shadow
Diocese de Dili > NOTÍCIAS > LETURA DIÁRIA > Terça – Feira, XXIV Semana do Tempo Comum (ANO A)

Terça – Feira, XXIV Semana do Tempo Comum (ANO A)

Nossa Senhora das Dores

 

Primeira Leitura                                      Heb. 5. 7-9

Lia housi Surat ba Hebreu sira:

Wainhira Nia sei moris iha rai ne’e, Jesus Cristo hasa’e oração no harohan ho lian maka’as no mataben ba Ida nebé bele soi Nia housi mate, no Maromak rona Nia tan Nia haraik-an ba Na’i. Maski Nia Oan Mane, Nia aprende atu halo tuir housi buat nebé Nia terus; no wainhira Nia sai lós ona, Nia sei wé matan maksoyn rohan laek nian ba sira hotu nebé halo tuir Nia hakarak.

Maromak Futar Lia.

 

Salmo Responsorial                                                                                                                        Sal. 30(31). 2-6, 15-16, 20 (R. 17b)

Refrão : Na’i, ho Ita laran di’ak, soi ha’u!!! Repete-se

Na’i, Ita mak ha’u heli-an-fatin,

Ha’u sei la moe lerel,

Ho Ita justiça, soi ha’u.

Sée Ita tilun mai ha’u,

Mai lalais hodi soi ha’u. Refrão

 

Ita fatuk inan ha’u heli-an-fatin,

Baki metin ha’u maksoyn nian.

Basá, Ita ha’u kbiit no ha’u hôrik fatin,

Tan domin ba Ita naran,

Dada ha’u no lori ha’u. Refrão

 

Ita hasai ha’u housi hani be sira tau mai ha’u

Tan Ita, ha’u heli-an-fatin fatin.

Iha Ita liman ha’u saran ha’u klamar;

Maromak laran lós, soi ha’u. Refrão

 

Maibé, Na’i, ha’u fira Itaboot;

Ha’u dehan “Ita mak ha’u Maromak;

Ha’u moris iha Ita liman”.

Soi ha’u ba, housi ha’u funu baluk

No ema áat sira liman. Refrão

 

Na’i, Ita laran di’ak boot tebes,

Nebé Ita rai hela ba sarani sira!

Iha ema sira nia oin,

Ita hatudu Ita laran di’ak

Ba sira nebé tau neon metin iha Ita. Refrão

 

Aclamação                                                                                                                                                                                             Lc. 2. 19

Refrão : Aleluia, Aleluia!! Repete-se

Rahun di’ak ba Maria Virgem nebé la liu housi mate,

Maibé hetan naran di’ak martírio nian iha Na’i nia Cruz hun. Refrão

Lê de’it Evangelho ida housi rua nebé tuir mai ne’e

Evangelho                                                                                                                                                                                     Lc. 19. 25-27

Na’i Jesus Cristo nia Evangelho nu’udar São Lucas haktuir:

Iha tempo nebá, Jesus nia Inan, nia Inan nia alin Maria, Cléofas nia féen, ho tan Maria Madalena hamriik besik Jesus nia cruz. Haré tiha nia Inan ho escolante nebé nia hadomi iha nia sorin, Jesus lia tun ba nia Inan: “Na’in feto, ó nia oan mak ida ne’e!” Hafoin nia lia tun ba escolante: “Ó nia inan mak ida ne’e!” No oras nebá kedas, escolante ne’e simu Maria iha nia uma.

Lia Maksoyn.

Ou

Evangelho                                                                                                                                                                                       Lc. 2. 33-35

Na’i Jesus Cristo nia Evangelho nu’udar São Lucas haktuir:

Iha tempo nebá, Kosok oan Oan nia aman no inan hakfodak ho buat nebé Simeão dehan kona ba Nia. Simeão fó bensa ba sira, hodi dehan ba nia inan Maria: “Haré ba, labarik ne’e mosu mai atu hatun no foti ema barak iha Israel, no mós atu sai sinal lia la tuir malu nian; no surik ida sei sona borus ita nia fuan hodi fó sai buat nebé ema barak hanoin iha sira nia laran.

Lia Maksoyn.

Leave a Reply

Your email address will not be published. Required fields are marked *