shadow
Diocese de Dili > NOTÍCIAS > Articles by: Departamento Comunicação Diocese Dili

Sabádo, XXXII DO TEMPO COMUM

ANO A

 

Primeira Leitura                                                          Rom. 16:3-9,16,22-27

Lia housi São Paulo nia surat ba sarani sira iha Roma

Maun alin sira: Hato’o ha’u cumprimenta ba Prisca no Áquila, ha’u nia maluk iha serbisu iha Cristo Jesus. Sira hetan perigu boot ta ha’u nia moris; ba sira la’os ha’u deit fó agradece, maibe mós gentio sira nia kreda nebe hela iha sira nia uma.

Hato’o ha’u nia cumprimento ba ha’u nia doben Epéneto; nia mak fuan uluk iha Cristo iha Asia. Hato’o ha’u nia cumprimento ba Maria, nebe serbisu maka’as ba imi. Hato’o ha’u nia cumprimento ba Andrónico no Júnia, ha’u nia parenti no maluk iha dadur laran; sira ema boot iha apóstolo sira leet no sira iha ona Cristo molok ha’u. Hato’o ha’u nia cumprimento ba Ampliato, ha’u nia doben iha Na’i. Hato’o ha’u nia cumprimento ba Urbano, ami nia maluk iha serbisu iha Cristo, no ha’u nia doben Estáquis.

Cumprimenta malu ho rein santo. Cristo nia kreda hotu sira hotu cumprimenta imi.

Tércio, nebe hakerek surat ne’e, cumprimenta imi iha Na’i. Gaio, nebe simu ha’u no kreda tomak iha nia uma, cumprimenta imi. Erasto, nebe tau matan ba osan cidade nian, no ami nia maun Quarto cumprimenta imi.

Oras ne’e, ba Nia nebe bele fó biit ba imi tuir ha’u nia Evangelho no hodi haklaken Jesus Cristo, tan hatudu mistério nebe subar hela ba otas barak, maibe ohin fó sai tiha ona housi lia hakerek profeta sira nian no tuir Maromak rohan laek nia haruka, fó sai tiha ona ba nação hot-hotu atu lori ema atu halo tuir iha fiar, ba Maromak mesak no matenek, housi Jesus Cristo, glória tinan ba tinan. Amen

Maromak Futar Lia.   

 

Salmo Responsorial                                                                                                                                                  Sal. 144(145):2,3,4-5,10-11 (R.cf.1)

Refrão :  Ha’u hahi nafati Ita naran,

                 Na’i, ha’u Maromak, ha’u Liurai! Repete-se

 

Na’i, ha’u hakarak hahi Ita loron kalan,

hahi nafatin Ita naran.

Maromak boot, sei hahi didiak,

Nia beran la nahas.  Refrão

 

Derasaan ida tatoli ba derasaan seluk,

Na’i Nia hahalok kmanek;

hahi Ita ukun liurai nia glória,

temi Ita hahalok kmanek sira.  Refrão

 

Na’i, criatura tomak sei fó agradece ba Ita,

Ita emar sira sei hahi Itaboot;

sira haklaken Ita reino nia glória,

sira sei haktuir buat foun hirak Ita halo.  Refrão

 

Aclamação                                                                                                                                                                                                                 2Cor. 8:9

Refrão : Aleluia, Aleluia! Repete-se

Na’i Jesus Cristo be riku, halo An kiak tan imi,

atu kiak tan imi, atu imi bele sai riku hodi Nia kiak.  Refrão

 

Evangelho                                                                                                                                                                                                                 Lc. 16:9-15

Na’i Jesus Cristo nia Evangelho nu’udar São Lucas haktuir

Iha tempo neba, Jesus lia tun ba escolante sira: Ha’u dehan mós ba imi: habelun ho osan áat atu, wainhira osan ne’e nahas tiha ona, sira sei simu imi iha tenda rohan laek. Sé mak laran lós kona ba buat kiik, laran lós mós kona ba buat boot; Se mak laran la lós kona ba buat kiik, laran la lós mós kona ba buat boot. Ne’e duni, imi laran la lós karik kona ba osan áat ne’e, se mak fiar imi kona ba rikusoi lolós? Imi la haré didi’ak karik ema seluk nia sasan, se mak sei saran ba imi imi rasik nia sasan? Atan ida la bele serbi na’i na’in rua: nia sei odi ida hodi hadomi ema seluk, ka nia sei hadomi ida hodi hewai ida seluk. Imi la serbi Maromak ho osan dala ida.”

Fariseu sira nebe hadomi osan, rona buat hirak ne’e hotu hodi hamnasa Nia. Nia deha ba sira: “Imi halo an ema diak iha ema sira oin, maibe Maromak hatene imi nia fuan. Basá buat nebe iha folin boot ba ema sira, áat liu fali ba Maromak.

Lia Maksoyn.

Sexta-Feira, XXXII DO TEMPO COMUM

ANO A

 

Primeira Leitura                                                                  Rom. 15:14-12

Lia housi São Paulo nia Surat ba sarani sira iha Roma

Maun-alin sira: Ha’u rasik hatene lolòs kona ba imi, maun-alin sira, katak imi laran di’ak tebe duni, ho matenek hotu no hatene fò conselho di’ak ba malu. Maibe ha’u hakerek ba imi ho lia maka’as uituan kona ba buat ruma atu fò hanoin imi, tan graça nebe Maromak fò tiha ona mai ha’u, atu sai cristo Jesus nia atn ba gentiu sira hodi hala’o knaar na’ilulik nian kona ba Maromak nia Evangelho atu gentiu sira nia buat karan bele monu lòs ba Maromak nia laran, no Espìritio Santo halulik nia.

Ne’e duni, iha Cristo Jesus, ha’u bele hahi an kona ba buat nebe Maromak nian. Basà ha’u la brani atu ko’alia kona ba buat seluk; ha’u ko’alia de’it koba ba buat nebe Cristo halo housi ha’u atu lori gentiu sira atu halo tuir ho liafuan no hahalok, tan biit sinal no milagre sira, tan Maromak na Espìrito no biit, atu nune’e, housi Jerusalèm to’o llìra ha’u haklaken tiha Cristo nia Evangelho. Nune’e ha’u hakarak haklaken Evangelho laos iha fatin nebe Cristo nia naran to’o ona, atu ha’u la bele harii iha alicerce nebe ema seluk harii ona, nu’udar hakerek tiha, “Sira nebe ema seidauk ko’alia kona ba Nia  sei harè; no sira nebe seidauk rona kona ba Nia sei compreende.”

Maromak Futar Lia.

 

Salmo Responsorial                                                                                                                                                Sal.97(98):1,2-2ab,3cd-4 (R.cf.2b)

Refrão : Na’i hatudu maksoin ba povo hotu. Repete-se

 

Hnanu ba Na’i knananuk foun ida,

Basà Nia halo buat me4sak kmanek.

Nia futar liman lòs manan funu;

Manan ho Nia futar liman santo. Refrão

 

Nai fò hatene nia maksoin;

Nia hatudu justiça na nação sira hotu.

Na’I hanoin Nia domin na laran lòs,

Ba Israel nia uma. Refrão

 

Rai-ikun rai-ulunbele sasin

Maksoin ita Maromak Nian.

Rai tomak haklaken Na’i,

Haklalak ho haksolok no hananu. Refrão

 

Aclamação                                                                                                                                                                                                      1Jo. 2:5

Refrão: Aleluia, Aleluia! Repete-se

 

                Ema sè halo tuir Cristo nia liafuan, Maromak Nia domin

                Sai tuir lolòs iha nia. Refrão

 

Evanhelho                                                                                                                                                                                                      Lc. 16:1-8

Na’i Jesus Cristo nia Evangelho nu’udar São Lucas

Iha tempo neba, Jesus dehan tan ba nia escolante sira: “Ema riku ida iha emar ida atu hare nia sasan. Loron ida nia rona katak ema ne’e halo nia rikusoi. Tan ne’e nia bolu ema hodi husu ba nia: ‘Saida mak ha’u rona kona ba o? Hatan lai kona ba o nia serbisu, bása basa houri ohin ba o la béle kaer tan serbisu ne’e.’ ema ne’e hanoin iha nia laran: ‘Ha’u ssei halo sá lós, waimhira ha’u nia na’i hasai housi serbisu? Fila rai, ha’u la bele; husu esmola, ha’u moe. Ha’u hatene ona ha’u sei halo sá atu, husik tiha serbisu ne’e, ema seluk simu netik ne’e, ema seluk simu netik ha’u. Tuir mai nia bolu sira ida-idak nebe debe nia na’i, hodi dehan ba ida uluk liu: ‘O debe hira ba ha’u nia na’i? Nia hatan: ‘Mina botil atus ida.’ Ema ne’e dehan fali: ‘Tur lalais, káer o nia nota, hakerek lima nulu.’ Ba ida seluk nia husu: ‘O debe hira? Ida ne’e hatan: ‘Trigo karon atus ida.’ Nia dehan: ‘Kaer o nia nita hakerek walu nulu.’ Na’i hahi ema áat ne’e tan nia hatene moris. Basá mundo ne’e nia oan sira hatene moris ho nia maluk sira di’ak liu fali naroman nia oan sira.

Lia maksoyn.

Interpretação e aplicação art. 106. 1 no 85 (d)

Pe. Pinto Gusmão, Alípio

Hanoin lisuk hamutuk ho Dr. Pe. Júlio Crispim (Jurista e académico)

 

Introdução

Iha dia 7 de Novembro 2017, departamento comunicação Diocese Dili nian, publica iha www.diocesededili.org, artigo ida ho título Interpretação no aplicação Art. 106 no 1 ,1a parte no Art. 85 (d) husi Dr. Pe Júlio Crispim. Lê tiha artigo furak  ne’e, nudar cidadao ida no nudar Pe.Julio ninia aluno iha tempo hirak liu ba, sem agenda escondida nem inclina ba partido ruma hakarak mos  hanoin lisuk ho Pe. Júlio kona ba art.106 no 1 ,1a parte. Ba Art. 85 (d) ha’u sei la fo comentário tanba ninia hun ne’e mai husi art.106 no1.

