shadow
Diocese de Dili > NOTÍCIAS > Articles by: Departamento Comunicação Diocese Dili

LABELE PERMANECE INERTES BA KIAK SIRA NINIA HAKILAR

Dili; 14/06/017-Ita hotu hetan bolu atu too ba kiak sira, husi pobreza iha áreas boot  nebe  hasoru iha empresa sira ” ita labele hela  inerte deit, no  muito menos renuncia tiha”.  Papa Francisco foca  temas hirak nee iha ninia mensagem ba Loron  Mundial Kiak sira nian nebe sei realize iha loron 19 de Novembro  tinan nee. Loron  Mundial ba Kiak sira nee instituído husi Papa Francisco, iha conclusão ba Tinan Santo extraordinário Misericórdia nian, ho Carta Apostólica ida intitulada “Misericórdia et mísera”. Celebração ba Loron Mundial nee maka sinal concreto” husi Tinan Jubilar Misericordia nian, tamba nee sei celebra Loron Mundial Kiak sira nian iha XXXIII Domingo Tempo Baibain nian, iha tinan nee sei monu loos iha Loron 19 de Novembro.

Iha loron nebá, depois da missa iha praça São Pedro nian, Papa Francisco sei  almoço hamutuk ho ema kiak nain 500.  Hanesan apresentação nebe hatoo husi sala de imprensa vaticano nian.

Iha comunicado da imprensa nee mos hatoo kona ba central iha mensagem Papa Francisco nian ba Kiak sira : “questão  pobreza precisa sai tema central, no especialmente ba cristãos. Papa Francisco mos hakerek fato balun iha mensagem nee katak  “se imi realmente hakarak hasoru malun ho Cristo, necessário duni katak ita toca mos isin ema kiak sira nian, hanesan reflexão ida iha comunhão sacramental nebe ita simu iha Eucaristia.” Em suma, auxílio labele hanesan deit buat ida casual

Papa Francisco mos ressalta “se ita hakarak oferece ita ninia  contribuição efetiva ba mudança iha história, então hamosu dadaun desenvolvimento real ida, nee maka  necessário tebes atu ita hotu rona ema kiak sira ninia hakilar; nunee mos sei hakaas an nafatin hodi hasai sira husi sira ninia marginalização. Ao mesmo tempo, kiak sira nebe moris iha ita ninia cidades no iha ita ninia comunidades labele haluha hodi halakon tiha sentido husi pobreza evangélica, nebe maka belit metin iha sira ninia moris.”

Iha conferência de imprensa nee, presidente do Conselho Pontifício ba Promoção Nova  Evangelização nian Mons. Rino Fisichella, hateten mos katak  “Kiak laos ona problema ida, maibe hanesan recurso ida nebe bele desenha hodi simu no experimenta essência husi  Evangelho.”

Iha “riqueza flagrante acumula ida iha privilegiados balun ninia liman.” Hanesan Papa Francisco hakerek, liutan nee pobreza “desafia ital or-loron ho sira ninia oin nebe marca ho terus,  marginalização, opressão, violência, tortura no prisão, funu, privação husi  liberdade no dignidade, ‘ignorância no husi  analfabetismo, emergência de saúde no husi  falta de trabalho, husi correntes de ar no escravidão, exílio no miséria, husi migração forçada. Pobreza belit iha ema mane no feto sira, nunee mos labarik sira nebe explorados ba interesses vis, hetan hanesan husi lógica perversa tamba poder no osan “.

Papa Francisco denuncia tebes hahalok aat sira hateten iha mensagem nee : labele hela metin ho leuk liman, dala ida tan;  imi tem que reage ” hasoru pobreza nebe teri netik  espírito de iniciativa jovens lubuk nian, impede dadaun sira atu hetan netik emprego ida, pobreza nebe interompe  senso de responsabilidade nebe lori ema ba prefere liu  delegação no buka deit maka  favoritismo; pobreza nebe fó ai moruk aat hodi lori ema ba participação nebe hamout an iha poço nebe klean no espaços  profissionalismo nebe estreita nunee mos  humilhante ba mérito balun, buat hirak nee hotu bele hatan ho  visão moris nian nebe foun no husi sociedade “. nee maka cenário ida, nunee, iha buat hirak nee nia oin, ita keta hela ho liman cruza hela no muito menos renunca tiha.

No entanto tensões husi  mensagens nebe maka”hetan benção husi liman sira, além de barreiras de cultura hotu, religião no consolação nacionalidade hasulin mina morin ba moras sira nebe  humanidade hasoru”. Mons. Fisichella acrescenta; tamba “ema kiak laos deit oinsa destinatários hetan boa prática husi voluntariado sira, atu halo diak bebeik iha semana ida dala ida, ou too gestos nebe menos improvisadas husi boa vontade atu halo ema moris hakmatek iha ninia consciência. Experiências hirak nee – embora válido no útil iha  sensibilização ba necessidades husi maun alin sira no injustiça nebe dala balun sai mos causa – precisa apresenta encontro real ida ho ema kiak sira no hamosu compartilhamento nebe sai duni estilo de vida ida “.

Papa Francisco anuncia Loron Mundial ba Kiak sira nian maka loron  19 de Novembro no convida “Igreja tomak iha mundo no ema hotu, feto eh mane ho vontade diak atu matan nebe fixos iha loron ida nee, hanesan mos ema barak nebe ho sira ninia liman hiit bebeik hodi hakilar husu tulun no husu ita ninia solidariedade. Sira hirak nee maka ita nia maun alin no bin feton nebe Aman celestial maka cria no hadomi tebes hanesan mos ita. Loron ida nee hanesan objetivo ida atu  incentiva ema fiar nain sira, uluk liu, oinsa sira bele reagem ba memo cultural nebe maka resíduos, hodi sai cultura hasoru malun nian ida”.

