shadow
Diocese de Dili > NOTÍCIAS > Notícias > HA’U SEI TAU PRIORIDADE ATU HARI’I MONUMENTO HEROI IHA POSTOS

HA’U SEI TAU PRIORIDADE ATU HARI’I MONUMENTO HEROI IHA POSTOS

DILI ,14 Julho 2020 (DCAD) – Ministro ba Assuntos Combatentes Libertação Nacional (MACLN), Júlio Sarmento da Costa “META MALI” declara katak, iha nia mandato sei tau prioridade liu atu hari’i Monumento hamutuk 65 iha postus hodi hakerek naran heroi sira nian.

“Plano sira nebé mak atu hala’o iha ha’u nia mandatu maka atu hari’i Monumento, Jardim herois, atu hakoi restos mortais sira, para atu bele identifica no fó netik resposta ruma ba restos mortais sira nebé hamutuk rihun atus rua maka mate iha funu laran. Ida ne’e mak realidade, dehan Meta Mali hafoin remata encontro ho Primeiro Ministro Taur Matan Ruak iha Palácio do Governo Dili (14/07) Terça semana ne’e”.

 Tuir Meta Mali katak, Iha política governo ida agora ne’e buka hodi reduz restos mortais, ne’e la’os ita discrimina, maibé buka la hetan ona no ke’e mos la hetan duni ona.

 “Política ida nebé mak Secretário Estado Assunto Veteranos sei tun ba base atu halo diálogo ho comunidade sira katak, sei bele ita contribui ba, ita rona malu ba, hodi hapara ona ba buka restos mortais sira ne’ebe mak to’o agora seidauk hetan sira nia ruin. Tanba agora ita buka ruin sira la hetan ona, no ita começa hakoi de’it mak fatuk iha caixão laran. Ne’e ita dignifica, maibé dignifica fatuk de’it mak iha caixão laran, dehan Ministro ba Assuntos Combatentes Libertação Nacional (MACLN), Júlio Sarmento da Costa Meta Mali”.

Tuir Ministro ba Assuntos Combatentes Libertação Nacional (MACLN), Júlio Sarmento da Costa Meta Mali katak, Se plano ida ne’e mak ita consege halo duni, maka ita hahu identifica ona mate sira nebé hamutuk 200.000 mil ne’e. No Mate ne’e labele konta deit iha funu laran, maibé tem que conta mos ida nebé inan kous ka minoridade sira para ita bele preenche respostas requisitos ida rihun atus rua ne’e ka lae. (L.S’mauS)

Leave a Reply

Your email address will not be published. Required fields are marked *