 

1. Estrutura gramática do Art. 106 no1, 1aparte

Atu comprende diak art. 106 no1 uluk nanain ita hare estrutura gramática ka frase hirak nebe forma art. 106 no1 ne’e. Iha artigo ho título nebe temi iha leten, Jurista e academico, Pe. Júlio, fahe Art. ne’e ba conceito hat: 1) PM é indigitado, 2) Pelo Partido mais votado, 3) aliança de partidos 4) com maioria parlamentar. Divisão ida ne’e kala importante wainhira jurista sira interpreta lei ruma maibe como ha’u laos jurista ha’u ladun hatene divisão hanesan ne’e. Tuir ha’u nia compreensão kona ba gramática portuguêsa nebe naton deit ha’u koko atu fahe art. ne’e ba parte rua.

Ita nia CRDTL Art. 106 no 1 dehan: “PM é indigitado pelo partido mais votado ou aliança de partidos com maioria parlamentar…” Haré ba frase hirak nebe forma art. ida ne’e, ha’u fahe ba frase principal (kalimat induk) rua. 1a) PM é indigitado pelo partido mais votado, 2a) PM é indigitado pela aliança de partidos. Requesito ka critério determinante (condition sine qua non) mak “com maioria parlamentar. Nune’e critério  “com maioria parlamentar” ne’e vale ba partido mais votado katak nia tem que iha 33 ou liu cadeiras , vale mos ba aliança de partidos katak aliança ne’e mos tem que ho maioria parlamntar (33 ou liu cadeiras). Critério ne’e importante no determinate ba estabilidade governativa durante tinan 5.

Razão ha’u fahe Art. ne’e ba frase rua, tan iha liafuan “ou” nebe Pe. Júlio temi dehan “particula conectiva” maibe  iha gramática portuguêsa  bolu “conjunção”. Se ita fahe ba conceito hat bele maibe conceito ida-idak la hato’o mensagem ruma. Por ex. Se ha’u dehan “PM é indigitado”, leitor sira la kaer mensagem ruma. Maibe se ha’u dehan “PM é indigitado pelo partido mais votado” ema nebe rona ou lê, kaer kedas mensagem husi lia fuan ida ne’e. Ho razão ne’e mak ha’u fahe ba Art. 106 no 1 ne’e ba frase principal rua, “com maioria parlamentar” ne’e mak sai nudar critério determinate.

Pe. Júlio, iha ninia artigo dehan katak governo ida agora ne’e preenche ona conceito segundo (2): partido mais votado no conceito ida terceiro (3): aliança de partidos. Katak partido Fretilin mak iha eleiçao 22 Julho 2017 hetan votos barak liu-partido mais votado (conceito 2, no hamutuk ho PD forma aliança (conceito 3), la preenche mak conceito 4 mak “com maioria parlamentar”. Nune’e  autor dehan VII governo constitucional maibe ho deficiência. Consequência husi divisão ida ne’e, tuir ha’u nia conclusão, autor hakarak dehan katak conceito partido mais votado preenche tiha ona, aliança de partidos mos preenche tiha ona maibe la ho maioria parlamentar. Nune’e labele iha tan opção seluk ka aliança seluk.  Se governo ne’e monu ita ba kedas ona eleição antecipada, tanba partido mais votado iha, aliança mos iha tiha ona tuir Art. 106. no1.

Maibe tuir ha’u nia divisão ba frase rua nebe forma Art. 106 no1), ita haré momos iha opção rua: 1) “PM é indigitado pelo partido mais votado ho critério determinate com maioria parlamentar” 2) “PM é indigitado pela aliança de partidos ho critério determinante com maioria parlamentar”, ha’u nia conclusão partido mais votado la preenche opção ida primeira (1) tanba resultado eleição hatudu katak laiha partido ida manan ho maioria absoluta. Nune’e mos VII governo coligação agora seidauk preenche opção ida segunda (2). Atu preenche opção ida segunda ne’e mak  tuir P. Júlio nia artigo no ha’u mos concorda, PR iha expectativa jurídica ida-reserva política atu hetan insidência parlamentar. Só que expectativa ne’e seidauk realiza no ikus mai partido oposição sira rejeita programa do governo iha ninia primeira apresentação. Tanba expectativa jurídica ida ne’e, se  VII governo ne’e monu mos  sei iha possibilidade seluk molok to’o iha eleição antecipada. Tanba saida mak hau dehan sei iha possibilidade seluk?

 

2. Lei la fo dalan, partido menos votado forma governo?

Iha Pe. Júlio nia artigo dehan katak lei la fo dalan atu partido menos votado forma governo. Ha’u concorda.  Art. 106 no1 temi “partido mais votado ou aliança de partidos com maioria parlamentar, la temi partido menos votado. Então oinsa mak partido menos votado sira bele forma governo? Iha possibilidade rua: 1) Partido menos votado hamutuk ho partido mais votado hodi forma aliança de partidos com maioria parlamentar, 2) partido menos votado sira bele hamutuk  hodi forma aliança ida ho maioria parlamentar. Nune’e laos partido menos votado mak forma governo maibe aliança de partidos com maioria parlamentar mak forma governo tuir CRDTL Art 106 no1.

Ba ida ne’e iha Questão rua: 1)Partido mais votado deit mak só bele avança ho aliança de partidos? Pe. Júlio dehan “se partido mais votado la funciona mesak, tem que funciona hamutuk ho partido menos votado ruma”.  Ho liafuan seluk  só bele  forma governo, wainhira aliança  ne’e hamutuk ho partido mais votado ou partido mais votado mak convoca? Tuir ha’u nia leitura Art 106 no1  la dehan buat ruma kona ba ida ne’e. Art. 106 no 1 temi deit dehan aliança de partidos com maioria parlamentar. 2) Será que ne’e contra principio de justiça tan voto maioria ne’e povo nian? Los, voto maioria ne’e povo nian, maibe partido sira nebe forma aliança com maioria parlamentar mos representa povo nia voto maioria. Tanba ita nia  PR tane aas princípio de justiça liu-liu princípio ético mak fo ba  partido mais votado  oportunidade primeira no boot atu halo negociação hodi forma governo ida estável,  Katak ho maioria parlamentar.

Problema nebe mosu kona ba formação VII governo ne’e, mak iha duni negociação  nebe partido mais votado halo maibe la conseque hetan maioria parlamentar. Laos questão justiça. Tan ne’e, ita nafatin  hein katak liu husi negociação contínua, VII governo nia program no orçamento bele passa iha parlamento maibe se governo monu sei iha possibilidade seluk tuir constituição mak aliança de partidos com maioria parlamentar atu forma governo. Art. 106 mos la temi kona ba partido primeiro mais votado e segundo mais votado, temi mak aliança de partidos com maioria parlamentar. Ne’e katak  se partido segundo mais votado hamutuk ho partido menos votado seluk bele forma aliança com maioria parlamentar hodi forma governo ne’e laos tanba ninia posição iha segundo mais votado maibe tanba ninia capacidade hodi forma aliança ida ho partido menos votado sira ou até ho partido mais votado  hodi hetan maioria parlamentar tuir Art. 106 no1.   Ideia kona ba partido primeiro mais votado no segundo mais votado nebe público koalia, dala ruma mosu husi interpretação husi opção rua: 1)PM é indigitado pelo partido mais votado 2) PM é indigitado pela aliança de partidos. Se primeira opçao la conseuqe entao passa ba segunda opção nebe dala ruma ita balun identifica ho partido segundo mais votado maibe tuir lolos laos idéntica ho partido segundo mais votado no Art. 106.no1 rasik la temi ida ne’e.

 

3. Significado “ou” iha art. 106. no

Ita análisa took liafuan “ou” iha Art. 106 no1.  Pe. Júlio dehan iha ninia artigo, significado husi liafuan “ou” laos ‘alternativa absoluta-separação competetiva maibe alternativa relativa-relação dependência no laos negação. Tanba interpreta liafuan “ou” ne’e ho significado hanesan temi iha leten ne’e mak Pe. Júlio to’o conclusão dehan katak se partido mais votado la funciona mesak, tem que funciona hamutuk ho partido menos votado ruma. Se ha’u la sala, hau bele comprende katak aliança de partidos ne’e partido mais votado tem que iha laran. Buat nebe ha’u mos hein katak iha aliança de partidos ne’e partido mais votado mak convoca maibe se partido menos votado seluk lakohi hamutuk iha aliança ida ne’e entao labele existe aliança de partidos seluk com maioria parlamentar? Ba questao ida ne’e, ita precisa haré didiak liafuan “Ou” ne’e ninia significado. Tuir diocionário português nebe ha’u lê, liafuan “ou” iha significado hat: 1) indica alternativa opcionalidade, 2) indica consequência   derivada de irrealiazação de algo, 3) indica a confirmação de um enunciado anterior, 4) indica explicação ou paráfrase do que vem enunciada. Husi definição hirak ne’e iha leten  liga ba contexto Art. 106 no 1, tuir ha’u nia hanoin “ou” ne’e laos significa alternativa-relativa ka relação de dependência maibe  alternativa opcionalidade (1) no consequência derivada de irrealização de algo (2).

Se  conjunção “Ou” ne’e significa alternativa relativa-relação de dependência katak só partido mais votado deit mak bele forma aliança de partidos com maioria parlamentar hamutuk ho partido  menus votado sira tanba iha relação de dependência opçao primeira mak partido mais votado. Se definição ne’e los, consequência mak wainhira partido mais votado la conseque forma aliança ho maioria parlamentar no ikus mai governo monu, ita tem que ba kedas eleição antecipada. Maibe conjunção “Ou” ne’e laos significa relação de dependência. Conjunção “Ou” significa alternativa opcionalidade (1) no consequência derivada de irrealização de algo (2). Katak tanba primeira opção “PM é indigitado pelo partido mais votado la preenche (mais votado iha sentido maioria absoluta-33 cadeiras) mak mosu alternativa opcionalidade segunda. Katak  “PM é indigitado pela aliança de partidos com maioria parlamentar. Ne’e significa partido mais votado bele forma aliança ho partido menos votado ruma atu hetan maioria parlamentar, bele mos partido menos votado sira hamutuk hodi forma aliança ho maioria parlamentar.