Mons. Fischella mos especifica liutan katak : ida nee maka convite ida ba ema hotu atu, pelo menos matan nakloke, fuan sente ba iha loron ida nee, hodi hanoin kona ba ema kiak sira, liu-liu bele loke sira ninia odamatan uma nian ba ema kiak sira. Nee katak “loron ida nee sei sai loron ida nebe diak ba comunidade cristã tomak atu too ba ema kiak sira, ema hirak nebe fraco, feto eh mane nebe dala barak sira nia dignidade ema seluk hanehan. Mensagem nee ho hanoin bíblica nian nebe hasai husi  Primeira Carta de São João: ‘ita laos hadomi deit ho liafuan, maibe ho ações'”. No ninia logotipo reflete kona ba sentimento husi loron ida nee nian. “ema sira ho liman rua hasoru malun hodi hakuak malun, iha nebe cada ema ida oferece buat ida. Kabaas rua nebe expressa solidariedade no causa ida lapermanece iha ninia rohan, maibe atu atende ida seluk”, Mons. Fisichella hateten.

Maibe ho compromisso cristãos tomak nian, labele termina iha nee. Mensagem  escrito ona hanesan “fundamento husi passos concretos lubuk ida nebe realizáveis iha loron ida nee iha nafatin oração. Labele haluha katak ita ninia Aman maka oração husi kiak sira nian. Pedido pão nian, na verdade, expressa kona  entrega ba Maromak husi necessidades básicas moris nian”. (Adaptado Por Mario de Oliveira Pires)

http://www.news.va/it/news/papa-non-restare-inerti-al-grido-dei-poveri-19-nov

DOMINGO XII COMUM

ANO A

 

Primeira Leitura :         Jer. 20, 10-13

Lia housi Livro Profeta Jeremia

Jeremias dehan: “Ha’u rona lia aat barak housi povo sira: ‘iha fatin tomak ema laran susar! Foti lia hasoru nia! Mai, ita foti lia hasouru nia! Ema hotu nebé la’o di’ak ho Ha’u, hein hela de’it atu haré wainhira Ha’u la’o sala dalan: ‘Keta nia husik ema bosok nia karik, atu ita bele hanehan nia; hanesan ne’e ita bele halo aat ba nia!’ Maibé, Na’i hamutuk ho ha’u nu’udar asuwa’in maka’as tebes, ha’u nia funu balu sira sei lakon mohu. Sira sei moe teb-tebes, tan sira lakon; ema ida sei la haluha katak sira lakon ba nafatin. Mundo tomak nia Na’in, Ita Boot be koko ema di’ak tama to’o ema neon, ema laran, ha’u sei haré castigo nebé Ita haraik ba ema sira ne’e, tan ha’u tau ha’u nia moris iha Ita futar liman. Hananu ba Na’i, hahí tan Nia tahan ema ki’ak nia moris hasoru ema aat sira liman.  

Maromak Futar Lia.

 

Salmo Responsorial :                                                                                        Sal. 68(69), 8-10. 14. 17. 33-35

Refrão : Tan Ita laran di’ak, Na’i, rona ha’u. Repete-se

 

  1. Na’i, tan Ita, ha’u terus barak, ha’u nia laran susar tebes. Ha’u, ema leet ba ha’u nia maun alin sira, ema rai seluk, ba ha’u inan nia oan sira. Ita kadunan naresin iha ha’u laran, ema foti lia leet hasoru ha’u. Refrão
  2. Na’i, ha’u hasa’e oração ba Ita, tan Ita domin mai tahan ha’u. Na’i, rona ha’u, tan Ita laran di’ak no kmanek; Tan Ita nia laran luak, haraik matan mai ha’u. Refrão
  3. Ema kiik, haksolok, rona mai, buka Maromak, imi nia laran sei haksolok. Na’i, rona ema ki’ak, la hewai ema nebé moris ho susar. Rai no Lalehan hahí Maromak, tasi no buat tomak moris iha tasi laran. Refrão

 

Segunda Leitura                                                                                                                                       Rom. 5, 12-15

Lia housi São Pedro nia surat ba sarani sira iha Roma

Maun alin sira: housi ema ida de’it salan mosu iha mundo; housi salan mosu mate. Nune’e, ema tomak hetan mate, tan ema hotu-hotu halo salan. To’o iha Moisés nia ukun, sala iha ona mundo. Maibé, laiha karik ukun ida, la bele dehan katak sala, ema nebé halo sala. Nune’e, mate iha ona housi Adão to’o Moisés; iha mos sira nebé la halo salan hanesan sala nebé Adão to’o Moisés; iha mos sira nebé la halo salan hanesan sala nebé Adão halo. Adão, Jesus Cristo nebé sei mai, nia ílas. Maibé, kmanek nebé ita simu leet la hanesan salan. Hanesan, housie ma ida de’it nia salan ema hotu-hotu mate, nune’e liu tan, Jesus Cristo, sei haraik halo wa’in ba ema hotu.

Maromak Futal Lia.

