shadow
Diocese de Dili > NOTÍCIAS > Articles by: Departamento Comunicação Diocese Dili

Quarta-Feira, XXIV Semana Tempo Comum (ANO B)

Primeira Leitura            1Cor. 12. 31-13. 13

Lia housi São Paulo nia primeira Surat ba sarani sira iha Corinto.

Maun alin sira: Buka man’manas kmanek espírito nian nebe boot liu. Maibe ha’u sei hatudu dba imi dalan di’ak liu tan.

Ha’u ko’alia ho ema nia lia no anjo nia lia karik, maibe ha’u la iha domin, ha’u mak gon ida nebe tarutu ka sinu nebe lia. No ha’u bele halo profecia karik hodi hatene lolós mistério sira hotu no matenek tomak, ha’u iha fiar nebe book foho sira karik, maibe la iha domin, ha’u la folin buat ida. Ha’u fahe karik sasan hotu nebe ha’u iha, no saran ha’u nia isin lolon atu ha’u bele gaba an, maibe la iha domin, ha’u la manan buat ida.

Domin paciência, domin laran di’ak. Domin la laran moras, domin la loko an; domin la buka oin; domin la book áat ema, domin la buka nia rasik nia di’ak, domin la hirus lalais, nia la hanoin resin buat áat nebe nia simu; nia la haksolok uainhira ema halo áat maibe haksolok iha lialos. Domin tahan terus hotu, fiar buat hotu, iha esperança iha buat hotu, lori todan hotu.

Domin hela nafatin. Kona ba profecia sira, sira hotu ne’e sei lakon; kona ba lia oi-oin, sira hotu sei lakon, kona ba matenek, ne’e mós sei mohu. Basá ita hatene maibe la lolós, no ita halo profecia maibe la tomak, maibe uainhira buat lolós sei mosu mai, buat nebe la lolós sei mohu lakon. Uainhira ha’u labarik, ha’u ko’alia hanesan labarik, hanoin hanesan labarik, book an hanesan labarik; uainhira ha’u sai ona ema boot, ha’u husik ona buat nebe labarik nian. Oras ne’e, ita haré la mós, hanesan de’it iha espelho ida, maibe iha tempo neba, ita sei haré oin ba oin. Oras ne’e ha’u hatene balun de’it; iha tempo neba, ha’u sei hatene lolós tomak nu’udar mós Maromak hatene momós ha’u. Ne’e duni, fiar, esperança no domin sei hela, maibe ida nebe boot liu mak domin.

Maromak Futar Lia.

 

Salmo Responsorial                                                                                                                                                    Sal. 23(33). 2-3, 4-5,12, 22 (R.12b)

Refrão : Ksolok ba povo nebe Na’i hili nu’udar Nia liman-rohan!!! Repete-se

  • Imi agradece ba Na’i,

          Hananu hahi Nia naran.

          Hananu knananuk foun ida,

          Hana’i ba Nia ho ksolok. Refrão

 

  • Na’i Nia liafuan lós tebes,

          Buat hotu mosu tuir Nia hakarak.

          Na’i hadomi lialós,

          Nia domin nakonu rai klaran. Refrão

 

  • Ksolok ba povo nebe hili Na’i ba nia Maromak,

          Nação be Nia hili nu’udar Nia lima rohan.

          Hatun Ita graça mai ami leten;

          Tan ami hein iha Ita, Na’i. Refrão

 

Aclamação                                                                                                                                                                                                      cf. Jo. 6. 63c, 68c

Refrão : Aleluia, Aleluia!! Repete-se

                  Na’i, Ita futar liafuan sira mak espírito no morsi.

                  Ita mak iha liafuan moris rohan laek nian. Refrão

 

Evangelho                                                                                                                                                                                                                Lc. 7. 31-35

Na’i Jesus Cristo nia Evangelho nu’udar São Lucas haktuir:

Iha tempo neba, Jesus dehan:”Ha’u sei tanesan ema sira  otas ne’e nian ho se lós? Sira hanesan se lós? Sira hanesan labarik sira nebe tur hakilar ba malu iha basar dehan: ‘Ami hananu knananuk ksolok nian, maibe imi la dansa; ami hananu knananuk tanis nian, maibe imi la tanis.’ Basá João mai, la han pão, la hemu tua, no imi dehan: ‘Nia iha diabo iha nia laran.’ Oan mane mai, han hemu, no imi dehan: ‘Ne’ ema kanteen no lanuteen, publicano no maksalak sira nia belun.’ Maibe matenek nia oan sira hatudu katak matenek mak lós duni.”

Lia Maksoyn.

Consagrada Canossiana nain 7 Comemora Bodas de Ouro no Bodas de Prata vida Religiosa

DCDD, Sábado loron 15 Setembro 2018, Congregação Filhas da Caridade Canossiana Província São José celebra festa Nossa Senhora das Dores no Ação de graças Bodas de Ouro Irmã Rosa Sarmento, FdCC no Bodas de Prata Irmã Merlinda Cecília de Sousa, FdCC, Angelina da Conceição Freitas, FdCC, Eufémia Lacerda daCosta, FdCC, Eufrasia da Encarnação de Araujo, FdCC, Teresinha Gusmão, FdCC no Isabel Xavier do Rêgo, FdCC iha moris religiosa Canossiana nian. Iha celebrante principal D. Norberto do Amaral ninia homilia haktuir katak, ohin iha nee Na’i Maromak nia liafuan hato’o mai ita kona ba frase“Hamrik metin iha cruz hun” nia Inan no escolante nebe nia hadomi.

 Hamriik ida nee hatudu ba Nain Feto nebe hamriik iha cruz. Tansa Jesus nia Inan hamriik metin iha cruz hun ida nee! Iha buat tolu (3) iha nia An; 1) Nia fiar nebe klean, fiar  nebe metin nebe hari iha fatuk ida nebe tos iha Maromak, maske hasoru susar no terus maibe la nakdoko. 2) Nia obidiência no 3), Ninia Confiança. Buat tolu (3) nee; Fiar, Obidiência no Confiança hodi halo Nain Feto hamriik metin iha cruz maske hasoru terus oi-oin.

Norberto do Amaral dehan tan katak, ohin ita halo celebração ba Bodas de Ouro ba Madre Rosa Sarmento, FdCC no Bodas de Prata ba Madre sira Irmã Merlinda Cecília de Sousa, FdCC, Angelina da Conceição Freitas, FdCC, Eufémia Lacerda daCosta, FdCC, Eufrasia da Encarnação de Araujo, FdCC, Teresinha Gusmão, FdCC no Isabel Xavier do Rêgo, FdCC. Imi nain 7 nee iha símbolo diak hanesan mos sacramneto 7 nee. Tanba nee sacramento katak sinal. Nee duni iha ita nia moris experiência kona ba fiar, confiança no obidiência hodi forma ita moris haksolok iha Na’i, tanba tama iha comunidade nee ita tem que halakon ita nia an (ego) rasik hodi lori deit comunidade nia interesse. Ita precisa transformação husi Eu nee ba Nós. Maibe se ita hare didiak iha sira nain hira nebe ohin celebra Bodas de Ouro no Prata nee katak domin ida nebe iha sira nia an nee transforma tiha sai ‘Ita nian’. Nee duni hau fo parabens ba Madre Rosa no Madre sira seluk nebe ohin celebra Bodas de Ouro no Prata nee atu moris tuir lalaok tolu nain Feto nian nee atu ita bele hasae ita nia an tomak ba Maromak hodi sai hanesan mensageira liafuan ksolok boa nova nian nebe sai bani ben ba comunidade laran hodi halao iha ita nia moris ho buat nebe diak.

Remata tiha celebração nee, representante husi Madre nain 7 nebe celebra Bodas de Ouro no Prata hatete, Hare ba kotuk atu agradece moris presente ho ksolok, hateke ba futuro ho esperança. Ami hakarak agradece ba nai ba karan vocação religiosa consagrada Canossiana, ba graça fidelidade nebe acompanha ona ami iha tinan hirak nia laran; tinan 50 bodas de ouro no tinan 25 bodas de prata. Iha momento precioso no interassante ida nee ami hakarak hasae agradece ba aman Maromak ba karan moris, ba vocação religiosa hahu husi missionários/as nebe ohin ami hanoin atu agradece ho fuan no laran tomak. Ho fuan ho laran agradece mos ba D. Norberto do Amaral bispo de Maliana nebe disponível hodi preside celebração ida nee. Ami nafatin husu ita boot sira nia oração atu reza nafatin mai ami tanba celebra 50 no 25 anos laos paraa deit iha nee maibe dalan nee sei naruk atu lao ba oin. (Reportágem Marta)

Terça-Feira, XXIV Semana Tempo Comum (ANO B)

Primeira Leitura     1Cor. 12. 12-14, 27-31ª

Lia housi São Paulo nia primeira Surat ba sarani sira iha Corinto.

Maun alin sira: hanesan isin lolon ida de’it, maibé liman ain barak, no liman ain ida-idak, maski barak halo isin lolon ida de’it, nune’e mós Cristo. Basá iha Espírito ida de’it ita hotu simu baptismo ba isin lolonn ida de’it, biar ema judeu ka ema gregu, atan ka la atan, no ita hotu bele hemu housi Espírito ida de’it. Basá, isin lolon la’os liman ain ida de’it, maibé barak.

