shadow
Diocese de Dili > NOTÍCIAS > Articles by: Departamento Comunicação Diocese Dili

NATAL-MISSA RAI-HUN MUTIN

ANO B

 

Primeira Leitura                                                                                Is. 52, 7-10

Lia housi Livro Profeta Isaías:

Iha foho sira tutun, kmanek oin sá dame na’in sira ain! Nia mai ho de’it lia-foun kmanek, Nia mai fo hatene Maksoyn, hodi dehan ba Sião: “Liurai mak ó nia Maromak!” Rona ó nia sentinela sira be hakilar! Sira hamutuk haklalak ho ksolok, basá, sira haré ho matan rasik, Na’i fila hikas ba Sião. Uma Kreda Jerusalém, haklalak ho ksolok, basá, Na’i sei haksolok nia povo, Na’i soy duni Jerusalém. Na’i hatudu nia futar liman ba reino hotu-hotu. Rai tomak sei haré ita nia Maromak nia Maksoyn.

Maromak Futar Lia

 

Salmo Responsorial                                                                                                                                            Sal. 97 (98), 1, 2-3ab, 3cd-4, 5-6

Refrão: Rai ulun rai ikun haré ona Maromak Maksoyn!!! Repete-se

Hananu ba Na’i knananuk foun ida,

tan Nia halo buat kmanek oi-oin.

Nia liman manán funu,

Nia manán, tan Nia futar liman lulik. Refrão

 

Na’i Maromak fo tada Nia Maksoyn;

Nia hatudu Nia justiça ba nação sira;

Nia la haluha Nia domin no laran di’ak ba uma Israel. Refrão

 

Rai ikun rai ulun sasin Maromak Maksoyn.

Rai tomak hananu hawelok ita Na’i.

Iha Na’i futar oin

hananu hawelok Na’i Liurai. Refrão

 

Segunda Leitura                                                                                                                                                                                             Heb. 1, 1-6

Lia housi surat ba Hebreus sira                                                        

Maun-alin sira: Dala barak, oin-oin, Maromak ko’alia ho ita bei-ala sira; uluk hodi Profeta sira; iha tempo ikus ko’alia ho ita hodi nia Oan mane; Oan mane, Nia foti nu’udar sasán tomak nia na’in; Maromak haki’ak mundo hodi Oan mane ne’e. Nia mak ílas Maromak futar isin; Nia mak tane sasán tomak hodi lia-fuan maka’as. Kasu tiha salan nia tusan, Nia hatodan-An ona iha Maromak nia sourin kuana, iha lalehan tutun; Naran nebé Nia simu, boot liu Anjo sira hotu nian; tan ne’e, Nia boot liu Anjo sira. Tebes, ba Anjo ida nebé mak dala ruma Maromak hateten: “Ó Ha’u nia oan, Ha’u hahoris ó ohin”? Eh, “Ha’u sai Nia Aman, Nia Ha’u nia oan”? Na’i Maromak, haruka tiha Nia oan Mane boot mai iha mundo, hateten tan: “Maromak nia Anjo sira, imi sei hana’i ba Nia”.

Maromak Futar Lia

 

Aclamação                                                                                                                                                                                                                Lc. 2, 14

Refrão : Aleluia, Aleluia!!! Repete-se       

                  Loron santo ida mosu ona mai

                  Mai hotu hana’i Maromak!

                  Ohin tun mai rai, naroman boot ida! Refrão

 

Evangelho                                                                                                                                                                                                                 Jo. 1, 1-18