 

Aclamção                                                                                                                                               Mt. 10, 28 

Refrão : Aleluia! Repete-se

Keta ta’uk sira nebé oho isin,

maibé labele oho klamar. Refrão

 

Evangelho                                                                                                                                           Mt. 10, 26-33

Nai Jesus Cristo nia Evangelho nu’udar São Mateus haktuir

Iha tempo nebá, Jesus dehan ba Apóstolo sira: “keta ta’uk ema sira, basá, laiha buat ksumik ida nebé sei la hetan; la iha buat ida nebé ema sei la hatene. Lia hirak nebé ha’u dehan subar ba imi, imi sei haklaken ba ema tomak; Lia nebé imi rona daudaun, imi sei ba haklaken ba uma-kain tomak. Keta ta’uk sira nebé oho isin, maibé, la bele oho klamar. Ta’uk liu-liu Ida nebé bele halakon imi nia klamar, no isin iha Inferno. Ema la fa’an manu ki’ik rua ba osan doit ida? Manu ne’e ida sei la monu ba rai, wainhira Maromak la hakarak. Imi nia fuuk lahan mos sura hotu. Ne’e duni, keta ta’uk: Imi folin liu manu fuik barak! Ema nebé hana’i Ha’u iha ema seluk nia leet, Ha’u mos sei hatene nia iha Ha’u Aman iha Lalehan nian oin.   

Lia Maksoyn.

SOLENIDADE DO SAGRADO CORAÇÃO DE JESUS

ANO A

 

Primeira Leitura       Deut. 7, 6-11

Lia housi Livro Deutoronómio

Iha loron hirak nebá, Moisés hateten nune’e ba povo: “Ó, povo ida nebé halulik ba Na’i, ó nia Maromak. Na’i ó nia Maromak hili ó atu sai nia povo tomak nebé iha rai-klaran sira leet. Na’i hela ho imi, hodi hili imi, laós tan imi wa’in liu, maski imi kiik liu povo hotu-hotu. Maibé, tan Na’i hadomi imi, hodi hakarak halo tuir lia menon nebé hakotu ona ho imi nia bei-ala sira; Bei-ala nebé Nia halo sai ho liman kbiit, hodi hasai housi atan fatin, housi Faraó, Liurai Egipto nia ukun. Ne’e duni, ó sei hatene katak Na’i, ó nia Maromak, Maromak lós duni; Maromak laran di’ak, nebé houri uluk kedas, halo tuir nia Moruk; halo di’ak de’it ba sira nebé halo tuir ho hadomi Nia Ukun-fuan. Maibé, Na’i haraik los castigo ba sira nebé hakribit Nia; Nia la haluha fo susar ba ida nebé hakribit Nia, fo susar ba nia-an rasik. Ne’e duni, Ó sei buka halo tuir Ukun-fuan, Lei no lia menon tomak nebé, ohin, Ha’u haruka ó halo tuir.

Maromak Futar Lia.

 

Salmo Responsorial                                                                    Sal. 102(103), 1-2. 3-4. 6-7. 8-10

Refrão: Na’i nia kmanek hela nafatin ho sira nebé hadomi Nia. Repete-se

  1. Ha’u klamar hahí Maromak, ha’u-an tomak hana’I Nia naran Santo. Ha’u klamar hahí Maromak, la haluhan Nia kmanek tomak. Refrão
  2.  Nia perdua ha’u saialn, hanoin ha’u nia hahalok aat; sadia ha’u housi mate, haraik kmanek no domin mai ha’u. Refrão
  3. Na’i halo justiça, Tahan ema nebé hetan susar. Hatudu Nia dalan ba Moisés, Nia hahalok ba Israel oan sira. Refrão
  4. Na’i laran diak no kmaus, la rai hirus, maibé hadomi. La hanoin ita, tuir ita nia hahalok aat, la selu ita tuir ita nia salan. Refrão

 

Segunda                                                                                                                               1 Jo. 4, 7-16

Lia housi São João nia surat

Doben sira: ita hadomi malu, tan domin ne’e mai housi Maromak; ema hotu nebé hadomi, mai housi Maromak, Maromak hatene nia. Ita nebé la hadomi, la hatene Maromak, tan Maromak nia domin mosu iha ita leet: Maromak haruka mai mundo Nia Oan Mane mesak atu ita bele moris tan Nia. Domin la’o tuir nune’e: Laós ita mak hadomi Maromak; Maromak mak hadomi ita hodi haruka Nia Oan hanesan karan ida, atu kasu ita nia salan. Doben sira: tan Maromak hadomi ita, nune’e mos ita sei hadomi malu. Ema ida sidauk hahí Maromak. Ita hadomi malu karik, Maromak hela ho ita; Maromak nia domin ho ita la’o tuir dalan lós tebes. Buat nebé halo ita hatene katak ita hela ho Maromak, Maromak ho ita, mak ida ne’e: Maromak halo ita hela hamutuk ho Nia Espírito. Ita haré hodi haklaken katak Maromak haruka mai Nia Oan nu’udar mundo nia Maksoyn. Ema nebé haklaken katak Jesus Maromak nia Oan, Maromak hela ho Nia, Nia ho Maromak. Ita hatene domin nebé Maromak iha mai ita; ita fiar domin ne’e. Maromak mak domin: Ema nebé hela iha domin, hela ho Maromak; Maromak hela ho ita.

Maromak Futar Lia.

 

Aclamação                                                                                                                       Mt. 11, 29ab

Refrão : Aleluia. Refrão

Imi simu Ha’u nia todan ba imi, Hodi halo tuir Ha’u:

Ha’u laran di’ak, la foti-An. Refrão

 

Evangelho                                                                                            (Mat. 6, 1-6,16-18)                                

Na’i Jesus Cristo nia Evangelho nu’udar São João haktuir:

iha tempo nebá, Jesus hateten nune’e: Ha’u hahí ita, Ha’u Aman, lalehan ho rain sira Na’in, tan Ita subar lialós ne’e ba matenek no boot sira, hodi haklaken ba kiik sira. Ne’e duni, Aman, basá, ita hakarak nune’e. Buat hotu mai housi Ha’u Aman. Ema ida lahatene Oan, maibé Aman de’it; ema ida la hatene Aman, maibé Oan de’it, no ema hotu nebé Oan Mane hakarak haklaken ba nia. Mai hotu Ha’u, imi nebé neon todan, laran susar, tan Ha’u sei fo kman ba imi. Imi sei hetan kman ba imi laran, tan Ha’u knar kman, Ha’u nia naha la todan.

