shadow
Diocese de Dili > NOTÍCIAS > Articles by: Departamento Comunicação Diocese Dili

MAROMAK IDA DEIT IHA PESSOA: AMAN, OAN NO ESPÍRITO SANTO.

SOLENIDADESANTÍSSIMA TRINDADE /Ano A/2020

Êx 34,4b-6.8-9; 2Cor 13,11-13; Jo 3,16-18;

 

Papa Francisco dehan: Com a Santíssima Trindade, Pai, Filho e Espírito Santo podemos ser fermento de comunhão e misericórdia.Liu tiha Solenidade Pentecoste (a descida do Espírito Santo à Nossa Senhora e os apóstolos), Domingo semana ne’e, Cristão (Católico) tomak celebra hikas solenidade Santíssima Trindade. Ba ita sarani Católico, Santíssima Trindade ne’e mistério boot ida iha fiar Catolicismo nebé ita la consegue entende ho kakutak ema nian (humana). Leitura sira sei tulun ita hodi loke neon hodi compreende no fiar tuir óculo Bíblia Sagrada nian. Housi ne’e, ita bele fiar no moris tuir doutrina Católica ba Santíssima Trindade. Padre Raniero Cantalamessa hatete: “O Pai é, na Trindade, aquele que ama, a fonte e o princípio de tudo; o Filho é aquele que é amado; o Espírito Santo é o amor com o qual se amam”.

Tan fe Cristão (Catolicismo) nebé ita simu, ita bele  iha convicção ida katak; ita nia história moris ho universo ida ne’e, hahú no remata iha Domin Aman, Oan no Espírito Santo. Expressão ne’e significa katak maromak laos Ser ida nebé Mes-mesak maibé Ser ida nebé comunhão perfeita (Uno e Trino= Um Deus em Pai, Filho e Espírito Santo).

Nune’e, saida mak Bíblia Sagrada ho Catecismo Igreja Católica koalia sobre Santíssima Trindade?

Compêndio Catecismo Igreja Católica explica ho maneira ida ne’e: “mistério central housi fé no housi moris cristão mak mistério Santíssima Trindade. Cristão sira simu baptismo iha Aman, Oan no Espírito Santo naran” (CCIC, 44).

Liu tan Compêndia Catecismo da Igreja Católica explica katak; Igreja (Católica) exprime ninia fiar trinitário hodi confessa katak Maromak ida deit iha pessoa tolu: Aman, Oan no Espírito Santo. Pessoa tolu ne’e ho natureza Maromak mesak ida deit (Monoteismo) basá, ida-idak idêntico ba plenitude (kepenuhan) housi única no indivisível natureza divina. Sira realmente distinta entre sira housi relação ida ho ida seluk nebé la bele haketak malu; Aman hahoris Oan, Oan hahu-An housi Aman no Espírito Santo mai housi Aman no Oan (o Pai gera o Filho, o Filho é gerado pelo Pai, o Espírito Santo procede do Pai e do Filho) (CCIC, 48)”.

Ita nu’udar Cristão Católico nu’udar fiar na’in ba religião nebé fiar Maromak ida deit (monoteismo). Ita fiar ba Maromak ida maibé laos Maromak nebé mes-mesak (Solitario). Oinsa Maromak ne’e bele hadomi se nia mes-mesak. Maromak bele expressa domin ne’e sofisticado (perfeitamente) wainhira domin ne’e expressa iha pessoa trindade ne’e. Hanesan mos Família ida nebé iha laran composto housi Aman, Oan no Fen Kaben. Hanesan mos comunidade ida nebé composto housi ema lobuk ida laos composto housi ema mesak ida deit.

Iha Antigo Testamento hakerek: “Na’i, Na’i, Maromak nebé laran luak tebes, la hirus lalais, hadomi la bosok” (Êx 34,6). Maromak nu’udar Domin, hatudu-An ba Mosies no ba ita nobun hodi hasé ita nu’udar belun. Nune’e, Maromak hatudu identidade nu’udar Na’i ba ita hodi hatene katak Maromak nakonu ho Domin, we=matan graça, fiel ba Ninia promessa absolutamente,

São Paulo ba sarani sira iha Corinto hakerek: “Na’i Jesus Cristo nia graça, Maromak nia domin, Espírito Santo nia tulun malu hela hamutuk ho imi hotu (2Cor 13,13). Importante tebes atu ita tau atenção basá, São Paulo temin pessoa tolu ne’e; Pai, Filho (Jesus Crsito) no Espírito Santo tu-tuir malu nu’udar união ida. Nune’e, se ita reza (hamulak), ita comunica ho Pessoa tolu ne’e. Formula oração hanesan ne’e, afinal hahu ona desde tradição Antiga Igreja nian.