Formação governo depois de eleição  2007 to’o  2017, opção ida primeira, PM é indigitado pelo partido mais votado” la preenche tanba laiha partido nebe manan ho maioria absoluta. Ita iha mak opção ida segunda mak PM é indigitado pela aliança de partidos com maioria parlamentar. Tanba aliança ne’e la depende ba partido mais votado ne’e (relação de dependência) mak iha 2007 mosu governo ida hanaran AMP ho princípio de justiça ida katak partido mais votado hetan uluk oportunidade halo negociação maibe la conseque forma aliança ida com maioria parlamentar. Iha 2012 ita la hasoru problema tanba tuir princípio de justiça, partido mais votado halo negociação no conseque hetan maioria parlamentar nebe hanaran Bloco de Coligação. Iha 2015 quando V governo monu no forma VI governo preenche mos critério maioria parlamentar tanba iha insidência parlamentar. Tanba saida mak hetan insidência parlamentar iha 2015 no ohin  loron lahetan insidência parlamentar, ne’e ha’u lahatene.

Iha formação VII governo ne’e (2017), opção ida primeira ne’e la preenche no ita la precisa koalia maibe opção segunda seidauk preenche, sei nakloke hela, tanba iha duni bloco de coligação nebe forma VII governo maibe la ho maioria parlamentar. Tanba nakloke hela ne’e mak PR no  partido rua iha governo iha expectativa ba insidência parlamentar. Buat nebe dala ida tan ha’u lahatene mak tansá la hetan insidência parlamentar? Maibe se liu husi dalan diálogo atu hetan consenso mak la preenche expectativa insidência prlamentar no governo nia programa nebe apresenta ba dala rua  la passa, governo monu. Tuir ha’u nia hanoin  segunda opção ne’e sei nakloke hela. Nune’e  ita sei la ba kedas eleição antecipada.  Partidos mais votado bele hamutuk ho partido menos votado sira forma aliança ida ho maioria parlamentar ou partido menos votado sira  sem hamutuk ho partido mais votado forma aliança ida ho maioria parlamentar hodi forma VIII governo.

 

Conclusão

Husi artigo hanoin lisuk hamutuk ho Pe. Júlio Crispim, ha’u hakarak foti conclusão ruma

  1. Wainhira partido mais votado la conseque preenche maioria parlamentar, partido mais votado iha opção segunda. Iha opção segunda ne’e precisa iha negociação atu preenche critério com maioria parlamentar.
  2. Iha opção segunda ne’e la taka dalan ba partido menos votado seluk atu forma aliança de partidos com maioria parlamentar, se partido mais votado la conseque preenche critério de maioria parlamentar
  3. Conjunção “ou” laos significa alternativa-relativa ka relação de dependência maibe alternativa opcionalidade e consequência derivada de irrealização de algo.
  4. Tanba opção segunda ne’e pelo menos to’o tempo ida ne’e sei nakloke hela, se governo ne’e monu ita sei la ba kedas eleição antecipada.
  5. Eleição antecipada so bele acontece wainhira la preenche opção ida segunda, katak nem partido mais votado nem partido menos votado sira conseque forma aliança ida ho maioria parlamentar.
  6. Ita nia constituição Art. 106 no 1 ne’e loke dalan luan tebes ba diálogo,negociação atu partido sira nebe hetan assento iha parlamento nacional atu hetan consenso. Ida ne’e exige creatividade no capacidade lider partido sira atu halo diálogo.
  7. Se diálogo la lao ka lahetan consenso, dalan ikus tem que ba fali PR hodi usa ninia competência nudar hatur iha CRDTL hodi decide.

 

Autor Docente iha ISFT-Fatumeta, Dili

Quinta-Feira, XXXI DO TEMPO COMUM

ANO A

 

Primeira Leitura                                                                           Rom.13:8-10

Lia housi São Paulo nia Surat ba sarani sira iha  Roma

Maun-alin sira: ita ida la moris ba nia an rasik, no ita ida la mate ba nia an rasik. Basà, ita moris karik, ita moris ba Na’i, no mate karik, ita mate ba Na’i; ne’e duni, ita moris ka mate, ita Na’i Nian. Tan ne’e mak cristo mate no moris hi’as fali, atu Ni abele sai ema mate no ema moris nia Na’i. Ne’e duni, tan sà imi tesi lia ba imi nia Maun-alin sira? Tan sà imi hanoin aat imi nia maun alin sira? Basà ita hotu sei hamriik iha Maromak futar no Nia sei tesi lia, basà hakerek nanis ona, “Nu’udar ha’u moris, Nai dehan ain-tur hotu-hotu sei tuku tur mai ha’u no nanal hotu-hotu sei hahi Maromak.” Ne’e duni, ita ida-idak sei hatan kona ba nia an ba Maromak.

Maromak Futar Lia

 

Salmo Responsorial                                                                                                                                                       Sal. 26(27):1,4,13-14 (R.13)

Refrão : Ha’u hein atu hare Nai nia laran di’ak

                 Iha ema moris sira rain. Repete-se

 

Na’i mak ha’u roman no ha’u maksoyn;

Ha’u sei ta’uk fali sè?

Na’i tahan ha’u moris;

Sè bele halo ha’u nakdedar? Refrão

 

Buat ida de’it ha’u buka, ha’u neon titu;

Iha ha’u nia moris tomak, hôrik iha Nia uma,

Hodi koko Na’i Nia laran maus,

No hare Nia templo. Refrão

 

Ha’u hein atu hare Na’i Nia laran-luak

Iha ema moris sira rain.

Tau laran metiniha Na’i, hetan biit,

Laran metin ba, hein iha Na’i. Refrão

 

Aclamação                                                                                                                                                                                                                Mt. 11:12

Refrão : Aleluia, Aleluia! Repete-se

             Imi sira hotu nebe kole no terus, mai buka Ha’u. Ha’u sei

             Kasu imi todan. Nai dehan. Refrão

 

Evangelho                                                                                                                                                                                                              Lc. 15:1-10

Na’i Jesus Cristo nia Evangelho nu’udar São Lucas haktuir

Iha tempo neba, ema publican no maksalak sira hotu hakbesik Jesus atu rona Nia. Fariseu no escriba sira hamu’u dehan: “Ema ne’e simu maksalak sira hodi han hamutuk ho sira.” Tan ne’e, Nia haktuir ba sira aiknanoik ida ne’e: “Imi ida nebe mak, iha karik bibi atus ida no lakon tiha ida, la husik sianulu resin sia  seluk iha rai fuik maran, hodi ba buka ida nebe lakon to’o hetan nia?  Hetan tiha, nia tau bibi ne’e ho ksolok iha nia kbàs. To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basà ha’u hetan fali ona ha’u nia bibi nebe lakon.’ Ha’u dehan ba imi katak iha lalehan sei haksolok tamba ema maksalak ida nebe la kuran atu hakribi nia sala.”

“Eh feto ida nebe mak, iha karik osan mean sanulu, lakon tiha ida, nia la sunu ahi oan, dasa uma laran hodi buka didiak osan nebe lakon to’o hetan nia? Hetan tiha, nia bolu nia belun no maluk sira dehan: ‘Haksolok ho ha’u ba, basà ha’u hetan oan osan mean nebe lakon. Ha’u dehan ba imi katak Maromak nia anjo sira mòs sei haksolok tamba ema maksalak ida nebe hakribi sala.”

Lia Maksoyn.

GOVERNO DAHITU “NU AHI INAN NO WE-MATAN”

Husi Pe. Herminio de F. Gonçalves

Director Comissão Justiça e Paz Diocese Dili

 

  1. Introdução

Eleição hotu tiha, público hein governo foun nebe hanaran “Sétimo Governo”, dudu ba dada mai, ikus mai Fretilin mak consegue harí duni governo. Formação governo dahitu nian nee hamosu questões barak husi público no partido sira. Balun questiona kona ba governo minoritário, balun seluk questiona kona ba constitucionalidade do governo, balun fali questiona konaba duração ka ketahanan governo ida nee too nia rohan ka lae? Questões sira nee mak ita koko atu hamosu análisa balun iha nee, la iha intenção atu hamis ka defama ema ruma ka partido balun.

  1. Resultado Eleição

Resultado eleição hatu´ur partido político sira iha situação ida defícil tebes. Laiha partido ida mak manan maoiria absoluta. Partido Fretilin mak sai hanesan partido vencedor maibe liu deit cadeira ida husi partido CNRT. Hare ba composição cadeira iha parlamento, Fretilin ho vinte e tres caideiras no Partido CNRT ho vinte e dois cadeiras, partido vencedor rua nee dudu malu partido ida nebe mak iha iniciativo atu forma governo. Partido CNRT molok tama ba votação declara antes katak lamanan maioria, CNRT hamrik nu´udar oposição lakohi forma Governo.

Hafoin eleição hotu tiha, Tribunal de Recurso anuncia resultado eleição, partido CNRT hahu fali reunião extra ida iha CCD hodi hola opção entre posição ka oposição. Iha encontro refere, partido CNRT kaer metin nafatin princípio foti opção política katak, CNRT nafatin iha oposição. Iha tempo hanesan Presidente Partido CNRT halo mos decalaração katak nia resingna-an husi Presidente Partido, maibe hamutuk nafatin iha CNRT.

Hare ba situação política ida hanesan nee laiha tan dalan seluk ona, Partido Fretilin nudar vencedor, maske minoria tem que foti iniciativa forma governo. Basá partido segundo mais votado declara ona nia posição iha oposição. Situação política ida hanesan nee obriga Presidente da República tem que hanoin extra no buka meios atu indigita partido balun nia ema ba cargo primeiro ministro hodi hahu forma coligação ba formação governo basá labele husik nação ida nee ho tulo negara tanpa Pemerintah.

  1. Forma Coligação

Fretilin foti iniciativa convida partido PLP ho Khunto ba forma coligação, partido PD dada tiha tempo balun molok tama ba decisão hakarak ou lakohi atu coliga. Wainhira partido PLP fo lampo verde ba Fretilin atu halo coligação hodi hakat ba formação governo partido PD mos pánico. Reunião por reunião acontece iha hotel Novo Turismo, resultado husi reunião sira refere Nihil, significa resultado zero.