Lia Maksoyn.

CONECTIL HALAO FORMAÇÃO CONTÍNUA BA PROFESSORES RELIGÃO

CTDD DILI – Loron Quarta-feira 21/06/2017, Comissão Nacional da Educação Católica (CONECTIL) halao formação contínua ba professores Religão iha Salão Canossiana Becora Dili. Formação ne’e halao atu fo conhecimento no oinsa professor sira ne’e bele hatudu sira nia professonalismo no sira nia competência hodi hanorin labarik sira ho activo no creativo. Marçal Evaristo Soares iha biban ne’e afirma katak: Ami hahu halo formação ba Professores Religão sira iha fulan Maio maibe ami halo iha semana ida hahu housi Ermera loron rua, Aileu loron rua no Dili. Iha pesquisa ne’e atu bele descobre katak oinsa professor sira bele hatudu sira nia professionalismo no sira nia competência hodi hanorin labarik sira ho activo no creativo.

Nia hatutan tan katak: buat balu nebé ami observa iha neba claro katak iha processo de aprendizagem ne’e lao maibé hatudu mos fenômeno lubuk ida nebé labarik sira hatudu tamba buat rua nebé ami hare kona ba oinsa labarik sira nia participação, labarik sira activo ka lae,  sê sira activo ne’e tamba saida no passivo karaik tamba saida.

Nia haklean tan katak: Hau hanoin buat importante teb-tebes husi pesquisa ida ne’e ami bele hateten descobre katak formação continuação ba Professores sira ne’e importante teb-tebes. Formação contínua ne’e laos contesto deit oinsa atu haklean tan sira nia profissão no nia competência de’it maibé oinsa atu forma sira ba iha conteudo ba iha matéria sira nebé sira bele hanorin, atu nune’e sira bele hadomi liu tan sira nia profissão nudar Professor no sira bele domina liu tan matéria nebé sira hanorin ba iha labarik sira.

Marçal Evaristo Soares sublinha tan katak: Hau hanoin manual lubuk ida nebé Ministério da Educação fo sai tiha ona e manual lubuk ida nebé sira produz tiha ona so que manual ida ne’e nia formação conteudo ba iha formação ida ne’e mak sidauk klean. Tamba ne’e mak hau hanoin formação continuação ba iha conteudo manual ida ne’e atu oinsa bele utilija manual ida ne’e ba iha processo de aprendizagem, tamba iha Professor balun laos nia beckgraund ne’e hotu-hotu ba iha educação, maibe iha balun ne’e iha ensino geral. Tamba ne’e mak precisa halo formação nebé mak klean ba iha conteudo manual ida ne’e atu nune’e sira bele utilija oinsa atu elabora tan iha plano de aula atu nune’e bele guia estudante sira ne’e bele alcansa meta.

Nia reforsa tan katak: To agora manual ida nebé liu-liu ba ami Comissão Nacional da Educação Católica CONECTIL ninian ba Professor da Religão ne’e, manual Moral e religião ne’e mak to agora ne’e sidauk to iha sira nia liman, tamba encontexto ne’e manual ida ne’e sei elabora hela e depois sei servisu hamutuk ho Educação oinsa maka atu bele produz manual ida ne’e. (Alin)

Quinta Feira, XI SEMANA TEMPO COMUM

ANO A

 

Primeira Leitura (2Cor. 11, 1-11)

Lia housi São Paulo nia surat ba sarani sira iha Corinto

Maun-alin  sira: Imi bele de’it tahan ha’u nia beik uitoan! Favor, tahan ha’u ba! Basa ha’u iha laran moras santo kona ba imi, basa ha’u saran tiha imi ba Cristo nu’udar fetoran momos ida ba nia la’en. Maibe ha’u ta’uk katak, nu’udar samea lohi Eva ho nia laran makerek, imi sei la hanoin tan atu saran imi an ba Cristo ho laran mos laran los. Basa ema ruma karik mosu ba imi no haklaken Jesus nebe oin seluk housi Ida nebe ami haklaken tiha, ka imi simu karik espirito nebe oin seluk housi ida nebe imi simu tiha, ka Evangelho nebe oin seluk housi ida nebe imi simu tiha ona, imi halo tuir nia lalais de’it. Ha’u hanoin katak ha’u la kiik liu “apóstolo boot sira”  iha buat hotu. Maski ha’u la matenek atu ko’alia, ne’e la dehan katak ha’u kuran matenek; iha buat hotu ami hatudu momos tiha buat ne’e ba imi. Ha’u sala ka uainhira ha’u haraik an atu imi bele foti an, basa ha’u haklaken Evangelho hodi la husu imi atu selu osan? Ha’u husu kreda sira seluk hodi simu tulun housi sira atu ha’u bele serbi imi. No uainhira ha’u iha imi leet no kuran sasan sira, ha’u la hatodan imi, basa maun alin sira housi Macedónia fo buat nebe ha’u kuran. Nune’e ha’u la hatodan no sei la hatodan imi iha buat hotu. Hodi Cristo nia lialos nebe ha’u iha, ema Acaia sira sei la bele hola ha’u nonok, maibe ha’u sei foti an. No tan sa?  Tan ha’u la hadomi imi?  Maromak hatene katak ha’u hadomi imi!

Maromak Futar Lia.