 

Relato Evangelho São João, apresenta conversa entre Jesus ho Nicodemos; Jesus dehan:“Maromak hadomi teb-tebes mundo…….”(Jo 3,16). João Evangelista hakarak afirma katak; ema nebé la hadomi ou la conhece domin, nia la conhece Maromak basá, nu’udar Papa Emérito Bento XVI hakerek iha ninia encíclica tenik; Deus Caritas Est (Deus é Amor). Liu tan Bento XVI hakerek:Para quem tem fé, todo o universo fala de Deus Uno e Trino.

 

Nu’udar sarani Católico, ita hatene no fiar katak Maromak hadomi tebes ita. Tan Maromak mak Domin, ema nebé hadomi, nia horik iha Na’i no Na’i horik ho nia. Aman Maromak hadomi Oan (Jesus Cristo) hamutuk ho espírito Santo hadomi hikas ita nobun. Maibé, Maromak sei hadomi ita wainhira ita mos hadomi ema seluk (laos ema housi ita nia partido, ita nia grupo, ita ia família). Basá, Maromak presente iha ema ida-idak. Tan ne’e, se ita hadomi (tulun/ajuda) ema nebé pertence deit ba ita nia grupo partidário ou grupo arte marciais ou grupo koran, Maroamk hatene hela katak ne’e laos domin. Ba ida ne’e, padre Joãozinho explica:“Deus não é solitário, Deus é solidariedade! Deus é Pai, é Filho e é Espírito Santo, Deus é família: é Pai e Filho, Ele é o Espírito que existe entre o Pai e o Filho. Deus é Pessoa. A Trindade não é uma composição de três indivíduos, mas de Três Pessoas e pessoa se dá na relação, ou seja, o Pai é pai porque tem filho, o Filho é filho porque tem Pai e os dois são pai e filho porque tem uma paternidade filiação garantida pelo Espírito que há entre os dois. Isso é a Santíssima Trindade, uma relação de amor: o Pai é o amante, o Filho é o amado e o Espírito Santo é o amor do Pai e do Filho”.

Tanba ne’e, atu ita hahi-adora Santíssima Trindade tuir lolos, laos hahi deit Maromak nebé mes-mesak maibé, nu’udar união ida reciprocamente entre Aman, Oan no Espírito Santo. Hahi-adora Santíssima Trindade nu’udar expressão disponível hodi fo honra no hadomi ita nia maluk sira, se se deit, basá, Maromak Trindade nebé ita adora, Nia mos presente iha ita nia maluk sira.

Tansa tenke nune’e? Tan Maromak Trindade nu’udar we-matan (fontes-sumber) relação no comunicação entre ema hotu. Maromak Trindade nu’udar realização moris Trindade nebé dinámico. Movimento de comunicação ida, relação domin. Tanba, Catolico ida qualidade fiar provado housi modelo moris trinitario dinámico significa; hadomi malu iha união Aman, Oan no Espírito Santo. Ne’e mak modelo comunicação nebé hatudu unidade no fidelidade iha comunidade eclesial hotu.

Iha Santíssima Trindade, ita aprende oinsa ita bele cria unidade entre família, suco, povo no religião. Trindade hanorin ita oinsa ita bele unifica hanoin diak sira nebé divergente li-liu hahú ho forma sociedade ida nebé kaer ba modelo Trindade no laos basea ba cor política quabto mais relação familiar deit.

Maske mistério Santíssima Trindade susar tebes atu ita sura ho matemática kakutak nian maibé, naroman fiar nian, tulun tebes ita hodi entende no fiar Maromak ida deit iha pessoa; Aman, Oan no Espírito Santo. Iha liturgia (Missa), ita rona bebeik formulação ne’e: Na’i Jesus Cristo nia graça, Maromak Aman nia domin hamutuk ho Espírito Santo hela ho imi (ita).Moris lor-loron mos hafurak ho presença Trindade wainhira ita reza; Hodi Padre, hodi Filho no hodi Espírito Santo. Kmanek tebes wainhira ita nia ibun temi formulaoração ne’e hodi hanoin Maromak ida deit nu’udar comunhão ida iha Igreja Católica.

Padre Joãozinho explica liu tan katak: “A nossa compreensão do Mistério da Trindade é muito mais o ser compreendido por este mistério, ou seja, estar mergulhado no mistério por uma ação de fé que procura refletir, uma fé inteligente, mas ao mesmo tempo, uma fé vivida, testemunhada”.

Nune’e, ita conclui reflexão ida ne’e hodi entende ho matan fiar nian katak; Santíssima Trindade ne’e nu’udar mistério fiar nebé boot iha história Cristianismo nian. Entre hirak ne’e hotu, ita agradece nafatin ba Maromak; Aman, Oan no Espírito Santo tan, Nia domin be horik nafatin ho ita housi tempo ba tempo. Jesus rasik confirma lia fuan ne’e hodi fo laran metin (esperança) ba apóstolo sira katak; Hau sei horik ho imi too mundo nia rohan.

