shadow
Diocese de Dili > NOTÍCIAS > Articles by: admin

BIBLIA: MAROMAK NINIA LIAFUAN

BIBLIA: MAROMAK NINIA LIAFUANITE Dili- Sábado foin lais nee,

Paróquia Motael realiza formação Sagrada Escritura ba Grupo

Categoriais sira Paróquia nian iha Paróquia Santo António Motael iha

Salão Paroquial. Iha encontro refere Padre Juvito do Rego Vigário Geral

ba assunto Pastoral nian sai orador ba iha formação refere, Iha nia

palestra haklaken: ohin loron nee ita hotu acesso ona ba Bíblia, ema hotu

iha direito atu le’e Bíblia, maibe la hatene saida mak Bíblia nee rasik.

 

Padre Juvito hateten, Parte principalMaromak futar lia sira mak Leitura sira. Tamba

nee ema nebe ba hodi le’e Maromak nia futarlia nee temque preparado basá nia ba le’e hanesan instrumento ida nebe Maromak usa hodi hatoo ba povo sarani. Quando le’e Bíblia nee ita fanun Maromak, ita temi Maromak nian naran. Tan nee, quando le’e Bíblia temque halo an ida deit ho Maromak. Bíblia nudar força ida nebe bele unifica lalehan ho rai, ema ho Maromak, história ho integridade, tenik Padre Juvito(24/09). Padre Juvito haklean tan katak; Iha Bíblia, liafuan nebe haklaken iha Bíblia laran, halo An tiha ba Nain Jesus Cristo, ida nebe iha Eucaristia ita celebra, ita adora, ita hahi, ita hein ho laran metin loron ida atu bele hare nia ho matan rasik. Padre hateten; Tamba nee, Le’e Sagrada Bíblia temque Le’e duni ho laran tomak no buka atu comprende saida mak hateten iha Bíblia nee. Ba leitor sira nebe ba Le’e Leitura sira, precisa le’e fila fila no comprende uluk Leitura sira antes atu haklaken ba ema seluk. No dala ruma ita hili labarik kikoan sira hodi ba Le’e Maromak nia Futar lia, ho objectivo ida hakarak atu treino sira. quitado labarik sira sidauk iha capacidade ida atu Le’e Leitura sira. Padre Juvito hateten; Ita keta halimar ho Maromak nia liafuan basá Maromak nia liafuan laos atu ita usa hodi treina fali, maibe precisa tau ba iha conciencia katak, ema nebe atu Le’e Leitura sira precisa ema nebe adulto, hatene le’e, qualitividade mak bele Le’e Maromak nia Futar lia, laos ema hotu hotu sae ba Le’e Leitura. Tan nee, ita precisa tau norma ida atu ema nebe ba Le’e nee hatene katak, hau ba nee laos atu aprende le’e hanesan iha escola lae, tamba hau le’e nee katak koalia ho Maromak no sai instrumento ibun Maromak nian ba emar sira, hau ba hanesan sente hau nian an nee ema nebe unificado ituan, basá Igreja Venera Livro ida nee hanesan Maromak nia futar isin, tenik Padre Juvito Padre Juvito mos haktuir tan katak; Ita loke karik Hebreu 1,1 -3 nebe dehan, Maromak buka meio oioin, maneira oioin atu koalia ba ema dala barak no fila fila iha tempo sira uluk liu ba. Ita hare no le’e karik Bíblia tomak hahu husi Abrão mai too Jesus Cristo liafuan hirak nee halo iha história basá Maromak koalia ba ema ho maneira oioin; hanesan anin, railakan no ikus liu Maromak koalia mai ema liu husi Nia Oan Mane ida nebe sai nudar liman rohan GlóriaMaromak nian.Haktuir tan Padre Juvito katak; Quando ita hananu ou reza Glória, maibe ita la hatenesaida mak glória? Glória nee iha lian Hebraico nian katak “Kavod” ; imi hare karik loron atu baku fila fila no loron matan tamaan tiha iha kalohan laran no quando nia babilan nee sai mai, ida lakan nabilan sai mai nee, idabe lakan naroman sai mai nee, ida neemak ita hanaran glória. Maromak nia glória nee mak ida nebe lakan nee.Glória ida nee katak Jesus Cristo, Maromak Nia esplendor, Maromak nia naroman ida nebe halo Maromak nee ema bele hare, no ema bele sente. Maibe naroman ida nee mos ita atu esplica la diak, matan naklosu hela, maibe fuan la hatene saida mak esplendor ida nee. Iha tempo hanesan Padre Nelson mos koalia kona ba Oin nusa mak sira atu haklaken Maromak nia lia fuan ho didiak; precisa preparação, le’e halo diak atu nunee sira Proclama Maromak Nia Lia Fuan nee povo ida nebe lahatene le’e no hakerek nee bele rona. Tamba nee mak iha parte Liturgia da Palavra nee bandu ema atu le’e fali livro sira seluk labele lori fali Bíblia ida mai atu le’e tuir fali, laos lori fali Livro Espiritual ruma hodi le’e fali, Jornal ruma, usa halimar fali ho telefone ida nee lae, tenik Padre Nelson iha Salão Paroquial Motael Padre Nelso haklean tan katak, Ita iha ita iha Rito estrutura elemento missa nian. Iha parte dahuluk nian hahu ho Hodi Padre no remata iha oração do Colecta. Iha Segunda Parte nian nee ita tama iha parte liturgia Maromak Nia Futar Lia Fuan. Husi liturgia Maromak Futar Liafuan nee maka ita aprofunda dadaun oinsa mak ema ida idak halao sira nia função iha Eucaristia; Leitor, Salmista, Coro, Celebrante, Diácono, Acolito ou Leitorado sira Opa mean no Escuterio sira, ida idak halao nia serviço. Kona ba Leitor nee hirak nebe atu Proclama Maromak Nia Lia Fuan. Padre Nelson haklean tan katak: Iha segunda parte nee Liturgia hanorin katak, wainhira tama ona iha parte Proclamação da Palavra de Deus, buat nebe principal mak seléncio no rona Maromak Nia Lia Fuan. Ida nee mak hakarak atu hato’o no fo formação ba ita nia sarani sira ho mos questão prático sira nebe mak oras nee akontece iha ita nia Diocese Baucau, selebrsaun ritos estrutura missa nian fo ba sira no sira iha duvidas barak tamba questão falhanço sira iha liturgia nee iha mundo hotu hotu iha, ita la resove ho secara tuntas maibe sei iha nafatin, maibe ita neineik lao ba oin no lao ho diak mak temque iha uniformidade ba Diocese Tolu (Dili, Baucau no Maliana). Padre Nelson esplica tan katak, wainhira ita celebra eucaristia, ita bolu missa no mos Sacrifício Eucaristia, ita celebra buat rua nebe importante; Misterio, significa buat hirak nebe mak haksumik hela sei subar an maibe sei dauk revela por exemplo mistério Cruz nian, nebe relação ho buat nebe mak akontece kona ba Cristo. Padre nee haktuir tan katak, Depois de mistério, ita celebra mos buat nebe hanaran Sacramento, significa buat nebe Sinais sensíveis (tanda tanda kelihatan) nee mak hanesan ita celebra Eucaristia ita hare Pão ho vinho nebe representa Jesus Cristo nia Futar Isin no Ran nebe mak ita celebra iha Eucaristia

