shadow
Diocese de Dili > NOTÍCIAS > Articles by: Departamento Comunicação Diocese Dili

Terça – Feira, V Semana Tempo Quaresma (ANO C)

Primeira Leitura                 Num. 21. 4-9

Lia  housi segundo Livro Números nian:

Iha loron hirak neba, Israel oan sira sai housi foho Hor, tuir dalan ba Tasi Mean, hodi hadulas rai Edom. Iha dalan, povo lakon paciência hodi ko’alia hasouru Maromak no Moisés: “Tansá halo ami sai housi rai Egipto atu ami mate iha rai fuik maran ne’e? Ai-han no wé la iha; ami laran kabeik ona ho ai-han mihis ida ne’e”. Nune’e, Na’i haruka hasouru povo samea manas nebé tata ema; Israel nia emar barak mate. Povo ba ko’alia ho Moisés hodi dehan: “Ami sala tan ko’alia hasouru Na’i no mós hasouru ita. Husu ba Na’i atu hadook tiha samea sira housi ami”. Moisés harohan duni tanba povo.

Ne’e duni, Na’i lia tun ba Moisés: “Halo samea manas ida hodi tara ba ai-riin ida. Ema hotu nebé, samea tata tiha nia, hamatan ba, hetan moris”. Moisés halo samea ida ho riti hodi tara ba ai-riin. Ema nebé samea ruma tata karik, hateke samea riti ne’e, nia la mate.

Maromak Futar Lia.

 

Salmo Responsorial                                                                                               Sal. 101(102). 2-3, 16-18, 19-21 (R. 2)

Refrão : Nia bei-oan sira sei hela metin ba nafatin!!! Repete-se

Na’i, rona ha’u nia hamulak,

Ha’u lian sa’e to’o Itaboot.

Keta subar Ita futar oin,

Iha loron ha’u terus.

Sée tilun mai ha’u,

Iha loron nebé ha’u bolu Itaboot,

Sei hatan mai ha’u ho lalais. Refrão

 

Na’i, povo sira sei hamta’uk Ita futar naran,

Liurai tomak rai-klaran nian

Hamta’uk Itaboot nia glória.

Wainhira Na’i hari fali Sião

Hodi hatudu Nia glória,

Sei rona ema susar harohan;

Sei la hewai nia hamulak. Refrão

 

Sei hakerek buat hirak ne’e hotu

Ba derasaan be tuir mai atu,

Povo nebé sei mosu, sei hahi Na’i.

Hakruuk-An housi Nia uma iha leten áas,

Housi Lalehan Na’i hamatan mai Rai-klaran,

Atu rona ema dadur sira nia halerik,

Atu hasai sira be ema fó ba mate. Refrão

 

Aclamação                                                                                                                           Jo. 8. 12

Refrão : Glória ba Ita, Jesus Cristo, Aman Nia liafuan!!! Repete-se

Na’i dehan: Ha’u mundo nia roman; ema sé tuir Ha’u, la la’o iha nakukun,

Maibé, sei hetan roman moris nian. Refrão

 

Evangelho                                                                                                     Jo. 8. 21-30

Na’i Jesus Cristo nia Evangelho tuir São João Haktuir:

Iha tempo neba, Jesus lia tun ba fariseu sira: “Ha’u atu ba ona! Imi sei buka Ha’u, imi sei mate ho imi salan. Imi la bele ba fatin nebé Ha’u atu ba”. Nune’e, judeu sira hateten: “Nia atu oho-an karik? Tan nia dehan: ‘Imi la bele ba fatin nebé ha’u atu ba!’” Maibé Jesus lia tun teni ba sira: “Imi rai ne’e nian; Ha’u Lalehan nian; imi rai ne’e nian; Ha’u la’os rai ne’e nian. Ha’u dehan ba imi: ‘Imi sei mate ho imi nia salan’. Tebes duni, imi la fiar karik katak, ‘Ha’u mak Ha’u’, imi sei mate ho imi nia salan”. Ne’e duni sira husu ba Nia: “Ó sé lós?” Jesus hatan ba sira, dehan: “Lolós duni buat hotu nebé Ha’u dehan dadaun ba imi. Ha’u iha buat barak atu dehan no tesi lia kona ba imi. Maibé, Ida be haruka Ha’u mai, Nia mak lós; Ha’u fó hatene ba mundo buat nebé Ha’u rona housi Nia”. Sira la hatene katak Nia ko’alia kona ba Aman. Nune’e Jesus lia tun ba sira: “Wainhira imi hari Mane Maksoyn, iha loron ne’e imi sei hatene katak: ‘Ha’u mak Ha’u’. Ha’u mesak la bele halo buat ida, maibé Ha’u dehan buat hirak ne’e ba imi nu’udar Aman hanourin Ha’u. Ida nebé haruka Ha’u mai, Nia hamutuk ho Ha’u; Nia la husik Ha’u mesak, tan Ha’u mesak, tan Ha’u halo tuir nafatin buat nebé fó ksolok ba Nia”. Wainhira Jesus hateten liafuan hirak ne’e, ema barak fiar Nia.

Lia Maksoyn.

Segunda – Feira, V Semana Tempo Quaresma (ANO C)

Forma longa : Lê hotu            Dan. 13. 1-9, 15-17, 19-30, 33-62

Primeira Leitura                                                                           Dan. 13, 41c-62

Lia housi Profeta Daniel nian:

Iha loron hirak nebá, iha Babilónia ema ida naran Joaquim. Nia hola feto ida naran Susana, Helcias nia oan feto, oin furak teb-tebes no mós hamta’uk Maromak. Nia aman sira ema di’ak, sira hanourin oan feto ne’e tuir Moisés nia lei. Joaquim riku boot; nia iha jardim boot ida besik nia uma. Judeu sira mai buka nia tan nia boot liu sira hotu. Iha tinan nebá, sira fihir nu’udar juíz katuas povo nian, nebé Na’i hateten, “Lisan áat mai housi Babilónia, housi katuas sira be tesi lia, dada dalan ba povo”. Sira ba nafatin Joaquim nia uma; ema hotu be iha lia atu tesi, ba hasouru sira. Wainhira loron manas ona, povo la’o namkari. Susana sai ba pasiar iha nia la’en nia jardim. Lor-loron, katuas rua haré nia. Sira laran monu ba nia. Ikus mai, sira lakon ulun, taka matan atu la bele haré ba lalehan hodi haluha tiha lialós nia tesi. Sira hafuhu daudaun hodi hetan biban ida di’ak ba sira. Susana maid ala ida hanesan loron selu-seluk uluk nian, la’o hamutuk ho feto oan rua de’it. Tan loron manas, nia hakarak haris iha jardim laran. La iha ema seluk iha nebá, se la’e katuas rua ne’e subar hodi hafuhu nia. Susana hateten ba feto oan sira: “Lori mina ho sabaun mai, taka jardim nia odamatan, ha’u atu haris”.

Wainhira sira sai tiha, katuas rua ne’e hamriik, halai ba besik Susana hodi hateten ba nia: “Odamatan jardim nia taka ona; la iha ema ida haré ita; ami laran monu ba ó; ó nia laran hatan ba hodi saran ó-an mai ami. Oin seluk, ami sei kesar ó katak mane klosan ida hamutuk ho ó; ne’e duni mak ó haruka feto oan rua ba ona”. Iha ne’e, Susana tanis hodi dehan: “Ha’u iha klot laran; ha’u halo karik buat ne’e, mak hein ha’u; ha’u la halo karik, ha’u la bele halai housi imi liman. Maibé monu iha imi liman la halo buat ida di’ak liu fali halo sala ida iha Na’i futar oin”. Susana hakilar ho lian maka’as. Katuas rua ne’e mós hakilar hasouru nia, no sira ida halai ba loke odamatan jardim nian. Wainhira ema uma laran rona hakilar iha jardim, sira haksoit ba laran housi odamatan sorin, atu haré sáida lós. Wainhira katuas sira haktuir lia, atan sira moe boot teb-tebes, tan la iha ema ida dehan kona ba Susana buat ida hanesan ne’e.

