shadow
Diocese de Dili > NOTÍCIAS > REFLEXÃO > ENTRE IBUN HO HAHALOK

ENTRE IBUN HO HAHALOK

Reflexão no Leituras DOMINGOCOMUM XXVI/Ano A/2020

Ez 18,25-28  Flp 2,1-11  Mt 21,28-32

 

Mahatma Gandhi hatete: Há riqueza bastante no mundo para as necessidades do homem, mas não para a sua ambição. Wainhiraema harohan atu hetan RIKU SOIN, maibé, Maromak haraik DEFEITO (kekurangan) atu ita prudente (neon nain) ba moris ne’e.

Wainhira ema harohan husu PODER atu ema hetan hahí iha rai, maibé Maromak haraik FRAQUESA (kelemahan) atu ita hatene-an nu’udar ema fraco nebé sempre depende ba Maromak. Ema sempre iha tendência husu no hetan buat hot-hotu atu bele goza moris, maibé, Maromak haraik VIDA atu ita bele goza buat hot-hotu. Los duni, ita ema nunca atinge mehi eh ambição hodi hetan buat hot-hotu, maibé, Maromak sempre fo resposta ba ita nia oração.

Problematica moris sempre halo ema ida-rua inseguro até sente Maromak la atende eh la rona ita nia hamulak, pior mak, wainhira ita enfrenta facto ne’e, ita nia fiar mós mihis ba dau-daun, até balu muda fiar ba religião seluk ou fila ba moris gentio ho objectivo atu hetan buat nebé sira husu ba Maromak. Na realidade, ema hirak nebé persiste no mantein fiar ida de’it too nia vida rohan, hirak ne’e mak considerado fiel ba ninia fiar.

Iha relato Evangelho semana ne’e, (Mateus 21,28-32), haktuir aman ida nebé husu ba nia oan nair rua atu ba serviço iha tos uvas. Ida uluk fo resposta positiva maibé, nia la halo tuir ninia lia fuan.

Compara tok ho político sira nia promessa iha tempo campanha eleitoral no depois de kaer ukun, ne’e relevante los ho figura oan ida uluk ne’e. Ibun promete A, B, C,…. maibé, kaer tiha ukun, preocupa uluk mak expo Dubai, preocupa uluk mak lei imunidade, preocupa uluk mak porcento bla…bla…bla ho companhia manan nain projecto sira, ukun tiha, buka dalan oinsa atu aproveita regalias estado molok mandato remata…..depois promessa ida uluk koalia bar-barak iha tempo campanha, ne’e nu’udar meio ida atu hetan netik cargo iha instituição estado ou pelo menos hetan netik privilégio no pensão vitalícia.

Compara took ita rasik nia lalaok nu’udar Cristão Católico iha âmbito moris sarani nian. Sarani hira mak badinas ba hakneak tuir missa lor-loron ou loron Domingo sira? Sarani Católico hira mak haknaar-an iha serviço estado maibé, na realidade comete erro balu hanesan corrupção, colusão no nepostismo? Sarani hirak mak moris adultério (selingkuh) alias kama rua, kama tolu?

Compara took ita nia religioso hirak mak monu hodi la consegue fiel ba nia vocação too remata tan de’it circunstância balu?

Ita Católico hira mak semana-semana dere hirus matan maibé, hafoin sai housi portão Igreja, ita continua la moris tuir moris sarani nian?

Ao passo que oan ida seluk, wainhira rona nia aman nia ordem, nia fo resposta negativa maibé, ikus mai nia arrepende hodi ba halao duni serviço tuir ordem nia aman nian. Iha ai-knanoik ne’e, Jesus pretende atu halo distinção hahalok moris no lalaok housi ema fiar nain sira.