Kiak barak iha Timor tamba ema laiha ethos of work (ética de trabalho)

Agostinho Piedade Babo

(Estudante iha ISFIT Fatumeta-Dili).

Ita hotu hatene no kaer metin hela princípiu funda mental ita nia luta ba ukun-an nian katak atu ita be moris iha colonialista nia okos durante tinan 450 nia laran no ocupação Indonésia nian durante tinan 24 nia laran, tenki liberta-an husi “mentalidade colonizada” atu bele hadia ita nia ekonomia ho objetivo atu reduz ita nia pobreza no halakon miséria ka mukit no beik iha ita nia rai doben Timor Leste. Entretanto, ita nia realidade hatudu sai katak iha era independência durante tinan 14 nia laran ne’e ita sei enfrenta hela nafatin kiak no mukit iha área hot-hotu. Atu hela concreto liu tan, ita consciente hela katak ema barak mak seidauk moris ho dignidade, katak, seidauk iha hela fatin ida adequada, labarik barak mak ladauk hetan edukasaun proporcional, jovem barak mak sei hasouru nafatin hela dezemprego, no hetok liu tan, ema barak mak sei halerik nafatin hela kona ba bé-mós,estrada, eletricidade, saúde no edukasaun. Pergunta bo’ot nebé desafia ukun na’in sira no componente sociedade civil tomak mak: tamba sá mak povo barak sei hela nafatin iha situasaun kurian no mukit nia laran? Halo oin sá mak ita bele liberta ema sai husi situação kiak no mukit atu ema hot-hotu bele iha direito atu goza riku-soin Timor nian ho liberdade, responsabilidade no Iha artigu ne’e hakerek na’in hakarak foti Platão nia hanoin nebé dehan:”Nasaun la’o diak,ema hotuhotu moris iha ekonomia nebé sustentável wainhira ema filósofo sira mak kaer ukun”. Platão iha nia hanoin dehan katak só filósofo sira de’it mak hatene saida mak lialos no oinsa mak ema hotu bele hetan felicidade. Wainhira ema moris iha felicidade significa katak ema hotu moris iha ekonomia nebé sustentável no laiha tan kiak no mukit barak iha sociedade.Ne’e hakarak dehan katak existe ema kiak maibé existe ho númeru ida reduzido. Iha tempu Grecia antiga nian, ema grego sira fahe sociedade ba classe importante tolu: filósofo, militar no negociante. Maibé ba sira ida nebé soin atu kaer nasaun mak filósofo de’it. Ema hotu-hotu nebé kaer ukun tenke ema filósofo ida. Ema filósofo sira de’it mak hatene no estuda kona ba lialos no justiça, tan ne’e, sira de’it mak hatene kona ba saida mak”Bonum Commune”. Ho hanoin ida ne’e, ita bele dehan katak, iha Timor ema sei moris iha situasaun kiak no mukit tamba ema sira nebé kaer kbiit no hala’o knaar ukun nian la fo

importância ba bem comum. Atu reduz pobreza ka kiak iha ita nia rain preciza estuda husi experiência nebé uluk ema grego sira hatudu hela no ita mos tenke uza princípio nebé sira uza atu bele alcança prosperiedade iha parte hotu-hotu nebé ita iha. Por exemplo: parte administrativa, ekonómica finanseira, saúde, edukasaun nebé adequadu hodi reduz desempregu iha rai laran. Mentalidade Timor oan nian sei belit metin hela ba fini a’at nebé Indonesia sira kari hela. Katak sei buras hela iha sociedade Timor nia le’et trilogia Corupção,Colusão no Neopotismo (KKN). Hahalok ne’e mak ita nia Ex- Primeiro Ministro no atual Ministro Planeamento Estratégico Sr. Kay Rala Xanana Gusmão hanaran “Naoksaun”.