Iha loron ida seluk wainhira povo halibur-an iha Joaquim, Susana nia la’en nia uma, katuas rua ne’e hanoin áat hasouru nia atu lori Susana ba mate. Sira hateten iha povo nia oin: “Imi haruka bolu Susana, Helcias nia oan feto, Joaquim nia féen”. Sira ba buka nia. Nia mai ho aman-inan sira, oan sira no parenti tomak.

Nia uma laran sira tans ho mós sira tomak nebé haré nia. Katuas rua ne’e hamriik iha povo nia leet hodi tau liman ba nia ulun. Susana hamre’u, foti matan ba Lalehan, tanba nia fuan fiar iha Na’i. Katuas sira hateten: “Wainhira ami pasiar mesak iha Jardim, nia tama ho atan feto rua; nia taka tiha jardim nia odamatan, haruka atan feto sira ba ona. Mane klosan ida nebé subar-an hela, mai hasouru nia, toba ho nia. Ami, be iha jardim nia siku ida, ami haré sala boot ne’e; ami halai ba sira. Maski ami haré sira hamutuk, ami la bele kaér mane klosan ne’e, tan nia maka’as liu ami. Nia loke odamatan, halai liu tiha. Maibé, feto ami kaér hela, ami husu ba nia, mane klosan ne’e sé lós; maibé nia lakohi hateten sai mai ami. Ami nia sasin mek ne’e.

Maromak Futar Lia.

Ou

Forma breve :                                                                                                                                                                Dan. 13, 41c-62

Lia housi Profeta Daniel nian:

Ema lubun boot fiar sira, tan sira katuas no lia na’in povo nian. Sira fó Susana ba mate. Ne’e duni, Susana hakilar ho lian maka’as: “Maromak rohan laek, Ita nebé hatene lia subar nian, Ita hatene nanis buat hotu nebé sei mosu, Ita hatene katak sira foti lia falso hasouru ha’u. Ha’u atu mate, la halo tan buat ida, nebé sira ho laran áat hateten hasouru ha’u”.

Na’i rona Susana nia liafuan be harohan. Wainhira sira lori nia atu ba oho, Maromak haraik Espírito Santo nian ba labarik ida naran Daniel. Nia hakilar ho lian maka’as: “Ha’u la hatan lia kona ba feto ne’e nia mate”. Povo toma fila oin ba nia hodi husu ba nia: “Liafuan sá lós nebé ó foin hateten?” Daniel hamriik iha sira klaran, hatan: “Imi bulak oinsá ne’e, Israel oan sira, tanba la tesi lialós; la buka tan lia ne’e nua hun-abut, imi fó Israel nia oan feto ida ba mate? Fila ba tribunal, tan sira foti sasin falso hasouru nia”.

Povo fila lalais de’it. Katuas sira hateten ba Daniel: “Mai tur iha ami klaran, hodi dehan mai ami ó nia hanoin, tan Maromak haraik ba ó hanoin hanesan katuas sira”. Daniel hateten ba sira: “Imi haketak sira, ida dook housi ida seluk, atu ha’u bele tesi lia ba sira”. Haketak tiha sira na’in rua, Daniel bolu sira ida hodi hateten ba nia: “Ó katuas tan ona hodi halo sala, maibé oras ne’e, mosu sala hirak nebé uluk ó halo, wainhira ó tesi lia la lós, fó mate ba ema sala laek hodi perdua ema be sala, maski Na’i lia tun: ‘Imi keta fó mate ba ema sala laek no justo’. Tan ne’e duni, ó haré feto ne’e iha ai ida nebé nia okos, ó haré sira na’in rua hamutuk”? Nia hatan; “Iha ai lentisco ida nia okos”. Daniel dehan ba nia: “Ó nia lia bosok sei monu lós ba ó nia ulun, tanba Maromak Nia Anjo simu lia tesi Maromak nian atu fera ó iha klaran”. Haruka nia ba tiha, Daniel fó fali ordem atu lori ida seluk mai hodi dehan ba nia: “Canaã nia derasaan ida nian, la’os Judá nian, oin furak halakon ó nia ulun, hakaran áat manan tiha ó na fuan. Nune’e mak imi halo ona ho Israel nia oan sira, sira mós tanba ta’uk saran-an ba imi. Maibé Judá nia oan feto ida la terus imi nia laran áat! Ne’e duni, ó dehan mai ha’u: iha: Iha ai ida nebé nia okos ó toman sira rua hamutuk?” Nia hatan: “Iha ai carvalho ida nia okos”. Daniel hatan ba nia: “Ó nia lia bosok mós sei monu lolós iha ó nia ulun fatuk, tanba Maromak Nia Anjo hein ó ho nia surik atu fera ó nia iha klaran. Nune’e mak Nia sei halakon imi”.

Ema lubun boot hakilar ho lian maka’as hodi hawélok Maromak nebé soi sira be hein Nia. Nune’e, sira hamriik hodi hasouru katuas rua ne’e, tanba Daniel koko tiha ona sira, hodi sira nia liafuan, katak sira nia sasin falso. Atu halo tuir Moisés nia lei, sira fó katuas rua ne’e destino ida hanesan ida nebé sira hadi’a ba nia maluk. Sira oho duni katuas rua ne’e iha loron nebá hodi fó moris ba ida be sala laek.

Maromak Futar Lia.

 

Salmo Responsorial                                                                                                           Sal. 22(23). 1-3ª, 3b-3ª, 3b-4, 5, 6 (R. 4ª)

Refrão : Maski ha’u la’o housi rai-kle’an nakukun, Ha’u la ta’uk tan Ita hamutuk ho ha’u!!! Repete-se

Na’i ha’u nia mahein, ha’u la kuran buat ida;

Lori ha’u ba hakmatek iha du’ut matak,

Lori ha’u ba wé malirin

Hodi haksolok ha’u klamar. Refrão

 

Nia lori ha’u kona dalan lós tan hadomi Nia naran.

Maski ha’u la’o housi rai-kle’an nakukun

Ha’u sei la ta’uk buat áat ida, tan Ita hamutuk ho ha’u.

Ita nia ai-tonka no ai-tato’an

Fó laran metin mai ha’u. Refrão

 

Ita hadi’a aihan mai ha’u

Iha ha’u funu baluk sira oin.

Ho mina, Ita hamorin ha’u ulun;

Ha’u cálice nakonu resin. Refrão

 

Laran di’ak no graça sei la’o tuir ha’u

Lor-loron iha ha’u nia moris;

Ha’u sei hela iha Na’i nia uma

Tinan-ba-tinan nafatin. Refrão

 

Aclamação                                                                                                                                                                                   Ez. 33. 11

Refrão : Glória ba Ita, Jesus Cristo, Matenek Aman Nian!! Repete-se

Na’i dehan, Ha’u lakohi ema sala-na’in nia mate,

Maibé atu fila fali mai Ha’u hodi moris. Refrão

 

(Ano C, lê Evangelho seluk be tuir mai ida ne’e : Jo. 8. 12-20)

Evangelho                                                                                                                                                                                   Jo. 8. 1-11

Na’i Jesus Cristo nia Evangelho nu’udar São João haktuir:

Iha tempo nebá, Jesus sa’e ba foho Oliveiras, maibé, rai foin kmaus de’it, Nia mosu fali iha Templo. Tan povo tomak hakbesik Nia, Nia tur, hodi hahú hanourin sira. Ema escrivão no fariseus sira lori mai Jesus feto ida ema toman halo sala ho mane seluk. Sira tau feto ne’e iha ema hotu nia oin, hodi dehan ba Jesus: “Mestre, ema toman feto ne’e halo sala ho mane seluk. Tuir lei, Moisés ami tuda mate feto sira nebé hahalok hanesan ne’e. Ó dehan sá lós?” Sira husu hanesan ne’e, atu tau hani ba Jesus, atu nune’e, sira bele hetan lia ruma hasouru Nia. Maibé Jesus hakru’uk hodi hakerek iha rai ho Nia liman fuan. Tan sira litik nafatin Nia, Nia hamriik hodi dehan ba sira: “Imi ida nebé la iha sala, bele kaer fatuk ida hodi tuda feto ne’e”. Jesus hakru’uk fali hodi hakerek nafatin iha rai. Maibé, rona tiha lia fuan hirak ne’e, sira ida-idak sai daudaun hahú housi katuas sira. Jesus hamriik mai, dehan ba nia: “Sira iha nebé hotu? Ema ida la halo aat ba ó?” Nia hatán: “La iha ema ida Na’i”. Jesus dehan fali ba nia: “Ha’u mós la fó castigo ba ó. La’o ó nia ba! Houri ohin ba oin, keta sala tan”.