          Nune’e, saida mak ita precisa halo hodi hola parte iha Santíssima Trindade nia moris? Buat nebé importante mak, ita nu’udar sarani Católico, precisa comporta didiak, halao moris tuir doutrina Trindade nu’udar Jesus hanorin nanis hodi tau fiar metin ba Maromak Santíssima Trindade sem condição. Assim Seja e Bem Haja. (IgnasOliveira2020)

IX DOMINGO TEMPO COMUM (ANO A)

SOLENIDADE SANTÍSSIMA TRINDADE

 

Primeira Leitura                 Êx 34, 4b-6.8-9

Lia husi Livro Êxodo:

Iha loron hirak nebá, dadersan, Moises hader, tuir Na’i haruka, nia sae ba foho Sinai, kaer iha liman, fatuk belar rua. Na’i tun mai iha kalohan ida; Moises hela ho Na’i iha nebá hodi bolu Na’i nia naran, Na’i liu housi Moises nia oin, hodi dehan ho lian makas: ”Na’i, Na’i, Maromak nebé laran luak tebes, la hirus lalais, hadomi la bosok”. Moises hakneak kedas hodi monu ba rai. Hafoin, nia hasae lia nune’e: “Na’i, hau monu karik ba Ita-Boot matan, hiit-An mai, la’o iha ami leet. Lós duni, ami ema ulun moruk maibé, haraik perdua mai ami salan, halo ami sai Ita Boot liman rohan”.

Maromak Futar Lia.

 

Salmo Responsorial                                                                                                                                                                Dan. 3, 52-56

Refrão : Hahí no hasae glória nafatin!!! Repete-se

Ita Boot kmanek tebes, Na’i,

Ami bei-ala nia Maromak;

Kmanek Ita Boot naran santo,

Ami hahí tinan ba tinan. Refrão

 

Ita Boot kmanek tebes iha Ita horik fatin,

Ami hahí liu hotu tinan ba tinan. Refrão

 

Ita Boot kmanek tebes, Na’i be ukun buat tomak

Na’i be hatodan-An iha anjo sira fohon,

Ami hahí liu hotu tinan ba tinan. Refrão

 

Kmanek tebes Na’i, iha Nia kadunan liurai,

Ami hahí liu hotu tinan ba tinan. Refrão

 

Kmanek tebes Na’i, iha fitun sira Lalehan,

Ami hahí liu hotu tinan ba tinan. Refrão

 

Segunda Leitura                                                                                                                                                                       2Cor 13, 11-13

Lia husi São Paulo nia surat ba sarani sira iha Corinto:

Maun alin sira: Imi buka moris iha ksolok laran, kaer imi kna’ar halo didi’ak, haksolok malu ho hanoin ida de’it hodi moris iha dame laran. Maromak domin no damen na’in sei hela ho imi. Imi cumprimenta malu ho paz. Sarani sira hotu cumprimenta imi. Na’i Jesus Cristo nia graça, Maromak nia domin, Espírito Santo nia tulun malu hela hamutuk ho imi hotu.

Maromak Futar Lia.

 

Aclamação                                                                                                                                                                                               Ap. 1, 8

Refrão : Aleluia, Aleluia!! Repete-se

Glória ba Aman, ba Oan no ba Espírito Santo;

Ba Maromak ohin, uluk no aban bain rua. Refrão

 

Evangelho                                                                                                                                                                                        Jo. 3, 16-18

Nai Jesus Cristo nia Evangelho nu’udar São João haktuir:

Iha tempo nebá, Jesus dehan ba Nicodemos: “Maromak hadomi teb-tebes mundo to’o saran Nia Oan Mane mesak ba mate, atu ema tomak nebé fiar iha Nia, la bele lakon maibé, hetan moris rohan laek. Maromak haruka nia Oan mai iha mundo, laós atu fo todan ba mundo, maibé, hodi Nia tulun mundo bele hetan salvação. Ema nebé fiar iha Nia, la hetan aat; maibé, ema nebé la fiar, hetan tebes aat; tan la fiar iha Maromak Oan Mane Mesak nia naran”.

Lia Maksoyn.

