shadow
Diocese de Dili > NOTÍCIAS > Notícias > SÃO TARCÍSIO DESCOBRE DOMIN LOLOS WAINHIRA NIA EXPRESSA TOTALMENTE BA DEIT CRISTO

SÃO TARCÍSIO DESCOBRE DOMIN LOLOS WAINHIRA NIA EXPRESSA TOTALMENTE BA DEIT CRISTO

DILI 14 Agosto 2020 (DCAD) – Grupo Acólito Paróquia Santo António Motael-Dili, sexta (14/08) semana nee comemora Festa São Tarcísio nian iha nebe Santa Creda foti nudar mahein ba Acólito sira iha mundo tomak.

Nailulik celebrante ba celebração nee Pe. Mariano Maia iha ninia homilia hateten São Tarcísio descobre domin lolos wainhira nia expressa totalmente ba deit Cristo hodi sai sasin Cristo nian no defende Eucaristia.

“Exemplo domin puro nebe São Tarcísio expressa ba Jesus Cristo mak ida nee “pronto mate hodi defende Jesus Cristo nia Futar Isin basá kbiit nebe dudu tebes nia hodi hadomi Cristo totalmente mak fiar metin. No fiar metin nee lori nia tama klean sentido domin no domin nee obriga nia atu expressa ho liafuan no hahalok tomak hodi servi deit Jesus Cristo. São Tarcísio descobre domin lolos wainhira nia expressa totalmente ba deit Cristo hodi sai sasin Cristo nian no defende Eucaristia, tenik Pe. Mariano Maia iha ninia homilia ba Acólitos sira Paróquia Santo António Matael-Dili iha sexta (14/08) semana nee.

Nailulik celebrante nee acressenta liu tan katak, São Tarcísio hili mate atu defende Eucaristia duque moris atu ema aat estraga Eucaristia.

“São Tarcísio fiar no conciente katak eucaristia mak centro domin moris nian, centro fiar Cristão nian, centro esperança ba moris rohan laek. Tanba nee nia hili mate atu defende Eucaristia duque moris atu ema aat estraga Eucaristia”.

Pe. Mariano Maia mos recomenda ba Acólito sira hotu hakasan hodi servi Cristo iha tempo no fatin saida deit.

“Hakasan Aprende husi domin São Tarcísio nian totalmente ba Cristo ho disponibilidade tomak, ho fuan no laran tomak, ho vontade tomak. Nunee acólito precisa servi hanesan São Tarcísio nian iha ita nia moris hodi hatene Cristo, servi Cristo iha Creda no uma, servi Cristo iha escola no servi Cristo iha tempo no fatin saida deit.

Jornalista: Alin Soares

Leave a Reply

Your email address will not be published. Required fields are marked *