Hahalok ne’e mosu tamba ema seidauk iha “ethos of work” katak, molok servisu tenke hetan uluk osan. Molok atu halo servisu ema husu uluk osan. Sosa uluk kareta, halo uluk uma. Uluk seidauk sai membro governo uma at hela, sae hela motor. Foin sae membro governo fulan ida, uma halo ona iha Bali, iha Portugal. Kareta foun HUMMER iha ona uma oin. Ema la servisu atu dignifica nia a’an nu’udar ema, maibé osan mak dignifica nia. Haluha tiha ema seluk nebé sei moris hela iha susar no hamlaha nia laran. La sente krize nebé ema ki’ik sira hasouru hela.

Ethos of work katak ema servisu maka’as mak bele hetan osan no servisu tenki tuir horário no tempu nebé iha. Maibé, realidade hatudu katak ema barak mak la servisu ho rigorosidade tuir oras nebé estipulado iha instituisaun hanesan vigora nanis kedas iha lei funsaun pública nian. Funcionário barak lorloron ba kantor halimar de’it  “Game” mos ful-fulan simu salário estável, lor-loron uza kareta estadu nian pasiar ba-mai estável. Koitadu ba ema ki’ik, kiak no beik sira be la’o ain ba-mai bilan hela. Ai-han la to’o ba sira, oan kiak sira nebé lakon aman-inan iha funu laran ohin loron moris abandonado lahetan educação no moris iha dalan ninin (marginalizado). Eskola balun iha foho aluno sira sei tur hela iha rai, laiha kondisaun ba aprendizagem nebé diak no soin ba sira nia idade. Ema moras sira sei kuran hela aimoruk, falta de ambulância, ema sei halerik kona ba estrada, eletricidade, bé mos, até iha Dili laran mos ema sei konsumo hela mota no udan ben. Iha contexto ida hanesan ne’e, ita assiste membro Parlamento sira, ho consciência cauterizada, aprova lei pensão vitalícia no tinan-tinan, hodi povo nia naran, aprova orçamento ho montante milhões ba biliõesho razão fundamental katak atu hatan ba necessidade povo nian,maibé,iha realidade, ninia rezultado mak povo hela mukit no halerik nafatin. Kiak ba nafatin, edukasaun kudeik ba nafatin. Na’iulun sira kakorok lotuk no uza osan povo nian hodi sosa kareta Hummer, Pajero no Prado luxo-luxo nian sa’e pasiar ba-mai enquanto povo ki’ik sira virus mal-nutrisaun nian contamina ba bebeik no hemu de’it mak rai-rahun iha luron ibun sira. Wainhira mak reduz pobreza iha Timor se enquanto hahalok sira ne’e la halakon husi autoridade sira nebé kaer poder no ukun? Fila fali ba ema grego sira nia teoria katak precisa tau ema nebé matenek no filósofo iha cadeira ukun nian atu, nune’e, ema hotu bele moris diak, hetan edukasaun diak, iha acesso ba informasaun rai laran no liur, saudável hodi goza duni independência nebé durante kolonializmu nia tempuTimor oan sira mehi no aspira hela de’it.

Ita bele halo komparasaun ki’ik ida kona ba governasaun rua, por exemplu Atambua hanesan distrito ida nebé iha nia populasaun liu milhão rua ba leten nebé lidera husi administrador distrito (Bupati) ida, membru DPRD sanulu resin, administrador sub-distrito (Camat) ha’at ka lima iha nebá hamutuk ho chefe suco no chefe aldeia lubuk ida bele lidera no ukun populasaun milhão rua resin ne’e. Ita iha Timor iha órgão ha’at: Presidente República ho Assessores no directores sira nebé besik rua nulu resin, Tribunal nebé composto husi Presidente no diretores sira, Parlamentu Nacional nebé iha Membro 65, Governu nebé composto husi membro governante 55, directores regional no distrital lubuk ida. Kada tinan hasai orçamentoho montante nebé bo’ot kompara ho Indonesia nian nebé ki’ik maibé povo bele hetan benefisiu iha edukasaun, saúde, infra-estrutura, ekonomia, saneamento nst.

Wainhira los mak ita bele reduz kiak no mukit iha rai Timor? Uluk wainhira ita nia ex-presidente RDTL Dr. José Ramos Horta iha nia campanha eleitoral nia promete ba povo katak nia sai presidente ba ema kiak sira no nia esforço maka’as atu combate pobreza iha Timor Leste. Maibé solusaun ikus mak sei existe nafatin ema kiak no mukit.

