shadow
Diocese de Dili > NOTÍCIAS > Notícias > CONTRA CÓDIGO ESTRADA, JOÃO ALERTA; AMI SEI BUKA TUIR HODI CAPTURA

CONTRA CÓDIGO ESTRADA, JOÃO ALERTA; AMI SEI BUKA TUIR HODI CAPTURA

DILI 25 Agosto 2020 (DCAD) – Comandante Polícia Departamento Nacional Tránsito no Segurança Rodoviária Superintedente João Belo dos Reis, terça (25/08) semana ne’e, hasouru malu ho S.E Primeiro Ministro no Ministro Interior Taur Matan Ruak iha Palácio Governo-Dili, hodi relata serviços Unidade Polícia Tránsito nian iha terreno liga liu ba assidente tráfico ne’ebe cada loron acontece hodi resulta ema atus resin kanek no quase 40 resin lakon vida iha tinan ne’e.

“Ha’u sente honrado tanba Primeiro Ministro Taur Matan Ruak convida ha’u mai fahe netik informação ruma relaciona ho ha’u nia serviço anterior iha UPF no mos serviço ne’ebe mak ha’u halo iha parte tránsito Nacional nian, haktuir Comandante Polícia Departamento Nacional Tránsito no segurança Rodoviária Superintedente João Belo dos Reis hafoin remata tiha audência ho Primeiro Ministro iha Palácio Governo-Dili iha Palácio Governo-Dili”.

Superintedente João Belo dos Reis sublinha katak, durante nia mandato sei transforma membro polícia hotu hola parte iha serviço Tránsito.

“Ha’u nia esforço iha tránsito, ha’u hakarak membro polícia hotu atu hola parte iha tránsito atu minimiza violação no infração regras tránsito, no ita hatene daudaun número mate barak. Iha tinan ida ne’e quase ema 40 mak mate tanba desastre iha estrada sira. Tanba ne’e hanesan Comandante foun iha parte tránsito nian, ha’u hakarak minimiza ema mate tanba desastre iha estrada no mos hakarak fo educação ba iha comunidade atu iha conciência uja viatura público hodi bele minimiza risco ba mate no kanek iha estrada, João Belo dos Reis acressenta”.

Superintedente João Belo dos Reis alerta ba sociadade katak, unidade tránsito sei halo controlo makas ba infrator sira ne’ebe contra código estrada liu husi CCTV.

“Ba oin unidade tránsito sei halo controlo makas ba infrator sira ne’ebe contra código estrada liu-liu sei halo gravação ho CCTV ba xapa matrícula kareta ka motor ne’ebe viola regras atu halai ba to’o ne’ebe  mos ami sei buka tuir hodi halo capturacao hodi halo apreensão selu multa ba estado. Tanba ne’e, ba oin membro polícia hotu-hotu sei hola parte iha serviço tránsito hodi prende no captura ita nia infrator sira nebe contra código estradas”.

Ligado ho sistema CCTV ne’ebe agora daudaun estabelesse iha posto sira, liu husi sistema ida ne’e Polícia Tránsito consegue iha semana kotuk prende no captura ema barak tanba la cumpre ka viola código estrada.

 

Jornalista : Leo S’mauS

Editor : Angelson Soares

 

Leave a Reply

Your email address will not be published. Required fields are marked *