Partido PLP dada-an husi coligação, partido PD aproveita kedan tempo mamuk nee hodi loke-an ba convite husi partido Fretilin atu halo coligação hodi hakat ba formação sétimo governo. Iha tempo nebe hanesan Fretilin hakarak halo coligação ida forte tamba ne’e nia hakarak forma governo hamutuk ho PD no Khunto atu bele hetan maioria parlamentar tuir ukun fuan constituição art. 106:2.

Processo negociação ba formação VII governo constitucional lao nafatin ho partidos sira ne’e maibe to’o iha loron ikus atu assina deit acta coligação nian iha CCF, Khunto decide devórcio tiha ho Fretilin hodi la marca presença iha sede Comite Central Fretilin nian. Buat nebe Fretilin hakarak la sai tuir, biar nune’e PD ho Fretilin hakat nafatin ba oin hodi forma governação mas que la hetan maioria parlamentar. Ne’e hamosu situação ida iha nebe CNRT la preocupa, PLP apatis, Khunto bilin balan iha klaran.

  1. Modal Nekat Fretilin

PD nia presença iha Fretilin nia sorin hanesan anjo salvador hodi salva fretilin la hakat mesak ho mínimo parlamentar, maibe hasae grau ida ba minoria parlamentar. Mas que minoria parlamentar, maibe Fretilin brani hakat nafatin ba formação governo atu la husik Timor-Leste hanesan negara tak bertuan ka nação nebe laiha nain.

Wainhira uma ida nebe laiha nain, ema seluk bele aproveita ocasião hodi halo ocupação ilegal hanesan 1975 nian. Minoria parlamentar la sai ona nudar pertimbangan ka perhitungan ba Fretilin, maibe buat nebe sai preocupação ka perhitungan ba Fretilin mak tem que salva Timor-Leste husi situação fakum atu labele mosu khaos.

Governação fakum basá sexto governo constitucional remata tiha ona nia mandato constitucional, sementara governo foun sedauk iha. Nee mak ita bolu negara fakum. Wainhira “Nagara Fakum” iha tempo naruk, iha poténcia atu lao ba khaos. Basá sexto governo iha deit mandado gestão laos decisão.

Governo gestão katak, funcionamento estado nian lao hela iha parte atendemento público nian, governo gestão labele hamosu decisão ruma basá nia mandato constituicional remata tiha ona. Karik mosu rungu-ranga ruma, goveno gestão foti decisão nee inconstitucional. Governo gestão lakon mandato constitucional halo plano orsamental ba ano fiscal foun. Modal nekat Fretilin nian nee laos deit atu aproveita tur iha cadeira mamar governo nian, maibe atu fo proteção ba nação.

  1. Minoria Parlamentar

Ema barak mak questiona kona ba duração governo ida ho minoria parlamentar. Situação ida nee único uitoan. Mosu keresahan hati husi público katak, minoria parlamentar nee bele halo aprovação ba orsamento geral do estado ano fiscal 2018 nian bele passa maibe mos labele passa iha parlamento? Hau optimista katak, bele passa wainhira orsamento nee refleta necessidade básica povo nian, hanesan : saúde, educação, be mos, ahi, dalan no seluk-seluk tan.

Oposição la significa katak tem que vota contra buat hotu nebe governo apresenta ba parlamento atu aprova. Oposição barak fortifica governação governo ida nian. Oposição laos atu forma jurus hodi hamonu governo. Factos hatudu tiha ona katak, vota ba hola kareta foun ba parlamento quarta ligislatura nian, hotu-hotu vota unanimidade, partido oposição nebe koalia barak ba necessidade povo mos la vota contra. Ibun bele boot, maibe wainhira buat nebe beneficia ba sira nia-an sira la dúvida atu fo voto a favor.

Governo mak tem que iha capacidade atu interpreta partido oposição nia hakarak iha parlamento, detecta didiak sira nia prioridades halo plano ida ho diak, razoavel bele responsabiliza, acumula oposição nia interesse, aprovação orsamento bele passa ho maioria de voto.

Tane aas interesse estado no interesse povo buat ida sei la susar, dúvida sei lakon, esperança sei mosu. Povo mos le tiha ona katak, sira nebe mak nia voz alta iha parlamento nee, usa povo hanesan plástico hodi hafalun sira nia interesse barak iha laran. Povo laos tiha fali objetivo dezenvolvimento nian, maibe nakfilak tiha-an ba instrumento ida atu atinge sira nia objetivo. Tan nee, lalika pecimista kona ba aprovação orsamento geral do estado ba ano fiscal 2018 nian atu lapassa.

  1. Legalidade Governo Dahitu

Koalia kona ba legalidade governação sétimo governo, laos hare deit ba iha constituição iha alinea balun deit, maibe bele hare mos iha artigo seluk. Artigo sira la hamrik ketak-ketak, maibe cada artigo iha corelação ho artigo seluk. Karik lei la difine hotu bele mos, hare iha situação casual hanesan descreve ona iha leten.

Legalidade primeiro mak Fretilin sai nudar vencedor iha eleição geral parlamentar. Fretilin nudar partido mais votado ho vinte e tres cadeiras iha parlamento nacional. Nee significa katak, Fretilin hetan tiha ona legimitação husi votos povo nian, Fretilin preenhe critérios partido mais votado artigo 106 alinea primeiro. Artigo 106 alinea segundo cacat hukum, basá la preenche maioria parlamentar. Ho lia-fuan seluk katak, Fretilin partido mais votado, maibe la preenche critério maioria parlamentar. Presidente da República hasai DECRETO PRESIDENCIAL atu FORTIFICA autoridade ba primeiro ministro indigitado.

Ema questiona DECRETO Presidente nian, tan nee, hare husi liur hanesan maun-alin nain rua hili malu, maibe hare husi laran hasoru situação dilemático ida nebe defícil atu foti decisão. Basá partido segundo mais votado declara-an hamrik hanesan oposição iha parlamento nacional. Tan nee, maski cacat hukum obrigatoriamente presidente tem que halo decisão hodi fo legalidade ba partido mais votado forma governo atu hatan ba situação kekosongan Pemerintahan.

  1. Constitucionalidade Governo Dahitu

Contitucionalidade ba governo ida atu lidera nação iha periode ida, base legal mak consituição. Contituição mak fo legalidade ba poder ida atu bele kaer ukun too rohan. Sétimo governo nia caso ita bele considera específico uitoan. Presidente da República hasai decreto ida atu bele reforça contitucionalidade ba governação sétimo governo nian. Hare tuir constituição artigo 106 Katak Fretilin hetan votos mais votado husi partido CNRT, maibe laos absoluta. Tan lahetan maioria absoluta obrigatoriamente tem que halo coligação ho partido kiik sira seluk atu atinge maioria parlamentar. Iha processo coligação nia laran mos la atinge nafatin maioria parlamentar wainhira Khunto dada-an husi coligação. Necessidade nação nian, obriga Fretilin hakat ba oin ho minoria parlamentar. Tamba nee mak ema barak questiona ba legalidade sétimo governo nian. Maioria absoluta la alcança, maioria parlamentar mos la atinge. Karik nunee mak governo ida nee sei bele bolu governo constitucional? Ba parte ida nee Jurista sira nia serviço, liu-liu Tribunal Recurso nia servisu nudar interpretador ba constituição!

Maski iha questões sira hanesan nee Fretilin aten brani hakat ba formação governo tan partido sira seluk labrani atu forma governo. Karik Fretilin mos la hakat ba forma governo, husik hela nação ida nee mamuk sem iha governo? (tampa pemerintah)? Tan nee, laprecisa tan atu ita halo questões bar-barak maibe fo apoio ba governo nebe iha atu lori dezenvolvimento ba povu. Protege nação nee husi risco negara tak bertuan.

  1. XANANATAUR Silêncio Profundo.

Depois de eleição hotu tiha, Fretilin inicia forma governo dahitu CNRT-PLP hili dalan oposição XananaTaur silêncio profundo los. Sira nia porta vos mak koalia hodi naran partido nian. Dr. Mari anúncio iha TVTL katak iha contacto ho sira nain rua. Sira nain rua rasik la declara sai husi sira nain rua nia futar ibun katak, apoio ka la apoio formação governo dahitu ida nee.

XANANA-TAUR nudar general nain rua completa malu iha linha guerrilhia nian, hahu husi base de apoio rahun mudança ba forma clandestina no guerrilha nudar maun-alin kaduak nebe la husik malu iha ailaran. Sira nain rua nia posição nudar Primeio comandante no segundo comandante da guerrilha. Funu nain, nain rua nia silêncio profundo hanesan ação protesto ida ba formação governo dahitu, basá hare momos katak linha diplomacia nian bolu malu ba kaer ukun, marginalisa tiha funu nain, nudar frente força armada nebe resiste, hasoru udan-anin terus hamlaha no hamrok, aimoruk laiha, simu kartus, bombardimento tasi no loro-matan nian durante funu ba ukun aan.

  1. Governo dahitu Dupla Naran

            Governo dahitu mosu ho naran dupla. Governo coligação ao mesmo tempo governo inclusão. Governo coligação tan forma coligação ho PD, maibe iha estrutura governo insert ema balun husi partido oposição CNRT no PLP menos KHUNTO. Mas que membros governo husi partido oposição sira declara tiha ona ba público katak, sira nia presença iha governo dahitu nian la representa partido, maibe sira ba hanesan indivído independente. Hanesan individo independente, maibe tama hela iha estrutura partido oposição iha parlamento, bele garante independéncia nee ka lae? Basá iha partido oposição, maibe tem que tuir orientação partido nebe kaer ukun. Evangelho Jesus Kristo nian dehan katak “ema ida labele servi patrão nain rua dala ida”.

Modelo hanesan nee, ita bele hare husi parte rua. Parte ida karik individo independente duni significa sira trai tiha ona partido nebe sira hatur-an ba. Parte seluk ita bele desconfia katak, partido oposição sira mak halo jogada oin kotuk karik. Iha oin dehan oposição, maibe iha kotuk sira dudu membros ba hola parte iha governo. Karik jogo oin kotuk significa imi soe rai rahun ba povo nia matan. Bele mos Partido nebe kaer ukun mak halo tática ida hanesan nee atu halo rahun partido oposição sira. Karik partido kaer ukun mak monta estrategia ida nee hodi garante estabilidade governativa ba futuru tinan lima nian.