CRISTÃO CATÓLICO: SAI MASIN & ROMAN BA MUNDO

LEITURA & REFLEXÃO BA DOMINGO COMUM V, Ano A

Reflexão: Iha Evangelho Mateus nebe ita rona iha Domingo semana nee, Jesus menciona ponto essencial rua iha ema nia-an. Ponto ida uluk mak sentido existência ema nian ba nian-an rasik no ponto ida seluk mak sentido ita nia presença ba ema seluk. Simbólicamente, Jesus hakarak lori ai-knanoik hodi compara ema hanesan masin no naroman mundo nian. Significa katak ita nia comportamento moris iha sociedade bele expressa-an nudar masin be hamidar hahan no naroman be leno ema seluk. Lalaok rua nee bele justifica ita nia moris nee ba-an rasik ka ba mos ema seluk? Jesus koalia eh hanorin ho linguagem nebe basea ba contexto no situação iha Ninia rai Palestina. Palestina iha altura neba, existe parte tasi nebe hanaran Mar Morto (Laut Mati). Mar Morto nee mos ema costuma hanaran Tasi Mer (Laut Garam) basá, iha neba, produz masin wain tebes. Por natureza, masin sai nudar necessidade básica ba ema moris, ba saúde no mos masin sai material hodi halo pengawetan. Além de nee, ita nobun mos consciente katak; iha moris nee, ita precisa tebes naroman basá, iha nakukun laran ema la bele halo buat ida. Jesus compara Ninia seguidor sira (ema sira be tuir Jesus) nudar masin no Naroman nebe importante tebes ba sociedade, tanto pessoalmente, tanto ba ema barak. Jesus la pretende atu escolante sira hatudu sira nia talenta ba ema seluk maibé, Jesus hakarak sublinha katak; se se deit mak Fiar hodi tuir Jesus, tem que consciente sira nia identidade Cristã hodi moris tuir doutrina nebe Jesus hanorin. Sentido husi Jesus nia lia fuan:”Imi mak Masin mundo nian” no “imi mak naroman mundo nian”, ba escolante sira la significa escolante sira tem que directamente hamer no haroman mundo tuir sira nia hakarak, tan sira sente-an katak sira mer diak liu no fo roman perfeito liu ba mundo maibé, Jesus pretende atu hanorin sira katak; esforço-an hakiak, haburas no desenvolve ita nia identidade nudar autêntico Cristão nian mak importante liu. Ohin loron, ita moris iha sociedade ida nebe hasoru mudança oioin no lalais tebes. Entre buat barak nebe mosu nee, iha buat barak la diak maibé, iha mos buat barak mak diak; depende husi ita ema oinsa bele halo discernimento hodi tetu nebe mak diak, nebe mak aat. Fenómeno mudança nee mak halo Cristão Católico barak mos mout iha corrente (arus) nee nia laran, até que sarani balun la hatene oinsa salva-na husi mudança hirak nee. Mudança hirak nee mos halo de tal maneira que doutrina sira Igreja Católica nian la hetan fatin iha sarani barak nia fuan. Convicção Religiosa Católica nian iha Timor Leste hetan ataque makas mai husi presença secte Testemunha Jeová no rede protestante barbarak. Sira mosu mai hanesan ONG no hanesan Organização Caritativa nebe fahe osan hodi tulun sarani hirak nebe ladun iha conhecimento klean kona ba Doutrina Católica nian. Iha sira nia lao tama sai uma, sira hanorin mos figura Jesus ho modelo oioin maske Jesus nebe sira hanorin oin seluk los ho Jesus nebe ita fiar ba. Iha sorin seluk, além de sarani Católica hetan ataque husi rede protestante, mundo moderno mos fo ataque makas ba Sarani Católico sira nebe horik iha cidade no mos iha município sira. Estilo moris povo sarani ohin loron nebe monu tama iha corrente modernismo barak mos contrário ho valor humano autêntico nebe directamente contra doutrina Cristã. Então, atu hasoru desafio no mudança hirak iha sociedade nee, sarani Católico precisa matan moris néon nain hodi mantem moris nafatin tuir ema Católico fiel. Jesus nia lia menon nebe haruka ita tem que sai Masin rai nian no Naroman mundo nian hakarak justifica fali Santa Teres de Calcutá nia menon nebe dehan: Maromak Laos bolu ita hodi sai sucesso no hetan osan barak maibé, Maromak bolu ita hodi fiel (setia) ba ita nia Maromak. Nunee, Jesus nia menon Masin no Roman mundo nian, fanun ita nia fuan sarani nian hodi fiel nafatin ba Fiar Católico nian atu nunee, ita nia moris sarani nian la bele mout demais liu ba corrente moderno no ataque prostestantismo ohin loron nian. Iha Jesus nia tempo, wainhira halao Ninia missão, Jesus hasoru desafio boot husi grupo Fariseu-Saduceu sira, Sacerdote, Tribunal, autoridade Romana,…inclui mos ema judeu barak mak la simu Jesus maibé, Jesus la rende hodi cumpri nia missão lori nia moris hanesan Masin no Roman ba sociedade altura neba. Ohin loron, maske ataque modernismo mosu iha cor oioin, secte testemunha Jeová tama sai sarani nia uma hodi faan sira nia Maromak, corrente protestantismo mai convence sarani Catolico sira ho curso oioin gratis, maibé, hanoin ba katak Jesus nebe ita fiar horiseik, sei hanesan nafatin Jesus ida ohin no Jesus ida aban nian. Doutrina Católica sei hanorin nafatin husi tempo ba tempo tanba nee mak Jesus fo aten brani mai ita katak; Hau sei horik nafatin ho imi too mundo nia Rohan. Sai masin rai nian no Naroman mundo nian Hahalok caridade nebe sai hanesan obrigação sarani nian, sai hanesan sinal prática Masin rai nian no Naroman mundo nian. Ba ida nee, profeta Isaías iha primeira leitura dehan:” O soe tiha karik buat fo terus, buat halo ta’uk, lia-fuan kro’at, ó fo karik buat nebé ó nian ba ema hamlaha; ó fo han karik ema nebé ki’ak, ó nia naroman sei nabilan iha nakukun laran, ó nia kalan sei sai hanesan loron fahe-rua.”. Jesus actua Ninia serviço iha sociedade nebe plural ho ideia oioin até que contradiz ho doutina Católica maibé, Jesus nia simplicidade no hahalok domin sira, halo ema husi rai ulun to rai ikun hare Jesus nudar único Maksoyn mundo nian. Significa Jesus Laos sai deit Salvador ba Cristão sira maibé, Jesus sai Maksoyn ba mundo tomak. Jesus nia doutrina domin atrai ema barak ao mesmo tempo halo ema barak laran moras ho existência Cristinismo liliu Catolicismo. Jesus nia Evangelho Domingo semana nee, bolu nafatin ita hodi hatene ita nia identidade nudar sarani oinsa sai Masin no Naroman ba sociedade Timorense tuir Jesus nia lalaok rasik. Ho Lina Indonésia, ita bele resumo lia menon nee hodi dehan:” Yesus dikenal identitas-Nya: Ia adalah Juruselamat yang berbelaskasih. Yesus menghendaki agar kita hidup dan berbuat sebagai garam dan terang, artinya: kita harus bersikap, hidup dan berbuat dengan identitas diri kita menurut teladan identitas Yesus”. Assim Seja (ignaslopes).