Lia Maksoyn.

 

(No Ano C, em que sete texto é lido no domingo anterior, lê-se Jo. 8. 2-10, como segue)

Evangelho                                                                                                                                                                               Jo. 8. 12-20

Na’i Jesus Cristo nia Evangelho nu’udar São João haktuir:

Iha tempo nebá, Jesus ko’alia ba fariseu sira nune’e: “Ha’u mundo nia roman. Ema sé tuir Ha’u, sei la la’o iha nakukun laran, maibé sei iha roman moris nian”. Fariseu sira hateten ba Nia: “Ó fó sasin kona ba ó-an rasik, ó Nia sasin la lós”. Jesus hatan ba sira: “Maski Ha’u fó sasin kona ba Ha’u-An rasik, Ha’u Nia sasin lós, tan Ha’u hatene Ha’u mai housi nebé, Ha’u atu ba nebé. Imi tesi lia tuir imi haré housi liur; Ha’u la tesi lia ba ema ida. Maski Ha’u tesi lia, Ha’u Nia lia tesi ló, tan Ha’u la’os mesak, Ha’u ho Aman nebé haruka Ha’u mai. Iha imi nia lei, hakerek nanis katak ema na’in rua fó sasin lós duni. Ha’u mak fó sasi ba Ha’u-An rasik; Aman nebé haruka Ha’u mai, fó sasin kona ba Ha’u”. Ne’e duni sira husu ba Nia: “Ó nia aman iha nebé?” Jesus hatan ba sira: “Imi la hatene Ha’u no mós Ha’u Nia Aman. Imi hatene karik Ha’u, imi sei hatene mós Ha’u Nia Aman”. Jesus hateten liafuan hirak ne’e besik quarto osan fatin nian, wainhira Nia hanourin daudaun iha uma-kreda boot. La iha ema ida káer Nia, tan Nia oras seida’uk to’o.

Lia Maksoyn.

ITA MAI LAOS ATU TANIS, MAIBE ATU FO VALOR BA SIRA NIA SACRIFÍCIO

DCDD – Líder Carismático Kay Rala Xanana Gusmão iha loron Sábado, 6 Abril 2019, participa iha missa comemoração 20 anos Massacre Liquiça iha Igreja Paroquial São João de Brito Liquiça. Iha ninia discurço relaciona ho comemoração 20 anos Massacre Liquiça nee hateten, “Celebração sira hanesan nee mosu hanesan opotunidade ba ita nia geração sira atu husu tanba sa? Saida? Hau hakarak repete fali deit Dom Norberto do Amaral nia liafuan ohin hateten ba Liquiça oan sira katak, Massacre mosu iha fatin barak hanesan iha Liquiça, iha Lospalos, iha Suai hodi fo hatene katak, labele kaer Massacre Liquiça hanesan satu-satunya, maibe parte husi sacrifício boot nebe ita nia povo fo ba ita nia rain. 20 anos massacre no 20 de Maio mai nee ita celebra 17 anos ukunan soe ituan saida mak dudu ita atu hanoin deit ita nia an rasik, soe ituan ba! Liu-liu iha loron nebe sira nebe ita atu venera katak fo honra sira la husu buat ida, sira fo an ba mate, simu terus hirak nee sira la husu buat ida, maibe ho deit sira nia fo an ba mate ida nee atu rai nee bele ukunan. Ita mai iha nee laos atu tanis, se ita mai iha nee atu tanis, nee katak ita la fo valor ba sira nia sacrifício. Ita mai iha nee atu fo honra ba sira, agradece ba sira tanba sira mate maka ita bele hetan ukunan nee”

Líder Carismático Kay Rala Xanana Gusmão reforça tan katak, Jovem sira matenek ituan ikus-ikus nee koalia barak mak ba hau nia direito, direito no direito, maibe dever sira lakohi hatene. Ne’eduni jovem sira iha loron sira reflexão hanesan nee buka hare saida mak imi bele fo ba rai ida ne’e tanba imi sidauk fo buat ida. Imi husu deit iha imi nia an rasik hanesan direito ida. Agora zona iha timor Leste indenpendente. Atu hetan independéncia mak ohin katak fo onra ba sira ne’e. Fo honra ba sira atu hatutan labele haluha tanba iha parte ida nee ita halo sacrifício boot. Tanba nee hau dehan naiulun timoroan tomak loke neon hodi fo valor ba terus ida nee labele hanoin liu ba isin lolon rasik, fo ituan ba povo ida nee. Iha momento reflexão ida nee hau husu Liquiça oan sira pelo menos hahu husi nee took ba. Tanba nee foinsae sira, katuas sira hakasan ba servisu didiak netik ba. Tanba nee Liquiça ho celebração ida nee husu boot Liquiça sei sai Município ida nebe disciplina makas, solidariedade makas, lolo liman ba Maromak mos, hadomi malu ba, maibe democria los. Mas tanba deit democracia ita atu saruntu malu, ita atu tolok malu ida nee ita laos ema ona. Nee duni favor boot ho comemoração ida nebe ohin ita halo ho Maromak nia tulun ita hotu husu ba Liquiça oan sira hadomi malu ba, fo liman ba malu atu foti Liquiça atu fatin seluk sei hare dehan imi hanoin ho saida mak imi atu halo laos husu deit. Matenek barak ona. Tanba nee husu ba Liquiça oan sira imi iha saida atu dezemvolve. Ita halo buat sira nee hotu laos ba ita nian deit maibe atu fo honra tanba sira mate, sira fo sira nia an ba ita nia rain hodi ita meresse buka hanoin, buka servisu, buka halao saida mak ita bele”. (Alin Soares/Gelson Soares)

BA HAU MASSACRE HANESAN PONTE IDA ENTRE ITA NIA RESISTÊNCIA BA UKUN AN

DCDD-Loron 6 de Abril de 1999 hanesan memória nakukun ba povo Liquiça tamba mosu massacre ida iha residéncia paroquial São João de Brito de Liquiça nian. Iha tinan ne’e Povo Liquiça hodi comemora masacre Liquiça ne’e ba dala XX, hodi hanoin hikas vítima sira ne’ebé mate tamba hakarak ukun rasik an. Presidente Episcopal Timorense atual bispo de Maliana Dom Norberto do Amaral be preside celebração Eucaristia ba comemoração Massacre Liquiça ba dala XX nee iha ninia homilia hateten, “Diak no At ida nee iha ita ema nia moris. Hakarak ou lakohi ita tem que hasoru. Hasoru oinsa? Ida nee mak ita ema tem que neon nain halo abertura ida nebe makas hodi simu buat rua nee; Diak ita simu no At mos ita simu. Diak ita simu hodi hametin nafatin ba oin hodi aperfeçoa ita nia an sai diak liu tan, At ita buka atu ha tene husi at ida nee, nunee ita bele hadia fila fali ita nia moris.”