Imi Cristo nia isin lolon, no imi ida-idak Cristo nia liman ain. Maromak tau ema iha Kreda atu sai, uluk knanain apóstolo sira, hafoin profeta sira, tuir mai mestre sira; ikus mai, sira nebé iha kbiit atu halo hahalok kmanek sira; tuir fali mak sira nebé iha kbiit atu fó isin di’ak ba moras, sira nebé atu fó tulun, sira nebé atu ukun, sira nebé atu ko’alia oi-oin. Sira ne’e hotu apóstolo? Sira ne’e hotu profeta? Sira hotu mestre? Sira hotu halo milagre? Sira hotu iha kbiit atu fó isin di’ak ba ema moras? Sira hotu ko’alia oi-oin? Sira hotu bele hatene lia oi-oin ne’e katak sá? Buka man-manas kmanek Espírito nian nebé boot liu.

Maromak Futar Lia.

 

Salmo Responsorial                                                                                                                                                          Sal. 99(100). 2, 3, 4, 5 (R. cf. 3c)

Refrão : Ita, povo Maromak nian, bibi sira Nia luhan nian!!! Repete-se

  • Rai tomak hahi Na’i ba,

          Serbí Na’i ho ksolok,

          Mai to’o Nia ho knananuk ksolok nian. Refrão

 

  • Hatene ba katak Na’i mak Maromak!

          Nia hakiak ita, ita Ninian.

          Ita, Nia povo, bibi sira Nia luhan nian. Refrão

 

  • Tama housi odamatan hodi agradece,

          Tama ba Nia kadunan ho knananuk hahi nian.

          Haliban Nia, hana’i Nia naran. Refrão

 

  • Tanba Na’i di’ak tebes!

          Nia laran-luak rohan laek;

          Nia fidelidade sei to’o bei-oan sira hotu. Refrão

 

Aclamação                                                                                                                                                                                                                      Lc. 7. 16

Refrão : Aleluia, Aleluia!! Repete-se

                  Profeta boot ida mosu tiha iha ita nia leet;

                  Maromak mai hare tiha Nia povo. Refrão

 

Evangelho                                                                                                                                                                                                               Lc. 7. 11-17

Na’i Jesus Cristo nia Evangelho nu’udar São Lucas haktuir:

Iha tempo neba, Jesus ba cidade ida naran Naim. Nia escolante sira no ema lubun boot tuir Nia. Wainhira Nia besik ona cidade nia odamatan, ema lori atu hakoi ema mate ida, feto faluk ida nia oan mane mesak. Ema barak housi cidade ba hamutuk ho feto ne’e. Haré tiha nia, Na’i hakbesik, hodi kona caixão. Sira nebé lori nia hamriik tiha. Hafoin nia dehan: “Klosan, Ha’u dehan ba ó, hamriik ba!” Ema mate ne’e tur no hahu ko’alia. Jesus saran nia ba nia inan. Ema hotu hakfodak hodi hahi Na’i Maromak dehan: “Profeta ida mosu tiha iha ita nia leet; Maromak mai hare tiha Nia povo!” Lia kona ba Nia naklekar ba Judeia tomak no ba rai hot-hotu besik neba.

Lia Maksoyn.

Segunda-Feira, XXIV Semana Tempo Comum (ANO B)

Primeira Leitura         1Cor. 11. 17-26, 33

Lia housi São Paulo nia primeira Surat ba sarani sira iha Corinto:

Maun alin sira. Wainhira ha’u hateten lia menon ne’e, ha’u la hahi katak imi nia halibur malu halo áat liu fali di’ak. Uluk knana’in, ha’u rona katak wainhira imi halibur malu nu’udar kreda iha haketak malu iha imi leet, no ha’u fiar uitoan buat ne’e. Imi tenki haketak malu iha imi leet atu ema bele hatene sira nebé di’ak. Ne’e duni, wainhira imi halibur malu iha fatin ida, laos atu han Na’i nia han kalan nian, basá wainhira imi han, ema ida-idak ba oin ho nia aihan rasik, no ema ida hamlaha wainhira ema seluk hemu to’o lanu. Imi la iha uma iha nebé imi bele han no hemu? Ka imi hatudu imi nia laran áat ba Maromak nia Kreda hodi hamoe sira nebé aihan la iha? Ha’u sei dehan sáida ba imi? Ha’u sei hahi imi? Iha buat ida ne’e ha’u la bele hahi imi.

Basá ha’u simu housi Na’i buat nebé ha’u mós saran ba imi, katak Na’i Jesus, iha kalan nebé ema saran Nia, káer pão, no fó tiha agradece, Nia silu pão hodi dehan: “Ne’e Ha’u nia isin nebé saran ba imi. Halo ida ne’e hodi hanoin Ha’u.” Nune’e mós, wainhira han kalan hotu tiha Nia káer cálice hodi dehan: “Cálice ne’e mak aliança foun iha Ha’u nia ran. Halo ida ne’e, wainhira imi hemu nia, hodi hanoin Ha’u.” Basá wainhira imi han pão ida ne’e no hemu cálice ida ne’e, imi haklaken Na’i nia mate to’o wainhira Nia hi’it-An mai.

Ne’e duni, maun alin sira, wainhira imi halibur malu atu han, hein malu lai.

Maromak Futar Lia.

 

Salmo Responsorial                                                                                                                           Sal. 39(40). 7-8ª, 8b-9, 10, 17 (R. 1Cor. 11. 26b)

Refrão : Imi haklaken Na’i Nia mate, to’o Nia fila hikas mai!!! Repete-se

  • Ita boot lakohi sacrifício no buat-karan,

          Maibé loke ha’u tilun.

          Ita la husu buat-karan eh na’an maten,

          Tan ne’e ha’u dehan: “Ha’u mak ne’e!” Refrão

 

  • Iha livro Lei, hakerek nanis ona,

          Sáida ha’u atu halo tuir.

          Ida ne’e mak ha’u hakarak, ha’u Maromak,

          Ita ukunfuan hela iha ha’u fuan laran. Refrão

 

  • Ha’u sei haklaken Ita justiça,

          Ba ema lubun boot.

          Na’i, Ita hatene katak

          Ha’u la taka ha’u ibun. Refrão

           

  • Haksolok boot iha Ita,

          Sira hotu nebé buka Ita.

          Dehan ba nafatin, “Na’i mak Boot liu tomak”,

          Sira be hakarak Ita Maksoyn. Refrão

 

Aclamação                                                                                                                                                                                                                      Jo. 3. 16

Refrão : Aleluia, Aleluia!! Repete-se

                  Maromak hadomi tebes mundo, Nia fó Nia Oan-Mane-Mesak ba nia.

                  Ema hotu nebé fiar Nia, hetan moris rohan laek. Refrão

 

Evangelho                                                                                                                                                                                                                   Lc. 7. 1-10

Na’i Jesus Cristo nia Evangelho    Nu’udar São Lucas haktuir:

Iha tempo neba, Wainhira Jesus hato’o tiha liafuan hirak ne’e hotu ba povo sira nia tilun, Nia tama iha Cafarnaum. Centurião ida nia atan nebé hadomi teb-tebes moras todan, besik atu mate. Rona tiha kona ba Jesus, nia haruka katuas Judeu sira nian atu husu Nia mai fó isin di’ak ba nia atan ne’e. To’o tiha ba Jesus, sira husu namanas ba Nia dehan: “Nia so’i atu Ita haraik buat ne’e ba nia, basá nia hadomi ita nia povo; nia rasik hari ami nia sinagoga.” Jesus ba hamutuk ho sira. Wainhira sira besik ona uma, centurião haruka nia belun sira atu hateten ba Nia: “Na’i, keta hakole an, basá ha’u la soi atu Ita tama iha ha’u nia uma. Tan ne’e mak ha’u la barani atu mai hasouru Ita. Dehan de’it liafuan ida, no ha’u atan sei hetan fali isin di’ak. Basá ha’u, nebé halo tuir ema boot liu, iha mós soldado sira nebé halo tuir ha’u.

Ha’u dehan ba ida: ‘Ba’, nia ba; ba ida seluk: ‘Mai’, nia mai; ba ha’u nia atan: ‘Halo ne’e’, nia halo.” Rona tiha liafuan hirak ne’e, Jesus hakfodak, hodi fila oin ba ema lubun boot nebé tuir Nia dehan: “Tebes, Ha’u dehan ba imi katak iha Israel mós ha’u la hetan fiar hanesan ne’e.”

Wainhira manuain sira to’o uma, sira hetan atan isin di’ak fali ona.

Lia Maksoyn.

LORI CRUZ TUIR JESUS DOMINGO COMUM XXIV/Ano B/2018 (Is 50,5-9a Tg 2,14-18 Mc 8,27-35)

Primeira Leitura                        Is. 50, 5-9ª

Lia Husi Livro profeta Isaías:

Na’i Maromak loke ha’u tilun; ha’u husik de’it, ha’u la hakiduk. Ha’u fo ha’u kotuk laran ba ema sira be hakanek ha’u; ha’u sée oin nafatin ba ema sira nebé fokit ha’u hasa-rahun, fo oin ba sira nebé tolok no tafui ha’u. Maibé, Na’i Maromak mai tulun duni ha’u, tan ne’e, mak ha’u la moe. Ha’u hato’os hela ha’u oin hanesan fatuk ida, basá, ha’u hatene katak ha’u sei la moe lerek. Ema ida nebé tahan netik ha’u, nia besik hela ha’u. sée lós mak bele barani hasouru ha’u? Nia hamrik to’ok, ami koko malu. Sée lós mak ha’u nia funu-baluk? Nia mosu mai tok ba! Na’i Maromak mak mai tulun ha’u. sée lós mak barani fo ha’u ba susar?

Maromak Futar Lia.