IMI MASIN RAI NIAN

Primeira Leitura: Lia housi Livro profeta Isaias (Is.58,7-10)

Maromak dehan nune’e:”Fahe ó nia ai-han ba ema nebé hamlaha; fó uma ba ema ki’ak, sira nebé horik fatin la iha; fó hena ba ema nebé ó haré la’o luan; keta fila kotuk ba ó nia maluk. O halo hanesan ne’e, ó nia naroman sei mosu hanesan rai-hun mutin; ó nia kanek la kleur de’it sei sai di’ak; ó nia justiça sei la’o uluk iha ó nia oin; iha ó nia kotuk, Maromak nia gloria la’o tuir ó. O bolu karik, Maromak sei hatán: “Ha’u mak ne’e”.

O soe tiha karik buat fo terus, buat halo ta’uk, lia-fuan kro’at, ó fo karik buat nebé ó nian ba ema hamlaha; ó fo han karik ema nebé ki’ak, ó nia naroman sei nabilan iha nakukun laran, ó nia kalan sei sai hanesan loron fahe-rua.”

Maromak Futar Lia.

 

Salmo Responsorial Sal.111(112),4-5. 6-7. 8a. 9

Refrão:Ema laran mos hetan áhi oan ida

Lakan iha nakukun laran. Repete-se

Iha nakukun laran áhi ida sei naroman

Ba ema sira be laran mós, liman mós,

Laran luak no laran di’ak.

Rahun di’ak ba ema nebé laran di’ak,

Empresta, fahe lolós nia riku-soin. Refrão

Ema laran mós tuba rai metin,

Ema temi nafatin nia naran;

Nia ta’uk lia susar,

Nia laran metin iha Maromak.Refão

Nia la tauk buat ida

Nia fahe riku-soi ba kiak sira.

Nia naran boot nafatin,

Nia kbiit boot nafatin. Refrão

 

Segunda Leitura:

Lia housi são Paulo nia surat Ba sarani sira iha Corinto (1Cor.2, 1-5).

Maun alin sira: Uluk, ha’u ba buka imi, laós hodi lia-fuan di’ak nian, ka matenek boot nian, mak ha’u ko’alia ba imi, kona ba Maromak nia Misterio, lae. Ha’u hanorin, iha imi leet, ha’u la hatene buat ida, ha’u hatene de’it mak Cristo Jesus, Cristo Jesus nebé hedi iha cruz. Ha’u to’o tiha imi leet, ha’u kbiit la iha, ha’u ta’uk, ha’u nakdedar tebes duni. Ha’u ko’alia, ha’u hanourin, la’os hodi lia matenek nian, maibé hodi Espirito Santo nia kbiit. Ne’e duni, imi nia fiar hari metin, laós housi matenek ema nian. Maibé hodi Maromak nia kbiit.

Maromak futar lia.

 

Aclamação Jo. 8, 12

Refrão; Aleluia. Repete-se

Ha’u mak roman mundo nian:

Se tuir ha’u sei hetan roman. Refrão

Evangelho: Na’i Jesus Cristo nia Evangelho Nu’udar são

Mateus haktuir (Mt. 5, 13-16)

Iha tempo nebé, Jesus lia tun ba Eskolante sira: “imi masin rai nian. Maibé, masin lakon karik nia meer, nia hameer ai-han oin sá? Nia la soy ona ba buat ida; nia soy de’it atu soe ba liur, ema atu sama. Imi mundo nia naroman, Cidade nebé harí iha foho leten, la bele subar-an; áhi–oan sunu, laós atu atu tau iha fatin okos, maibé, atu tau iha fatin aas, hodi leno ema hotu iha uma laran. Imi nia naroman sei nabilan mos hanesan ne’e iha ema sira oin, atu sira haré buat di’ak imi halo, sira hahí imi nia Aman iha lalehan”. Lia Maksoyn.

 

LA BANDO USA MEIOS COMUNICAÇÕES, BELE USA MAIBE LAOS ATU ABUJA

DCDD – Lia hirak ne’e Bispo Dili, Dom Virgilio da Silva koalia wainhira comemora Festa Maria Imaculada Conceição nebé monu iha loron 8 fulan Desembro foin lalais ne’e, iha Catedral Dili. Tan ne’e, Dom Virgilio do Carmo da Silva hateten; “meios comunicações hirak ne’e laos atu bando, maibé uja laos atu abuja. Dalabarak meios Comunicação hirak ne’e, halakon tiha momento comversação iha família. Família buka aprende hamutuk kona ba impacto positivo no negativo média ninian, iha família mak educa kikoan sira atu uja”. Dom Virgilio haforsa tan katak: Além média sai hanesan desafios ka ameasa ida ba ita, ita mos precisa matan moris ho neon nain hasoru sira nebé mai ho objectivo, hakarak promove moris nebé diak, maibé, dalaruma liu husi meios oi-oin sai ameasa ba ita nia valor sira hanesan; Sexo livre, uja Komdom no meios seluk-seluk tan, hodi halo promoção katak; hodi halo ema fiar lalais no hakarak koko, maibé, iha médico sira mos pessimista kona ba buat hirak ne’e, satán moralmente la tuir Creda nia hanorin.

Bispo haktuir tan katak; Consequência ida mak ita hare moras oi-oin continua da’et iha ita nia rain laran liu-liu iha cidade Dili. Buat nebé dalaruma halo ita hanoin mak ida ne’e; iha sasukat ruma mai ita, iha momento ne’e, sasukat moris Moral nian, iha nebé mak hau bele kadi hau nia conciência atu labele monu lalais ba virus, tenik Dom Virgilio iha Catedral Dili, (08/12).