“Maun alin sira massacre iha Liquiça, Lospalos no Suai, ita bele iha Masaacre oi-oin iha Timor-Leste ida nee, hatudu realidade aat ida husi ita ema ninian, maibe labele haluha mos katak haksumik husi realidade ida nee tanba lialos ida-verdade ida-diak ida nebe povo nee hakarak ninia aspiração nee hodi ukunan. Massacre sira iha 1999 nee, ba hau pessoalmente sai hanesan ponte ida entre ita nia resistência ba ukunan. Atu hakat ba ukunan ida nee mak hari ponte ida nee, ita hotu-hotu hare katak iha Ponte ida nee hari ho ran, tanis no mate. Maibe importante ba ita mak nee; iha ran, tanis no halerik ida nee iha buat diak nebe iha ita nia an ida nee, atu ita mos bele hatetu ita nia an nee iha diak no at ida nee nia laran. Hanesan ema tem que simu realidade rua nee ‘diak no aat’, hamrik iha ponte ida nee hodi hare diak ho aat ida nee atu ita aperfeçoa ita nia an hodi aban bainrua hari timor ida nebe iha prosperidade nia laran. Ida nee depende ba ita ida-idak, diak ita simu-aat mos ita simu atu ita bele buka lição nebe diak ba ita nia moris.

Dom Norberto do Amaral hatutan tan katak, “Sira nebe mate tiha ona, Poético ida ho naran Horácio dehan; ‘é belo e glorioso morrer pela pátria’. Wainhira ita hatur ita nia an nee hodi assume didiak ita nia knar nudar ema nebe lao rai iha mundo raiklaran ida nee hodi hare diak ho aat ida nee hodi desemvolve nia an, hodi aperfeçoa nia an, hodi buka estrategia foun atu bele hasoru futuro ida nebe diak nian, nebe laos favoresse deit ba ema ida deit, maibe ba ema hotu-htu nia diak. Ita reza ba Na’i Maromak hodi haraik bensa mai ita hotu nebe sei moris hodi agradece, agradece ba Heroi sira nebe mate tanba rai ida nee, nebe ohin sira la hela iha ita nia le’et, maibe ita fiar metin katak bainhira ita mate ba buat diak ou verdade ida ita hetan glória iha Maromak nia Futar oin. Sira nee Mártires da Pátria. Hamutuk ho sira nebe iha mundo seluk no ita sira be iha nee atu ita bele neon nain hodi buka nafatin diak ba ita nia povo no diak ba ita nia rain. Ita hein katak ho celebração ida nee ho seminário sira nebe halo ona durante loron tolu liu ba, bele fo fali Espírito foun atu ita renova ita nia an hodi lao hateke ba oin. Nee duni ita harohan dala ida an ba Na’i Maromak atu harai bensa mai ita liu-liu ba ita nia lider sira atu bele neon nain nafatin hodi lori Timor nee tuir povo nia aspiração”. (Ciko)

SE MAK LA SALA NIA MAK KAER FATUK TUDA ULUK FETO ADULTEIRA NEE-HAU LA CONDENA O, BA NO KETA HALO SALA TAN

V DOMINGO QUARESMA ANO C-2019.

 

Maun alin sarani doben sira nebe hau hadomi iha ita Nain Jesus Cristo,

Ita ema sira nee SER ida nebe pecador maibe ao mesmo tempo santo. Ita ema pecador tamba ita nia kbiit laek sira no ita ema santo tamba hakarak diak sira be iha ita niaan no tamba justiça ka kbiit Maromak nian be halo mai ita. Iha buat rua nee ita sempre hakarak liu mak ida los ka justo ka santo nee, Sai ema diak, ema los no ema santo. Ema hotu hakarak mak ida nee. Hahu kedas husi ema ida começa hatene ninia-an, hatene ema seluk, no hatene mundo ho buat tomak be iha mundo nia laran laiha ema nebe hakarak sai ema at, ema sempre hakarak sai diak deit. Mas que nune tamba kbiit laek nebe iha halo ema sira dala barak halo buat sira nebe contrario husi ninia hakarak diak sira. Nune mak ikus mai ema sira monu ba salan.

Leitura sira domingo ohin nian convida ita atu reflete kona ba ita nia moris iha realidade rua nee. Hahu kedas iha primeira leitura Maromak hatudu an mai ita nundar Maksoin be bele halo hotu hotu hodi soi ninia emar sira husi susar laran: susar hamalaha hamrok ba hahan, ba ambiente be la suportavel, ba buat barak tebes nebe miseravel. Ita rona haktuir mai ita Maromak ninia hahalok kmanek sira be hatudu iha “Maromak loke dalan iha tasi laran ba ninia povo sira atu hakur liu hodi livre husi ema at sira liman, hamosu dalan no we iha raifuk maran atu ninia povo sira bele lao liu diak no hemu we naresin”. Maromak ninia hahalok maksoin nee hahalok justiça nian, hahalok nebe lori diak ba ema sira, halo ema sira hetan diak, hetan moris ida digno lolos hanesan ema nebe nia rasik mak halo moris. Maromak restaura fila fali iha ema sira moris digno nebe hori hahu kedas mai Nia tau iha ema sira nia-an no Nia hakarak ita ema sira moris ba.

Maun alin doben sarani sira, Nai Maromak ninia hahalok Maksoin ka justiça nee halo nafatin ba nafatin iha momento no iha tempo hotu hotu. Nune mak Nia halo mos mai ita sira nee ninia moris iha acontecemento no realidade sira ita ida idak ninia moris hori uluk kedas, oras nee no sei ba nafatin.Maromak ninia hahalok ida nee fo laran metin nafatin mai ita atu moris no atu luta nafatin ba moris nee mas que ita hatene katak ita ema sala nain tebes. Los duni ita tem que hatene an nundar ema sala nain, hodi hatene an nune mak ita foin bele hakribi no hadia ita nia salan sira, oinseluk ita sei hela nafatin iha sala laran no Nai Maromak ninia graça, Maromak nia Maksoin sei la too mai ita. Se ida nee mak acontece ita sei hetan mak condenação eterna laos perdão, laos justiça, moris rohan laek tan lae liu kedas.

Evangelho ohin nian haktuir momos no completo los kona ba ita ema sira nia hahalok foti-an hanesan ema los hodi condena ema seluk nebe monu ba sala no kona ba Maromak ninia laran luak, Maromak ninia justiça no Maromak ninia Maksoin ba ema nebe haraik-an no hatene-an nundar ema sala nain. Hanesan exemplo haktuir mai ita kona ba ema judeu sira iha sira nia lisan no lei ida nebe hanorin katak ema se mak halo sala adulterio tem que lori ba halo julgamento publico no fo condenação ida ba nia ho castigo ‘tuda mate ho fatuk deit’ ema be halo sala adulteiro nee.Tuir lisan no justiça ema judeu sira nian ida nee bele maibe tuir ukunfuan Maromak nian nebe labele tamba hahalok nee la justo ka la los. Ema nia justiça la fo opportunidade ba ema atu hakribi sala hatene mak condena deit, la halo ho misericordia, la halo ho perdão tamba ida nee mak sala, maibe Maromak ninia justiça fo perdão no fo opportunidade ba ema atu hakribi sala hodi moris los fila fali, halo ho misericordia incondicional no infinita tamba ida nee mak los. Ida nee ita hetan iha Jesus Cristo ninia hahalok nebe halo ba feto adulterio nee hodi ikus mai dehan HAU LA CONDENA O, BA NO KETA HALO SALA TAN.