 

Salmo Responsorial.                                                                                                          (111, 1-4. 7-8)

Refrão :   Na’i, Ita hahalok mak los no di’ak. Repete-se

  • Ho laran tomak ha’u hahi Na’i, iha libur hamutuk ema los nian no iha assembleia. Na’i Nia hahalok kmanek boot tebes, halo nia emar sira hanoin ba nafatin. Refrão
  • Boot no kmanek tebes Nia hahalok sira, Nia laran luak no neon mos hela ba nafatin. Na’i Nia hahalok ema sei la haluha, Na’i laran diak no laran maus. Refrão
  • Na’i Nia liman nia hahalok mesak mos no los, Nia lei sira sei la muda, sei metin tinan ba tinan, hari metin iha lia los no justisa. Refrão

 

Aclamação.

Refrão : Aleluia, Aleluia. Repete-se

                  Imi simu Espirito ida nebe halo imi sai oan fudin,

                  nebe lori ita bolu: “Abba! Aman”. Refrão

 

Evangelho                                                                                                                               (Mt. 6:7-15)

+ Na’i Jesus Cristo Nia Evangelho nu’udar S. Mateus haktuir

Iha tempo neba, Jesus hateten ba escolante sira:  “Uainhira imi reza, keta ko’alia barak hanesan gentio sira; sira hanoin katak ho sira nia liafuan bar-barak, Na’i sei rona sira. Keta halo hanesan sira basa imi nia Aman hatene buat nebe imi kuran molok imi husu ba Na’i. Ne’e duni, harohan nune’e ba:  ‘Ami Aman iha Lalehan, halo Ita naran sai santo. Halo Ita nia reino to’o mai ami; halo tuir Ita nia hakarak ba iha rai nu’udar iha Lalehan. Haraik aihan loron loron nian mai ami. Haraik perdua mai ami nia tusan, nu’udar ami perdua sira nebe iha tusan ho ami. Keta husik ami monu ba tentasaun, maibe hasai ami housi buat aat. Basa imi perdua  karik ema sira nia sala, imi Aman iha Lalehan mos sei perdua imi nia sala sira. Maibe imi la perdua karik ema seluk, imi nia Aman mos sei la perdua imi nia sala sira”.

Lia Maksoyn

Quarta Feira, XI SEMANA TEMPO COMUM

ANO A

 

Primeira Leitura (2Cor. 9, 6-11)

Lia housi São Paulo nia surat ba sarani sira iha Corinto

Maun-alin sira : Hanoin ida ne’e ba, ema nebe kari uitoan sei ko’a mos uitoan, no ema nebe kari barak sei ko’a mos barak. Ida-ida sei halo nu’udar nia decide ona, la hodi laran susar ka obriga an, basa Maromak hadomi ema nebe fo laran haksolok. No mos, Maromak bele halo presente ida-idak sai barak liu tan ba imi, nune’e iha buat hotu, buat nebe imi precisa iha nafatin; no imi iha buat barak ba hahalok di’ak hotu. Nu’udar hakerek tiha, “Nia kari sai, nia fo ba ema kiak sira; nia laran los tahan ba nafatin.”  Ida nebe fo fini ba to’os na’in no pão atu han sei fo no hawain imi nia fini no halo barak imi laran los nia fuan. Imi sei sai riku iha buat hotu tan imi nia laran luak, nebe housi ami ema sei fo obrigado ba Maromak.

Maromak Futar Lia.

 

Salmo Responsorial                                                                                           (Sal. 112, 2,1 – 4. 9)

RefrãoKsolok ba ema nebe hein iha Na’i. Repete-se

  • Ksolok ba ema nebe hamta’uk Na’i, no hadomi tebes Nia ukunfuan. Nia bei-oan sira sai biit-na’in iha rai, derasaan ema laran los nian hetan bensa ua’in. Refrão
  • Iha nia uma, iha aihan no riku-soi ua’in, ema sei la haluhan nia laran di’ak. Nia nabilan ba ema los sira nu’udar naroman iha nakukun, nia laran mos, laran-luak no laran di’ak. Refrão
  • Nia fahe nia riku soi, ba ema kiak sira; nia laran di’ak sei hela metin nafatin, ho barani, nia foti ulun. Refrão

 

 Aclamação

Refrão : Aleluia, Aleluia. Repete-se

Na’i dehan : Ema nebe hadomi Ha’u, sei halo tuir Ha’u nia liafuan; Ha’u Aman sei hadomi nia, Ami sei mai hela ho nia.

 

Evangelho                                                                                                           (Mt. 6:1-6,16-18)

+ Na’i Jesus Cristo Nia Evangelho nu’udar S. Mateus haktuir

Iha tempo nebá, Jesus lia tun ba escolante sira: “Hare katak imi la halo buat di’ak iha ema sira oin atu sira hare imi. Imi halo nune’e karik, imi sei la simu imi nia kolen housi imi nia Aman Lalehan. Ne’e duni, uainhira ó fo esmola, keta huu karau dikur iha ó nia oin, hanesan ema laran makerek sira halo iha sinagoga ka iha dalan atu ema hahi sira. Tebes, Ha’u dehan ba imi, sira simu ona sira nia kolen. Maibe, uainhira ó fo esmola, ó nia liman karuk  la bele hatene no nia liman los halo sa, atu ema ida la bele hatene ó nia esmola, no ó nia Aman nebe hare buat subar, sei fo ó nia kolen.”  “Uainhira imi reza, keta halo hanesan ema laran makerek sira nebe hakarak harohan hodi hamriik iha sinagoga sira no iha praça. Tebes, Ha’u dehan ba imi, sira ne’e simu ona sira nia kolen. Maibe, uainhira ó harohan, tama iha ó nia quarto laran, taka odamatan hodi harohan sub-subar ba ó nia Aman, basa Nia nebe hare buat nebe subar, sei fo ó nia kolen. “Uainhira imi hadera an, keta oin nakraik, hanesan ema laran makerek sira, nebe halo sira oin la di’ak atu ema hare katak sira hadera an. Tebes, Ha’u dehan ba imi katak ema sira ne’e simu ona sira nia kolen. Maibe uainhira ó hadera an, tau mina morin ba ó ulun, no fase ó nia oin, atu ema la bele hatene katak ó hadera an; ó nia Aman, de’it nebe subar hela mak hatene; nune’e ó nia Aman, nebe hare buat nebe naksubar, sei fo ó nia kolen.” 