Sábado, IX Semana Tempo Comum (ANO A)

Primeira Leitura                     2Tim. 4. 1-8

Lia housi São Paulo nia Surat ba Timóteo:

Oan doben: Iha Maromak no iha Cristo Jesus nia futar oin, nebé sei tesi lia ba ema moris no ema mate, ha’u saran ba ó knaar ida ne’e, hodi hanoin nia hi’it An mai no nia reino: haklaken lia menon ne’e; iha tempo lós no iha tempo la lós, hato’o nia ba sira. Halakon hanourin bosok ba, hadi’a buat nebé sala, bolu ema atu halo tuir; maibé halo hotu ne’e ho paciência no hodi hanoin atu hanourin. Tempo sei mai duni uainhira ema sei la haksolok ho hanourin lolós; maibé sei buka tuir liafuan nar-naran de’it hodi halibur hamutuk ba sira an mestre sira tuir sira rasik nia hakarak; tuir mai, lakohi rona lialos, sira sei buka aiknanoik sira. Haré didi’ak katak ó tuir dalan lós; aten barani ba iha susar laran, halo knaar atu haklaken Evangelho, káer didi’ak ó nia knaar.

Kona ba ha’u, ha’u nia moris fakar daudaun ona nu’udar sacrifício tua nian, no tempo to’o ona atu ha’u husik rai ne’e. Ha’u halo tiha funu didi’ak to’o rohan; ha’u hein de’it kolen justiça nian, sei haraik mai ha’u iha loron nebá; no la’os de’it mai ha’u meibe mós ba sira hotu nebé tetu ho domin Na’i nia hi’it An mai.

Maromak Futar Lia.

 

Salmo Responsorial                                                                                             Sal. 70(71).  8-9,  14-15ab, 16-17, 22 (R.  cf. 15ab)

Refrão : Ha’u ibun sei haklaken Ita maksoyn!!! Repete-se    

Ha’u ibun nakonu ho hahí ita,

Ha’u hananu nafatin ita glória.

Keta husik ha’u iha otas katuas nian,

Uainhira ha’u biit nakraik, keta husik ha’u. Refrão

 

Na’i, ha’u hein nafatin iha itaboot,

Ha’u sei la kolen atu hahí ita;

Ha’u ibun sei haklaken Ita justiça,

Loron ba loron, ita maksoin rohan laek. Refrão

 

Na’I, ha’u sei haktuir Ita hahalok kmanek,

Hanoin, Na’i, ita justiça be hanesan ba hotu,

Houri kiik kedas, maromak, Ita hanourin ha’u,

To’o ohin loron ha’u haklaken nafatin,

Ita hahalok kmanek sira. Refrão

 

Ha’u sei hahí ita nia fidelidade ho harpa,

Hananu ba Ita ho lian cítara nian,

Oh! Israel nia Santo.  Refrão     

 

Aclamação                                                                                                                                                                                              Mt. 5. 3

Refrão : Aleluia, Aleluia!! Repete-se   

Ksolok ba sira kiak iha laran,

basá reino lalehan sira nian. Refrão

 

Evangelho                                                                                                                                                                                   Mc. 12. 38-44

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus dehan hodi hanourin, “ Matan moris ba kona ba escriba sira, nebé hakarak la’o ho unuk nar-naruk atu ema cumprimenta sira iha mercado, atu tur iha sinagoga sira nia oin eh iha ema boot sira nia fatin iha festa. Sira ne’e tolan feto faluk sira nia uma, maski sira halo ema haré ho laran makerek katak sira reza barak. Sira ne’e sei hetan susar boot liu.”

Nia tur iha osan fatin nia oin, hodi haré ema sira nebé tau osan iha nebá. Ema riku sira tau osan barak. Feto faluk kiak ida mós mosu mai hodi tau osan rahun kiik rua. Osan ne’e nia folin kiik tebes. Jesus bolu nia escolante sira hodi dehan ba sira, “ Tebes ha’u dehan ba imi;  feto faluk kiak ne’e tau barak  liu fali sira seluk iha osan fatin, basá sira tau osan nebé resin ba sira, maibé housi nia kiak, buat hotu nebé nia iha, nia tau hotu, katak hotu nebé nia hodi bele moris.”

Lia Maksoyn.

PM Taur Matan Ruak Husu MAE Envolve Autoriedade Local Sira Iha Pagamento Subsidio

DILI; 5 Junho 2020 (DCAD) – Primeiro Ministro Taur matan Ruak husu Ministro Administração Estatal (MAE) Minguel Pereira de Carvalho hodi envolve autoriedade local sira iha Suco sira iha teritorio timor laran tomak, atu participa no apoiu ba equipa nebé sei halo pagamento apoiu umanitario relaciona ho covid-19; cidadão sira nebé sei realiza iha loron terça semana oin. Dehan Ministro Administração Estatal (MAE) Minguel Pereira de Carvalho iha Palacio do Governo sexta semana ne’e (05/06/2020).

Ministro Administração Estatal (MAE) Minguel Pereira de Carvalho afirma katak Ohin mai encontro ho Sua excelencia Primeiro Ministro Taur matan Ruak, atu orienta ha’u para hato’o ba administrador Municipio sira hotu, postu sira no mos liderança comunitaria, no conselho Suco hotu para atu fo apoiu ba Equipa Ministeiro Solidariedade Sosial Incluzaun (MSSI). Nebé hahu terca (09/06) semana oin sei realiza pagamento apoiu umanitaria iha ambito pandemia covid 19 nian ba ita nia cidadão sira iha suco hot-hotu, nebé la inclui Região administrativa especial Oe-cusse Ambeno (RAEOA).