  1. Postura Governo Dahitu Bubu Matak

            Modelo coligação no inclusão governativa dala ida, afeta ba postura governo

boot demais. Título ministro no secretário estado sira nian mos mesak bobot no estranho, defícil tebes atu bele decora lalais. Exemplo mak ministro presidência…..

Postura governo nebe boot sei causa mos ba orçamento boot tuir postura governo nian. Orçamento nebe boot sei lori peso ba nação. Ministro ho secretário estado sira laos manan osan kiik, aumenta tan equipamentos hanesan kareta ba ministros, secretário estado no parlamento nen nulu resin lima nian, orçamento mos bubu hotu dala ida. Dalaruma mak povo hela naran deit. Povo sai deit nudar consume política ba ukun-nain sira nia moris diak.

Plano uluk nebe Dr. Mari Alkatiri dehan katak kareta ida capacidade ba ema uitoan sai deit nudar estatemento política ida nebe mamuk, maibe la implelementa iha realidade. Programa 6H Harii, Hametin, Hadia, Hamos, Habelar, Haburas sei sai deit hanesan retórica política campanha nian lamosu iha realidade.

Oinsa mak bele hamos, wainhira membros governo balun iha caso antes naran apontada iha Ministério Público no CAC. Komf Timor Post 3/10/2017. Maski seidauk iha carta notificação husi ministério público, maibe sedu ka tarde sei bolu nafatin. Tuir los molok atu simu tomada de posse precisa seleção liu husi ministério público naran candidatos membro governo sira. Membros Governo dahitu nebe antes iha caso sei sai aitarak ba governo rasik atu atinge boa governação.

  1. Deputado Idêntico ho Prado

Mandato deputado terceira legislatura besik remata halo hela problema leilão ba kareta prado nebe provoca demostração husi movimento Uninivercitário Timor-Leste tomak, ikus resulta atuação polícia causa ema balun kanek, balun ba sela, balun seluk hemu gas lacrimogênio. Iha tempo neba, bancada partido Fretilin, CNRT, PD no Frente Mudança halo declaração katak, sira sei cancela leilão no dada hikas kareta sira fila nudar património parlamento.

Quarta legislatura nebe chefia husi Sr. Aniceto Guterres dada duni kareta refere, maibe continua Leilão, mantein sosa kareta foun ba parlamento sira.

Prado sai polêmica boot entre parlamento terceira no quarta legislatura ho Movimento Universitário. Parlamento nebe representa povo, la sensível rona povo ninia lia halerik.

Orsamento do estado 2018 sidauk debate, maibe jatah deputado nian aprova uluk tiha ona hola kareta foun ho votos unanimidade. Povo sira balun iha crecimento economia hakarak sosa kareta DNTT bando ho razão ingarafamento no fatin laiha ona.

Relaciona ho hola kareta foun MUTL sira halo ona ameassa atu hatun massa halo demostração contra decisão parlamento nian ba sosa kareta foun. MUTL nekad pronto mate, tama sela no prisão wainhira parlamento lakohi cancela. MUTL sira nia razão los tan hare ba povo seidauk moris diak, falta necessidades básicas hanesan be mos, dalan aat, economia insustentável ahi no seluk-seluk tan.

Orçamento tres milões ba hola kareta laos kiik. Folin cada kareta bele dada be mos ba aldeia ida, hola trator manual ba grupo holticultura sanulu, hola cadeira no mesa ba escola lima. Escola sira iha Dili laran hanesan Cinco de Maio, Quatro de Setembo, Nobel da Paz no seluk tan condição infavorável ba alunos sira atu tuir aprendizagem ho diak. Parlamento foun iha ponto balun hanesan fali taka matan ba necessidade básico sira nee hodi aprova osan ba sosa kareta luxo.

Universitário sira nudar povo nia oan nebe representa povo fora de uma fukun (luar gedung) iha dever moral sai lian ba povo lian laek sira. Wainhira Movimento Universitário sira halo demostração hetan mos medidas husi Polícia Nacional Timor Leste. Iha ne’e ita hare katak mosu hahalok violência balun, nune’e hau hanoin ita bele hanaran parlamento laos insidência parlamentar, maibe bele mos troca fali ho naran ba “acidente parlamentar”. Ação violento sira sei sai nudar consumo político ba maioria parlamentar oposição hodi ataka no demite governo iha qualquer tempo.

Hare ba realidade, governo ho parlamento foun sidauk too loron 100, maibe consegue hare tiha ona buat tolu principal nebe la fo satisfação ba maioria bloco oposição iha parlamento mak hanesan, Lei governo local nebe hetan veta husi PR, ilegal fishing nebe compania halao hamutuk ho MAP. Parlamento la representa povo lian laek sira iha uma fukun parlamento nacional. Indonesia nia provervo ida dehan”siapa yang menabur duri ia akan menuai duri pula”. Se mak kuda aitarak nia sei kuu aitarak”.

  1. Conclusão

            Iha Parte conclusão, hau hakarak esplica kona ba significado título husi opinião nee katak, filósofo sira balun dehan mundo nee forma ho ahi fukan ida nakduir no namkari mai hodi forma tiha planeta iha nebe hanaran mundo. Filosofo seluk haktuir katak, we turuk mak turuk mai hodi forma hela planeta ida nebe hanaran rai. Filosofia filósofo sira nian koko atu halo” pembuktian terbalik” hodi hetan buat ida naran “ kebenaran ilmu” tuir experiê no reflexão ciêntifica.

Ahi no we buat rua nebe nunca dame malu, maibe bele servisu hamutuk. Ahi iha kbiit halo nakali bee. We mos iha kbiit atu hamate ahi. Ahi kose lolon ida iha kbiit ha´an rai (inséndio) tomak, we turuk oan ida nebe turuk bebeik iha fatuk leten iha kbiit atu hafera fatuk boot ida. Ahi nudar símbolo ba roman no we símbolo ba matak malirin. Ahi no we hamutuk halo karau kulit be mahar sai dodok, halo buat sira nebe matak sai tasak. Ahi no we hamutuk iha tisi koto moruk sai midar. Ahi fo manas no roman ba ema, we iha kbiit hatubun no haburas ai-horis sira.

Ahi no we bele simboliza característica povo no ukun nain timoroan sira nian dala balun sai ahi sunu no halakan situação política, dala balun sai we fo matak malirin, maibe dala ruma mos sai we boot sasurut foer no ai-tomak sira tama tasi. We no ahi hau usa hodi simboliza política maioria no minoria parlamentar nebe nakonu ho hahalok arrogante, no vaidoso nian nebe sai preocupação público ba política loron ohin nian nebe acontece daudaun iha rai doben ida nee.

INTERPRETAÇÃO NO APLICAÇÃO ART. 106.º (n.º 1, 1ª parte) NO ART. 85.º (d)

Dr. Pe. Julio Crispim

(Jurista no Acadêmico)

 

PARTIDO MENOS VOTADO LA IHA DALAN BA FORMA GOVERNO

Se mak dehan? Lei Constitucional mak dehan. Dehan iha nebé? Dehan iha nia artigo 106.º (n.º 1, 1.ª parte), nudar artigo chave, nebé considerado hanesan dalan único ba indigita PM, hodi forma governo, tuir Constituição.  

Koalia kona ba forma governo, VII gorverno nia formação nee, bele dehan katak nakonu ho desafio no obstáculo oi-oin. Desafio importante ida mak, assegura VII governo nia capacidade Constitucional hodi bele exerse nia direito constitucional no assume nia dever constitucional sira. Nunee, bele dehan, VII governo nee moris ona, maibé moris ho DEFICIÊNCIA (tamba la hetan Maioria Parlamentar), ho Causa oi-oin: (1) bele causa husi próprio rezultadu eleição geral nee rasik (partido ida la iha votu maioria absoluta ka ho deputado mínimo 33 iha PN); (2) bele causa husi decisão partido ida-idak atu halo parte ka lae iha processo formação governo (hatene an nudar partido menos votado no hakarak la halo parte iha formação governo, tanba la comvida ka comvida mak lakohi) no; (3) bele causa husi processo negociação ka diálogo sira nebé parte ida-idak bele subar hela nia interesse pessoal no partido nian (la iha vontade husi parte sira atu dehan sai ba malu plano, objectivo, tarefa no medida programa aliança nian; tuir lolos, iha situação incerteza sira nunee, partido mais votado mak tem que hatene gere processo negociação no decisão nian ho partido menos votado sira),  maski nunee VII governo tem que moris duni, moris ho deficiência karik ba, KRDTL fo dalan atu moris, no nia moris tuir duni dalan KRDTL nian.

Ba deficiência refere, PR nebé nomeia no fo posse nee, comete inconsntitucionalidade ka lae? Molok atu explica, bele dehan uluk kedas katak PR la comete inconstitucionalidade ruma (decisão ikus reservado ba competencia Tribunal Constitucional nian), tamba antes aplica art. 85.º (d), PR verifica duni critério principal rua no critério determinante ida nebé consagra iha art. 106.º (n.º 1, 1.ª parte), maski loke hela reserva pólitica ruma liu husi nia expectativa jurídica ida (expectativa jurídica nee, relevante ba Direito).

Katak, maski ho duni deficiência ida, maibé PR admite VII governo moris, maski moris ho REZERVA POLÍTICA liu husi EXPECTATIVA JURÍDICA ruma. Atu dehan katak, liu husi expectativa jurídica nee, PR halo rezerva política ba partido mais votado ho nia aliança nebé indigita PM atu iha PN bele convense insidencia parlamentar, hanesan acontece ba CNRT (mais votado, maibé la hetan maioria parlamentar) convense partido FRETILIN (aliança insidental ka eventual) hahu iha governação 2015 too 2017, maibe agora, infelizmente, la consegue realiza, tamba partido menos votado balun mos hamosu ona bloku Oposição ho Maioria Parlamentar (bloku OMP) nebé exerse mos nia direito no assume mos nia dever iha PN hodi prova no bloqueia kapacidade constitucional VII governo nian ho intenção no esperança katak atu halo VII governo nia programa la passa iha PN, bele dala rua tutuir malu. Nunee, wainhira programa VII governo la passa dala rua tutuir malu, PR sei halo kedas demissão ba VII Governo no bloku OMP bele sai alternativa hodi transforma an lalais ba APMP (katak Aliança Partido sira ho Maioria Parlamentar, laos AMP) atu bele indigita fali PM foun hodi forma VIII governo husi partido menos votado sira.