Lia Maksoyn.

Terça Feira, XI SEMANA TEMPO COMUM

ANO A

 

Primeira Leitura (2 Cor. 8, 1 – 9)

Lia housi São Paulo nia surat ba sarani sira iha Corinto.

Maun-alin sira :  Ami hakarak imi hatene kona ba Maromak nia grasa nebe haraik tiha ona ba Kreda sira iha Macedónia, basa uainhira Maromak koko sira ho terus boot, sira nia ksolok naresin no sira hatudu katak maski sira kiak, sira laran luak teb-tebes. Tuir sira nia biit, ha’u bele fo sasin, no liu fali sira nia  biit, ho laran, sira husu ami maka’as atu sira bele halo parte iha serbisu ba santo sira, no ida ne’e, la’os nu’udar ami hanoin, maibe sira saran sira nia an ba Na’i no baa mi housi Maromak nia hakarak, tan ne’e, ami husu Tito atu, nu’udar nia hahu ona, nia remata mos ba imi ho hahalok kmanek ida ne’e. Ne’e duni, nu’udar imi di’ak liu iha buat hotu: iha fiar, iha liafuan, iha matenek, iha laran manas, no iha domin nebe imi hadomi ami, ha’u hein mos katak imi sei sai di’ak liu kona ba serbisu ida ne’e. Ha’u dehan ne’e la’os hodi haruka, maibe atu koko imi nia domin los ka lae, uainhira imi hanoin ema seluk sira. Basa imi hatene ita Na’i Jesus Cristo nia grasa, katak, tan imi, Nia halo an kiak maski Nia riku, atu housi nia kiak, imi bele sai riku.

Maromak Futar Lia.

 

Salmo Responsorial                                                                                    (Sal. 146, 1 – 2. 5 – 9 ab)

Refrão : Ha’u klamar hahi Na’i. Repete-se

  • Ha’u klamar hahi Na’i ba, ha’u sei hahi Na’i iha moris tomak. Wainhira ha’u moris, ha’u sei hananu ba ha’u nia Maromak. Refrão
  • Rahun diak ba ema nebe hetan tulun housi Jacob nia Maromak; tau laran metin iha Na’i, nia Maromak, nebe hakiak lalehan no rai, tasi no buat hotu nebe moris iha nia. Refrão
  • La haluhan Nia liafuan ba nafatin, Nia halo justisa ba sira be ema hanehan; haraik ai-han ba sira be hamlaha. Refrão
  • Na’i haraik liberdade ba sira be iha dadur; Na’i halo matan-delek sira hare, Na’i tahan sira be biit laek. Refrão
  • Na’i hadomi sira be laran los; Na’i souri ema la’o lemo rai, tau matan ba oan kiak no feto faluk sira. Refrão

 

Aclamação

Refrão : Aleluia, Aleluia. Repete-se                  

                 Na’i dehan:  Ha’u fo ba imi mandamento foun : 

                 Imi sei hadomi malu nu’udar Ha’u hadomi imi. Refrão

 

Evangelho                                                                                                             (Mt. 5 : 43 – 48)

+  Na’i Jesus Cristo Nia Evangelho nu’udar S. Mateus haktuir

Iha tempo nebá, Jesus lia tun ba escolante sira:  “Imi rona saida mak ema dehan ba bei-ala sira: ‘Ó hadomi ó nia maluk, rai kuna hasouru ó nia funu-baluk.’ Maibé, Ha’u dehan ba imi:  “Hadomi imi nia funu-baluk sira; harohan ba ema sira nebe duni imi atu imi bele sai oan ba Aman nebe iha Lalehan. Nia halo Loro mosu ba ema diak no ema aat; Nia haruka udan ba ema laran mos no ba ema sala-na’in. Imi hadomi karik ema nebe hadomi imi, sa premio imi bele simu? Ema pubilcano sira mos la halo hanesan ne’e? Imi cumprimenta deit karik imi nia maun-alin sira, imi halo buat foun saida? Ema gentio sira mos la halo hanesan ne’e? Ne’e duni, imi buka sai ema diak, hanesan imi nia Aman Lalehan diak”.

Lia Maskoyn.

Segunda Feira, XI SEMANA TEMPO COMUM

ANO A

 

Primeira Leitura  (2Cor. 6, 1-4)

Lia housi São Paulo nia surat ba sarani sira iha Corinto.