Maun alin doben sira, Jesus Cristo ninia apello ida ikus nee fundamental tebes mai ita, MAROMAK FO ONA PERDUA, BA NO HAKAS-AN BA ATU KETA SALA TAN. Katak ita hakasan atu la fo tan possibilidade, la cria tan situação no ambiente nebe bele halo ita monu ba sala, ao contrário luta nafatin atu la monu tan ba salan hahu kedas husi hahalok reconhece ita an nundar ema sala nain ida, ita so bele sai los ho Maromak ninia tulun. La facil atu halo ida nee, sala ita ema mesak sala nain deit, hatene an hanesan ema sala nain ema hotu hatene, maibe atu reconhece salan sira nebe ita hotu halo no ita ida idak halo nee mak laos ema hotu hotu reconhece. São João Paulo II hateten no nia hateten los duni katak “SALAN BOOT LIU HOTU HUSI EMA OHIN LORON NIAN MAK EMA HALAKON TIHA SENTIDO SALA NIAN”, hodi halo nune’e ema hare buat hotu los no diak deit, ema hare buat hotu hanesan moda ida deit, ema hare buat hotu hanesan iha ita nia leet dala barak dehan NORMAL. Nune mosu buat foun iha ita nia sociedade nia leet hanesan ita hatene hotu kona ba ADULTERIO be buaras iha ita nia leet, sai pior liu tan wainhira sala ADULTERIO NEE ohin loron iha ita nia sociedade nia leet barak husi ita mak bolu fali ADULTERIO nee ho naran seluk dehan SELINGKUH. ADULTERIO NEE ADULTERIO, SELINGKUH NEE SELINGKUH, Rua nee salah hotu no salan boot liu mak ADULTERIO.

Maun alin sarani doben sira, hau hanoin ema lakon SENTIDO SALA NIAN tamba nia lakon ona sentido no FIAR kona ba Maromak. Wainhira hanesan nee ona katak nia lakon Maksoin ba ninia moris nebe mos katak lakon moris lolos nian.

São Paulo iha segunda leitura hanorin atu oinsa mak ita ema sira tem que halao moris nee hodi labele LAKON SENTIDO SALAN KA PECADO nian hodi bele mos FIAR METIN lolos ba Maromak atu ikus mai manan premio boot liu hotu nebe hanaran MORIS ROHAN LAEK. Nia dehan ema sarani iha ninia moris loro-loron ninia moris tem que “buka conhece no moris tuir nafatin Cristo be nia fiar”. Ida nee katak sarani ida nia moris loro lorn nian tem que kesi-an metin nafatin ba iha Cristo, labele haketak-an husi Cristo iha buat hotu nebe nia hanoin, koalia no halo. Hodi halo nunee sarani nia moris sei sai justo lolos basa fiar no moris tuir Cristo nee sai roman ida nebe sei lakan leno nafatin ninia moris iha ninia moris ba too moris rohan laek iha Maromak ho maun alin sira hotu. Tuir São Paulo ida nee mak buat diak liu hotu no premio boot liu hotu iha ema ida nia moris.

Maun alin sarani doben sira mai ita buka hakasan atu iha ita ninia moris loro loron sai justo no los tuir nafatin Maromak ninia hanorin no Cristo ninia Evangelho be hakonu an ho HARAIK-AN, PERÃO, MISERICORDIA NO DOMIN, laos FOTI-AN, laos ODIO, laos LARAN HIRUS NO CONDENAÇÃO. Amen.

RTK, Maloa 04-04-19

Pb.

LA BELE HALO SALA TAN!

Primeira Leitura                       Is. 43. 16-21

Lia housi Livro Profeta Isaías:

Uluk liu, Na’i loke dalan housi tasi, loke luron ida housi wé inan klaran. Na’i halibur kuda no kareta ba funu; halibur mós funu na’in barani; sira ne’e hotu monu ba rai la hamriik tan, sira mate lakon hotu hanesan áhi-oan mate. Na’i lia tun dehan: “Imi keta hanoin tan ona hahalok uluk nian, imi keta hanoin buat uluk nian. Imi haré! Ha’u atu halo buat foun ida, buat foun ne’e mosu daudaun ona, imi la haré? Ha’u sei loke dalan ida iha rai fuik maran. Balada fuik sira – fahi fuik no manu fuik avestruz sira sei hahí hana’i Ha’u, tan Ha’u sei halo wé, suli iha rai-fuik-maran, atu haró ema sira nebé Ha’u rasik fihir ona. Ema sira nebé Ha’u fihir, sira sei hana’i Ha’u naran boot”.

Maromak Futar Lia.

 

Salmo Responsorial                                                                                                                          Sal. 125(126) 1-2ab, 2cd-3, 4-5, 6

Refrão : Na’i halo kmanek oi-oin ba Nia povo!!! Repete-se

Ou         : Na’i, Ita nia ksolok!!! Repete-se

Wainhira Na’i lori fila

ema sira be dadur iha Sião,

hanesan fali ami mehi.

Ibun ami haksolok hamnasa

Ibun ami hawelok hananu. Refrão

 

Ema gentio sira hawelok haklaken:

“Na’i halo kmanek oi-oin ba sira!”

Tebes, iha ami leet, Na’i halo kmanek oi-oin,

Tan ne’e, ami haksolok hawelok. Refresh

 

Na’i fila daudaun ona ami rahun aat ba di’ak,

Nu’udar wé-inan suli iha rai-fuik-maran;

Sê ho kólen tau fini ba rai,

Haksolok hananu hodi sohi. Refrão

 

Nu’u sira tatanis lori mutuk sira fini;

Fila fali ho ksolok hasán rai fulin. Refrão

 

Segunda Leitura                                                                                                                                                                    Flp. 3, 8-14

Lia housi São Paulo nia surat ba sarani sira iha Filipos:

Maun-alin sira: Ha’u haré buat hotu-hotu hanesan folin laek, iha Ha’u Na’i Jesus Cristo Futar Oin. Tan Cristo ha’u simu terus hotu, ha’u haré buat tomak hanesan foér. Ha’u halo ne’e hotu atu manán Cristo, ha’u halo ne’e hotu atu hela iha Cristo, hodi hela laós tan ha’u nia di’ak ruma, nebé mai housi ukun, maibé hodi di’ak nebé mai tuir fiar iha Cristo. Di’ak ne’e mai housi Maromak, tuir ha’u nia fiar. Nune’e, ha’u bele hatene Cristo, ha’u bele hatene kbiit moris hias nian, ha’u bele hatene terus hamutuk ho Nia. Nune’e, ha’u bele mate hanesan Cristo, atu bele hetan moris hias housi mate. Ne’e laós tan ha’u to’o ona di’ak nia rohan eh ha’u hetan ona di’ak hanesan Cristo. Ha’u la’o ba nafatin, atu buka to’o hetan, tan Jesus Cristo mós kaer toman ona ha’u. maun-alin sira: ha’u la hanoin katak ha’u hetan ona di’ak  nia rohan; ha’u hanoin buka buat ida de’it, katak, haluha hodi tau ba kotuk buat uluk nian, atu la’o ba oin nafatin to’o rohan, atu bele hetan prémio nebé Maromak haraik mai ha’u hodi Cristo Jesus.

Maromak Futar Lia.

 

Aclamação

Refrão : Hahí no glória ba Ita Boot Jesus Cristo!! Repete-se

Na’i lia tun dehan:

“Ha’u lakohi ema aat nia mate;

Ha’u hakarak nia fila ba di’ak atu bele moris”. Refrão

 

Evangelho                                                                                                                                                                                   Jo. 8, 1-11

Na’i Jesus Cristo nia Evangelho nu’udar São João haktuir:

Iha tempo nebá, Jesus sa’e ba foho Oliveiras, maibé, rai foin kmaus de’it, Nia mosu fali iha Templo. Tan povo tomak hakbesik Nia, Nia tur, hodi hahú hanourin sira. Ema escrivão no fariseus sira lori mai Jesus feto ida ema toman halo sala ho mane seluk. Sira tau feto ne’e iha ema hotu nia oin, hodi dehan ba Jesus: “Mestre, ema toman feto ne’e halo sala ho mane seluk. Tuir lei, Moisés ami tuda mate feto sira nebé hahalok hanesan ne’e. Ó dehan sá lós?” Sira husu hanesan ne’e, atu tau hani ba Jesus, atu nune’e, sira bele hetan lia ruma hasouru Nia. Maibé Jesus hakru’uk hodi hakerek iha rai ho Nia liman fuan. Tan sira litik nafatin Nia, Nia hamriik hodi dehan ba sira: “Imi ida nebé la iha sala, bele kaer fatuk ida hodi tuda feto ne’e”. Jesus hakru’uk fali hodi hakerek nafatin iha rai. Maibé, rona tiha lia fuan hirak ne’e, sira ida-idak sai daudaun hahú housi katuas sira. Jesus hamriik mai, dehan ba nia: “Sira iha nebé hotu? Ema ida la halo aat ba ó?” Nia hatán: “La iha ema ida Na’i”. Jesus dehan fali ba nia: “Ha’u mós la fó castigo ba ó. La’o ó nia ba! Houri ohin ba oin, keta sala tan”.