Husi observação ida nee conjuga ho interpretação KRDTL artigo 106.º (n.º 1, 1.ª parte) mak bele dehan sai, katak: “LEI KONSTITUCIONAL LA FO DALAN BA PARTIDO MENUS VOTADO ATU FORMA GOVERNO”.

Observação refere, hetan husi artigo 106.º (n.º 1, 1.ª parte) KRDTL nebé consagra, “PM indigitado husi partido mais votado ka husi aliança partido sira ho maioria parlamentar”. Artigo nee koalia kona ba legitimidade partido político nian (partido ida nebe hetan voto maioria iha eleição geral), bele hahu halao ninia knar tuir KRDTL, katak husi deit artigo ida nee, la iha tan artigo seluk, mak bele koalia kona ba indigitação PM nian hodi hahu forma governo.

Husi artigo 106.º (n.º 1, 1.ª parte) KRDTL nee, bele foti hanoin hat husi conceito jurídico-constitucional importante, tuir mai: (1) indigitação PM, (2) partido mais votado, (3) aliança partido sira, no (4) maioria parlamentar. Husi conceito hat nee bele dehan katak, conceito segundo ho conceito terseiro sai nudar critério principal no conceito quarto sai nudar critério determinante (conditio sine qua non) ba conceito primeiro.

Husi conceito jurídico hat nee, nein ida mak refere ba conceito primeiro partido mais votado nebé bele justifica utilização conceito segundo partido mais votado nudar consequênsia lógica ida husi conceito ida neba. Maibé husi conceito jurídico hat nee, ita hetan mak conceito partido mais votado nebé bele justifica utilização conceito partido menos votado nudar nia consequênsia lógica lolos nebé bele justifica ho razão contrário sensu no princípio causalidade. Nunee, KRDTL la koalia kona ba primeiro partido mais votado, ita mos labele koalia kona ba segundo partido mais votado, maibé ita bele koalia kona ba partido menos votado, tamba KDRTL koalia kona ba partido mais votado, nebé ita bele justifica nia utilização liu husi dalan, “inferênsia lógica ba regras implícitas”, haktuir Miguel Reale (Filosofo Direito).

Atu dehan tan katak conceito segundo no conceito terseiro (art. 106.º, n.º 1, 1ª parte) hetan ligação ida ho particula conectiva “OU, nebé hatudu sentido, laos ALTERNATIVA ABSOLUTA ka SEPARAÇÃO-COMPETETIVA (katak fahe partido mais votado ho partido menos votado atu hadau malu ba hetan maioria parlamentar hodi forma governo), maibé hatudu sentido ALTERNATIVA RELATIVA ka RELAÇÃO-DEPENDENSIA (katak partido mais votado mesak la hetan maioria parlamentar ba forma governo, nia halo diálogo ka negociação ho partido menos votado ruma hodi hetan maioria parlamentar hodi forma governo) tanba iha causa ida deit (pricípio causalidade) mak vontade popular  no finalidade ida deit (princípio teleológico) mak dignidade pessoa humana (art. 1, n.º 1 KRDTL) hodi hamoris princípio democrático nebé adoptado nudar sistema fundamental ba Estado Direito Democrático iha mundo moderno. Atu dehan deit katak, uja particula conectiva “OU iha artigo refere, laos ho sentido negação maibe ho sentido relação, significa laos nega malu nian (conceito terseiro nega absolutamente conceito segundo), maibé  liga malu (conceito terseiro depende ba conceito segundo), tamba iha relação direta ho artigo refere nia causa rasik, mak princípio democracia.

Tuir alternativa relativa ka relação-dependência, em concreto, aliança partido sira só bele funciona, wainhira partido mais votado la funciona mesak. Katak, partido mais votado mak la bele funciona mesak ona, então partido mais votado nee tem que funciona hamutuk ho partido menos votado ruma hodi estabelece aliança partido sira. Significa liu tan katak, partido mais votado atu funciona mesak ka atu funciona nudar aliança partido sira, depende necessariamente ba verificação critério maioria parlamentar (nudar critério conditio sine qua non). Nunee, bele dehan, wainhira partido mais votado mak hetan ona maioria parlamentar, la precisa partido mais votado ba halo tan aliança ho partido menos votado ruma. Significa mos katak, wainhira partido mais votado mesak la hetan maioria parlamentar, partido mais votado tem que halo aliança ho partido menos votado ruma atu hetan maioria parlamentar. Critério ida ka ida seluk, tem que preenche critério maioria parlamentar (nudar critério determinante ka conditio sine qua non) atu bele indigita PM hodi hahu forma governo ida. Relação dependência nee, bele dehan katak, hetan naroman no ninia fundamento iha princípio democracia (voto maioria nee povo nian, katak povo mak fo chave ba partido mais votado hodi loke odamatan art. 106.º), princípio justiça (ida nebé partido mais votado ninian, tem que fo ba partido mais votado, laos fo fali ba partido menos votado) no princípio segurança jurídica (fo uluk segurança ba KRDTL, depois mak KRDTL fo segurança no estabilidade governativa liu husi maioria parlamentar). Husi princípio fundamental tolu nee, bele dehan katak princípio justiça no princípio segurança jurídica nee hetan fatin nudar fim Direito hodi kaer malu ho princípio democracia nebé hamosu princípio Estado Direito Democrático (art. 1.º, n.º 1 KRDTL). Baseia ba ponto de vista ida nee, refere ba VII governo, bele dehan indigitação PM husi partido FRETILIN nudar partido mais votado ho nia aliança partido PD nudar partido menos votado cumpre hela segundo no terseiro critério constitucional nudar critério princípal (partido mais votado ka aliança partido sira) hodi assegura duni princípio democracia no princípio justiça, maibé la cumpre terseiro critério constitucional nudar critério conditio sine qua non (maioria parlamentar) hodi la assegura mos princípio segurança jurídica (nebé consequentemente la fo estabilidade governativa ba VII governo), maibé PR uja nia competência constititucional [art. 85.º (d)] hodi nomeia no fo posse nafatin ba PM nebé indigitado ona, tamba PR halo reserva política liu husi expectativa jurídica ida (expectativa nee jurídicamente relevante, nunee constitucional materialmente) ba partido mais votado ho nia aliança hodi convence partido menos votado sira seluk iha PN hodi hamosu INSIDENSIA PARLAMENTAR (katak bele comvence tan deputado ruma husi partidu menos votado seluk hodi bele vota a favor ba programa governo no OGE). Infelizmente insidensia parlamentar nee la consegue realizado iha primeira apresentação no apreciação programa governo nian iha PN (hein katak bele realizado iha segunda apresentação no apreciação ba programa governo iha PN, bele mos lae), hanesan acontece ba VI governo [PM, (husi Fretilin, partido menos votado iha 2012) indigitado husi partido CNRT (partido mais votado iha 2012)] liderado husi partido CNRT (nebé iha PN ho depuatdo 30, maski la preenche maioria parlamentar, maibé iha expectativa jurídica ba insidensia parlamentar, apoiado husi partido Fretilin, wainhira bloku coligação nakfera) nudar partido mais votado iha 2012 hodi gere ho diak governo inclusão no insidensia parlamentar.

Tuir alternativa absoluta ka separação-competetiva, em concreto, aliança partido menos votado sira bele funciona sem consideração, sem respeito, nem coordenação ho partido mais votado no mos bele acontece katak aliança partido menos votado sira, hetan consensus uluk, ho má fé, atu bele taka dalan ka la fo dalan ba partido mais votado hodi bele hetan maioria parlamentar, katak partido menos votado sira mak lais liu no hetan uluk maioria parlamentar hodi bele indigita PM. Separação-competetiva nee, viola princípio democracia (tamba contra povo nia decisão), viola princípio justiça (tamba la fo dalan ba partido ida nebé hetan votu maioria husi povo nia determinação) no viola mos princípio segurança jurídica (tanba cria incerteza no insegurança, cria comfusão no comflito iha povo nia leet no, mos hamosu inestabilidade governativa ba governo). Mosu ida nee, bele dehan katak, ita halo violação grave ba princípio Estadu Direitu Democrático nebé consagra iha ita KRDTL art. 1.º, n.º 1. Tamba nee mak hau dehan lei constitucional la fo dalan ba partido menos votado atu forma governo nebé hahu ho indigita PM. Acontece ona dala ida ba ita iha 2007 (nudar pressedente, maibé laos vinculativa), partido FRETILIN nudar partido mais votado hetan competição boot ho partido CNRT nudar partido menos votado [momento neba legitimado ho conceito segundo partido mais votado, conceito ida nebé inexistente constitucionalmente, mesmo que uja interpretação gramatical (letra) ka uja interpretação sistemática (sentido), ka modalidade seluk] nebé kaer metin uluk ona partido menos votado sira seluk hodi hetan uluk maioria parlamentar, consequentemente la fo dalan ba partido Fretilin nudar partido mais votado hodi bele hetan maioria parlamentar. Nee, tamba interpreta particula conectiva “OU” tuir sentido separação-competetiva (halo separação hodi hetan competição liu husi particula conectiva “OU” ba forma governo nudar alternativa absoluta ida, nebé mak hau dehan iha intervista liu ba, katak acontece erro grave iha intrepretação ba art.º 106.º KDRTL) no bele considera mos nudar má fé psicológico (ser/ema), má fé ético (dever-ser/social)  no má fé polis-ethos (dever-ser polis/cidade/politika).

