shadow
Diocese de Dili > NOTÍCIAS > REFLEXÃO > KETA TA’UK! HA’U DUNI MAK NE’E

KETA TA’UK! HA’U DUNI MAK NE’E

Domingo Comum XIX/Ano A/2020

1 Rs 19,9a.11-13a  Rom 9,1-5  Mat 14,22-33

 

Em Jesus, o Deus do amor e da comunhão vem ao encontro dos discípulos, estende-lhes a mão, dá-lhes a força para vencer a adversidade, a desilusão, a hostilidade do mundo. Os discípulos são convidados a reconhecê-l’O, a acolhê-l’O e a aceitá-l’O como “o Senhor”.

Santa Teresa de Calcutá dehan: Maromak bolu ita hodi sai fiel (setia) la’os bolu ita hodi sai sucesso ou quanto mais atu hetan cargo político. Primeira Leitur haktuir sobre profeta Elias iha foho Horeb. Iha duni foho ne’e mak Elias hetan experiência kona ba sentido housi fe (fiar) ba Maromak. Anin hu maka’as maibé, Maromak la horik iha nebá. Rai nakdoko, Maromak la mosu iha nebá, mosu mai anin anin mamar ida, afinal Maromak horik iha nebá. Atu completa narração ne’e, São Paulo iha segunda leitura ho ninia característica afirma:  nia pronto hetan maldição no sees housi Cristo, naran katak ninia povo fiar ba Cristo hodi hetan salvação. Jesus halo completo andamento ne’e tomak hodi afirma: ”aten brani, Ha’u duni, keta ta’uk”. Ne’e mak lia fuan coragem halo ita povo sarani sente laran hakmatek.

Iha livro liurai sira nian, se ita halo comparação entre capítulo 18 ho 19 iha nebá, ita conesegue haré capítulo 18 relata Elias nia sucesso ao passo que capítulo 19 hatudu Elias nia desesperado (kekecewaan/putus asa). Capítulo 18 ne’e hatudu Elias iha topo sucesso nian maibé, capítulo 19 lori Elias ba leet insucesso hodi expressa iha; lamentação no desesperado. Ne’e experiência moruk profeta boot ida iha Antigo Testamento hanesan mós experiência fiar nakdoko nebé São Pedro experienta tuir relato Evangelho semana ne’e.

Sentimento desesperado klean, ida ne’e mak experiência moruk apóstolo boot Novo Testamento; São Paulo, nu’udar nia expressa iha nia carta ba sarani Romano sira.

Sentimento “ta’uk” nebé escolante sira enfrenta iha tasi Genesaré laran, em princípio parecida (atu hanesan) ho relato kona ba profeta Elias ho apóstolo Paulo nia situação. Ne’e la’os sentimento ta’uk fundamental maibé, ne’e nu’udar experiencia nebé sempre acontece iha ita nia vida sarani nian.

Conteudo principal housi relato Evangelho semana ne’e mak; Jesus nia escolante sira nebé hasoru anin boot iha tasi laran no hetan tulun no salvação housi Jesus. Jesus nia poder divinia mosu iha momento Nia la’o iha tasi leten.

No Jesus fo biban ba Pedro hodi koko la’o iha tasi leten. Pedro realiza Jesus nia convite hodi la’o iha tasi leten ba hasoru Jesus.

Maibé, tan deit ninia fiar nebé namlele no ta’uk naresin, Pedro atu mout sal-sala tama tasi. Jesus lolo liman hodi salva Pedro hafoin Jesus fo menon ba Pedro ho escolante sira seluk, inclui mós ita nobun nu’udar Cristão Católico ohin loron katak; iha qualquer tempo no situação Jesus sempre salva Ninia ema fiar nain sira.

Desde Igreja Católica hahú too ohin loron, Igreja Católica sempre ebfrenta desafio oioin, Papa, Bispo, sacerdotes ho religioso no sarani Católico sira sempre hasoru desafio hanesan funo, incêndio, doutrina falsa, perseguição, manipulação,…..maibé, too minuto ne’e, graças a Deus kreda Católica nafatin sai mata dalan ba sarani sira tan Espírito Santo sempre horik iha kreda Católica tuir Jesus rasik dehan katak; Ha’u sei hôrik ho imi too mundo nia rohan.

Jesus nia atitude iha relato semana ne’e, hakarak justifica no fo coragem katak qualquer desafio nebé kreda Católica hasoru, maske perigo tebes sei la hamout ró nebé Cristo horik ba; Igreja Católica.

