shadow
Diocese de Dili > NOTÍCIAS > Notícias > AGUSTINO HATETEN IHA TEMPO BADAK RÓ SUCCESS SEI HALA’O FILA FALI OPERAÇÃO

AGUSTINO HATETEN IHA TEMPO BADAK RÓ SUCCESS SEI HALA’O FILA FALI OPERAÇÃO

DILI, 22 Julho 2020 (DCAD) – Ministro Transporte no Comunicações José Agustino da Silva declara questão hirak ne’e wainhira hare ba preucupação sira ne’ebe povo Oe-Cusse no Atauro hasoru durante semana hirak ne’e wainhira Ró Success la halo Operação. Haré ba preucupação hirak ne’e Ministro Transporte no Comunicações José Agustino da Silva garantido katak iha tempo badak Ró Success sei hala’o fali ninia atividade hodi halo atendimento ba  povo Oe-Cusse no Atauro.

“Durante ne’e ita iha preocupações kona ba transporte marítima nian, tamba ita iha de’it Ró-ahi rua hanesan Ró Berlin Nakroma ho Success mak durante ne’e halo atendimento ba comunidade Município RAEOA no Atauro. Agustino hateten, Success daudaun ne’e halo hela manutenção “Ringgan” atu assegura segurança bainhira sira hala’o actividade, haktuir Ministro Transporte no Comunicações José Agustino da Silva hafoin remata encontro Conselho Ministros iha Palácio Governo Dili quarta (22/07) semana ne’e”.

Tuir José Agustino katak, maske Ró Succes iha hela processo manutenção nia laran maibé Ró Berlin Nakroma nafatin hala’o nia voo Oe-Cusse no Atauro.

“Tuir ha’u hatene katak, oras ne’e manutenção ba Ró Success besik remata ona, maibé durante Success halo manutenção, la’os dehan transporte marítima ba município RAEOA ho Atauro ne’e parado, maibé Ró Berlin Nakroma iha no nafatin halo operação. Ró Berlin Nakroma nia frequência voo tuir esquema nebé mak iha ho limitado tebes, agora ita aumenta cada semana halo operação dala tolu. Nebé ha’u hanoin Ró Berlin Nakroma nia taka hela preucupação ida ne’e, hateten Agustino”.

Ministro Transporte no Comunicações José Agustino da Silva reforsa mos tan katak nia parte koalia ona ho Diretor Ró Success nian katak manutenção ba ró Sucessu ne’e oras ne’e daudaun tama ona iha faze finalização, hein de’it atu hala’o fali actividade iha tempo badak.

“Ita hotu nia espectiva atu normaliza fila-fali movimento transporte marítima nian, hodi facilita lais ita nia população sira liu-liu ba Município RAEOA ho Atauro, tanba durante semana tolu ona limita hela ba Ró nian, no la acesso ba necessidade básico liu-liu ba aihan hanesan Fos. Ho preucupação hirak ne’e mak ha’u orienta ona para oinsá atu facilita lais transporta marítima hodi bele soluciona preucupação ida ne’e.  (L.S’mauS)

Leave a Reply

Your email address will not be published. Required fields are marked *