba ué, maibé atu rona Na’i nia liafuan. Sira sei la’o sidi housi tasi ida ba tasik seluk, sira sei la’o lemo rai housi tasi feto to’o loro-sa’e hodi buka Na’i nia liafuan, maibé, sira sei la hetan”.

Maromak Futar Lia.

 

Salmo Responsorial                                                          Sal. 118 (119). 2, 10, 20e, 30, 40, 131 (R. Mt. 4. 4)

Refrão : Ema la moris de’it ho aihan, maibé ho liafuan sira nebé sai housi  ibun Maromak nian!!! Repete-se

ksolok ba sira nebé moris tuir Na’i nia lei,

hodi buka Nia ho neon no laran tomak.

Ho neon no fuan tomak ha’u buka Ita, Na’i,

Keta husik ha’u fila kotuk ba ita ukunfuan. Refrão

 

Ha’u klamar hamrook,

Atu halo tuir nafatin Ita hakaran.

Ha’u hili tiha ona dalan lialós nian,

Hodi tau ha’u oin Ita ukunfuan. Refrão

 

Haré mai, oinsá ha’u hadomi Ita lei;

Halo ha’u moris tuir Ita justiça.

Ha’u loke ha’u ibun hodi dada iis,

Tan ha’u hamrook ba ita ukunfuan. Refrão

 

Aclamação                                                                                                Mt. 11. 28

Refrão : Aleluia, Aleluia!! Repete-se

Na’i lia tun dehan, mai hamutuk ho Ha’u imi sira nebé kole no imi sira be ema hanehan;

Ha’u sei hasai tiha imi nia naha”. Refrão

 

Evangelho                                                                                                                                                       Mt. 9. 9-13  

Na’i Jesus Cristo nia Evangelho nu’udar São Mateus haktuir:

Iha tempo nebá, wainhira Jesus liu daudaun, Nia haré ema ida naran Mateus, tur hela iha fatin kobra osan nian hodi tuir kedas Jesus.

Loron ida nebé Jesus tur hela iha mesa iha Mateus nia uma. Ema publicano no ema maksalak sira barak mai tur iha mesa ho Jesus no nia escolante sira: “Tan sá imi nia mestre han hyo ema publicano no ema maksalak sira?” Maibé, Jesus rona hela sira ko’alia, hodi hatan ba sira: “La’os sira nebé isin di’ak mak buka doutor, maibé, sira be moras. Imi ba buka hatene liafuan ne’e katak sá: “Ha’u hakarak laran-luak, la’os sacrifício. Ha’u la mai atu bolu ema nebé lós, maibé ema maksalak sira”.

 Lia Maksoyn.

Leave a Reply

Your email address will not be published. Required fields are marked *