Iha história naruk kreda Católica nian iha mundo ne’e, Kreda ne’e hanesan ro nebé hasoru rejeição (penolakan), distúrbio, perseguição, controvérsa, ameaças housi parte hot-hotu desde tinan rihun rua resin.

Maibé, Igreja Católica nafatin continua moris no hakat ba oin hodi salva no lori ema fiar nain sira ba hetan salvação iha Jesus Cristo. Tanba ne’e mak perante desafio oi-oin nebé kreda Católica enfrenta, Jesus nia lia fuan; “kea ta’uk” sempre sai hanesan naroman ba sarani católico hot-hotu.

Iha mundo ne’e, por natureza ita hetan salvação housi Cristo. Iha tasi sorin, iha mundo nia sikun seluk, iha continente seluk, too mundo ne’e remata mós, Igreja Católica sei nafatin enfrenta desafio hirak ne’e. Maibé, cada desafio nebé ameaça kreda Católica nia existência, sei lakon rasik.

Iha contexto Timor, liu tiha tinan 19 restaura independência, mosu religião protestante ho seita oi-oin nebé buka atu desfia sarani sira liu housi loke curso, loke escola, loke asrama, loke akun facebook hodi fahe sira nia doutrina ho objectivo atu dada sarani Católico sira muda fiar maibé, graças a Deus, sarani católico barak mak sei fiel nafatin ba kreda Católica. Iha contexto política, partido balu, lider histórico balu, uza igreja nuda meio hodi atinge ambição política, obriga ema halo juramento, uza simbolo Igreja iha bandeira partido, uza objecto Igreja nian ba ritual arte maricias no meios oioin tan maibé, hirak ne’e hotu halo Igreja Católica forte liu tan iha Timor Leste no iha mundo.

Se ita nu’udar kreda Cristo nian, tanto comunidade tanto pessoal, wainhira enfrenta desafio hirak ne’e, ita precisa nafatin mantem fiar ba Cristo hodi rona-Lé bebeik Nai nia Lia fuan iha Bíblia no iha celebração Eucarística sira. Nu’udar Pedro mout sal-sala ba tasi klean maibé, tan deit rona Cristo nia Lia Fuan, nia hetan tulun. Pedro nia sentimento ta’uk no dúvida  representa ita nia condição fiar nu’udar sarani iha otas ne’e.

Wainhira ita nia fiar hetan tentação oi-oin, ne’e la significa katak ita atu husik fiar ne’e eh lae maibé, ne’e nu’udar exame ida hodi halo ita hatene consecuência housi ita nia fiar ba Cristo.

Ita la bele haluha katak; ita nia moris sarani ne’e compara hanesan ita hala’o dadaun viagem ho ro iha tasi luan nebé sempre hasoru desafio oioin. Desafio hirak ne’e mosu mai iha ita nia ro fiar nian. Anin boot, laloran boot, rai lakan, mosu housi sor-sorin hodi imprede ita ia viagem ba Jesus Cristo. Maibé, buat nebé halo kreda Católica forte mak Jesus sempre horik ho Ninia kreda too mundo nia rohan, tan ita tau fiar no husu perdão ba Nia. Jesus sempre la’o iha desafio hirak ne’e nia leten hodi supera desafio hirak ne’e perante povo sarani nebé fiel ba Cristo.

Perante desafio hirak nebé oras ne’e mosu hodi destroi Igreja Católica, Jesus mosu iha kreda nia leet hodi sai hanesan capitão eh nahkode hodi guia povo sarani ba salvação. Cristo nia futar isin no futar lia fuan mak ai-han nebé bele assegura ita durante viagem iha rai ne’e.

O Evangelho deste domingo é, antes de mais, uma catequese sobre a caminhada histórica da comunidade de Jesus, enviada à “outra margem”, a convidar todos os homens para o banquete do Reino e a oferecer-lhes o alimento com que Deus mata a fome de vida e de felicidade dos seus filhos. Estamós dispostos a embarcar na aventura de propor a todos os homens o banquete do Reino? Temós consciência de que nos foi confiada a missão de saciar a fome do mundo? Aqueles que são deixados à margem dessa mesa onde se jogam os interesses e os destinos do mundo, que têm fome e sede de vida, de amor, de esperança, encontram em nós uma proposta credível e coerente que aponta no sentido de uma realidade de plenitude, de realização, de vida plena? Assim Seja e Bem Haja (Ignas2020)

Leave a Reply

Your email address will not be published. Required fields are marked *