 

Salmo Resposorial                                                                                                                                                                        Sal. 114(115), 1-2. 3-4. 5-6

Refrão : Ha’u la’o nafatin Na’i Maromak futar oin

                 Iha rai ema moris sira nian!!! Repete-se

  •  Ha’u hadomi Maromak,

           Tan rona ha’u lia no ha’u bolu;

           Tan sée tilun mai ha’u,

           Iha loron nebé ha’u bolu. Refrão

 

  • Dadur metin, ha’u mate nia laran,

          Ha’u susar laran taridu,

          Ha’u temi Maromak nia naran

          Na’i mai tulun ha’u ata. Refrão

 

  • Na’i laran di’ak no mós,

          Ita na’in laran luak;

          Na’i Maromak tulun ema kiik

          Ha’u kole no ha’u susar, Nia fo tulun. Refrão

 

  • Nia soy ha’u klamar housi mate laran,

          Ha’u  matan, huis ha’u matan wén,

          Ha’u atu keta monu ba ko’ak.

          Ha’u la’o nafatin Na’i Maromak futar oin,

          Iha rai ema moris sira nian. Refrão

 

Segunda Leitura                                                                                                                                                                                                    Tg.2, 14-18

Lia husi São Tiago nia surat:

Maun alin sira: Manán sá lós, ema nebé dehan katak nia fiar, maibé la moris tuir nia fiar? Fiar ida hanesan ne’e, oin sá bele soy nia? Maun alin eh féton-náan ruma, la iha karik hena eh kuran ai-han loron-loron nian, imi ruma bele dehan ba nia:” Imi ba ona. Taka isin halo didi’ak, han buat nebé imi hakarak. Imi la fo karik buat nebé nia kuran, imi nia lia-fuan sira folin sá lós? Ne’e duni, fiar tanan de’it, hahalok la’ek, fiar ne’e, fiar maten ida. Ema ruma bele dehan: “ Ó iha fiar, ha’u iha hahalok. Ó hatudu mai ha’u, ó nia fiar hahalok la’ek; ha’u fali, hodi ha’u nia hahalok, ha’u hatudu ha’u nia fiar ba ó.”

Maromak Futar Lia.

 

Aclamação                                                                                                                                                                                                                   Gal. 6, 14

Refrão : Aleluia, Aleluia!! Repete-se

                  Ha’u folin hodi Na’i nia Cruz;

                  Hodi Nia manán mundo. Refrão

 

Evangelho                                                                                                                                                                                                              Mc. 8, 27-35

Na’i Jesus Cristo nia Evangelho Nu’udar São Marcos haktuir:

Iha tempo nebá, Jesus ho nia escolante sira la’o ba knua-knua Cesareia, Filipe nian. Tuir dalan, Jesus husu ba nia Escolante sira: “Ema sira dehan katak Ha’u sée?” Escolante sira dehan: “João Baptista; balun dehan Elias, seluk dehan fali katak ita ema Duína ida.” Jesus husu ba sira:”Be imi dehan ha’u sée?” Pedro simu kedas hodi dehan:”Ita boot mak Messias.” Jesus bandu sira, atu la bele hateten sai ba ema ida. Tuir mai Jesus hanourin sira katak Mane Maksoyn sei terus barak, katak, ema katuas sira, sacerdote ulun sira no escriba sira, sei hakribit Nia, sei oho Nia. Maibé, liu loron tolu, Nia sei moris hias. Jesus fo hatene sai ida ne’e momós kedas ba sira. Pedro ba do’ok tiha witoan ho Jesus, hahu haksi’ak Jesus. Maibé, Jesus fila kotuk, haré nia escolante sira, Nia haksi’ak Pedro, hodi dehan:” Satanás, dook tiha housi Ha’u nia oin! Basá, ó la buka Maromak nia hakarak, maibé, ó buka de’it ema nia hakarak!” Hafoin, Jesus bolu fali ema lubun ho Nia escolante sira, hodi dehan ba sira:” Ema ruma hakarak karik tuir Ha’u, sei hakribit nia sala rasik, sei simu nia cruz hodi la’o tuir Ha’u. Basá, ema nebé hakarak soy nia moris, nia sei lakon moris ne’e. Maibé, ema nebé lakon Nia moris, tamba Ha’u, no tamba lia foun di’ak, ida ne’e sei soy duni nia moris.”

Lia Maksoyn.

 

Reflexão :

LORI CRUZ TUIR JESUS

 

          Manán sá lós, ema nebé dehan katak nia fiar, maibé la moris tuir nia fiar? Basá, ó la buka Maromak nia hakarak, maibé, ó buka de’it ema nia hakarak! ema nebé lakon Nia moris, tamba Ha’u, no tamba lia foun di’ak, ida ne’e sei soy duni nia moris. Se ita hare liu deit, leitura tolu (Primeira-Segunda Leitura & Evangelho) Domingo semana nee (Domingo Comum XXIV-Ano B), hamosu impressão (kesan) negativa no tristeza. Basá, iha Primeira leitura, profeta Isaías hakerek:”Ha’u fo ha’u kotuk laran ba ema sira be hakanek ha’u; ha’u sée oin nafatin ba ema sira nebé fokit ha’u hasa-rahun, fo oin ba sira nebé tolok no tafui ha’u. Maibé, Na’i Maromak mai tulun duni ha’u, tan ne’e, mak ha’u la moe”. Tuir fali, Tiago Apóstolo iha ninia carta hakerek:” Ne’e duni, fiar tanan de’it, hahalok la’ek, fiar ne’e, fiar maten ida”. Ikus liu, Evangelho, São Marcos relata:” Ema ruma hakarak karik tuir Ha’u, sei hakribit nia sala rasik, sei simu nia cruz hodi la’o tuir Ha’u”. Haré tiha nota prévia husi leitura tolu nee, liu-liu Evangelho, ita halo resumo badak ida hodi tenik katak; ita compreende didiak katak: critério atu tuir Jesus nebe aparentemente negativa nee, tuir lolos nudar critério absoluto hodi tuir Jesus hodi hatudu moris sarani nebe autêntico no optimismo.

          Iha citação (kutipan) Evangelho nebe apresenta iha leten, antes nee evangelista Marcos mos haktuir katak; Jesus mos duni sai diabo, cura ema monok no diuk, fo han ema rihun hat. Wainhira Jesus nia escolante sira assite tiha lalaok milagrosa hirak nee, ikus mai Jesus husu ba sira:”Be imi dehan Ha’u sée?//Menurut kamu, siapakah Aku ini?//Quem vocês dizem que eu sou?”.

          Afinal liu husi relato Evangelho, ita descobre katak; escolante sira nebe sempre horik hamutuk ho Jesus mos fo resposta diferente acerca Jesus nia personalidade relaciona ho pergunta:”Be imi dehan Ha’u sée?”. Pedro ikus mai representa sira seluk hatan ba Jesus tenik:” Ita boot mak Messias”. Jesus bandu kedas sira hodi konta tutan assunto nee ba ema seluk basá, situação socio-política no conceito kona ba Messias entre ema judeu iha altura neba la hanesan. Cada grupo define figura Messias tuir ida-idak nia interece. Iha balu hanoin katak; Messias nebe atu mai, mosi mai ho figura liurai ho kbiit makás, balu dehan Messias mai hanesan profeta ida, seluk fali dehan Messias mai hanesan libertador ida hodi haré situação política. Em contra partida, Jesus justifica katak Nia mak Oan Mane nebe sei simu terus too mate maibé, sei simu hikas glória moris hias nian.

          Jesus nia lia bandu nee tuir lolos atu hanorin no bolu atenção ba escolante sira hodi prepara-an didiak no aten brani hodi simu mos terus (sacrifício) ho laran kmaan maske consequência disponibilidade nee todan. Jesus motiva eh sunu ita nia aten brani hodi barani simu terus ba ksolok loron ikus nian. Maibé, Jesus nia escolante sira (inclui mos ita sarani ohin loron nian), mesak ema simples, la dun hatene buat barak kona ba vizaun sira iha Antigo Testamento nian relaciona ho Messias nudar hakerek iha livro profeta Isaías nian. Escolante sira mos barak inclui mos ita sarani ohin loron nebe seidauk compreende kona ba moris hias. Pior liu tan  ita sira ohin loron sei dúvida ho moris hias.

          Durante tinan tolu nia laran, sira rona ona Jesus nia hanorin sira, sai sasin ba milagre sira be Jesus halo, maibé, afinal sira seidauk bele compreende didiak saida mak Jesus hatete no halo. Jesus hatete fila-fila ba sira katak Nia sei sei terus too mate (Cf Mc 9,9-10; 10, 32-34). Até Jesus nia mate iha Cruz tutun, sira hotu halai lakon, único João deit mak la halai.

          Los duni, difícil tebes ba ita ema hodi muda-an iha buat hotu-hotu. Susar mos ba ita hodi soe dook ita nia conceito no convicção (keyakinan) kona ba saida no se mak Messias nee. Dala barak ita temi Jesus mak Messias, Jesus mak Maromak, Jesus mak salvador. Pergunta mak nee, lia temi hirak nee tanba ita compreende duni ka keta ita temi tanba ema barak mos temi lia nee loro-loron? Ita nia conceito la hanesan, até contradis ho Bíblia Sagrada tanba motivo eh interece la hanesan. Hanesan mos sociedade ohin loron, considera ukun nain sira (governante) tuir ita nia gosto, tuir cor partido, tuir cor grupo. Tanba nee mak ita nia compreensão kona ba Messias mos tuir deit ita nia vontade até que contradis ho Bíblia Sagrada.  

          Até nação boot no desenvolvido sira mos ohin loron hasoru dificuldade kona ba fiar. Pior liu tan, ema hobur liu mak artista sira nia imagem, pintura ka fotografia maibé, sira alergia wainhira haré imagem ka estátua Jesus Cristo, Nain Feto ho Santo sira, inclui Papa nia imagem. Balu até que dehan Jesus nia doutrina la relevante ona ho mea ohin loron nia moris. Maibé keta haluha Jesus nia lia nebe tenik: Se mak la reconhece Hau, Hau mos sei la reconhece nia iha Aman Maromak nia futar oin. Iha fatin barak. Liu-liu nação sira nebe população maioria Cristão, hahu moris sabraut hodi legaliza ona casamento feto ho feto, mane ho mane, legaliza aborto, legaliza droga nst.