Dom Virgilio esplica katak; Ohin loron iha era ida nebé ema hanaran; era revolução Digital nian, nebé penetra iha espaço no momento hotu iha família nian, iha comunidade, escola, Paróquias, Sociadade, ita sei iha autoridade ka kbi’it atu regula ka tamba liberdade ita husi buat hirak ne’e daet masque to’o estraga ita nia valor tradicional, ita nia fiar Timoroan sarani ninian, iha kedas ona iha Amo Papa nia Exortação; “Amores Laetitia”, nune’e mos foin dadaun ne’e, Bispo sira iha Ásia nian iha mundo, iha Colombo Srilanka sublinha tan ponto nebé hanesan; preucupa ho pornografia nebé daet liu husi meios hirak ne’e hotu; Internet no Média Social. Tan ne’e Bispo sira Ásia ninian haforsa tan Amo Papa ninia hakarak ne’e hodi apela ba famílias sarani sira hotu iha Ásia, liu-liu aman no inan sira atu conciênte ho força negativo nebé meios comunicações Social no formação kona ba valor materialista hirak ne’e,

Dom Virgilio hateten tan; Iha pesquisa ida nebé amo Vigário Assunto Educação nian ho ninia equipa halo no apresenta ba iha assembleia Padres e Madres iha 22 de Novembro katak; pesquisa ida ne’e, sira halo iha escola lubuk ida liu-liu iha Dili laran. Tópico nebé equia ne’e apresenta mak; “Tópico ida kona ba Fiar, kona ba Futuro no vida Moral”. Husi ne’e hatudu resultado katak; Jovem 100 sira nebé hatan kona ba buat fiar ninian no futuro voluntariamente afirmativo besik ba iha 70% katak; kona ba fiar, kona ba futuro ita la dúvida kona ba ida ne’e.

Maibé husi grupo nebé hanesan, wainhira trata kona ba assunto Moral ninian hatudu katak; 50% mak bele hetan duni buat nebé tuir sira nia conciéncia moralmente bele kala lae. Los duni hau lakohi atu generaliza buat ne’e no pessimista ho resultado ida ne’e, maibé, ida ne’e bele sai indicador ida mai ita hotu, nudar educador, pastor no responsável ba kikoan, foinsae no ita nia família..(Cko)

 

 

DOM. VIRGILIO PRESIDE MISSA BA GRADUADO NAIN 144 IHA ICR


ITE DILI
Actividade Graduação refere abertura ho missa agradecimento nebe preside husi Bispo de Dili Dom Virgilio do Carmo da Silva iha campal Instituto Ciência Religiosa São Tomas de Aquino (ICR) Lahane Dili. Iha ocasião nee Bispo Virgilio hateten; Ohin ba imi 144 marca história foun ida iha imi nia vida ou iha imi nia moris. Ita boot sira haksolok iha loron ida ohin tamba dehan katak tempo too ona, sacrifício nebe halo, energia hotu nebe halo ohin o simu hau nia kolen, maibe iha perigo boot ida mai ita tamba dala barak ita badinas atu hatan ba egigencia sira escola nee nian, maibe oras nee tamba escola hotu ona balu hahu dehan pesquiza mos hotu ona, esforso atu aprende mos balu dehan hotu ona, maibe tuir lolos moris hahu ho ohin, desafio hahu ho ohin, husi ohin ba oin mak ita precisa halo esforso nebe boot. Dala barak ita rona crítica husi naiulun sira tau kona ba qualidade da educação, educação la termina iha banco Universidade, educação la termina iha banco Instituição nian, maibe completa iha moris. Iha Universidade hanorin oinsa halo pesquisa, iha Universidade Mestre sira fo buat ruma, maibe iha realidade mak ema ida-idak mak temque desemvolve, precisa actualiza nafatin tamba mundo lao ba oin. Educacão laos deit iha ita nia kakutak maibe kona mos ita nia fuan. Se educação la kona iha ita nia fuan la afecta mos iha ita nia moris, <strong>tenik Dom Virgilio da Silva iha Kampus ICR Lahane Dili (31/01).

Dom Virgilio hateten: Dalan atu hetan matenek Liurai Salomão Wainhira nia sei Jovem, atu sai liurai nia la hatene atu halo saida, maibe, nia fila ba Maromak no lamenta ba Maromak hodi dehan; Nai hau sei kiik, hau beik, hau la hatene, oinsa mak hau bele ukun povo ida nebe ita boot tau mai hau nia liman. Maromak hare ba Salomão nia preucupação, Maromak liatun ba nia; “masque o kiik no beik, maibe o hatene husu. O la husu kona ba forsa, o la husu kona ba riku, tamba o husu matenek, Hau sei haraik duni matenek nee ba o atu o bele hatene ukun povo ida nee, atu o bele hatene saida mak diak no saida mak aat”. Dom Virgilio hatutan tan: Dalan atu hetan matenek Salomão dehan; “Harohan ba. Wainhira imi harohan, imi sei hetan basá Salomão compara matenek liu fali osan mean ka mutin, matenek mak dalan atu hatudu Maromak e Maromak mak we matan hun matenek nian, nia hahi matenek basá matenek mak as liu buat hotu, nia hahi matenek basá matenek mak furak liu buat hotu e nia hatudu katak nia la pertense ba rai ida nee ka matenek nee laos rai nee nian, maibe mai husi leten. Tan nee temque husu duni ba ida leten atu haraik matenek nee ba o. Dom Virgilio dehan tan: Ohin ita haksolok ho ita nia maluk sira nee hotu, maibe hau hakarak sublinha liafuan balu; Diligente (badinas). Iha matenek nain ida Senecta dehan nunee; “Iha momento nebe ita buka matenek, iha momento nee deit ita buka halo imvestimento nebe boot iha ita nia vida”. Atitude nebe comum nebe ita hare iha São Tomas ho Salomão. Tan nee liafuan ba dala uluk ba imi nain 144 mak ida nee; “Badinas Ba”. Ohin imi menciona katak ”imi nia Sacrifício mak ami nia ksolok” e hau hakarak dehan fali nunee: “Imi nia badinas mak sei sai ami nia ksolok”. Ida nebe melhor mak ida nebe buka iha vida lor-loron e oinsa mak atu conretiza matenek hotu nebe imi aprende iha Instituição ida nee iha imi nia vida.