Maun-alin sira : Hodi serbisu hamutuk, ami husu imi maka’as atu la bele simu Maromak nia grasa leet deit. Basá, Na’i dehan:  “Iha tempo diak, Ha’u rona imi, no  iha loron maksoin, Ha’u fo tulun ba imi.”  Hare ba, ohin mak tempo di’ak ne’e; hare ba, ohin mak loron maksoin. Ami la halo ema ida sidi kona ba buat ruma, atu nune’e ema ida la bele hetan buat aat hasouru ami kona ba ami nia knaar; maibe iha buat hotu, ami hatudu ami an nu’udar Maromak nia emar, hodi tahan susar sira, iha terus, moris todan, ema la husik ami book an, ema baku ami, tau ami iha dadur laran, ema lubun boot hasouru ami, iha serbisu todan, la toba iha kalan, la han; ho laran mos, ho matenek, ho paciência no laran maus, ho espirito nebe santo, ho domin nebe la bosok, hodi ko’alia lolos, iha Maromak nia biit; ho kilat laran los nian iha kuana no iha karuk, uainhira ami simu naran boot no uainhira ema hamoe ami, uainhira ema hasara ami no mos uainhira ema hahi ami. Ema trata ami hanesan ema nebe bosok, maibe ami la bosok ida; hanesan ema la hatene ami, maibe ema seluk simu ami; hanesan ami atu mate, maibe ami moris maka’as; hanesan ema fo kastigu, maibe ema la oho; hanesan ema laran susar, maibe ami ksolok nafatin; hanesan ema kiak ida, maibe ami halo ema barak sai riku; hanesan ema nebe la iha buat ida, maibe ami iha buat hotu.

Maromak Futar Lia.

 

Salmo Responsorial                                                                                                           (Sal. 98, 1-4)

Refrão :  Na’i hatudu Nia Maksoin. Repete-se

  • Hananu ba Na’i knananuk foun ida, basá, Nia halo buat mesak kmanek. Nia futar liman los manan funu, manan ho Nia futar liman santo. Refrão
  • Na’i fo hatene Nia maksoin; Nia hatudu justisa ba nasaun sira hotu. Nia hanoin Nia domin, no laran ba Israel uman. Refrão
  • Rai ikun rai-ulun sasin maksoin Ita Maromak Nian. Rai tomak haklaken Na’i, haklalak ho ksolok no hananu. Refrão

 

Aclamação

Refrão : Aleluia, Aleluia. Repete-se

                        Na’i, Itaboot nia liafuan mak ahi oan mai ha’u nia ain fatin,

                        roman ba ha’u nia dalan. Refrão

 

Evangelho                                                                                                                                   (Mt. 5:38-42)

+  Na’i  Jesus Cristo Nia Evangelho nu’udar S. Mateus haktuir

Iha tempo nebá, Jesus lia tun ba escolnate sira: “Imi rona ema uluk dehan: ‘Matan selu ho matan, nehan selu ho nehan’. Maibé, Ha’u dehan ba imi: ‘Keta simu hasouru ema aat. Ema ruma basa karik ó nia hasan los, sée tan o nia hasan karuk ba nia. Ema ruma hakarak haksesuk malu ho o atu hadau o nia faru karik, fo tan o nia tais ba nia. Ema ruma obriga karik o atu la’o kilometro ida, la’o ho nia kilometro rua ba. Fo ba ema nebe husu, keta fila kotuk ba ida nebe hakarak impresta buat ruma.”

Lia Maksoyn.

Santa Creda Comemora Solenidade do Santíssimo Corpo e Sangue De Cristo

DCDD – Tinan-tinan, Santa Creda Comemora Solenidade do Santíssimo Corpo e Sangue de Cristo. Creda celebra tinan Liturgia harí Sagrada Eucaristia nian iha Quinta Feira Santa, basá iha lorokraik, Nia Paixão, nebé Jesus hodi lori too rohan Nia domin tan ema hotu. Creda Local iha mundo inclui mos Timor-Leste realiza Proceição hodi hahí no hanai Jesus Cristo iha Sacrário. Iha Diocese Dili, atu comemora Solenidade do Santíssimo Corpo e Sangue de Cristo, liburan sarani sira hahu housi Bispo, Encarregado Vaticano iha Timor, Padres, Madres, labarik, Foinsa’e feto eh mane, ferik eh katuas hodi halao proceição hahu housi Balide lao ain reza no hananu ba to’o iha Jardim Nossa Senhora Imaculada Conceição Lecidere Dili.

Bispo Dili Dom Virgilio do Carmo da Silva iha nia mensagem ba sarani sira relaciona ho Solenidade do Santíssimo Corpo e Sangue de Cristo hateten: Jesus nia objecção ba satanás nebé husu ba Nia atu nakfilak fatuk ba Pão. Jesus dehan: Laos ho Pão de’it mak ema moris maibé ho lia-fuan nebé mai housi Maromak nia Futar ibun. Atu bele iha pão ba ema hotu precisa habosu uluk ema nia fuan, atu bele iha Justiça entre ema precisa hakiak justiça iha ema nia fuan, atu bele iha paz iha ita nia sociadade precisa hahu housi ema nia fuan, maibe biveiro justiça no paz nian sei la moris no sei la buras se la hetan ai-han housi Maromak futar lia-fuan. Lia-fuan ida ne’e mak ohin ita adora, lia-fuan ida ne’e mak halo-An ba ema atu ita bele simu nudar ai-han mai ita basá ita ema kiik liu laiha kbiit atu ba too Maromak. Maromak halo-An kiik nune’e ita bele simu domin housi nia domin ida ne’e mak ita hanaran Festa Corpo de Deus, tenik Bispo Dili Dom Virgilio do Carmo da Silva iha Lecidere Dili (15/06)

Dom Virgilio da Silva haklaken tan: Festa Corpo de Deus hakarak dehan mai ita katak maski wainhira ita nia tilun lakohi atu rona, Jesus continua dere ita nia odamatan, ita nia moris loron no kalan hodi dehan; loke odamatan ba husik Ha’u tama koko atu moris took ho ó. Festa Corpo de Deus tulun ita ida-idak atu compreende kona ba saida mak dehan Cominhão. Cominhão katak Hospitalidade katak simu ema seluk ho fuan no laran. Ida ne’e mos hatudu katak simu Cristo Nia Futar Isin laos hanesan simu pão pedasuk ida.