          Oinsa ita Católico Timor Leste nia compreensão kona ba Messias? Tuir los progresso tecnologia-informatica ohin loron, facilita ita compreende diak liu tan Messias ba ita nia moris sarani nian. Ita simu no fiar diak liu tan Jesus nebe mate no moris hias tiha ona. Maske nunee, qualidade ita nia fiar nudar Cristão Católico quase que pior liu fali ema sira tempo uluk nian. Progresso nebe tuir los halo ita nia fiar abut metin liu tan mak, halo ita hakiduk demais fali ba kotuk. Hakat passo ida ba oin maibé, sempre hakiduk passo rua ba kotuk.

          Nee tan deit ita nia compreensão ba Messias tuir ritmo mundo nian hanesan; política, social, economia, segurança. Ita haré Cristo nia kmanek liu husi construção Igreja nebe luxo, capela nebe furak, uma laku nebe tradicional. Hirak nee hotu aspecto físico deit, basá, aspecto espiritual eh moris diak klamar nian mak sai sasukat lolos ba qualidade sarani ohin loron. Tanba nee mak São Tiago hakerek iha Segunda Leitura katak; Fiar nebe la hatudu iha hahalok, fiar nee mamuk.

          Jesus sunu ita nia fiar hodi hanorin katak;”Ema ruma hakarak karik tuir Ha’u, sei hakribit nia sala rasik, sei simu nia cruz hodi la’o tuir Ha’u”. Ita nia Cruz lolos nebe ita precisa lori hodi tuir Jesus mak, ita nia vontade livre hodi husik ita nia compreensão kloot kona ba figura Messias. Precisa deit ita sacrifica-an hodi confessa katak; Jesus mak Messias Maromak Oan, nudar Pedro declara iha relato Evangelho. Jesus hatudu dalan terus atu ita mos hatene simu terus molok hetan diak. Ohin loron sarani balu moris diak la tuir dalan nebe los, funcionário blau riku derepente liu husi corrupção, negociante balu manipula folin hodi hasae rendimentu. Oinsa ita bele hatudu hahalok sarani se ita nebe Catolico mak comete uluk hahalok hirak nebe Jesus nudar Messias bandu? Oinsa ita bele lori rasik ita nia Cruz se hahalok kiik hirak nee ita la consegue hadook. Wainhira ita ita brani sacrifica buat kiik, buat nebe boot ita sei hetan. Cruz (sacrifício) mak dalan salvação-Jesus Cristo mak Messias. ema nebé lakon Nia moris, tamba Ha’u, no tamba lia foun di’ak, ida ne’e sei soy duni nia moris.  Assim Seja (ignas) 

DOMINGO, XXIV Tempo Comum (ANO B)

Primeira Leitura                        Is. 50, 5-9ª

Lia Husi Livro profeta Isaías:

Na’i Maromak loke ha’u tilun; ha’u husik de’it, ha’u la hakiduk. Ha’u fo ha’u kotuk laran ba ema sira be hakanek ha’u; ha’u sée oin nafatin ba ema sira nebé fokit ha’u hasa-rahun, fo oin ba sira nebé tolok no tafui ha’u. Maibé, Na’i Maromak mai tulun duni ha’u, tan ne’e, mak ha’u la moe. Ha’u hato’os hela ha’u oin hanesan fatuk ida, basá, ha’u hatene katak ha’u sei la moe lerek. Ema ida nebé tahan netik ha’u, nia besik hela ha’u. sée lós mak bele barani hasouru ha’u? Nia hamrik to’ok, ami koko malu. Sée lós mak ha’u nia funu-baluk? Nia mosu mai tok ba! Na’i Maromak mak mai tulun ha’u. sée lós mak barani fo ha’u ba susar?

Maromak Futar Lia.

 

Salmo Resposorial                                                                                                                                                                        Sal. 114(115), 1-2. 3-4. 5-6

Refrão : Ha’u la’o nafatin Na’i Maromak futar oin

                 Iha rai ema moris sira nian!!! Repete-se

  •  Ha’u hadomi Maromak,

           Tan rona ha’u lia no ha’u bolu;

           Tan sée tilun mai ha’u,

           Iha loron nebé ha’u bolu. Refrão

 

  • Dadur metin, ha’u mate nia laran,

          Ha’u susar laran taridu,

          Ha’u temi Maromak nia naran

          Na’i mai tulun ha’u ata. Refrão

 

  • Na’i laran di’ak no mós,

          Ita na’in laran luak;

          Na’i Maromak tulun ema kiik

          Ha’u kole no ha’u susar, Nia fo tulun. Refrão

 

  • Nia soy ha’u klamar housi mate laran,

          Ha’u  matan, huis ha’u matan wén,

          Ha’u atu keta monu ba ko’ak.

          Ha’u la’o nafatin Na’i Maromak futar oin,

          Iha rai ema moris sira nian. Refrão

 

Segunda Leitura                                                                                                                                                                                                    Tg.2, 14-18

Lia husi São Tiago nia surat:

Maun alin sira: Manán sá lós, ema nebé dehan katak nia fiar, maibé la moris tuir nia fiar? Fiar ida hanesan ne’e, oin sá bele soy nia? Maun alin eh féton-náan ruma, la iha karik hena eh kuran ai-han loron-loron nian, imi ruma bele dehan ba nia:” Imi ba ona. Taka isin halo didi’ak, han buat nebé imi hakarak. Imi la fo karik buat nebé nia kuran, imi nia lia-fuan sira folin sá lós? Ne’e duni, fiar tanan de’it, hahalok la’ek, fiar ne’e, fiar maten ida. Ema ruma bele dehan: “ Ó iha fiar, ha’u iha hahalok. Ó hatudu mai ha’u, ó nia fiar hahalok la’ek; ha’u fali, hodi ha’u nia hahalok, ha’u hatudu ha’u nia fiar ba ó.”

Maromak Futar Lia.

 

Aclamação                                                                                                                                                                                                                   Gal. 6, 14

Refrão : Aleluia, Aleluia!! Repete-se

                  Ha’u folin hodi Na’i nia Cruz;

                  Hodi Nia manán mundo. Refrão

 

Evangelho                                                                                                                                                                                                              Mc. 8, 27-35

Na’i Jesus Cristo nia Evangelho Nu’udar São Marcos haktuir:

Iha tempo nebá, Jesus ho nia escolante sira la’o ba knua-knua Cesareia, Filipe nian. Tuir dalan, Jesus husu ba nia Escolante sira: “Ema sira dehan katak Ha’u sée?” Escolante sira dehan: “João Baptista; balun dehan Elias, seluk dehan fali katak ita ema Duína ida.” Jesus husu ba sira:”Be imi dehan ha’u sée?” Pedro simu kedas hodi dehan:”Ita boot mak Messias.” Jesus bandu sira, atu la bele hateten sai ba ema ida. Tuir mai Jesus hanourin sira katak Mane Maksoyn sei terus barak, katak, ema katuas sira, sacerdote ulun sira no escriba sira, sei hakribit Nia, sei oho Nia. Maibé, liu loron tolu, Nia sei moris hias. Jesus fo hatene sai ida ne’e momós kedas ba sira. Pedro ba do’ok tiha witoan ho Jesus, hahu haksi’ak Jesus. Maibé, Jesus fila kotuk, haré nia escolante sira, Nia haksi’ak Pedro, hodi dehan:” Satanás, dook tiha housi Ha’u nia oin! Basá, ó la buka Maromak nia hakarak, maibé, ó buka de’it ema nia hakarak!” Hafoin, Jesus bolu fali ema lubun ho Nia escolante sira, hodi dehan ba sira:” Ema ruma hakarak karik tuir Ha’u, sei hakribit nia sala rasik, sei simu nia cruz hodi la’o tuir Ha’u. Basá, ema nebé hakarak soy nia moris, nia sei lakon moris ne’e. Maibé, ema nebé lakon Nia moris, tamba Ha’u, no tamba lia foun di’ak, ida ne’e sei soy duni nia moris.”

Lia Maksoyn.

JESUS LORI SALVAÇÃO BA EMA HOTU

DOMINGO COMUM XXIII/Ano B/2018

Is 35,4-7a   Tg 2,1-5   Mc 7,31-37

Primeira Leitura                                                                                                                                                                                                    Is. 35, 4-7ª

Lia housi livro Profeta Isaías:

Hateten sai ba sira nebé laran susar: “Laran metin ba! Keta ta’uk! Imi nia Maromak mak mai daudaun ne’e. Nia mai atu halo justiça; Nia mai atu selu imi nia kólen. Nia duni mak mai atu soy ita.”  Iha oras ne’e mak ema matan delek sira sei haré, tilun diuk sira sei rona hikas; iha oras ne’e mak ema ain kudeik sira sei haksoit hanesan rusa, nunuk sira nia nanal sei mamar hodi hananu ho ksolok. Wé boot sei nakbóas iha rai-fuik maran hodi suli iha rai maran tétuk. Rai sunuk sei fila ba debu ida; rai maran sei fila ba wé-matan.

Maromak Futar Lia.

 

Salmo Responsorial                                                                                                                                                                  Sal. 145(146), 7. 8. 9ª. 10bc

Refrão : Ha’u klamar hahí Maromak!!! Repete-se

  • Na’i tulun ho justça ema sira be terus,

          Haraik ai-han ba sira be hamlaha,

          Fo liberdade ba sira be dadur. Refrão

 

  • Na’i haraik matan ba sira be matan aat,

          Foti ema sira be neon nakraik,

          Hadomi sira be laran mos. Refrão

 

  • Na’i tahan ema sira be la’o rai,

          Tulun oan ki’ak sira no faluk sira,

          Taka dalan ba maksalak sira. Refrão

 

  • Na’i ukun tinan ba tinan;

          Ó nia Maromak, Sião, Liurai tinan ba tinan!