Na realidade, diferença entre moris fiar nain nebé hatudu iha liur ho moris sarani nebé hatudu duni housi fuan laran. Diferença principal ida ne’e mos reflecte ona iha primeira leitura (Ez 18,25-28). Liliu iha segunda leitura, ba sarani sira iha Filipo klean tebes hodi loke ita nia fuan sarani nian.”…. Buka tuir hadomi ida de’it, klamar ida de’it, hanoin ida de’it. Keta halo buat ruma hodi buka hasoru malu, eh hodi foti-an de’it; maibé, ho haraik-an, buka hanoin ema seluk boot liu imi an rasik; keta hanoin ida-idak buka de’it buka de’it sasan ba nia, maibé, hanoin buat nebé ema seluk hakarak. Buka tuir de’it Cristo Jesus nia hanoin”.

Ai-knanoik semana ne’e loke ita nia matan ba princípio moris ema nian iha Reino Lalehan, nebé Cristo hanorin. Talves Jesus nia crítica ne’e fo todan ba matenek nain sira iha altura nebá, iha momento hanesan; Jesus nia crítica ne’e mós endereça ba ita nobun ohin loron nu’udar Católico. Ne’e significa katak; ai-knanoik ne’e fo biban mai ita atu oinsa interpreta lalaok moris nu’udar sarani ba oras ne’e no mos ba aban bainrua nian.

Ita badinas reza, ita badinas ba missa, ita badinas fo esmola, ne’e la significa katak odamatan Reino Lalehan loke luan ona mai ita. Jesus hanorin fila-fila ona katak Cruz (sacrifício) mak facilita ita ba lalehan. Laos hafal de’it Bíblia hanesan ita nia irmão separado sira, ita automaticamente tama lalehan.

Cruz nia interpretação ba moris ohin loron nian mak sacrifício eh luta hodi cumpri saida mak kreda haruka no moris tuir Jesus nia doutrina sira. Ai-knanoik labarik nain rua nebé obedece no rejeita ba aman nia ordem, ne’e reflecte ita nia lalaokmoris sarani nian.

Mundo tecnologia nebé avanso makas teb-tebes, além de fo ninia impacto positivo, ao mesmo tempo lori mos impacto negativa wain ba moris sarani nian. Pior liu mak católico ira atu halo hodi padre (sinal Cruz) iha fatin público mos susar tebes. Tecnologia halo ita reza tereço mos sente hanesan ita lakon tempo tinan rihun ida nian, enquanto ita tur buti telemóvel no dada lia horas barak nia laran ita sente la rugi buat ida.

Maromak los duni paciente ba ita nia lalaok sira tan Maromak respeita ita nia liberdade humana maibé, ita nia liberdade ne’e mos nia limitação iha, wainhira ita nia obrigação mos exige nia fatin.Tanba ne’e mak amu lulik indonésio ida dehan: “Hidup beragama adalah suatu proses membaharui diri lahir batin menurut ajaran, namun juga dan terutama menurut teladan seluruh hidup Yesus”. Enquanto Mahatma Gandhi dehan: “O futuro dependerá daquilo que fazemos no presente”.

Nu’udar Católico, ita refere ba carta São Paulo ba sarani Filipo sira nebé nia (Paulo) hakerek housi comarca laran encoraja ita nobun hodi dehan: ”Maun alin sira: iha karik ksolok oan ruma iha Cristo, iha karik laran kman ruma iha caridade; bele simu netik tulun ruma housi Espírito Santo, iha karik hadomi no laran luak ruma, ne’e sa, imi buka hatoo hau nia ksolok hodi moris hamutuk ho neon no hanoin ida de’it; Buka tuir hadomi ida de’it, klamar ida de’it, hanoin ida de’it”. São paulo fo menon ne’e tanba nia hakarak ita hotu nu’udar sarani, precisa haraik-an hanesan Cristo no banati netik saida mak Cristo haruka no Kreda hanorin: ”Ele, que era de condição divina,não Se valeu da sua igualdade com Deus, mas aniquilou-Se a Si próprio. Assumindo a condição de servo, tornou-Se semelhante aos homens. Aparecendo como homem, humilhou-Se ainda mais, obedecendo até à morte, e morte de cruz”. Assim Seja e Bem Haja (Ignaslopes2020)

Leave a Reply

Your email address will not be published. Required fields are marked *