 

IHA RELAÇÃO ART. 106.º  n.º 1 NO ART. 85.º (d) BA FORMA GOVERNO HO NIA CONSEQUÊNCIA SIRA

 Iha processo formação governo, tem que liga duni artigo 106.º (n.º 1, 1.ª parte) ho artigo 85.º (d). Husi nee bele dehan katak ligação nee tenki halo duni, no ligação nee bolu mos ligação-dependência normativa. Katak, só bele liga artigo 85.º (d) ba art. 106.º (n.º 1, 1.ª parte) wainhira verifica uluk ona critério sira iha artigo 106.º (n.º 1, 1.ª parte) nee. Mak, art. 106.º (n.º 1, 1.ª parte) sei complicado no sei halo comfusão hela, ladauk verifica lolos, la bele hakat uluk ba artigo 85.º (d). Significa, artigo 85.º (d) nee funciona, quando 106.º (n.º 1, 1.ª parte) nee funciona los ona. Tamba artigo 106.º (n.º 1, 1.ª parte) nee koalia kona ba legitimidade partido político nian atu indigita PM, enquanto art.85.º (d) koalia kona ba legitimidade PR nian atu nomeia no fo posse ba PM. Keta kahur uluk lai sasan, se lae complica liu tan sentido normativo-constitucional. Nunee, wainhira artigo 106.º (n.º 1, 1.ª parte) los ona, mak bele liga ba artigo 85.º (d) liu husi artigo 106.º (n.º 1, segunda parte, nebé dehan PM nomeado PR rona tiha PP iha PN). Husi nee, bele dehan katak, elemento ligação artigo rua nee ida de’it, mak PR halo NOMEAÇÃO ba PM indigitado tuir critério principal rua no critério determinante ida (nudar critério conditio sine qua non) iha KRDTL.

Katak, atu indigita PM tenki hahu husi partido mais votado, mak partido mais votado mesak la too maioria parlamentar, partido mais votado tenki halo aliança ho partido ruma atu bele hetan maioria parlamentar, hodi bele assegura aprovação programa governo no aprovação OGE durante tinan lima tutuir malu.

Mak programa governo la passa iha PN dala rua tutuir malu ka OGE mos la passa, PR bele halo demissão ba Governo [art. 86.º (g)]. Halo tiha demissão ba governo, PR tem que convoca fali partido sira nebé hetan assento iha PN no concidera uluk nafatin partido mais votado, tuir exigência art. 106.º (n.º 1, 1.ª parte), labele hakat liu partido mais votu hodi fo directamente de’it ba partido menos votado nebé consegue anticipa processo formação governo hodi forma uluk maioria parlamentar ho objectivo, la halo parte iha governo, bele estabelece kedas ona oposição ho maioria parlamentar hodi halo rejeção ba programa governo ka OGE.

Husi nee, bele dehan katak oposição mak consegue hetan uluk maioria parlamentar iha processo formação governo nee, consequentemente bele concidera nudar MÁ FÉ (katak, wainhira partido menos votado sira forma oposição ho maioria parlamentar, iha duni vontade no conhecimento, atu hakanek direito partido mais votado ho nia aliança ba forma governo) husi partido menos votado sira nebé hetan assento iha PN. Nunee mak, too loron 60 partido mais votado ho nia aliança partido sira la consegue hetan maioria parlamentar (mesmo que nafatin ho expectativa jurídica ba insidensia parlamentar nebé la realizado tiha ona) hodi forma governo, KDRTL dehan, nee la permite forma governo no bele concidera nudar grave crise institucional, nunee PR bele dissolve PN [art. 86.º (f) conjuga ho art. 100.º KDRTL] no PR bele decreta Eleição Antecipada (EA).

Halo EA, laos solução diak maibé solução ikus, mos iha nia consequência pratica rasik [mak: (1) osan la suficiente ba halo campanha no halo eleição; (2) simpatisante no militante sira husi partido sira bele hamosu comflito nebé bele causa crime (katak hamosu anarkismu) (3) votante sira lakon vontade no implica deminuição taxa participação nian iha EA; (4) resultado EA bele hanesan nafatin, katak partido ida sei la hetan maioria absoluta], maibé husi EA bele fo contribuição diak ba processo formação sentido Estado no ba entendimeto diak ba exigência sistema Estado de Direito Democrático.

Conclui ho hanoin kona ba Eleição Antecipada (EA) katak, wainhira relaciona ho situação actual RDTL nian, ita bele concidera nudar hipótese ida ho probabilidade suficiente, tanba molok too ba decreta EA, PR sei halo exercício constitucional lubuk ida, (1) halo uluk demissão ba VII governo, quando segunda apreciação ba programa governo la passa iha PN tan dala ida [art. 112.º (d) conjuga ho art. 86.º (g)]; (2) Rona tiha partido político sira nebé hetan assento iha PN (governo monu, oposição mos remata, hela de’it bancada parlamentar sira) hodi hahu processo formação VIII governo, nebé tem que hahu nafatin ho critério principal rua no critério determinante ida nebé consagrado iha art. 106.º (n.º 1, 1.ª parte) KRDTL (katak indigita PM sei la liu husi artigo seluk, liu nafatin husi art. 106.º); mak iha loron 60 nia laran, la consegue forma VIII governo, PR Dissolve PN [art. 86.º (f) conjuga ho art. 100.º KDRTL]. (3) Dissolve tiha PN, mak PR decreta EA hodi aplica regras eleição nian (observa art. 65.º conjuga ho art. 7 KDRTL hodi cumpre art. 2.º n.º 1 no art. 1.º n.º 1 KRDTL) estipulado iha lei eleição parlamentar nian. Nunee halo eleição anticipada (EA), laos solução diak (kaer ba princípio menus malum) maibé solução ikus (kaer ba princípio último ratio) hodi tane aas nafatin regras democráticas tuir KRDTL.

Remata, hanoin jurídico-constitucional hirak nee, ho máxima ida husi Bergel (Filósofo Direito), “karik imi husu, hau la hatene explica; maibé tanba imi la husu, mak hau hatene explica”.

 

 Dr. Pe. Júlio Crispim Ximenes Belo

Clero Diocesano Diocese Baucau;

Ativista RENETIL no Ativista FRENTE CLANDESTINA;

Alumni Escola Superior Filosofia no Teologia Ledalero-Indonesia;

Alumni Faculdade de Direito da Universidade de Macau-China;

Atual docente Intituto Superior Filosofia e Teologia Fatumeta-Dili;

Atual docente Faculdade Direito UNTL-Dili.

OBRIGADO WAIN

ASSEMBLEIA GERAL DIOCESANA HODI AVALIA PASTORAL BIBLIA DIOCESE DILI IHA TINAN 2017

DCDD, 07 Novembro 2017, Halao tiha pastoral tinan ida nia laran iha tinan 2017 ho tema “Tinan Sagrada Escritura; Moris ba Bíblia, Iha Bíblia, Ho Bíblia no Husi Bíblia” iha Diocese Dili, tuir plano pastoral be mai husi Vigário Episcopal ba Pasotral iha equipa pastoral diocese nian ho aprovação amu Bispo Diocese Dili nian Dom. Virgilio do Carmo da Silva ohin halao assembleia diocesana ida hamutuk ho nailulik, religioso no religiosa sira no equipa pastoral paróquia hotu nian hodi halo avaliação ba atividade pastoral diocese nian nebe halao ona.

Dom. Virgilio do Carmo da Silva nebe loke sorumutuk ne’e hato’o agradecemento ba equipa pastoral diocese no paroquia sira nian no ba ema hotu ho sarani sira hotu nebe serviço makas tebes hodi halao pastoral bíblico ida ba sarani sira hodi tulun sarani sira bele moris lolos sira ninia fiar.

Iha avaliação be halao ne’e hatudo katak;

Tuir plano nebe iha resultado hatudu katak alcança duni objetivo nebe iha atu sarani sira hatene loke biblia, le biblia no moris tuir biblia iha sira nia moris maibe seidauk alcança hotu, precisa iha continuidade ida ba pastoral biblia ne’e hodi nune’e bele tulun sarani sira moris diak liu tan sira nia fiar.

Sarani sira nia impressão ba experiência conhecemento no moris biblia iha programa ida ne’e fo testemunho katak programa pastoral bíblia ne’e fundamental no diak tebes tamba Bíblia mak sai centro ba moris sarani nian. Nune’e husu atu tinan oin mai pastoral biblia ne continua nafatin. Oras ne’e iha passo diak tebtebes ona mas que nune’e iha nafatin dificuldade no desafio barak mak hasoru. Dificuldade no desafio sira ne’e liu liu hetan iha agentes pastorais paroquia nian nebe dificil atu hetan, dificil atu hetan sira nebe iha capacidade naton atu lidera pastoral biblia nian diak liu tuir plano be iha. Iha sorin seluk participação sarani sira nian iha maibe sedauk máximo. Biar nune’e dificuldade sira ne’e la sai obstáculo atu pastoral ne’e la lao, ao contrário realidade hatudu katak pastoral biblia ne’e lao nafatin apesar de dificuldade no obstáculo sira ne’e hotu no sarani sira contente hodi hakarak atu conhece klean liu tan biblia iha sira nia moris nudar sarani .

Iha tinan 2017 atividade pastoral biblia nian nebe halao ona iha paroquia sira mak uluk nanain halo formação ba agentes pastorais paróquia sira nian durante loron 10 iha Dili kona ba Bíblia hodi wainhira formação hotu tiha sira bele tun concretamente ba realiza pastoral biblia ne’e iha sira ida idak ninia paróquia. Durante tinan 2017 formação ida ne’e halo semestralmente.

Paróquia sira fo sasin katak pastoral Biblia nebe durante ne’e halao sira halo iha bairro sira ou centro pastoral sira liu husi dalan, le biblia loro-loron iha escolas catolicas no mos escolas publicas, organiza certame kona ba biblia, conferência kona ba biblia ba paroquiano sira, organiza lectio divina ba grupo categoriais sira no grupo sira seluk tan, forma grupo leitores no sharing biblia iha familia.

Pastoral biblia Diocese Dili nian ne’e sei continua iha tinan oin tinan 2018 ho tema “Biblia mak familia nia abut, we matan, roman no moris”. (Pb)

 

Quarta-Feira, XXXI DO TEMPO COMUM

ANO A

 

Primeira Leitura                                                    Rom.13:8-10

Lia housi São Paulo nia Surat ba sarani sira iha  Roma

Maun alin sira: keta halo tusan ho ema ida; iha domin de’it mak imi iha tusan ba malu, basá ema nebe hadomi halo tuir ukunfuan. Ukunfuan sira: “Keta halo sala fo’er, keta oho, keta na’uk, keta hakarak buat nebe ema seluk nian” no ukunfuan seluk tan nebe bele habadak ho liafuan ida ne’e. “Hadomi o nia maluk hanesan o nia an rasik.” Domin la halo áat ba ema seluk; ne’e duni, domin halo tuir lolós ukunfuan.