          Aleluia! Refrão

 

Segunda Leitura                                                                                                                                                                                                         Tg. 2, 1-5

Lia housi São Tiago Nia Surat:

Maun alin sira: Imi nia fiar iha Jesus Cristo kbiit Na’in, la bele hadomi de’it ema balun. Wainhira imi halibur an hamutuk, ema ruma mosu mai karik ho kadeli osan-mean, hatais furak, mosu mos mai ema ki’ak ida, hatais aat, keta imi haré de’it karik ba ida nebé hatais ki’ak, hodi dehan ba nia: “Ó mai tur tiha iha fatin di’ak ida ne’e”. Hafoin dehan fali ba ida nebé ki’ak: “Ó hariik iha nebá; eh mai tur besik iha ha’u ain”. Halo nune’e, imi laós fihir malu, hodi sai juíz nebé hanoin la lós? Maun alin doben sira: rona didi’ak mai: Na’i Maromak laós fihir ema ki’ak mundo ne’e nian, atu sai riku kona fiar, hodi manán Reino lalehan, nebé Nia hakotu hela lia atu haraik, ba ema sira nebé hadomi Nia?

Maromak Futar Lia.

 

Aclamação                                                                                                                                                                                                                    Mt. 4, 23

Reftrão : Aleluia, Aleluia!! Repete-se

                    Jesus hanourin Lia Foun di’ak kona ba Reino,

                    Hodi fo fali isin di’ak ba ema povo sira be moras. Refrão

 

Evangelho                                                                                                                                                                                                               Mc. 7, 31-37

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus sai fali housi rai Tiru, kona housi Sídon, hakat liu ba rai Decápole ba iha tasi Galileia nian. ema sira lori ema tilun diuk ida ba, hatudu ba Nia, nebé atu ko’alia mos susar. Sira harohan ba Jesus atu sadia nia. Jesus hado’ok-An tiha ho ema tilun diuk ne’e housi ema lubun. Nia hatama tiha liman fuan iha ema ne’e nia tilun, tau mos kabéen witoan iha ema ne’e nia nanal. Hotu, foti matan ba lalehan, Jesus dada íis maka’as, hodi dehan ba nia: “Effathá”, katak “loke ba”. Ema ne’e nia tilun nakloke kedas; nia nananl mos mamar tiha kedas, hodi hahú ko’alia mos lós. Jesus hameno sira, atu la bele dehan sai buat ne’e ba ema ida. Maibé, maski Jesus hameno hela ba sira, sira hétok dehan sai maka’as liu tan. Hakfodak liu tebes, sira dehan: “Buat hotu Nia halo mesak di’ak: halo diuk sira rona, nunuk sira ko’alia”.

Lia Maksoyn.

 

Reflexão:

JESUS LORI SALVAÇÃO BA EMA HOTU

 

          Jesus Hanorin Lia Foun di’ak kona ba Reino,  hodi fo fali isin di’ak ba ema povo sira be moras Hakfodak liu tebes, sira dehan: “Buat hotu Nia halo mesak di’ak: halo diuk sira rona, nunuk sira ko’alia”.

          Evangelho São Marcos nian semana nee (Mc 7,31-37), haktuir kona ba kura ema monok ho diuk. Maibé, molok tama too cena nee, São Marcos mos relata kona ba cura ba labarik ida (Mc 7,24-30). Iha conteudo istória rua nee, Marcos laos hakarak atu revela deit Jesus mai iha mundo hodi salva ema ho milagre sira, duni sai espírito aat, inclui mos hahalok exemplar sira seluk. Buat nebe São Marcos sublinha iha nee atu ita nobun tau iha consideração mak; Jesus hakarak salva ema hotu sem dinstinção (tanpa membedakan).

          Fatin hirak nebe Jesus realiza Ninia hahalok milagrosa sira ba ema monok no diuk mak Tiro, Sidon no Decápole nebe geograficamente laos território judeu nian. Jesus dalaruma la haklaken directamente ba rai hirak nebe la pertence ba judeu maibé, iha Ninia viagem liu husi rai seluk hirak nee mak nia aproveita halo lalaok milagrosa sira hodi refere ba ema hirak nebe fiar Jesus iha fuan laran deit. Lalaok nee mak halo ema wain simpatia ho Jesus nia doutrina foun nee. Mensagem saida mak tuir lolos São Marcos hakarak hatoo ba ita nobun ba Domingo semana nee? La seluk la leet, Jesus mai hodi tulun no salva ema hotu sem distinção (tanpa embedakan). Los duni katak Jesus origem husi Judeu no haklaken dalabarak liu ba ema judeu deit maibé, precisa ita hatene katak entre ema judeu hirak nebe tuir Jesus hodi rona doutrina hirak nee, existe mos ema balu nebe laos origem judeu maibé, fiar duni saida mak Jesus haklaken. Hahlok milagrosa sira nebe ita haré mak Jesus halo milagre ba ema judeu no mos ba ema laos judeu. Atitude ida nee deit ita bele entende didiak ona katak Jesus nia missão nee hodi salva ema hotu hotu, tanto judei, tano não judeu. Tanba nee mak wainhira moris hias tiha husi mate, Jesus fo ordem ba escolante sira hodi haklaken Evangelho ba mundo tomak: “Pergilah ke seluruh dunia, beritakanlah Injil kepada segala makhluk”//Ide por todo mundo, anunciai o Evangelho (Mc 16,15).

          Hatudu hahalok diak ba ema seluk ou ema hotu-hotu sem distinção, sai nudar fundamento principal (espírito) husi evangelização nebe kmanek tebes. Interessante tebes atu ita acompanha iha relato Evangelho nee katak; wainhira halo tiha milagre ruma, Jesus bandu ema hirak nee sasin lalaok nee atu keta fo hatene ba ema seluk. Maibé, buat nebe acontece mak; lia bandu nee encoraja sira brani liu tan hodi haktuir saida mak sira haré ho matan husi Jesus. “Buat hotu Nia halo mesak di’ak “Ia, Yesus, menjadikan segala yang baik!”.

          Nudar bukae ba ita nia moris sarani nian, ohin loron ita assite iha sociedade, avanço lobuk ida nebe halo ita admira maibé, husi progresso hirak nee hotu, causa mos degradação balu iha atitude sarani nian. Loron loron ita acompanha ema halo publicidade (iklan) barbarak kona ba andar oioin, estrada kaber, electricidade naroman, kareta motor oioin. Entre publicidade hirak nee hotu, iha fatin hanesan ita assiste mos desastre oioin iha sikun seluk mundo nian, acontece ema oho malu ifa tain fatin, ema halo aborto, ema oho no soe bebe iha lixo, estudante feto sira isin rua cedo, estudante mane sira idade kiik comete ona crime, droga iha sikun seluk, ema balu moris patarata, maibé, ema balu moris mal nutrição,….nst.

          Nee mak realidade no moras boot sociedade ohin loron no susar atu cura. Nudar Jesus nia tempo uluk, ohin loorn mos ita nafatin hetan dever (obrigação) hodi haklaken Cristo nia Evangelho. Catolico nee diak la precisa hakilar Jesus nia naran até que obriga ema seluk lee Evangelho no rona pregação barbarak hanesan irmão separado sira ohin loron aplica, liliu seita testemunha jeova nebe taka kalen ba oin hodi tama sira ema nia uma. Católico nebe diak, haklekan Evangelho liu husi vida exemplar diak iha sociedade hodi fo exemplo ba ema seluk. Iha mos grupo Católico balu nebe halo oração hodi cura ema seluk nebe hetan moras. Iha mos grupo carismático Católico nebe oras nee halo oração hodi ema seluk bele hetan isin diak ba moras ruma nebe grave.

          Uluk ema barak simpatia ho Jesus nia doutrina tan sira admira no sente hetan buat foun husi Jesus nia personalidade tomak. Até sira expressa hodi dehan:” Hakfodak liu tebes, sira dehan: “Buat hotu Nia halo mesak di’ak: halo diuk sira rona, monok sira ko’alia”. Ita agradece ba Maromak tanba hakarak  ema hotu hetan salvação. Salvação laos ba deit ema judeu, laos ba deit ema Cristão maibé, ba ema hotu iha mundo nebe deseja hetan salvação.

          Papa Paulo VI hakerek Encíclica Evangelii Nuntiandi hodi bolu ita nia atenção katak; knaar eh dever principal ita nobun nudar membro da Igreja Católica mak hakalaken Lia Foun Diak (Evangelho). Papa mos iha documento Evanglii Gaudium, fo hanoin nafatin atu ita simu Evangelho ho laran ksolok nudar novidade ba ita nia moris. Tanba nee mak Papa Francisco fo ordem atu iha lori ksolok Evangelho nee ba mos ema seluk nebe precisa rona. Ho nunee deit mak ema seluk bele conhece ita nudar Católico nebe exemplar iha sociedade no iha âmbito Igreja. Basá, salvação nebe Maromak deseja atu mundo hetan salvação. Assim Seja e Bem Haja. (Ignas)

Sábado, XXIII Semana do Tempo Comum (ANO B)

Primeira Leitura               1Cor. 10. 14-22

Lia housi São Paulo nia Primeira Surat ba sarani sira iha Corinto

Maun alin sira: Imi hadook an housi adora lulik sira. Ha’u ko’alia hanesan ba ema sira nebé matan mós; imi rasik haré ba buat nebé ha’u dehan. Cálice kmanek nebé ita fó bensa, la’os ita halo parte iha Cristo futar ran? Pão nebé ita fahe la’os ita halo parte iha Cristo nia isin? Tan pão baluk mak ida de’it, ita, maski barak, isin ida de’it, basá ita hotu halo parte iha pão ida de’it.

