shadow
Diocese de Dili > NOTÍCIAS > Notícias > OLINDA KEIXA ONA DEPUTADA CNRT NA’IN RUA BA MINISTÉRIO PÚBLICO

OLINDA KEIXA ONA DEPUTADA CNRT NA’IN RUA BA MINISTÉRIO PÚBLICO

DILI, 8 JULHO 2020 (DCAD) – Deputada Bancada Parlamentar Kmanek Haburas Unidade Nacional Timor Oan (KHUNTO), Olinda Guterres keixa ona Deputada na’in rua (2) housi Bancada Congresso Nacional Reconstrução de Timor (CNRT) Maria Fernanda Lay ho Virgina Ana Belo ba Ministério Público.

Deputada Olinda hateten, nia caso ne’e nia parte keixa qualidade hanesan Chefe Bancada KHUNTO iha parlamento Nacional.

“Ohin Loron 8 fulan Julho 2020, ha’u nia advogado PRIVADO ba halo keixa ona deputada na’in rua; Deputada Maria Fernanda lay ho deputada Virginia Ana Belo ba ministério Público (MP). Tuir lolos ne’e processo ha’u keixa de’it Deputada Fernanda lay nebé asalta ha’u iha sala Parlamento Nacional iha terça feira Loron 16 Junho liu ba, maibé iha continuação ho Deputada Virgina Ana Belo hakat liu ba iha ha’u nia meja hodi tuku ha’u atu mate, então ha’u tem que kesar sira na’in rua dala ida de’it, dehan  Deputa Olinda iha ressinto Parlamento Nacional quarta ne’e”.

Tuir Olinda katak razão housi halo keixa ne’e tanba considera hanesan crime boot ida nebé hasoru ema ho idade ho avansado. Tanba ne’e nia parte husu tribunal mak sei tesi lia atu nune’e ita bele hatene se mak sala no se mak los iha justiça nia oin.

“sira mai ataca ha’u tanba ha’u hateten “Pirata” Maibé tuir ami nia makasae ne’e katak pi ne’e dehan ita no rata ne’e dehan liurai. tanba ne’e ha’u dehan liurai”.

Deputada Bancada CNRT Virginia Ana Belo hatan ba questão ne’e katak, nia pronto atu ba hatan no wainhira nia hetan notificação hosi parte ministério Público.

“Ha’u pronto no preparado ba qualqer momento wainhira mak ministério público hakarak notifica. maibé atu fo hanoin de’it katak, advogado sira tem que hare no lee didiak artigo 94 nebé iha Constitucão nian hodi hatene processo ne’e la’o ka la’e, no ha’u neim prepara advogado ida, tanba ne’e ha’u hein notificação tenik Deputada Bancada CNRT Virgina Ana Belo”.

Entretanto Deputada Virgina Ana Belo espera katak processo caso ne’e lalais di’ak liu, maibé tem que tuir lei Constitusional RDTL artigo 94 alinea 1 no 2. (Alin S. Gama)     

Leave a Reply

Your email address will not be published. Required fields are marked *