shadow
Diocese de Dili > NOTÍCIAS > Notícias > PAPA FRANCISCO NIA VISITA MAI TL NE’E LAOS CANCELA MAIBÉ ADIA DE’IT BA TEMPO SELUK

PAPA FRANCISCO NIA VISITA MAI TL NE’E LAOS CANCELA MAIBÉ ADIA DE’IT BA TEMPO SELUK

DILI-10 Julho 2020 (DCAD)- Representante Amo Papa Francisco nian iha Timor-Leste  Mgr. Marco Sprizzi  hasoru malu ho Primeiro Ministro Taur Matan Ruak hodi ko’alia kona ba situação rai laran no Papa Francisco nia visita mai Timor-Leste. Tuir Mgr. Marco declara katak “Santo Padre papa Francisco iha vontade atu visita Timor-Leste iha tinan ida ne’e, Papa nia viagem mai Timor Leste ne’e laos cancela  maibé adia deit ba tempo seluk.” Lia hirak ne’e hato’o housi Mgr. Marco Sprizzi  ba jornalista sira hafoin remata encontro ho PM Taur Matan Ruak iha Pálacio do Governo-Dili. (10/07/2020) Sexta semana ne’e.

Mgr. Marco Sprizzi hatutan tan; “quando ita hakat ona housi crize  ida ne’e, situação facilita ita atu iha posibilidade no dala ida tan katak visita papa Francisco nian sei mai duni iha Timor Leste. Iha momento ida ne’e mós papa acompanha nafatin situação Timor Leste hodi reza no haraik bença mós ba povo Timor.”

Representante Amo Papa Francisco nian iha Timor-Leste ne’e informa katak; “Data nebé fixo ba vizita Papa Francisco atu mai ne’e seidauk hatene los, tamba depende ba andamento corona virus iha mundo, tamba quando papa mai hamutuk ho ema milhão ida iha fatin nebé hanesan então tem que iha vasina no tem que iha condição ho segurança ba ema hotu, atu nune’e iha condição nebé di’ak hodi povo sira bele participa no labele iha risco, ida ne’e mak ita hein ba tinan oin”.

Mgr. Marco esplica katak; “Encontro ida ne’e convida housi Primeiro Ministro atu  informa kona ba atividade governo nian, relaciona ho resolução crize no politica ba integração completa programa governo nian, kona ba recooperação economia nebé ita garantia durante programa governo nian molok enfrenta dificuldade  housi corona virus. Maibé tamba corona virus,  então  iha ambito cooperação no colaboração vaticano no igreja  catolica Timor-Leste ho nação sira seluk sempre serviço hamutuk ho povo ba bem estar povo nian atu sustenta povo nia moris.”

Representante Papa Francisco ne’e esplica liu tan “iha ambito colaboração no dezenvolvimento ne’e hala’o especialmente iha area educação, saúde no mós acompanha area sira nebé mak kiak liu, ida ne’e mak precisa.”

Iha parte seluk representante Papa Francisco iha Timor-Leste ne’e hato’o katak; “Ha’u mós ko’alia ho primeiro ministro kona ba assunto visto missionários estrangeiro sira nian nebé serviço iha ita nia nação, nebé permanente no iha tinan barak sira fo sira nian an ba povo nebé hela iha area rurais, nebé hela iha aldeia no tem que cada tinan ou fulan 6 mai  to’o ministerio interior atu renova sira nia visto maibé sira ne’e hanesan ema timor oan hanesan mós ho timor oan sira nebé tinan 30 iha ne’e, nune’e primeiro ministro mós hatudu interese hodi promete sei hato’o ba ministerio interior katak, ema sira nebé lori misão minimo tinan 5  no laiha limitação, sira ne’e serviço ba vida rai nian, la selu ho osan, so serviço deit ba povo timor oan nia moris diak ho domin”.

Nia dehan ida ne’e sempre hala’o ho ninia caracteristica amizade nian nebé barak ita hetan iha mundo. Vaticano nia colaboração ne’e la’os atu representa interesse estrangeiro nian, maibé Vaticano defende povo timor oan sira nia interesse, ne’e ita hotu nia hakarak.

Kona ba Número exacto ba missionário sira nebé serviço iha Timor Leste, ne’e ladauk hatene lolos maibé, pelo menos  iha ema na’in atus 2  resin. Tenik Mgr. Marco Sprizzi. (L.S’mauS)

Leave a Reply

Your email address will not be published. Required fields are marked *