Haré ba Israel tuir isin: sira nebé han sacrifício sira, sira la halo parte iha altar? Ne’e duni, ha’u dehan sáida? Katak naan nebé saran ona ba lulik sira iha folin ruma? Ka katak lulik sira iha folin ruma? Lae, ha’u dehan katak buat nebé ema hasa’e, sira hasa’e ba diabo sira, la’os ba Maromak, no ha’u lakohi katak imi halo parte iha diabo. Imi la bele hemu Na’i nia copo no mós hemu diabo sira nia copo. Imi la bele halo parte housi Na’i nia mesa no mós housi diabo sira nia mesa. Ka imi hakarak koko Na’i atu Nia sai laran moras no hirus? Ita maka’as liu fali Nia?

Maromak Futar Lia.

 

Salmo Responsorial                                                                                                                                                     Sal. 115(116). 12-13, 17-18 (R. 17ª)

Refrão : Na’i, ha’u sei hasa’e sacrifício ida hahi nian ba Ita!!! Repete-se

  • Oinsá ha’u sei agradece ba Na’i,

          Tan buat hotu nebé nia halo mai ha’u?

          Sei foti ha’u nia cálice,

          Hodi harohan ba Na’i Nia naran. Refrão

 

  • Ha’u sei hasa’e sacrifício ida hahi nian,

          Hodi temi Na’i Nia naran.

          Ha’u sei halo tuir ha’u lia hakotu,

          Iha povo hotu nia oin. Refrão

 

Aclamação                                                                                                                                                                                                                   Jo. 14. 23

Refrão : Aleluia, Aleluia!! Repete-se

                  Na’i dehan, ema sé hadomi Ha’u, sei halo tuir Ha’u nia liafuan;

                  Ha’u Aman sei hadomi nia, Ami sei mai hela ho nia. Refrão

 

Evangelho                                                                                                                                                                                                               Lc. 6. 43-49

Na’i Jesus Cristo nia Evangelho nu’udar São Lucas haktuir:

Iha tempo neba, Jesus dehan ba escolante sira: “La iha aihun di’ak nebé fó fali fuan áat, eh aihun áat nebé fó fuan di’ak. Ema bele hatene aihun ida-idak housi nia fuan: ema  la ku’u ai figueira nia fuan housi aitarak sira, eh uvas fuan housi ai fuik. Ema di’ak hasai buat di’ak housi nia laran di’ak, ema áat hasai buat áat housi nia laran áat. Ema nia ibun ko’alia housi buat nebé hakonu nia fuan.”

“Tansá imi bolu ha’u ‘Na’i, Na’i’, maibé la halo tuir buat nebé Ha’u hateten? Ema nebé mai besik Ha’u no rona hodi halo tuir Ha’u nia liafuan, Ha’u sei hatudu ba imi ema ne’e hanesan sá lós? Nia hanesan ema nebé hari uma ida: nia ke’e kle’an, hodi tau nia hun iha fatuk leten; wainhira mota sai boot, be baku hasouru uma ne’e, maibé la bele sobu, basá hari tiha iha fatuk leten. Maibé ida nebe rona hodi la halo tuir, nia hanesan ema nebé hari tiha uma ida iha rai leten, hun metin la iha. Wainhira mota sai boot no be baku hasouru nia, ema ne’e monu kedas, sobu rahun áat liu.”

Lia Maksoyn.

Sexta-Feira, XXIII Semana Tempo Comum (ANO B)

Exaltação da Santa Cruz

 

Primeira Leitura                          Num. 21. 4b-9    

Lia housi livro Números nian  

Iha loron hirak neba, iha dalan, povo lakon ona paciência hodi ko’alia hasouru Maromak ho Moisés: “Tan sá halo ami sai housi rai Egipto atu ami mate iha rai-fuik maran ne’e? Ai-han no ué la iha. Ami laran kabeik ona ho aihan mihis ida ne’e”.

Nune’e, Na’i haruka hasouru povo samea manaas nebe tata ema; Israel nia emar barak mate. Povo ba ko’alia ho Moisés dehan: Ami sal tan ko’alia hasouru Na’i no mós hasouru ita. Husu ba Na’i atu hadook tiha samea sira housi ami”. Moisés harohan duni tanba povo. Ne’e duni, Na’i lia tun ba Moisés: “Halo samea manas  ida hodi tara ba ai-rin ida. Ema hotu nebe, samea tata tiha nia, hateke ba samea be tara ne’e, sei hetan moris”. Moisés halo samea idariti hodi tara ba ai-riin. Ema nebe samea ruma tata karik, hatéke ba sameaa riti ne’e, nia la mate.

Maromak Futar Lia.                                                                                                                                                                                                                                                                  

 

Salmo Responsorial                                                                                                                                                 Sal. 77(78). 1-2, 34-37, 39 (R. cf. 7c)

Refrão : Imi keta haluha Na’i Nia hahalok kmanek!!! Repete-se.

 

  • Ha’u povo, rona ha’u hanourin ba;

          Sée tilun didiak ba liafuan hirak

          Nebé sai housi ha’u ibun.

          Ha’u ba ko’alia nu’udar dadolin,

          Ha’u ba hatudu mistério sira uluk nian. Refrão

 

  • Wainhira Maromak fó castigo ba bei-ala sira,

          Sira buka Nia, sira fila fali ba Nia,

          No sira hanourin hikas fali katak

          Maromak mak sira nia kbiit,

          Maromak be áas ba mak sira nia maksoyn. Refrão

 

  • Maibé sira ibun bosok Nia,

          Sira nanal lohi Nia;

          Sira fuan la mós, no mós sira laran

          La metin ba Nia lia moruk. Refrão

 

  • Maibé Maromak laran-luak,

          Perdua sira salan, hodi la hamohu sira.

          Dala barak tahan tiha Nia laran hirus,

          Hodi la hala’o Nia laran nakali. Refrão

 

Segunda Leitura                                                                                                                                                                                                     Flp. 2. 6-11

Lia housi São Paulo nia Surat ba Sarani iha Filipos

Maun alin sira: Maski nia Maromak lós, Nia la halo Nia-an nu’udar Maromak, maibé Nia haraik-an, hodi sai atan no halo An nu’udar ema; ema sira haré duni Nia nu’udar ema. Nia haraik An hodi halo tuir to’o mate, mate iha Cruz. Tan ne’e, Maromak foti Nia hodi fó ba Nia naran ida nebé boot liu naran sira hotu, atu nune’e, ba Jesus nia, aintur sira hotu hakne’ak, iha lalehan, iha rai, iha mate sira leet, no nanal tomak haklaken katak Cristo Jesus mak Na’i, ba Aman Maromak nia glória.

Maromak Futar Lia.

 

Aclamação

Refrão : Aleluia, Aleluia! Repete-se.

                  Ami hahi Na’i Jesus Cristo, tanba hodi

                  Ita nia Cruz Santa, Ita soi mundo. Refrão

 

Evangelho                                                                                                                                                                                                                 Jo. 3. 13-17

Na’i Jesus Cristo nia Evangelho nu’udar São João haktuir:

Iha tempo neba, Jesus dehan ba Nicodemus: “Ema ida la dauk sa’e ba lalehan; maibé Ida nebé tun housi lalehan, katak Oan Mane. Nu’udar Moisés foti samea iha rai fuik maran, nune’e mós ema tenki foti Oan Mane, atu ema hotu nebé fiar iha Nia bele hetan moris rohan laek. Basa Maromak hadomi tebes mundo to’o fó Nia Oan-Mane-Mesak, atu ema hotu nebé fiar iha Nia, la bele lakon, maibé hetan moris rohan laek. Basá, Maromak la haruka nia Oan Mane mai iha mundo atu tesi lia ba mundo, maibé atu mundo hetan maksoyn hodi Nia”.

Lia Maksoyn.

“IGREJA NUDAR SAKRAMENTU SALVASAUN TUIR PERSPECTIVA CONCÍLIO VATICANO II, DECRETO CONCILIAR LUMEN GENTIUM”

Por Fr. Martinho do Nascimento Obe “Sfunit”

 

Itrodusaun

          Bainhira ita koalia kona ba Igreja ne’e koalia kona ba Jesus Cristo rasik. Tan hosi Jesus Igreja existe no nia bolu ema hotu ba igreja, hosi igreja ema hetan grasa hosi Maromak.  Ho ida ne’e mak bainhira Jesus Cristo moris hias hosi mate Nia haruka Espírito Santo tun ba nia apóstolu ho objectivo hodi haklaken reino lalehan ba mundo. Ne’e significa Jesus harí igreja ho Nia isin nudar sacramento salvasaun ba ema hotu nebe sai membro igreja nian.

          Ho hanoin hirak ne’e mak hakerek nain hakarak elabora tópico “IGREJA NUDAR SAKRAMENTU SALVASAUN”. Igreja nudar sakramentu fundamental tanba harí hosi Jesus Cristo rasik nia isin. No Karl Rahner “hare Igreja nudar presensa real hosi Cristo iha mundo nomos sai nudar sakramentu fundamental ba sakramentu salvasaun hotu-hotu”. Significa katak sakramentu iha igreja nudar sinal hosi Maromak nia presensa.