Lia Maksoyn.

 

REFLEXÃO:

LA BELE HALO SALA TAN

Ligação leitura sira  Domingo semane nee ho Domingo hirak ba kotuk; nafatin apresenta figura Maromak hanesan Aman nebe laran luak, Aman nebe  perdua nain. Maromak nia sentido perdão nebe luan hanesan Tasi, hatudu momos iha Nia Jesus Cristo. Hahahlok Perdão nebe Jesus hatudu iha Evangelho Domingo semana nee, apresente sentido nebe ita nia kakutak sukat la too.

Iha primeira leitura, descreve momos katak Maromak sempre pronto fo perdão ba ema hotu nebe halo sala (comete pecado) hodi haluha tiha pecao hotu nebe ema halo iha tempo uluk. Maromak deseja ema nia conversão (hakribi salan) significa hadook-an husi salan sira atu ema tama hikas ba situação moris foun conta ho Maromak nia graça.

São Paulo iha nia carta ba sarani Filipenses sira contem partilha de experiência wainhira Paulo conhece Jesus há viagem ba Damasco. Iha dalan ba Damasco, Jesus forma Saulo sai ema foun ho naran Paulo. São Paulo fo aten brani ba sarani Filipenses sira dehan:”Ha’u haré buat hotu-hotu hanesan folin laek, iha ha’u Na’i Jesus Cristo Futar Oin. Tan Cristo ha’u simu terus hotu, ha’u haré buat tomak hanesan foér. Ha’u halo ne’e hotu atu manán Cristo, ha’u halo ne’e hotu atu hela iha Cristo, hodi hela laós tan ha’u nia di’ak ruma, nebé mai housi ukun, maibé hodi di’ak nebé mai tuir fiar iha Cristo. Di’ak ne’e mai housi Maromak, tuir ha’u nia fiar. Nune’e, ha’u bele hatene Cristo, ha’u bele hatene kbiit moris hias nian, ha’u bele hatene terus hamutuk ho Nia”.

Moris iha Cristo, tuir Paulo significa halao moris foun hodi husik moris tuan. Ida nee mos sai hanesan motivação kmanek ida atu ita nobun Cristão (Catolico) koko aplica iha semana ikus tempo Qauresma nian nee. Basá, iha Cristo, lialos mak graça nebe ita hetan tanba fiar. Paulo consciente katak afinal, wainhira conhece ona Jesus, nee kmanek liu fali poder nebé nia hetan nudar ema fariseu be cumpri didi’ak lei mosaica.

Jesus nia apresentação eh comportamente nudar relata iha Evangelho, fo sinal ida katak; Maromak sempre perdua qualquer pecado nebé ema comete wainhira ita koko atu la sala fali tan. Tanba nee mak mak Jesus hameno ba feto nee atu fila no la bele monu tan ba sala no halao moris foun.
Lalok fingido nebe Cruel; Wainhira hanorin dau-daun iha sinagoga, de repente deit ema fariseu ho escriba lubuk boot ida mai hasoru Jesus. Sira lori mos feto ida nebé kaer toman halo sala no sira husu oinsa Jesus nia hanoin ba feto nee.

Afinal sira nia intenção mak atu koko Jesus hodi hamonu no buka dalan oinsa condena Jesus tuir lei judeu nian. Iha relato Evangelho sira, ema fariseu no escriba sira nudar figura religioso nebé sempre sai objecto de fingido wainhira Jesus halo crítica.

Haré deit sira nia aparência, ema considera hanesan ema hirak nebé périto iha assunto religião no lei. Maibé, perante Jesus, sira la bele hasubar sira nia lalaok fingido. Nudar Maromak, Jesus hatene klean liu qualquer ema nia intenção diak no aat.

Iha qualquer momento wainhira sira hasoru Jesus, sira nia intenção principal rua mak importante; 1. Hakarak hatudu-an hanesan ema nebé moos husi pecado, 2. Buka leet hodi hamonu Jesus. Maibé, sira rasik hanoin katak sira nia lalaok rasik mak soe tahu (hafoer/menodai) santidade ema judeu nian.

Iha contexto Timor Leste nian, situação nebé sobresai liu mak situação socio-política halo ema ida-idak mosu iha media-social hodi konta istória. Wainhira cor política la hanesan ema hahú buka dalan hodi hatun malu, buka ema nia istória passada hodi defama ema até que sira haluha katak afinal ita hotu Timor oan nebe maioria hamahan-an iha rai ida deit no particularmente fiar mos ida deit.

Tama ona ba tempo Quaresma nia rohan, ema wain arrepende hodi ba confessa ba nailulik sira. Sexta sexta lalin-an ba tuir via sacra iha fati-fatin, halo ação caritativa hatudu iha media-social.

Entre actividade religiosa hirak nee, ida-idak iha ninia motivação rasik; balu cumpri tanba hatene-an nudar Cristão Católico seluk tuir tan ram-rame deit. Jesus hatene se mak halao tempo quaresma loloos no se mak lae basá, ema la bele habosok Maromak.

Semana nee, Jesus pronuncia rasik perdão ba feto nebé halo sala nee. Jesus la condena maibé, hameno deit atu keta halo sala tan. Wainhira ita ba confessa mos nailulik sempre fo hanoin atu ita keta monu bebeik ba sala (pecado). Maromak nia laran luak (misericórdia) rohan laek hanesan relata ona iha Evangelho Domingo kotuk. Oan nebe estraga buat hotu maibé, wainhira decide atu fila, aman simu nafatin. Por enquanto, husi ita nia parte nudar criatura pecador, depende oinsa ita aproveita Maromak nia misericórida nia ba ita nia moris sarani.

Mensagem principal nebe ita bele foti nudar bukae ba moris sarani basea relato Evangelho Domingo semana nee:

  • Jesus la husu liu tan feto nee halo sala saida basá, Nia hatene ona feto nee. Tanba nee mak Jesus haruka atu feto nee fila no labele halo sala tan.
  • Jesus la condena nem castigo feto nee, maski Nia la iha sala. Jesus consciente lei judaica permite castigo todan ba ema be halo sala maibé, Jesus prefere liu perdão basá, lei nebé todan la garante nem lori ema ba moris santidade. Ema hotu la ses husi sala nunee, povo nebé santo sei la acontece wainhira ita elimina tiha hirak nebe comete pecado. Ema hotu be sala nain, precisa hetan oportunidade hodi hader husi sala.
  • Santidade povo ida nian tuir versão Jesus, sei acontece wainhira ema hotu iha espírito perdão no arrependimento. Critério ba santidade mak povo nebé hahi-adora Maromak, esforsu-an hodi atinge moris santidade liu husi pratica hahalok diak no hatene perdua.
  • Ida nebe principal liu mak; Jesus nia missão hodi lori salvação. Lori ema sala nain hotu ba Maromak. Tanba nee mak iha biban balu Jesus dehan; laos ema diak mak precisa doutor maibé, ema moras mak precisa liu doutor. Atu atinge salvação nee basta cumpri no moris tuir saida mak Jesus haruka. Nia rasik dehan: HAU MAK DALAN LIALOS no MORIS.

ita hakat too ona momento ikus tempo Quaresma nian, além de reflexão hirak iha leten, ita mos precisa reflecte tan quote balu tuir mai:

  • Ser cristão é, antes de mais, aceitar essa proposta de reconciliação que Deus nos faz em Jesus. Significa que Deus, apesar das nossas infidelidades, continua a propor-nos um projecto de comunhão e de amor. Como é que eu respondo a essa oferta de Deus: com uma vida de obediência aos seus projectos e de entrega confiada nas suas mãos, ou com egoísmo, auto-suficiência e fechamento ao Deus da comunhão?
  • Esta parábola alerta-nos também para o sem sentido e a frustração de uma vida vivida longe do amor do “Pai”, no egoísmo, no materialismo, na auto-suficiência. Convida-nos a reconhecer que não é nos bens deste mundo, mas é na comunhão com o “Pai” que encontramos a felicidade, a serenidade e a paz.
  • Esta parábola convida-nos, finalmente, a não nos deixarmos dominar pela lógica do que é “justo” aos olhos do mundo, mas pela “justiça de Deus”, que é misericórdia, compreensão, tolerância, amor. Com que critérios julgamos os nossos irmãos: com os critérios da justiça do mundo, ou com os critérios da misericórdia de Deus? A nossa comunidade é, verdadeiramente, o espaço onde se manifesta a misericórdia de Deus?. Assim Seja e Bem Haja (ignas).