Pe. Adriano Ximenes: Bíblia Maromak Nia Liafuan

ITE DILI – Diocese Dili hili tinan ida nee nudar tinan Bíblia nian hodi fo tada ba sarani sira hotu katak; Bíblia Maromak Nia Liafuan. Ema nebé la conhece Bíblia automaticamente la hatene Maromak nia liafuan no ema nebe la Le’e Bíblia, nia labele comprende liu tan kona ba Fiar ida nebe nia fiar ba, tenik Pároco Balide Pe. Adriano Ximenes iha nia residéncia Paroquial Balide (30/01).

Pe. Adriano Ximenes haklaken: Bíblia tuir nia sentido lolos dehan katak conjunto de livros Antigo Testamento e Novo Testamento. Antigo Testamento nebe hakerek Profeta sira ninia lia fuan nebe Maromak koalia ho sira. Novo Testamento hakerek Jesus Nia moris rasik, Jesus nia lia fuan no nia doutrina nebe Jesus lao hamutuk ho nia escolante sira hodi hanorin ba fatin-fatin.

Pe. Pároco reforsa tan: relaciona ho programa ou plano pastoral Paróquia nian iha tinan-tinan ba dala uluk mak nee; hau vizita família sira fo benca ba uma kain sira hodi hare iha sira nia Oratório estatu, imagem no mos Bíblia iha ka lae, maibe ida nee remata tiha hau halo buat lectio de Vina. Iha Lectio Divina nee hodi halibur sarani uma kain ha’at ka lima tur hamutuk hodi le’e Bíblia iha loron Sábado molok Dominggo missa, atu nunee buat nebe sira mai rona iha missa, sira le’e tiha ona no sira hatene tiha ona saida mak aban atu le’e no mai missa amo lulik sira koalia tan bele aprofunda liu tan sira nia fiar, aprofunda liu tan sira nia comprensão kona saida mak Bíblia. Hau lakohi mistura Lectio Divina ho terço, maibe le’e Bíblia no shering experência ida-idak nian han malu ho lia fuan nebe iha Bíblia e depois taka ho oração badak ruma hafoin remata.

Pároco sublinha tan katak: oras nee dadaun ema fo importáncia liu ba buat seluk do que Bíblia tamba falta de comprensaun kona ba Bíblia. Ema hanoin katak Bíblia nee mos hanesan buat  ida nebe le’e hanesan jornal bain-bain ida tamba nia la comprende katak “Bíblia nee Maromak nia lia fuan nebe hakerek iha neba, e Bíblia ida nee importáncia boot liu buat seluk hanesan jornais sira nebe que le’e bain-bain hodi akompanha situação actual nia andamento nee to’o iha nebe, maibe nia la comprende mos Bíblia nee katak uluk apostulo sira, Jesus, Profeita sira nai experência ho Maromak iha sira nia moris loron loron.  Ida nee mak hakerek iha neba atu ita le’e no ita bele comprende moris tuir hodi haklaken Maromak nia lia fuan nee ba mal uk seluk.

Pároco relata tan katak: Igreja hakarak promove ou aprofunda liu tan mak ida nee; fo tinan ida nee nudar tinan Bíblia, atu sarani bele hakas-an liu tan hodi comprende Bíblia atu bele hamenus importáncia jornais labele liu fali importancia Bíblia nian iha nia moris nudar ema sarani. Ita bele le’e ou acompanha situação mundo ida nee nian, maibe ita buka mos atu fo importáncia mos ba Bíblia tamba ita nudar ema sarani ita nia fiar metin iha Maromak nia lia fuan, ita rona Maromak nia lia fuan ita buka moris tuir le’e no buka atu haklaken ba maluk seluk tamba ema barak, maibe ema uitoan deit mak komprende Bíblia barak sei dauk comprende, tamba nee ita hotu-hotu buka haka’as an atu bele le’e Bíblia hodi buka moris tuir Maromak nia lia fuan. (A/c)     

ICR Lahane Relaliza Graduação ba dala VI

ITE DILI – Instituto de Ciência Religiosa São Tomas de Aquino (ICR) iha Segunda-Feira (30/01/2017) foin lalais nee realiza Graduação ba dala VI ba agente Graduado hamutuk 144 nebe acaba sira nia curso iha areia Licenciatura no Baissarelato ba formação Professores Moral e Religão iha escola no programa ba Bassiarelato PastoralSocial nian. Reitor Instituto de Ciência Religiosas (ICR), Padre Urbanus Bunga Lolon hateten; Ohin ita halo Graduação ba ICR nian, maibe compara ho Universidade ou Instituição seluk, ICR Instituição ida nebe kiik. Graduação ba Primeiro Turno estudante hamutuk ema “35”, Segundo Turno estudante hamutuk “42”, Terceiro Turno estudante hamutuk “101”, Quarto Turno estudante hamutuk “75”, Quinto Turno estudante hamutuk “102” no ba Sexto Turno nian estudante hamutuk “144”. Total Graduação husi husi ICR foin mak “499”. masque estudante la barak ami sente hakasan hodi hasae qualidade husi docente ho estudante sira hotu, tenik Reitor ICR Pe. Urbanus Bunga Lolon iha Kampus ICD Lahane Dili (31/01)

Pe. Urbanus Bunga Lolon reforsa tan katak: Ba Docente sira, ami buka dalan hodi haruka sira ba escola hodi foti Mestrado ou Doutoramento e iha mos treinamento nebe ami halo hamutuk hodi hasae qualidade iha processo aprendizagem nian. Too agora tradição nebe diaak ami halo quando halo graduação husi Kampus ida nee, ami sempre halo lansamento Livros. Livro nebe que ami halo durante Lansamento hakerek nain husi Docente sira husi ICR.