           Tanba igreja sempre iha compaisaun no perdua nain ba ema sala nain sira nebe precisa tulun hosi igreja. Ida ne’e mak igreja hatudu nia an nudar sakramentu salvasaun mais concreta ba sarani sira hotu. Tanba ne’e Igreja oferece instrumentu salvasaun mak sakramentu sira iha igreja nia laran. No atu hatene klean liu hakerek nain sei elabora Introdusaun, Natureza Igreja, Karakteristika igreja, misaun husi igreja, Saida mak sakramentu? Oinsa relasaun Igreja ho sakramentu sira? Lian tatakan no bibliografia.

 

  1. Natureza husi Igreja

          1.1. Definisaun

          Ita koalia kona ba igreja diretamente ita hanoin kona ba essência husi igreja. Liafuan Igreja mai husi lian Gregu “ekklesía”. No liafuan verbo grego nian mak <<ek-kalein: significa bolu ba liur ( chamar fora). Então etimologicamente igreja bolu ema hotu husi liur atu hetan fatin iha Igreja (CIC, p. 201). Signifikasaun seluk katak Igreja “convocação” ba comunidade husi Maromak ka Jesus atu forma assembleia ida.Tan husi Kristu ita hetan chamado ba Igreja no iha neba ita sei hetan grasa Maromak nian. Tan Igreja nu’u Kristu nia isin significa Igreja nudar sinal sakramentu salvasaun nebe halo ita união ho Maromak no Kristaun hotu iha mundo raiklaran”( LG, 1). Significa igreja mak sakramentu iha sentido nebe sai sinal transparente no portador ba humanidade hotu. Nune’e igreja hanesan povo Maromak nian nebe halibur hamutuk ho Jesus Kristu iha mundo ne’e. Tanba Igreja mak isin místico husi Kristu rasik, liu husi vínculo ema fiar nain sira iha Kristu no iha sakramentu batismo no eucaristia iha nebe santífica husi asaun Espíritu Santo nian(LG7 no LG 4).

          1.2. Karakteristístika hosi Igreja

          Igreja ne’e único mak igreja Krsitu nian. Nune’e karakteristika husi Igreja nian ita hetan karakteristika ha’at nebe Kredo sempre confessa sai: Igreja Una, Santa, Catótlica no apostólica (CIC 811). Igreja Una tanba fonte mak mistério husi unidade pessoa trindade nian nebe dehan Maromak ida deit, Aman, Oan no Espírito Santo ( CV II Decr. Unitatis redintegratio, 2); Igreja nudar Santa tanba harí husi Kristu no santifica husi Nia no ema hirak nebe halibur an hamutuk ho Kristu hanaran povo Maromak nian ou seja povo santo (CV II Cons. Sacrosantum Concilium, 10). Tan iha Igreja ema sei hetan meio nebe plenitude ba salvasaun nian; Igreja ne’e católica significa universal iha sentido totalidade ka integridade ho dupla sentido: primeiro, católica tanba Kristu presente iha igreja<<onde está a Jesus Cristo aì está a Igreja Católica (Cf Mt 28, 19). Ne’e katak Igreja nudar comunidade viva nebe integrado iha aspecto hotu. Segundo, católica tanba Kristu haraik misaun universalidade ba ema hotu nebe iha fiar “ todos os homens são chamados a fazer parte do povo de Deus (CV II Const. Dogm. LG 13); No Igreja apostólica tanba harí iha apóstolu sira, nebe dehan “ apóstolu no profeta sira mak uma ne’e nia hun, no Kristu mak nia fatuk Inan (Cf. Ef 2, 20). Ne’e significa katak Kristu mak funda no husi tulun Espíritu santu apóstolu sira continua haburas Igreja.

          1.3. Misaun Igreja nian

          Igreja nia misaun principal mak haklaken Maromak nia Liafuan no halo ema sai comunidade Kristaun. Misaun Igreja nian idêntico ho Cristo iha nebe hetan nia natureza iha Trindade no plano salvador Aman nian nebe realiza ho tulun Espíritu Santu nian. Tan ne’e Igreja desde início iha conciência ba necessidade atu haklaken Liafuan ksolok Kristu nian, no sai testemunha viva ba Kristu. Igreja liu husi nia profeta escolhido sira haklaken evangelho ba ema hotu iha mundo.

          No misaun Igreja nian ita hetan nia fundamento bíblico: primeiro, “pergilah ke seluruh dunia, wartakan Injil kepada semua makhluk” (Mrk 16:15); segundo, la’o ba, hanorin nasaun hot-hotu; sarani sira hodi Aman, oan no Espírito Santo nia naran, hanorin sira atu halo tuir buat hotu nebe Ha’u haruka ba imi (Mt 28, 19-20); terceiro, Espírito santo tun ba imi, imi sei simu kbiit; imi sei sai Ha’u nia sasin iha Jerusalem, iha Judeia no Samaria tomak to’o rai nia rohan ( At 1,8). Significa katak Igreja antes, agora no aban bainrua nafatin sai portador ba boa nova no sai sacramentu universal ba salvasaun nian. “A Igreja, intimamente ligada à Trindade, sacramento salvação, é enviada em missão a todos os povos para evangelizar os pobres”. Tanba Trindade sai nudar fonte no kausa ba misaun nian hodi continua pregação apostólica, estritamente correlativa ho Nai Jesus ninia haklaken.

 

  1. Natureza hosi sakramentu

          Sakramentu primordial mak pessoa Jesus Kristu. “Ninguém jamais viu a Deus: o Filho único, que está voltado para o seio do pai, este o deu a conhecer” (Jo1,18). Jesus Kristu ne’e Maromak-Ema, Ema-Maromak, nebe realiza comunhão perfeita husi maromak ho ema hotu-hotu no Maromak ho Maromak.

          2.1. Sakramentu

          Sakramentu hetan significado aas liu iha igreja nia existência. Tanba sakramentu nudar instrumento ida nebe halo ema hasoru malu ho Maromak. No hasoru malu ida ne’e la’os símbolu deit maibe presença real Nai Jesus Kristu nian, concretamente ita hetan iha sakramentu eukaristia. Karl Rahner hanaran ne’e nudar “intrinsic symbol”, significa sinal nebe hatudu realidade presença real nian. Ne’e ita compara hanesan ema nain rua nebe hala’o relasaun domin iha nebe la’os relasaun domin abstratu deit maibe concreta iha moris, fo-ba (life-giving) no hasoru malu entre sira nain rua. Tanba ne’e Jesus Kristu nudar “símbolu hasoru malu” tan iha Nia ita hetan natureza perfeitu rua: ema ho Maromak (“one person in two natures”).

          Então sakramentu sira sai sinal eficásia husi grasa Maromak nian nebe harí husi Kristu no confia ba Nia igreja liu husi Nia moris divino fo ba ita. Ho ida ne’e ita hatene katak igreja haforsa sakramentu sira ba sira nebe iha comitmentu fiar nebe boot hodi simu no participa activa iha igreja nia moris. Tanba sakramentu la’os hatudu buat seluk maibe nudar presente murak ba salvasaun individual. Nune’e Berger descreve katak sakramnetu sai símbolu nebe ita hare ho matan husi grasa invisible”.

          2.2. Pedagogia hosi sakramentu sira

          Pedagogia husi sakramentu sira hanorin ita atu reconhece katak Maromak sempre atua iha ita nia moris, moris ida nebe iha kontaktu permanente ho buat material sira. Tanba ne’e ita nia moris iha vínculo ho sala nebe impede ita atu hamutuk ho Maromak. Ho grasa sakramentu sira harahun tiha moru impedimentu hodi sai união ho Maromak. Significa katak liu husi grasa sakramentu sira Maromak serbisu hodi transfoma ita iha moris loron ba loron no lori ita ba hamutuk ho Nia, por ezemplo liu husi sakramentu eucaristia ita hasoru malu ho Jesus Kristu.

          2.3. Função husi sakramentu

          Husi grasa sakramentu bele transfoma ema husi sala nain sai ema diak. Por ezemplo ema sala nain ida hetan transformasaun iha nia moris tanba grasa sakramentu reconciliasaun ho Maromak. Tanba ne’e papél husi sakramentu ne’e importante tebes iha kristaun sira nia moris. Alem de ne’e husi sakramentu eucaristia bele transforma mundo tuan sai mundo foun ida. Jesus dehan “Hau mak paun moris nian nebe tun husi lalehan mai. Ema nebe han paun ne’e, nia sei moris ba nafatin; no paun nebe ha’u sei fo mak Ha’u nia isin rasik, saran ba mundo nia moris” ( Jo 6, 51). Significa Jesus fo nia an ba ema nudar “paun moris ka aihan ba ita nia isin no klmar, no ema nebe simu Nia sei la hamlaha tan no transformado iha nia moris loro-loron nian.

          2.4. Finalidade sakramentu

          Finalidade husi sakramnetu sira atu ema bele hetan salvasaun. No sakramentu sira ne’e “eficazes” tanba Kristu rasik mak serbisu iha sakramentu sira: Nia mak batiza então nia serbisu iha ita hodi hetan grasa husi sakramentu sira(Cf. Concílio de Trento, Can. Sacra. In genere, can 5). Manisfesaun grasa  salvasaun concretamente ita hetan iha iha Eukaristia, nu’u mistério komunhão husi Maromak domin, Aman, Oan no Espírito Santo. Tanba ne’e Jesus haktuir katak “ Ha’u mak paun moris nian. Imi nia bei ala sira han maná iha rai fuik maran, no sira mate ona. Ne’e mak paun nebe tun husi lalehan atu ema nebe han paun ne’e sei la mate. Hau mak paun moris nian nebe tun husi lalehan mai. Ema nebe han paun ne’e, nia sei moris ba nafatin; no paun nebe ha’u sei fo mak Ha’u nia isin rasik, saran ba mundo nia moris ( Jo 6, 48-51). Significa katak finalidade husi sakramentu eukaristia ita hetan salvasaun tanba Kristu promete sei mak han Ha’u nia isin sei moris ba nafatin alias sei hetan salvasaun. No Jesus rasik dehan “ se não comerder a carne do Filho do homem, não tereis a vida em vós”.