 

V Domingo Tempo Quaresma (ANO C)

Primeira Leitura                       Is. 43. 16-21

Lia housi Livro Profeta Isaías:

Uluk liu, Na’i loke dalan housi tasi, loke luron ida housi wé inan klaran. Na’i halibur kuda no kareta ba funu; halibur mós funu na’in barani; sira ne’e hotu monu ba rai la hamriik tan, sira mate lakon hotu hanesan áhi-oan mate. Na’i lia tun dehan: “Imi keta hanoin tan ona hahalok uluk nian, imi keta hanoin buat uluk nian. Imi haré! Ha’u atu halo buat foun ida, buat foun ne’e mosu daudaun ona, imi la haré? Ha’u sei loke dalan ida iha rai fuik maran. Balada fuik sira – fahi fuik no manu fuik avestruz sira sei hahí hana’i Ha’u, tan Ha’u sei halo wé, suli iha rai-fuik-maran, atu haró ema sira nebé Ha’u rasik fihir ona. Ema sira nebé Ha’u fihir, sira sei hana’i Ha’u naran boot”.

Maromak Futar Lia.

 

Salmo Responsorial                                                                                                                          Sal. 125(126) 1-2ab, 2cd-3, 4-5, 6

Refrão : Na’i halo kmanek oi-oin ba Nia povo!!! Repete-se

Ou         : Na’i, Ita nia ksolok!!! Repete-se

Wainhira Na’i lori fila

ema sira be dadur iha Sião,

hanesan fali ami mehi.

Ibun ami haksolok hamnasa

Ibun ami hawelok hananu. Refrão

 

Ema gentio sira hawelok haklaken:

“Na’i halo kmanek oi-oin ba sira!”

Tebes, iha ami leet, Na’i halo kmanek oi-oin,

Tan ne’e, ami haksolok hawelok. Refrão

 

Na’i fila daudaun ona ami rahun aat ba di’ak,

Nu’udar wé-inan suli iha rai-fuik-maran;

Sê ho kólen tau fini ba rai,

Haksolok hananu hodi sohi. Refrão

 

Nu’u sira tatanis lori mutuk sira fini;

Fila fali ho ksolok hasán rai fulin. Refrão

 

Segunda Leitura                                                                                                                                                                    Flp. 3, 8-14

Lia housi São Paulo nia surat ba sarani sira iha Filipos:

Maun-alin sira: Ha’u haré buat hotu-hotu hanesan folin laek, iha Ha’u Na’i Jesus Cristo Futar Oin. Tan Cristo ha’u simu terus hotu, ha’u haré buat tomak hanesan foér. Ha’u halo ne’e hotu atu manán Cristo, ha’u halo ne’e hotu atu hela iha Cristo, hodi hela laós tan ha’u nia di’ak ruma, nebé mai housi ukun, maibé hodi di’ak nebé mai tuir fiar iha Cristo. Di’ak ne’e mai housi Maromak, tuir ha’u nia fiar. Nune’e, ha’u bele hatene Cristo, ha’u bele hatene kbiit moris hias nian, ha’u bele hatene terus hamutuk ho Nia. Nune’e, ha’u bele mate hanesan Cristo, atu bele hetan moris hias housi mate. Ne’e laós tan ha’u to’o ona di’ak nia rohan eh ha’u hetan ona di’ak hanesan Cristo. Ha’u la’o ba nafatin, atu buka to’o hetan, tan Jesus Cristo mós kaer toman ona ha’u. maun-alin sira: ha’u la hanoin katak ha’u hetan ona di’ak  nia rohan; ha’u hanoin buka buat ida de’it, katak, haluha hodi tau ba kotuk buat uluk nian, atu la’o ba oin nafatin to’o rohan, atu bele hetan prémio nebé Maromak haraik mai ha’u hodi Cristo Jesus.

Maromak Futar Lia.

 

Aclamação

Refrão : Hahí no glória ba Ita Boot Jesus Cristo!! Repete-se

Na’i lia tun dehan:

“Ha’u lakohi ema aat nia mate;

Ha’u hakarak nia fila ba di’ak atu bele moris”. Refrão

 

Evangelho                                                                                                                                                                                   Jo. 8, 1-11

Na’i Jesus Cristo nia Evangelho nu’udar São João haktuir:

Iha tempo nebá, Jesus sa’e ba foho Oliveiras, maibé, rai foin kmaus de’it, Nia mosu fali iha Templo. Tan povo tomak hakbesik Nia, Nia tur, hodi hahú hanourin sira. Ema escrivão no fariseus sira lori mai Jesus feto ida ema toman halo sala ho mane seluk. Sira tau feto ne’e iha ema hotu nia oin, hodi dehan ba Jesus: “Mestre, ema toman feto ne’e halo sala ho mane seluk. Tuir lei, Moisés ami tuda mate feto sira nebé hahalok hanesan ne’e. Ó dehan sá lós?” Sira husu hanesan ne’e, atu tau hani ba Jesus, atu nune’e, sira bele hetan lia ruma hasouru Nia. Maibé Jesus hakru’uk hodi hakerek iha rai ho Nia liman fuan. Tan sira litik nafatin Nia, Nia hamriik hodi dehan ba sira: “Imi ida nebé la iha sala, bele kaer fatuk ida hodi tuda feto ne’e”. Jesus hakru’uk fali hodi hakerek nafatin iha rai. Maibé, rona tiha lia fuan hirak ne’e, sira ida-idak sai daudaun hahú housi katuas sira. Jesus hamriik mai, dehan ba nia: “Sira iha nebé hotu? Ema ida la halo aat ba ó?” Nia hatán: “La iha ema ida Na’i”. Jesus dehan fali ba nia: “Ha’u mós la fó castigo ba ó. La’o ó nia ba! Houri ohin ba oin, keta sala tan”.

Lia Maksoyn.

Sábado, IV Semana tempo Quaresma (ANO C)

Primeira Leitura                 Jer. 11. 18-20

Lia  housi Livro Jeremias nian:

Na’i fó hatene mai ha’u, ha’u mós hahu hatene: Iha oras ne’e mak ha’u haré ha’u nia funu baluk sira nia lia bobar. Háu hanesan bibi oan maus ida be ema lori ba atu oho; la hatene ema futu lia hasouro ha’u: ‘Ita halakon tiha ai-foun matak lós; fokit tiha nia housi moris sia rain atu ema ida labele ko’alia tan kona ba nia naran’. Na’i buat hot-hotu nian, nebe tesi lialós, hatene borus ema laran no fuan; halo ha’u haré castigo nebe Ita haraik ba sira, tan ha’u saran ha’u nia lia ba Itaboot.

Maromak Futar Lia.

 

Salmo Responsorial                                                                                                                            Sal. 33(34). 17-18, 21 e 23 (R. 19ª)

Refrão : Na’i, ha’u nia Maromak, ha’u hein iha Ita!!! Repete-se

Na’i ha’u nia Maromak, ha’u buka mahan iha Ita,

hasai ha’u housi funu baluk sira liman, soi ha’u.

halo sira la bele haksoit mai ha’u

hanesan asu-fuik leão,

hodi lês ha’u, la iha ema ida atu soi ha’u. Refrão

 

Na’i, tesi lia ba ha’u tuir justiça;

Tuir ha’u nia sala laek.