Pe. Urbanus Bunga Lolon sublinha tan katak: Ba estudante sira husi ICR ami halo processo aprendizagem partipatip treanin. Docente permanente sempre haruka estudante sira halo presentasi grupo ou pessoal. Halo presentase mos temque uja programa Pawer Poin atu hahu husi Semester III ba leten, ami espera katak, estudante hatene ona uja Pawer poin tamba wainhira exame tese iha semester ikus nian ida-idak temque uja Pawer Poin. Hahu exame ida liu ba fulan Desembro ba semester IV no VI hahu ona husi estudante sira haruka trabalho tuir Email. Estudante sira haruka nia trabalho liu husi nia Email rasik. Maneira ida nee atu hanorin estudante sira bele uja no mos bele hatene Internet. Uluk ita nia inan aman sira ita la hatene hakerek tan nee ita hanran Buta Huruf nunee ba estudante sira nebe mak la hatene uja Computador ita hanaran mos estudante Buta huruf iha tempo moderno nian.

Pe. Urbanus Bunga Lolon reforsa tan katak: Atu suporta no hasae qualidade hus campus ida nee, ba sira nebe halo estágio, ami haruka sira ba estágio laos fulan ida ka rua, maibe ami haruka sira ba estágio durante fulan 6. Maneira ida nee ami halo hodi prepara ita nia estudante sira nebe remata husi Kampus ida nee bele hetan qualidade nebe diak. Ami mos la nega katak estudante hotu nebe remata husi ICR, balu mos iha fraqueza nebe sira hatudu iha campo de trabalho ou iha moris lor-loron nian, maibe husi fatin ida nee, processo formação nian ami halo tuir ami nia capacidade nebe iha hodi buka qualidade educação nebe diak.

Pe. Urbanus Bunga Lolon relata Tan katak: Ohin sira nian 144 hetan graduação, sira balu hetan ona serviço no sira balu sidauk. Ba hirak nebe sidauk hetan serviço liu-liu ba sira nebe hetan programa professores hau haruka imi ba imi nia knua rasik no iha neba escola sei buka Professores hodi hanorin. Processo husi graduação ohin loron laos resultado husi hau nia serviço nudar Reitor no Corpo Docente sira deit, maibe husi colaboração diak husi Instituição oi-oin no ema barak sira nia laran luak. Ba Governo liu husi Ministro Educação nebe fo tulun ba Instituto ida nee hodi hasae qualidade Docente sira no mos processo tomak aprendizagem nian atu bele hetan resultado diak.

 

 

Seminário Nossa Senhor de Fátima (SENOFA) Celebra Aniversário ba dala 62

Sábado (28/05/2016) Seminário Nossa Senhor de Fátima (SENOFA) celebra ninia Aniversário ba dala 62. Iha celebração refere hahu ho Missa nebe pregide husi Bispo de Dili no hetan participação máximo husi Padres, Madres, Seminaristas, Famílias no Educadores. Iha celebração hirak nee monu iha loron 13 fulan Maio liu ba, maibe muda hikas ba iha loron 28 Fulan Maio. Tuir Reitor Seminário Balide Padre Ángelo Salsinha imforma katak: Ohin Seminário Menor Balide celebra ninia existência ba dala 62. Tuir programa katak ami celebra tiha ona iha dia 13 fulan Maio liu ba, como iha tempo neba ami labele celebra tamba iha Ordenação iha Paróquia Ainaro. Paróquia Ainaro mos hili Nossa Senhora de Fátima nuudar sira nia Padroeira, tamba Padre Patricino mos momento nee hanesan Equipa formador iha Seminário Balide, tamba nee Festa Seminário nian adia fali mai 28 de Maio, tenik Padre Ángelo.
Iha celebração Padroeira Seminário Balide nian, Dom Virgilio iha nia discurso apressia tebes Equipa Formador, educador no mos Inan aman sira hotu ba dedicação tomak nebe sira oferece ba iha Seminário ida nee. Tan nee Bispo hateten: Hau aprecia tebes ho imi nia presença hodi halo tranformação ba iha Seminário ida nee. Professores sira nia papel laos deit atu transmite Ciência ka conhecimento nebe imi iha ba Seminarista sira, maibe buat nebe importante mos mak precisa sai educadores. Hau orgulho tebtebes ho equipa Formador no Professores sira cria iha Seminário ida nee, nebe cria ona ambiente ida nebe mais educativo hodi transforma Seminário ida nee sai ambiente da Família nomos cria valores da família nian iha nebe iha respeita malu no transparência. Dom Virgilio hatutan tan katak: ita precisa fo acompanhamento ba oan sira. Hare ba realidade katak buat ida disciplina nee susar atu tama iha sira nia ulun, maibe ita nunca se para no desanima, maibe nafatin fo hanoin ba oan sira. Husi ambiente ida nee, ekipa formador, professores to’o iha conselho dos pais hanoin hamutuk atu bele kria acompanhamento ida nebe efetivo, eficaz ba oan sira hotu liuliu ba Seminarista sira. (A/C)