  

  1. Relasaun Igreja ho sakramentu

          3.1. Igreja hanesan sakramentu fundamental

          Igreja la’os instituisaun religiosa deit iha nebe harí ba religioso sira nia necessidade mundana no la’os mos harí hosi ema nia hakarak rasik. Maibe Igreja ne’e harí husi Jesus Kristu rasik nebe Nia nudar ulun no sarani sira nudar sanak. Jesus harí husi nia isin rasik tanba ne’e ema nebe liu husi nia sei hetan salvasaun tan Nia garante salavasaun ba ema hotu. Mesmo que la’os ho forma individual iha necessidade redensaun ema nian maibe povo Maromak nian “is not amorphous mass of individual human being in need of redemption, but the people of God. But a similar hold between the church as a juridical organized society and the reality we are calling the “people of God”. Significa katak ema hetan “povo de Deus”nebe hatan ba Nai nia bolu atu hola parte iha hamutuk ho Jesus iha nia Igreja.

          Iha parte seluk bíblia hanesan mos iha terminologia eclesiástica nian dehan “Igreja no Kristu nia isin mos sempre iha sentido sociedade nebe bolu ema hotu atu hetan salvasaun sobrenatural iha Kristu”. Conceito ne’e significa ema ida-idak nebe hamutuk iha igreja ho disposição nebe diak sei simu grasa Maromak nian tan igreja nudar sakramentu fundamental nebe Kristu rasik mak harí no admenistra.

          3.2. Igreja mak sakramentu salvasaun

          Igreja nia an hanesan sakramentu. Tan depois de ressureição Jesus Kristu nian (Rom. 6:9), Nia haruka Espíritu Santu tun ba apóstolu sira atu haklaken no batiza sira nebe fiar iha evangelhu. No Kristu mos estabelece Nia isin rasik ba Igreja nudar sakramentu universal salvasaun nian” (LG, 48). Significa katak iha Kristu kristaun hotu-hotu hetan bolu ba Nia igreja atu hetan grasa divina salvasaun nian husi Maromak. No precisa deit ita nia fé ba Kristu (EP 1:13) no ita sei manan salvasaun ba moris rohan laek nian.

          Ho ida ne’e “igreja sei unifica ema hotu sai união ho Jesus Kristu iha han kalan ikus nian” (LG, 48). Ne’e duni papél igreja nian oinsa mak atu buka dalan nebe diak atu lori ema hotu ba Kristu no liu husi ne’e mak igreja participa aktiva asaun salvífica Kristu”. No igreja tenke esforça an fo conhecimentu ba asaun salvasaun nian hodi ema hetan fiar no prontu sai testemunho moris ba Kristu iha moris loro-loron nian ”.  As a long as we are in these bodies, we are away from the Lord (2Cor 5:6); want to die and be with Christ because that would be much better (Phi 1:23).

          3.3. Igreja: sakramentu domin no misericordia

          Tanba ne’e, Igreja hanesan Inan ida nebe acolha oan sira nebe lakon, nune liu hosi sacramento nia hakbesik an ho maneira concreto mak sakramentu reconciliasaun ba hirak nebe lakon husi Igreja. No asaun acolhemento ne’e realiza primordial husi Maromak iha Jesus Kristu. Tan Kristu mak sai instrumento ba asaun reconciliasaun iha mundo raik laran. Ho ida ne’e Igreja iha misaun atu haklaken nebe halo an nudar agente no instrumento ba hirak nebe hakarak reconcilia ho Maromak tan reconciliasaun ne’e nudar don gratuita husi Maromak rasik. Ida ne’e mak igreja hatudu ninia misericordia liu husi sakramentu penitência.

          3.4.  Igreja nia papél ba sakramentu salvasaun iha mundo ohin loron

          Desafio bo’ot nebe Igreja hasoru iha mundo ohin loron mak ema komesa hado’ok an husi Igreja, loron domingo la missa ona, ema sai refugiadu barak iha mundo, ema barak moris sente Maromak la iha, ema kiak fiar komesa no aihan, existe prostituisaun barak, família sira fahe malu, no seluk tan. Husi situasaun hirak ne’e oinsa igreja nia papél atu resolve? Essencialmente no absolutamente igreja nudar sacramentu misericordia. No sacramentu misericordia ne’e mak Kristu rasik nebe Nia nudar ulun no ema nudar membro. Tanba ne’e, iha Igreja sai fatin hasoru malu entre mea sira nebe precisa tulun ho Kristu”.

          Tanba ne’e igreja tenke hala’o caridade no mesiricordia atu tulun ema sira nebe precisa tulun atu lori sira fila fali ba igreja nia mahon. Tanba iha igreja deit mak sira sei hetan hakmatek ou hetan fali sira nia natureza nudar humana nebe hasoru malu ho Kristu rasik no ema seluk. No Papa João XXIII dehan katak Igreja nudar aimoruk misericordia “medicine of mercy” atu kura ema sira nebe kanek iha fuan no psicologicamente. Papa João Paulo II continua firma katak declarasaun ne’e hodi tenik katak missão igreja nian mak hatudu misericordia Maromak nian ba ema hotu “the mercy of God in the Mission of the Church”. Significa katak igreja tenke sai testemunho vivo ba misericordia Maromak nian hodi haklaken no oferece liu husi sakramentu misericordia, sakramentu rekonsiliasaun no halo Maromak nia laran luak iha estrutura concretu iha moris nomos iha lei nian”.

          Entretantu Walter Kasper continua nafatin afirma katak igreja labele permite an atu dada ba sorin maibe igreja esforço an atu evangelho Maromak nian sai centro no haklaken Maromak nia misericordia”. Ho ida ne’e ema sei hetan salvasaun husi igreja tan Kristu rasik. Tuir St. Agostinho nia liafuan katak ne’e mak sakramentu nebe unifica no hakesi metin ema ba união nebe metin ho Kristu no ema seluk hodi serbí malu ho domin no misericordia.

 

TATAKAN

          Igreja bolu ema hotu atu forma assembleia ida hamutuk ho Kristu. Tanba Igreja mak isin místico husi Kristu rasik, liu husi sakramentu batismo no eukaristia, Espírito Santu víncula ema fiar nain sira hamutuk ho Kristu(LG7 no LG 4). Ne’e duni igreja nudar sakramentu iha sentido nebe sai sinal transparente no portador ba humanidade hotu. Nune’e igreja hanesan povo Maromak nian nebe halibur hamutuk ho Jesus Kristu iha mundo ne’e. Nia karakteristika ita hetan iha kredo nebe sarani sira sempre confessa sai: Igreja Una, Santa, Catótlica no apostólica (CIC 811).

          No Kristu mos estabelece Nia isin rasik ba Igreja nudar sakramentu universal salvasaun nian” (LG, 48). Significa katak iha Kristu kristaun hotu-hotu hetan bolu ba Nia igreja atu hetan grasa divina salvasaun nian husi Maromak. No precisa deit ita nia fé ba Kristu (EP 1:13) no ita sei mana salvasaun ba moris rohan laek nian. Entretantu Walter Kasper continua nafatin afirma katak igreja labele permite an atu dada ba sorin maibe igreja esforço an atu evangelho Maromak nian sai centro no haklaken Maromak nia misericordia”. Ho ida ne’e ema sei hetan salvasaun husi igreja tan Kristu rasik. Tuir St. Agostinho nia liafuan katak ne’e mak sakramentu nebe unifica no hakesi metin ema ba união nebe metin ho Kristu no ema seluk hodi serbí malu ho domin no misericordia.

(Martinho do Nascimento Obe, estudante ISFIT Fatumeta, Faculdade de Filosofia (2013-2016), actualmente reporter no announcer iha RTK Malo’a Dili, Timor Leste), opnião Pessoal. Iha sujestaun bele haruka mai iha address email:cono.mutis@gmail.com, ou bele contacto:+67077749662/75253302).

 

Bibliografia:

  1. Bíblia Sagrada
  2. Catecismo da Igreja Católica, 2ª edição Revista e Actualiza, Gráfica de Coimbra, Lisboa, 1999
  3. Kitab Hukum Kanonik ( Codex Iuris Canonic), Cetakan ke 10, OBOR, Jakarta, 2001
  4. Dokumen Konsili Vatikan II, Cetakan ke 8, OBOR, Jakarta, 2004
  5. RAHNER, Karl r, The church and the sacrament, Karl Rahner, 3rd 232 Madisson Ave, New York, 1964
  6. KASPER, Walter, Mercy, The essence of the Gospel and the key to the Christian life, paulist, new York, 2013
  7. PIMENTEL, João, Sacramentos e vida Cristã, 1ª edição, edicoes paulinas, São Paulo, Brasil, 2011
  8. WOLF, Elias, A unidade da Igreja (ensaio de eclesiologia ecumenical), 1a edição, editoração Paulus, São Paulo Brasil, 2007
  9. SOUSA, Rui ManuEl Gomes, A Igreja é Corpo de Cristo, (Para um estudo de eclesiologia paulina), Paulus Editora, São Paulo, Brasil, 2014
  10. PANAZZADO, João, Missão para todos, Introdução à missiologia, edição paulino, brasil, 2012
  11. LAKELAND, Paul, Igreja Comunhão Viva, 1a edição, Paulus editora, São Paulo, Brasil, 2013
  12. GOMES, Vítor Franco, A Igreja como Sacramento e Mistério, (Textos escolhidos na obra do Cardela Henri de Lubac), Gráfica de Coimbra 2, Portugal, 2012
  13. RODIGOR, José Ramos, Teologia do sacramento da penitência, edição São Paulo, Brasil, 1989