shadow
Diocese de Dili > NOTÍCIAS > Notícias > GOVERNO APROVA NO PREVÉ TAN DOLAR AMERICANO MILLAUN RIHUN 1,497 BA OGE 2020

GOVERNO APROVA NO PREVÉ TAN DOLAR AMERICANO MILLAUN RIHUN 1,497 BA OGE 2020

DILI 26 Agosto 2020 (DCAD) – Governo liu housi Reunião Conselho Monistros nian iha Palácio Governo-Dili, quarta (26/08) semana ne’e, aprova no prevé tan montante dolar americano millaun rihun 1,497 ba Orçamento Geral do Estado nian (OGE) ba tinan 2020 ne’ebe apresenta housi Vice-Ministra Finanças, Sara Lobo Brites. Orçamento Geral do Estado (OGE) refere atu cobre necessidade sira ba programa no prioridade nacional sira ne’ebe VIII Governo Constitucional define ona.

Antes ne’e katak, Liu housi reunião Conselhos Ministros nian ne’ebe acontece iha 29 junho tetu no aprova ona OGE 2020 ho montante biliaun $1.492,3, maibe tanba ho ajustamento, nune’e montante  sae ituan ho aumento miliaun $ 1,49.

Ministro Presidencial Conselho Ministros, Fidelis Manuel Leite Magalhães hateten aprova ona projeto Proposta lei kona-ba Orçamento Geral do Estado nian (OGE) ba tinan 2020 ho montante total dolar americano millaun rihun 1,497 atu cobre necessidade sira ba programa no prioridade nacional sira ne’ebe Governo Constitucional VIII define ona. Dokumento ne’e sei inclui despeza sira konaba resposta ba COVID-19 no medida sira konaba recuperação económica.

Tuir Ministro Presidencial Conselho Ministros, Fidelis Manuel Leite Magalhães acressenta katak, Membro Governo sira halo debate kona-ba ajustamento hirak ne’ebe precisa ba calendário preparação OGE ba tinan 2020 no 2021, atu nune’e bele entrega ba Parlamento Nacional iha loron 15 fulan-setembro no loron 15 fulan-outubro, tenik Fidelis Manuel Leite Magalhães.

Jornalista : L.S’mauS

Editor : Angelson Soares

Leave a Reply

Your email address will not be published. Required fields are marked *