Guvernante ne’e hatutan katak Equipa sira nebé sei tun iha base atu halo pagamento apoiu umanitaria ba ita nia população sira hamutuk equipa 452, maibé hasai tiha suco 18 housi Região administrativa especial Oe-cusse Ambeno (RAEOA), então resto ne’e sei hetan apoiu umanitaria iha loron nebé MSSI promete ona. 

Alem de MAE simu orientaçao housi Primeiro Ministro mos husu ba lideranca local sira iha teritorio laran tomak atu apoiu equipa housi MSSI, atu nune’e cidadão hotu bele hetan sira nia direito. No garante katak comunidade hotu-hotu bele marca presenca iha fatin nebé maka equipa sira sei ba halo pagamento. Tenik Minguel Pereira de Carvalho. (L.S’mauS)

Timor-Leste Confirmado Participa Iha Expo Dubai 2021

DILI;  5 Junho 2020 (DCAD) – Timor-Leste confirmado atu hola parte iha expozição Dubai nebé sei realiza iha tinan oin 2021. Liafuan hirak ne’e hato’o housi Coordenador Programa Expo Dubai TL, Arif Abdullah Sagran, wainhira hasouru malu ho Ministro Presidencia do Conselho Ministros Fidelis Manuel Leite Magalhães iha Palacio do Governo Dili sexta semana ne’e.

Arif Abdullah Sagran hateten katak ohin halo encontro ida ho Ministro Presidencia do Conselho Ministro kona ba preparação no continuação de participação Timor-Leste nian ba iha Dubai Expo. Iha tinan kotuk 2019 Timor-Leste Prepara ona no decide hodi participa mós iha Dubai Expo 2020, maibé ho situação covid-19 maka iha Dubai nebá mós sira adia ba tinan oin 2021. Tanba ne’e mak ohin ha’u mai koalia ho Ministro Presidencia do Conselho Ministro oinsá atu continuação no preparação Timor-Leste nian to’o iha nebé ona. Dehan Coordenador Programa Expo Dubai, iha Palacio do Governo Dili 5/06/2020.

Ba participação TL iha expo Dubai sei iha parte lima importante mak hanesan National Day, Goverment Summit, Culinaria, Exibition no Tee Coffe Day.

Coordenador Programa Expo Dubai, Arif Abdullah Sagran informa katak Durante Dubai Expo sei hahu housi dia 1 de Outubro 2021 to’o dia 31 de Março 2022.

Iha fulan ne’en nia laran ne’e, loro-loron sei iha celebração National Day, no promove riku-soin Timor-Leste nian, produto local sira nebé iha Timor-Leste liu housi expozição, culinaria no seluk tan.

Timor-Leste foti ona decizão iha tinan kotuk hodi participa iha Dubai Expo ne’e, tanba ne’e ohin Ministro Presidencia do Conselho Ministro mós dehan katak la’os governo iha mudanca ba politíca nian atu la participa ne’e lae, tanba ne’e Timor tem que participa iha Dubai Expo refere tanba ne’e ami nu’udar tecnico ami preparação ona kona ba Dubai Expo ne’e hodi la’o ho di’ak; dehan Coordenador Programa Expo Dubai. (L.S’mauS)

Sexta-Feira, IX Semana Tempo Comum (ANO A)

Primeira Leitura                    2Tim. 3. 10-17

Lia housi São Paulo Nia segunda surat  ba Timóteo:

Oan doben, ó hatene ona buat nebé ha’u hanourin, ha’u moris, buat nebé ha’u haka’as an atu manan iha moris; ha’u nia fiar, ha’u nia paciência, ha’u nia domin; ha’u nia laran metin, no susar no terus nebé ha’u hetan iha rai Antiokia, Ikonia no Listra; susar hotu nebé ha’u tahan:maibé housi sira ne’e hotu soi tiha ha’u. ne’e duni, ema nebé buka atu moris santo iha Cristo Jesus sei hetan susar, 13 maibé ema áat no bosokten sira sei la’o housi áat ba áat liu, hodi bosok ema seluk no mós sira nia an.

O fali, laran metin ba buat nebé o hatene ona no buat nebé ó fiar nu’udar lialos; hodi hatene didi’ak se mak o nia mestre ne’e, no oin sá, houri kiik kedas, o hatene Sagrada Escritura, nebé hanourin atu hetan maksoin housi fiar iha Cristo Jesus. Maromak leno escritura hotu; nia di’ak atu hanourin, atu halakon hanourin nebé la lós, atu sai matadalan ba ema nia moris, no atu hanourin sira sai santo. Nune’e mak ema Maromak nian bele hetan biit no hadi’a an ba hahalok di’akm hotu.