Dom Virgilio da Silva sublinha tan: Papa Emérito iha nia lia-fuan ida nebé dehan: tamba sa ema barak hamlaha iha mundo! Tamba sa labarik barak tenki mate tamba hamlaha enquanto seluk goja certamente laos rai mak la bokur ona tan ne’e labele produz ona ai-han nebé suficiente ba ema. Iha nação boot sira, riku sira estraga ai-han nebé mai housi rai atu nune’e sira bele controla nafatin presso iha mercado, maibé fatin barak iha mundo ema continua mate tamba hamlaha, ema barak iha mundo sei buka nafatin meios oi-oin atu destroe ai-han duque buka dalan fo moris nebé digno ba ema nebé la hetan ai-han no at liu tan sira tulun atu distribui ba fatin hotu kilat funu nian duque preucupa atu fahe ai-han ba hirak nebé mukit. Buat hirak ne’e hotu mosu tamba ita nia ánima, tamba ita nia Espírito falta nutrição, ita nia fuan sei maran no sei toos. Mundo desordém tamba ita nia fuan desordém, nune’e la consegue hatudu dalan nebé justo. (Sc)

Comferência Episcopal Timorense (CET) Assina Acordo ho Governo TL

DCDD – Sexta-Feira foin lalais ne’e (16/06/2017) Comferência Episcopal Timorense (CET) Assina Acordo ho Governo TL iha Salão Ministério Negócio Estrangeiro e da Cooperaçãp Dili Timor-Leste. Iha Assina acordo entre Comferência Episcopal Timorense (CET) ho Governo TL foca liu ba assiona mecanismo intermos para hahú transfere Orsamento husi Governo TL ba Comferência Episcopal Timorense (CET).

PM Rui Maria de araujo imforma katak: Acordo ida ne’e tuir lolos halo iha início do Ano, mais como primeira vez, processo sira ne’e hotu tenki liu housi negociação. Finalmente ita to’o ona iha nia fase ida assina acordo no semana hirak oin mai Governo sei halo assiona mecanismo intermos para hahú transfere ona montante sira nebé alocado tiha ona orsamento ba ida ne’e.

PM Ruia Maria de araujo realsa tan katak: Iha debate orsamental ba 2017, montante orsanmento nebé Estado liu housi Governo atu fo ba Comferência Episcopal Timorense (CET) iha porvolta $.6,9 Milões no iha tan actividade sira seluk nebe Governo apoia tiha ona total hotu kedas iha tinan 2017 ne’e porvolta iha $.15.7 milhões de Dólares. Ita hein katak iha processo implementação depois de uma forma autónoma Comferênci Episcopal gere osan sira nebe transfere no sei iha nafatin interação ho Governo atu hare oinsa halo processo sira ne’e diak liu tan ba aban bain-rua nian.

PM Ruia Maria de araujo reforsa tan katak: Processo implementação iha buat balu nebe Ministério sira sei nafatin fo apoio direita ba instituções balu iha Igreja nia laran hanesan iha Solidaridade Social ho tan iha Intituções balu maibe iha parte lubuk boot ida mak Estado transfere montante osan ba Comferência Episcopal depois Comferência Episcopal mak gere internalmente processo ne’e.

Iha biban hanesan Presidente Comferência Episcopal Timorense (CET), Dom Basilio do Nasimento hateten mos katak: Hanesan Premeira Ministro dehan ona, regras ida ne’e mai definido iha acordo ne’e, ne’e duni buat atu funciona oinsa, buat ne’e liu hosi Técnico sira nia liman. Bispo sira assina deit surat, hirak nebé mak sei servisu makas ne’e mak Técnico sira, haktuir Presidente Comferência Episcopal Timorense (CET), Dom Basilio do Nasimento.

Relaciona ho implemetação Presidente (CET) Dom Basilio do Nasimento hateten katak: kona ba área implementação nian nee hau bele dehan buat hotu-hotu prioridade maibé, iha momento ida ne’e Igreja tenta sai complemento ida Governo nian liu-liu husi Edução e Assistência Social. Ne’e duni buat rua ne’e mak Uma Creda iha ona nia Instituições lubuk ida, Escola, Posto de Saúde no Infraestrutura, maibe importante teb-tebes ne’e mak Edução. : Sê iha tinan 20 ka 25 nia laran Edução iha Timor-Leste atinge grau ida as oituan, ita hotu contente.

Bispo Basilio hateten ohin Primeiro Ministro temi Acordo ne’e dehan katak Uma Creda sai parseiro kona ba Estado nia servisu. ne’e duni, buat hirak nebé que Uma Creda bele halo hodi complementa buat nebé que sai hanesan Estado nia actividade, Uma Creda halo, tamba hanesan Timor oan no mesak sarani.

Presidente Comferência Episcopal Timorense (CET), Dom Basilio do Nasimento ho apressia haktuir katak: hau hakarak hateten katak ideia ida ne’e mai kedas husi Eis Primeiro Ministro Dr. Mari Alcateri desde nia Governo kedas maka Dr. Alcateri koalia kona ba ida ne’e, depois Governo sira ne’e mos kaer nafatin maibe Senhor Primeiro Ministro Rui Maria de Araujo maka hetan tempo e hetan fatin, hetan biban impenha nia-an hodi Acordo entre Santa SÉ ho Timor-Leste nebé bele lao E depois ita bele dehan ida ne’e aplição Acordo Geral ida ne’e nian. A/N