Ema áat sira nia laran halakon hotu tiha ba;

Fó ksolok ba ema di’ak,

Ita, Maromak justiça nian,

Haré borus ema sira laran. Refrão

 

Ha’u nia tulun iha Maromak,

Nebe soi ema laran mós.

Na’i maromak mak Juíz lós,

Maromak nebe bele castigo lor-loron. Refrão

 

Aclamação                                                                                                                                                                                               Lc. 8. 15

Refrão : Maksoin, glória no hahi ba Ita, Jesus Cristo, ami Na’in!! Repete-se

Ksolok ba sira nebe rona Maromak Nia liafuan ho neon no

laran hodi fó fuan, tan sira laran metin. Refrão

 

Evangelho                                                                                                                                                                                   Jo. 7. 40-53

Na’i Jesus Cristo nia Evangelho tuir São João Haktuir:

Iha tempo neba, iha ema lubun sira leet, sira balu nebe rona Jesus ko’alia, hateten: “Tebes duni, Nia Profeta!” Sira seluk hateten: “Nia Messias!” Maibe, sira seluk fali dehan: “Maibe Messias mai housi Galileia?” Livro santo la hateten katak Messias mai housi uma-kain David, housi knua Belém, David nia rain?” iha ema sira lubun leet, lia la tuir malu kona ba Jesus. Sira balun hakarak káer Nia, maibe la iha ema ida tau liman ba Nia. Ne’e duni, guarda sira ba hasouro sacerdote boot ho fariseu sira; hafoin sira ne’e husu ba sira: “Tansá imi lori Nia mai?” Guarda sira hatan: “laiha ema ida koalia nune’e!” Fariseu sira hateten hasouro: “Imi mós la’o tuir Nia? Iha na’i ulun ka fariseu balu fiar ona Nia? Maibe ema lubun ne’e, be la hatene lei, ema áat!” Nicodemos nebe houri uluk ba hasouro Jesus, nia mós ida, hateten ba sira: “Ita nia lei bele tesi lia ba ema ida, maibe uluk knana’in rona nia lai; hatene lai nia halo sáida?” sira hatan ba Nia: “Ó mós Galileu ida? Buka hatene to’ok, ó sei haré katak housi Galileia la sai profeta ida”. Ida-idak la’o ba nia uma.

Lia Maksoyn.

PNTL HALA’O NIA KNAAR HO RESPONSABILIDADE NO SEI HALO BUAT NE’EBÉ DIAK BA POVO NO NAÇÃO

DCDD – Cada quinta feira fulan-fulan sempre iha encontro semanal entre Presidente da Republica no Comandante Geral PNTL nian iha palacio Presidente nian iha Aitarak Laran hodi relata serviço segurança interna. Hafoin halao encontro semanal iha Quinta  Feira  4/4/2019  Comadante Geral  PNTL Comisario  Faustino  da Costa hateten “encontro ida ohin laos de’it semanal ka mensal ba fulan Março nian maibé hato’o mos kona ba segundo comandante ami nain rua assume pasta, liu-liu mos hatoo kona ba processo judisial ba caso homisidio ba cidadão china nian iha semana hirak liuba”.  

 Iha hasoru malun ne’e mos Comisario Faustino relata kona ba caso ne’ebé mosu tamba desconfia droga tama iha loron 30 de Março liuba ho ninia processo tomak too ona iha ne’ebé, dehan Comadante Geral PNTL ne’e.  No entanto Comisario Faustino mos hatoo kona ba acontecimento loron 2 de Abril nian.

“ba oin oinsa atu parte sigurança nian hala’o nia knaar ho responsabilidade no sei halo buat ne’ebé diak ba povo no nação” Comandante Geral PNTL ne’e esclarece. (Alin Soares).

DALAN NARUK ATU HETAN JUSTIÇA NO PREZERVA VALORES PATRIÓTICOS E NACIONALISMO

DCDD – Fulan 6 de Abril de 1999 hanesan memoria nakukun ba povo Liquica tamba mosu masacre ida iha residencia paroquia São João de Brito de Liquiça nian, tamba ne’e hodi comemora masacre ne’e ba dala XX hodi hanoin hikas vitima sira ne’ebé mate tamba hakarak ukun rasik an.  Tamba ne’e relaciona ho comemoração ne’e comissão ogranisadora hamutuk ho autoridade Igreja paroquia nian halao atividade seminario nacional ida ho ninia tema “Dalan Naruk Atu Hetan Justiça no Prezerva Valores Patrióticos e Nacionalismo” ne’ebé sei halao iha loron 3-5 de Abril de 2019.

Iha descurso abertura nian Presidente da Republica, liuhusi chefe Militar Colonel António Soares da Silva Maukalu hateten “ho laran haksolok ha’u simu convite husi comissão organizadora hodi loke seminario ida ne’ebé hodi hanoin loron ne’ebé tama mos iha ita nia história libertação nacional nian”. 

 Ba ema hirak ne’ebé lakon familia uma laran, belun no colega sira iha Abril 1999, no moris ohin loron ho laran tarido no trauma presidente da Republica hatoo ninia hakuak boot ho estado no povo Timor Leste nia naran.

Liutan ne’e Presidente da Republica mos iha ninia mensagem temi kona ba sasin importante maktoban Pe. Rafael dos Santos.  Presidente da Republica mos mensiona kona ba esforço sira ne’ebé estado sei halo hodi hamenus vitima sira ninia halerik no contribui ba sira ninia moris hakmatek iha tempo ukun rasik an ne’e.

Iha biban hanesan Sr. Dr. Hugo Fernandes husi Comissão Nacional Chega nian ne’ebé foca liu ba knar serviço Chega nian hodi apio no tau matan ba sobrevivente sira. Pontos principal husi Diretor Nacional CNC nian mak haree liu ba intrumento tolu iha lei Internacional nian“ Lei direitos Humanos Internacional, Lei Humanitaria Internacional no Lei Criminal Internacional no lei tolu ne’e koalia kona ba vitima funu nian ho ninia base legal atu oinsa ema ida ou grupo ida concidera hanesan vitima depois de conflito”.   Lei diretos humanos internacional mensiona vitima sira husi violação sira ne’e maibé aplica de’it responsabilidade ba estado la aplica ba individo ne’ebé comete crime, Sr. Hugo clarifica.

Kona ba responsabilidade individo sira ne’ebé comete crime Diretor CNC ne’e explica “Lei Criminal Internacional no Lei Humanitaria Internacional fo biban ida ne’e atu husu responsabilidade pessoal nian ba crime ne’ebé acontece”.

Iha ninia lia taka ba seminario ne’e Diretor CNC ne’e dehan “ se ita la hakerek participação popular sira ita nia narativa história ne’e  dominado husi ema eminente sira (maun boot deit, bin boot deit), laos participação baibain ema nian, ita hakarak halo balanço atu geração sira tuir mai hatene katak luta popular ida ne’e ema hotu contribui, laos ema ida mesak nian de’it”.

Semanario loron dahuluk nian ne’e, iha mos mensagem gravado husi Bispo emerito Dom Carlos Filipe Ximenes Belo,  SDB nian husi portugal ne’ebé dehan “ sira la’os vitima maibé asuwain”.

Participantes iha seminario nacional iha comemoração dos 20 anos do massacre  Liquiça ne’e mai husi orgão titular soberano sira, ex-titular, Administrador Municipio, representante Igreja nian, representante ONG sira, estudantes escolas Basico, Secundaria catolica, geral no escola tecnica vocacional, sasin sira, joventude no comunidade tomak municipio Liquiça nian.

Comemoração masacre Liquica nian ne’e sei remata ho celebração eucaristia ne’ebé seipreside husi Bispo de Maliana iha loron 6 de Abril de 2019.   (Alin & Marvel Olive)