Maromak Futar Lia.

 

Salmo Responsorial                                                                                       Sal. 118(119). 157, 160, 161, 165, 166, 168  (R. 165a)

Refrão : Sira be hadomi ita lei, moris iha dame!!! Repete-se

Ema barak haterus ha’u no halo áat mai ha’u,

Maibé, ha’u la se’es housi ita dalan.

Lialós mak ita liafuan nia abut,

No ita nia tesi lia ho justiça hela ba nafatin. Refrão

 

Biit na’in sira haterus ha’u la’os tan buat ruma’

Maibé, ha’u fuan hamta’uk de’it ita liafuan.

Siraa be hadomi ita lei moris iha dame,

No buat ida la hasusar sira. Refrão

 

Na’i, ha’u hein ita maksoin,

No moris tuir ita ukunfuan.

Ha’u buka moris tuir ita hakaran no ita lei,

Ita dalan iha nafatin ha’u oin. Refrão

 

Aclamação                                                                                                                                                                                           Jo. 14. 23

Refrão : Aleluia, Aleluia!! Repete-se

Na’i dehan: Ema nebé hadomi ha’u, sei halo tuir Ha’u nia liafuan;

Ha’u Aman sei hadomi nia, Ami sei mai hela ho nia. Refrão

 

Evangelho                                                                                                                                                                                    Mc. 12. 35-37

Na’i Jesus Cristo nia Evangelho nu’udar São Marcos haktuir:

Iha tempo nebá, uainhira Jesus hatan tiha, Nia hanourin iha templo dehan: “Tan sá escriba sira deham katak Cristo ne’e David nia Oan? Basá David rasik, ho Espírito Santo nia naroman, dehan: ‘Na’i hateten ba Ha’u nia Na’i: tur iha ha’u nia sorin kuana to’o tempo nebé Ha’u tau Ó nia funu baluk sira iha Ó ain okos.’David rasik dehan nia Na’i; ne’e duni, oin sá mak nia ninia oan fali?” Ema barak rona nia ho ksolok.

Lia Maksoyn.

HUGO ENTREGA MESA COMISSÃO ‘B’ BA L-7

DILI 4 Junho 2020 (DCAD) – Comissão B nebé trata assunto Negócio Estrangeiro, Defesa no Segurança nebé antes ne’e Presidente comissão lidera housi Bancada CNRT Deputado Aderito Hugo, maibé oras ne’e halo ona mudança estrutura política iha Parlamento Nacional relaciona ho comprimisso housi aliança sira atu reabiliza actividade Parlamentar no normaliza fali actividade Parlamentar ninian nebé reflecte ba comissão sira.

Deputado Aderito Hugo declara katak Hau hanesan Presidente Comissão B desde 2018 to’o ohin loron no ohin iha agenda ida hateten katak halo apreciação ba pedido destituição ba Presidente da mesa no eleição ba nono Presidensia da Mesa. Ohin hau mai loke reunião comissão B ne’e no iha agenda, maibé proposta ba destituição seidauk iha, haktuir Aderito Hugo iha Parlamento Nacional quinta semana ne’e.

Tuir Aderito Hugo nia argumentação katak, tuir regimento hau declara atu resigna a’an housi posição hanesan agenda comissão hodi fo dalan ba proposta foun ba mesa comissão B nian nebé hato’o. Ami só encerra reunião ne’e seidauk. Hugo hateten, portanto hanesan regimento hateten katak quando presidente da mesa resigna-an ona indica fali deputado mais velho ida ka mais idade mak deputado L-7 Cornelio Gama actual vice-Presidente comissão nian atu transitoriamente nia lidera hela to’o proposta ba candidato foun nebé eleito ona. Tanba ne’e to’o ohin loron seidauk iha proposta, então provisoriamente mesa comissão B ne’e, tuir regimento  deputado mais velho ida ka mais idade mak deputado L7, transitoriamente subtitui hau hodi hein processo atu completa requisitos formal para atu pregide fali mesa comissão B ba oin.

Aderito Hugo esplica, Iha discução de apreciação sira dehan hau tem que lidera nafatin presidente comissão B, maibé ita tem que completa requisitos sira ne’e hotu, to’o ohin ami encerra ne’e seidauk iha prosposta ida completa sobre composição mesa foun nebé tem que halo eleição.

Tuir Aderito Hugo katak, Comissão B composto housi Preisdente Comissão da mesa, Vice-Presidente no Secretária da Mesa. Então ami nain tolu declara verbal deit katak ami housik hela mesa ne’e, maibé tanba proposta ba mesa foun seidauk apresenta, então tuir regimento hateten ami indica deputado nebé maka idade liu entre ami sira iha ne’e maka provisoriamente lidera hela até proposta lista foun tama.