Maromak Futar Lia.

 

Salmo Responsorial                                                                                                                                         Sal. 111(112):1-2,4-5,8a-9(R.cf.5a)

Refrão : Rahun di’ak ba ema nebé

                  Laran luak no laran di’ak. Repete-se

 

rahun di’ak ba ema nebé hamta’uk Nai,

no haksolok iha Nia ukunfuan.

Nia bei-oan sira sai maka’as iha rai,

Derasaan ema laran lós nian, hetan bensa wa’in. Refrão

 

Nia nabla ba ema lós sira

Nu’udar naroman iha nakukun,

Nia laran mós, laran-luak no laran di’ak.

Ksolok ba ema nebé laran luak no empresta,

No tau matan ba nia riku-soi tuir justice. Refrão

 

Nia fuan la nakdedar, la ta’uk,

Nia fahe nia riku-soi ba kiak sira;

Nia laran di’ak sei hela metin nafatin,

Ho barani, nia foti ulun. Refrão

 

Aclamação                                                                                                                                                                                                                1Ped. 4:14

Refrão : Aleluia, Aleluia! Repete-se

Rahun di’ak ba imi uainhira ema hasara imi tamba Cristo nia naran,

Basá iha oras neba Maromak nia Espírito hôrik ona iha imi. Refrão

 

Evangelho                                                                                                                                                                                                               Lc. 14:25-33

Na’i Jesus Cristo nia Evangelho nu’udar São Lucas haktuir

Iha tempo neba, ema lubun boot la’o hamutuk ho Jesus. Nia fila oin hodi dehan ba sira: “Ema ruma tuir Ha’u karik, maibé la heuuai nia aman, inan, feen, oan sira, to’o nia moris rasik, ema ne’e labele sai Ha’u nia escolante. Ema nebe la lori nia Cruz hodi tuir Ha’u, nia la bele sai Ha’u nia escolante. Imi ida nebe mak, atu halo uma ida, la tur uluk atu sura buat nebé kuran, hodi haré iha osan ka lae atu to’o hotu? Keta halo ba, foin hahu hari, nia laiha biit atu halo to’o rohan. Hafoin sira nebe haré, hahu hamoe nia dehan: ‘Ema ne’e hahu hari, maibé la to’o rohan!’

Eh liurai ida nebe mak funu hasouru liurai seluk, la tur uluk hodi hanoin didi’ak nia bele ka lae ho de’it soldado rihun sanulu ba hasouru ida nebe mai hasouru nia ho soldado rihun rua nulu? La bele karik, uainhira ida seluk sei dook hela, nia haruka kedas manuain atu ba husu dame. Nune’e mós imi hotu nebe la husik imi nia riku-soi tomak. la bele sai Ha’u nia escolante”.

Lia Maksoyn

TERÇA FEIRA, XXXI SEMANA TEMPO COMUM

ANO A

 

Primeira Leitura                                                                     Rom. 12:5-16a

Lia housi São Paulo nia surat ba sarani sira iha Roma

Maun alin sira: Ita, maski ita barak, isin lolon ida de’it iha Cristo no liman ain ba malu.

Tan ita iha kmanek oi-oin, idak-idak tuir buat nebé grace fó mai ita; ita usa sira: sé mak hato’o Maromak nia liafuan karik, ko’alia ba tuir ita nia fiar; sé mak serbi ema seluk, serbi lós ba; sé mak hanourin, hanourin di’ak ba; sé mak fó conselho, fó conselho tebes bá; sé mak fó tulun ba ema saluk, fó ba ho laran luak; sé mak ukun ema seluk, halo ba ho badinas; sé mak hatudu laran luak, halo ba ho laran ksolok.

Domin la bele bosok, hadook buat áat housi imi nia laran; káer metin buat nebé di’ak; hadomi malu ho domin lós; buka atu sai uluk atu hamta’uk maluk sira. Keta baruk atu fó tulun, maibé laran manas nafatin iha espírito, serbi Na’i bá. Haksolok iha esperança, tahan iha terus laran; la kole atu harohan. Uainhira Sa nto sira kuran buat ruma, fó ba; simu bá ema bé la’o rai. Dehan liafuan di’ak ba sira nebé halo áat imi; fó rahun di’ak no keta fó malisan ba sira. Haklsolok ho sira nebé haksolok, tanis ho sira nebé tanis. Respeita malu; keta loko an, maibé habelun ema kiak no kiik sira; keta hanoin katak imi matenek liu fali ema seluk.

Maromak Futar Lia.

 

Salmo Responsorial                                                                                                                                                                         Sal. 130(131):1,2ab,3

Refrão : Na’i, souri ha’u Ita Nia dame. Repete-se

Na’i, ha’u fuan la foti-an,

Ha’u matan mós la matan áas.

Ha’u la kaan riku-soi sira,

No buat kmanek ua’in sira, la manan ha’u. Refrão

 

Molok ha’u nonok no hakmatek,

Nu’udar kosok-oan ida iha inan nia hitin.

Israel, hein iha Na’i,

Oras ne’e no ba nafatin. Refrão

 

Aclamação                                                                                                                                                                                                                 Mt. 11:28

Refrão : Aleluia, Aleluia! Repete-se

Imi sira hot nebé kolen no terus, mai buka Ha’u.

Ha’u sei kasu imi todan, Na’i dehan. Refrão

 

Evangelho                                                                                                                                                                                                              Lc. 14:15-24

Na’i Jesus Cristo nia Evangelho tuir São Lucas haktuir

Iha tempo neba, Rona tiha buat ne’e, bainaka ida dehan ba Nia: “ Rahun di’ak ba ema nebé sei han ho Maromak iha Nia reino!” Jesus hatan ba nia: “Ema ida halo festa boot hodi convida ema barak. Iha oras atu han nia haruka nia atan atu hateten ba sira: ‘Mai ona, buat hotu hadi’a tiha ona.’ Maibé sira hotu hahu dehan buat oi-oin. Ida uluk dehan ba nia: ‘Ha’u foin sosa rai no ha’u sei ba haré nia; ha’u husu desculpa.’ Ida seluk dehan: ‘Ha’u foin sosa karau par lima no ha’u sei koko sira; ha’u husu desculpa.’ Ida seluk tan dehan: ‘Ha’u foin kaben, tan ne’e ha’u labele ba.’

Atan ne’e fila fali hodi haktuir buat hirak ne’e ba nia na’in. Tuir mai, uma na’in hirus, hodi dehan ba nia atan: ‘Sai lalais ba praça no dalan sira cidade nian, hodi lori mai iha ne’e ema kiak sira, ema biit laek, ema matan delek no ema ain áat sira.’ La kleur atan ne’e fila fali, hodi dehan ba nia: ‘Na’i, buat nebé Ita haruka, halo tiha ona, maibé fatin sei iha.’ Uma na’in dehan fali ba nia atan: ‘Ba liu housi dalan no to’os sira hodi obriga ema atu tama, atu ha’u nia uma sai nakonu. Basá ha’u dehan ba imi katak, housi sira nebé ha’u convid uluk, ida mós sei la koko ha’u nia festa.’”

Lia Maksoyn.

Segunda-Feira, XXXI DO TEMPO COMUM

ANO A

 

Primeira Leitura                                                                           Rom.11:29-36

Lia housi São Paulo nia Surat ba sarani sira iha  Roma

Maun alin sira: wainhia Maromak fó no bolu, la bele hasai fali.

Nu’udar uluk imi la halo tuir Maromak nia hakarak, maibe ohin imi simu ona laran luak tan sira nia ulun tos, nune’e mós sira la tuir ohin ne’e atu, tan laran luak nebe Na’i hatudu ba imi, sira mós sei hetan laran luak. Basá Maromak saran ema hot-hotu atu sai ulun tos, atu nia bele hatudu nia laran luak ba sira hotu.

Ah, riku soi no hatene no matenek wa’in Maromak nian kle’an teb-tebes! Ita nia hanoin la to’o wainhira nia tesi lia; nia dalan ita la bele hatene! “Basá ema sé mak bele hatene Na’i nia hanoin; ka ema sé mak hanourin nia?” “Ka sé mak fó ba nia buat ruma hodi hein atu simu fali?” Basá, housi nia no tan nia no ba nia mak buat hotu. Ba nia glória ba nafatin. Amen.

Maromak futar lia.

 

Salmo Responsorial                                                                                                                                            Sal.68(69):30-31,33-34,36-37(R.13c)

Refrão : Tan ita laran-luak, Na’i, rona ha’u. Repete-se

 

Na’i, ha’u ema kiak, ha’u folin laek,

Ita tahan ha’u no souri ha’u.

Ha’u sei hahi Maromak naran ho knananuk,

Ha’u sei haliban ita hodi agradece. Refrão

 

Imi be haraik an haré ba no haksolok,

Buka Na’i, imi laran sei hetan iis foun.

Maromak rona ema kiak,

La hakribi sira be iha dahur. Refrão

 

Na’i sei souri Sião, sei hari hikas cidade sira Judá nian,

Ema dadur sira fila mai hodi hôrik iha neba,

Nia atan sira sei simu nu’udar liman rohan,

Sei hôrik iha neba, sira be hadomi nia naran. Refrão

 

Aclamação                                                                                                                                                                                                      Jo. 8:31b-32

Refrão : Aleluia, Aleluia!!! Repete-se

              Imi halo tuir nafatin karik ha’u nia liafuan, Na’i lia tun;

              Imi ha’u nia escolante duni; imi sei hatene lialós. Refrão

 

Evangelho                                                                                                                                                                                                        Lc.14:12-14

Na’i Jesus Cristo nia Evangelho tuir São Lucas

Iha tempo neba, Jesus dehan ba ema fariseu nebe Convida nia: “wainhira ó halo festa, keta convida ó nia belun sira, ó nia maun alin sira, ó nia parenti sira ka ó nia maluk riku sira; keta sira ne’e convida fali ó, nune’e sira selu fali ó. Maibe, wainhira ó halo festa, convida ema kiak sira, ema biit laek sira, ema ain áat sira no ema matan delek sira. O sei hetan ksolok, basá sira ne’e la iha buat ida atu selu fali ó; o sei simu o nia kolen wainhira ema di’ak sira sei moris hi’as.

Lia maksoyn.