shadow
Diocese de Dili > NOTÍCIAS > Notícias > CCT EXPORTA CAFÉ QUASE TONELADAS 2100 BA RAI LIUR

CCT EXPORTA CAFÉ QUASE TONELADAS 2100 BA RAI LIUR

 DILI 17 Agosto 2020 (DCAD) – Diretor Geral Cooperativa Café Timor (CCT), Xisto Monis Piedade hafoin hasoru malu ho Primeiro Ministro Taur Matan Ruak iha Palácio Governo Dili segunda (17/08) semana ne’e, hodi relata serviço Cooperativa Café Timor (CCT) ba Jornalista hateten,  durante fulan Maio too oras ne’e CCT hola ona Café quase toneladas 11.000 no sei halo exportação café ba rai liur quase toneladas 2100.

“Ami mai informa ba Primeiro Ministro Taur Matan Ruak kona ba ami nia serviço iha tinan ida ne’e ami hola Café hahu iha loron 28 Maio to’o agora, ami hola ona Café hamutuk 11.000 toneladas. No ami hanoin katak iha tinan ne’e tamba tempo bailoron naruk maka ami bele atinge to’o 13.000 toneladas. Ne’e hatudu katak ita halo exportação ba rai liur ne’e maizumenus 2100 toneladas, tenik Diretor Geral Cooperativa Café Timor, Xisto Monis Piedade depois remata audência ho Primeiro Ministro Taur Matan Ruak iha Palácio Governo Dili segunda (17/08) semana ne’e

Diretor Geral Cooperativa Café Timor, Xisto Monis Piedade acressenta mós tan kata, além de Café CCT mos hola Boanila quase toneladas 11, Cenke, Pimenta inclui mos fornesseAifarina U’ut ba Compania HENEIKEN.

“Laos ba Café deit maibé ami hola mós Boanila bokon quase 11 toneladas no exporta ona tonelada 2 ba rai liur. No ami mos hola Cenke, Pimenta. Além de ne’e CCT mos fornesse Aifarina u’ut ba Heneiken. no ami husu ba Primeiro Ministro atu hare’e iha futuro mos, tanba ita rai Timor Luan tebes maibé ita halo oinsá para utiliza rai ne’e ho diak, ita tem que kuda buat ruma para ita bele fo oportunidade ba ita nia agricultor sira hodi bele kuda Aifarina atu ita bele fornesse no fo mos campo de trabalho ba iha ita nia rai laran, hateten Xisto”.

Iha Audência Diretor Geral Cooperativa Café Timor (CCT), Xisto Monis Piedade ho Chefe di Governo ne’e mós apresente relaciona ho folin café tuir preço mundial.

“Ita nia agricultor sira balun protesta atu hasa’e preço Café nian, maibé ne’e uluk kedas desde hahu CCT nian no laos CCT mak halo preço, maibé ne’e preço mundial nian. Oras ne’e daudaun Cooperativa Café Timor fo ona serviço ba timoroan sira hamutuk nain 4.000.

Jornalista : (Leo S’Maus)

Leave a Reply

Your email address will not be published. Required fields are marked *