Aderito Hugo afirma Laiha questão wainhira hau sai housi presidente comissão tanba hau nudar deputado ida nebé mai representa povo ka representa nia eleitor sira. Hau pronto qualquer decisão tanba cargo política sira iha ne’e provisório laos cargo permanente. Tan ne’e ohin ha’u lidera no aban ema seluk bele lidera depende ba conjuntura política nebé iha. (L.S’mauS)

MINISTRA SAÚDE FOUN HALO CROSS CHECK BA SERVIÇO CIGC

DILI 4 Junho 2020 (DCAD) – Ministra Saúde Odete Maria Freitas Belo quinta ne’e, hala’o ninia Visita ba Centro Integrado Gestão de Crise iha Centro Convenções Dili hodi haré condições serviço iha fatin refere.

Tuir Governante ne’e katak Dadaun ne’e ita enfrenta hela pandemia covid-19, maibé ita iha equipa ida hanaran Centro Integrado Gestão de Crise CIGC nebé mak toma conta hela ba pandemia nebé ita enfrenta. importante tebes presença Ministério Saúde nian iha fatin ida ne’e hodi fo motivação.

“Ministério Saúde apressia teb-tebes ho convite ne’ebe equipa Centro Integrado Gestão de Crise CIGC fo ba Ministério Saúde. Presença iha fatin ne’e, laos atu mai atu hato’o buat ruma, maibé hakarak atu conhece didiak serviço nebé parte centro ida ne’e halo. Ho apresentação sira housi equipa Centro Integrado Gestão de Crise CIGC hatoo ne’e coomprensivo teb-tebes tanba sira avalia pilares 8 importante nebé iha Ministério Saúde nia okos no mos coordenação ho linhas ministerial sira seluk, dehan Odete Maria Freitas Belo iha Centro Convenções Dili quinta semana ne’e”

Tuir Governante ne’e katak Ministério Saúde rasik pronto fo apoio ba equipa Centro Integrado Gestão de Crise CIGC iha sira nia implementação.

“Ita sei hein tan Vice Ministra nebé sei simu tomada de posse atu nune’e bele halo buat ruma maibé, ne’e laos facil tanba tama ona fase datolu Estado Emergênçia ita nia preparação tem que forte liu tan, tanba sai hanesan tempo nebé fo liu atenção ba ita atu bele funu hasoru pandemia ne’e rasik haktuir Odete Maria Freitas Belo”. (Alin S. Gama)  

REATIVA HIKAS PROCESSO APRENDIZAGEM PRECISA CUMPRE PADRÃO ‘HITU’

DILI 4 Junho 2020 (DCAD) – Ministério da Educacão Juventude no Desporto (MEJD) serviço hamutuk ho Ministerio da Saúde elobora ona guião ida, oinsa atu fahe ba Escola sira tanto Escola Público no Escola Privada no Católica sira hotu tuir recomendação housi parte Ministério Saúde.

“Daudaun ne’e Ministério Educacão serviço hamutuk ho Ministério Saúde halo hela asustamento ba Escola sira hotu tanto Escola Público, Privado no Católica sira atuharé facilidade sira nebé mak Escola sira iha tuir ona padrão nebé recomenda housi Ministério da Saúde ho Organização Saúde Mundial (OSM), tenik Coordenador covid-19 Ministério da Educacão Juventude no Desporto Belchor Barros iha Escola Externato São José Delta-Comoro Dili Timor-Leste quinta semana ne’e”

atu reativa fila-fali escola sira Ministério Educacão ho Ministério Saúde serviço hamutuk no elobora ona guião ida oinsa atu fahe ba escola sira tuir recomendação nebé mak mai housi parte Ministério da Saúde.

“Ministério Educacão tem que cumpre padrão hitu ne’ebe recomenda housi Ministério Saúde hanesan; Alunos ida-idak tem que usa máscara durante processo aprendizagem, Distância Física iha sala laran, Distância Social, fase liman molok tama ba sala laran, Cada escola tem que ihaTermo esquener, Tem que iha Lixo fatin, no tem que iha haris fatin. Recomendação hirak ne’e karik escola sira nebé maka cum pre ona buat balun, ami sei tur hamutuk hodi bele loke escola sira ne’e, haktuir Belchor Barros”  

Tuir Coordenador covid-19 Ministério Educacão Juventude no Desporto Belchor Barros katak Padrão hirak ne’e hetan ona aceitação no sei fahe ba escola hot-hotu iha Timor laran tomak.

“Housi parte  Ministério da Educação coordena ho parseiro balun atu ajuda ita hodi hola material sira hanesan padrão hitu temi, atu tau iha escola sira iha Timor laran tomak. Atu hahu escola ne’e mos equipa housi Ministerio da Saúde sei tun ba escola sira hotu atu desinfecta escola sira liu-liu desinfecta sala laran, dehan Belchor Barros”

Belchor Barros iha ninia clarificação katak Relaciona distanciamento, Escola hotu-hotu tem que cumpre regras nebé mak housi Organizacão Saude Mundial (OSM) katak iha sala ida máximo iha 20 pessoas. (L.S’mauS)

Quinta-Feira, IX Semana Tempo Comum (ANO A)

Primeira Leitura                    2Tm. 2. 8-15

Lia housi São Paulo nia segunda Surat  ba Timóteo:

Oan doben: Hanoin fali Evangelho nebé ha’u fó sai: “Jesus Cristo moris hi’as ona housi mate, Nia mai housi uma-kain David;” tan ne’e mak ha’u hetan susar sira ne’e, to’o kan kesi metin ho corrente hanesan ema áat ida; maibé ema sira la bele kesi metin Evangelho. Tan ne’e, ha’u tahan hotu tanba sira hotu nebé Maromak fihir ona, atu nune’e, sira bele hetan maksoin nebé iha Cristo Jesus no moris rohan laek nebé la’o hamutuk ho maksoin ne’e. Ó bele káer metin liafuan hirak ne’e: Ita mate hamutuk ho Nia karik, ita sei hamutuk ho Nia; Ita heuuai Nia karik, Nia mós sei heuuai ita; ita laran la metin ba nia karik, maibé Nia laran metin nafatin, basá Nia la bele heuuai-An. Halo sira hanoin fali ida ne’e, hodi fó hatenebá sira iha Maromak nia naran katak la bele haksesuk malu kona ba liafuan sira: buat ne’e lori de’it susar ba sira nebé rona. Halo buat hot-hotu atu hamriik iha Maromak futar oin nu’udar ema nebé susar oi-oin koko ona, no nu’udar ema nebé la bele moe kona ba nia hahalok sira iha nia moris tomak, maibé tuir nafatin dalan lós ho lia menon lialos nian.

Maromak Futar Lia.

 

Salmo Responsorial                                                                                                               Sal. 24(25). 4bc-5ab, 8-9, 10, 14 (R. 4a)

Refrão : Na’i hanorin ita dalan mai ha’u!!! Repete-se

Na’i, hatudu dalan mai ha’u,

Hanourin ha’u ita dalan;

Dada dalan mai ha’u tuir ita lialós,

Tan Ita ha’u Maromak, ha’u Maksoi. Refrão

 

Na’i di’ak tebes no laran lós,

Hanourin nia dalan ba ema maksalak sira;

Dala dalan ba kiik sira iha justiça,

Haraik ba sira hatene nia dalan. Refrão

 

Na’I nia dalan mak laran mamar no laran metin

Ba sira nebé halo tuir Nia moruk no Nia ukunfuan;

Na’i bolu ba nia fuan, sira nebé hamta’uk Nia,

No fó hatene ba sira, Nia lia moruk. Refrão

 

Aclamação                                                                                                                                                                                       2 Tim. 1. 10

Refrão :  Aleluia, Aleluia!!  Repete-se

Jesus Cristo, ita Nia Maksoi halakon mate;

Nia halo moris nabilan housi Evangelho. Refrão  

 

Evangelho                                                                                                                                                                                 Mc. 12. 28b-34

Na’i Jesus Cristo nia Evangelho nu’udar São Marcos haktuir:

Iha tempo nebá, Escriba ida, mai hakbesik nia hodi husu, “Ukunfuan uluk liu hotu mak ida nebé lós?” Jesus hatan, “ida nebé uluk liu mak: ‘Rona ba Israel. Na’i, ita nia Maromak, mak Na’i ida mesak. Ó sei hadomi Na’i, ó nia Maromak ho ó nia fuan tomak, ho ó nia klamar  tomak, ho nia hanoin tomak no ho ó nia biit tomak.’ Ida tuir nia mak ne’e: ‘ó sei hadomi ó nia maluk nu’udar ó nia an rasik. Laiha tan uknfuan nebé boot liu tan boot sira ne’e.” escriba ne’e dehan ba nia, “Di’ak, Mestre. Ho lialos, Ita dehan katak Maromak ida de’it; la iha tan ida seluk, Nia mesak de’it.hadomi Nia ho fuan tomak, no ho hanoin tomak no biit tomak, no hadomi maluk hanesan  ó-an rasikmak boot liu buat karan no sunu no sacrafício hotu.” Jesus haré katak nia ko’alia ho matenek, dehan ba nia, “Ó la dook housi Maromak na reino!” laiha tan ema nebé barani atu husu buat ruma ba Nia.   

Lia Maksoyn.