Na’i Jesus Cristo Nia Evangelho nu’udar São João haktuir                  

Houri uluk kedas lia-fuan iha nanis; Lia-fuan horik nanis hamutuk ho Maromak; Lia-fuan Maromak nanis. Houri uluk kedas Nia horik hamutuk ho Maromak; Maromak halo sasán hotu hodi Nia! La hodi Nia, buat ida la moris: Nia mak moris na’in! Moris ne’e mak ema nia naroman! Naroman nabilan hela iha nakukun laran, maibé nakukun la hatene Nia! Mane ida mosu mai, Maromak mak haruka: nia naran João, nia mai nu’udar sasin ida atu fó sasin kona ba naroman. Lia-fuan mak naroman lolós, naroman ida be mosu iha rai-klaran; leno ema hotu-hotu. Nia horik duni iha rai-klaran; rai-klaran Nia mak haki’ak, maibé, rai-klaran la hatene Nia! Nia mak buka ninian rasik, maibé ninian sira la simu Nia! Maibé, ema sira be simu Nia no fiar nia naran, Nia haraik kbiit atu sai Maromak oan! Ema sira ne’e laós moris housi ema nia ran, laós moris tuir ema nia isin nia hakaran, laós moris tuir ema nia hakaran, maibé sira moris housi Maromak! Lia-fuan ne’e halo tiha-an ba Mane; Nia moris duni ho ita! Ami haré tebes nia naroman, naroman ida be oan Mane mesak, simu housi nia Aman. Nu’udar oan Mane mesak ida kmanek no lós tebes! João fo sasin kona ba Nia, dehan: “Ema ida ne’e ninian mak ha’u hateten nanis ona: Ema ida nebé sei mai tuir ha’u, Nia uluk liu tiha ha’u, basá, Nia moris uluk liu ha’u!” Lós duni, housi Ninia di’ak barak tebes, mak ita simu di’ak oin-oin tuituir malu. Basá, maski ukun-fuan mai housi Moisés, graça no lialós mai housi Jesus Cristo. Ema ida ladauk haré Maromak: Oan Mane mesak horik ho Maromak Aman, Nia de’it mak haklaken Maromak mai ita!

Lia Maksoyn

JESUS NIA PRESENÇA IHA HISTÓRIA EMA NIAN

Leitura no Reflexão

NATAL-MISSA KALAN FAHE RUA /Ano B

Is. 9,2-7 ou 1-6, Sal. 95, 1-3; 11-13  Tit. 2, 11-14 Lc 2, 1-14

 

Primeira Leitura                                                                                                                                                                                           Is. 9,2-7 ou 1-6

Lia husi Livro Profeta Isaías

Iha loron hirak nebá, povo be lao iha nakukun laran, haré naroman boot ida. Ba ema sira be tur iha nakukun laran, naroman boot ida mosu ba sira. Na’I, ita mak halo nia diak sai wain, Ita mak halo nia ksolok sai boot. Ema sira ne’e laran ksolok iha ita futar oin, nudar sira haksolok tebes uainhira sira fahe ba malun riku-soin mundo nian. basá, ita halakon sira nia dadur, Ita silu tohar ema sira nia óe be hakanek povo nia kabás, hanesan iha loron Madiam nian. ema sei sunu hotu botas funu nian, ema sei sunu hotu hena sira be ran nakonu : buat hirak ne’e, sei sai ahi etun. Basá kosok oan ida moris ona mai ami, Oan mane ida too ona mai ami. Oan ne’e mak kaer óe. Ema hanaran Nia “Lia Nain boot ! Maromak kbiit wain! Aman tinan ba tinan! Dame nain! Nia ukun sei boot, Nia Dame sei lalakon iha David nia trono, iha David nia reino. Nia mak ho hahalok los nian, sei halo David nia reino metin nafatin. Houri ohin ba oin nafatin, Maromak kbiit wain mak sei halo ida ne’e.

Maromak Futar Lia.

 

Salmo Responsorial                                                                                                                                                                                   Sal. 95, 1-3; 11-13

Refrão: Ohin moris ona ita Maksoyn, Jesus Cristo ita Na’in!!! Repete-se

 

Hananu ba Na’i knananuk foun ida:

Rai-klaran tomak hananu ba Na’i!

Hananu ba Na’I, hahí Nia futar naran! Refrão

 

Kalan-loron hawelok Ita Maksoyn!

Iha povo leet hananu nia kbiit:

Tatoli ba nação tomak buat di’ak Nia halo. Refrão

 

Lalehan ho rai haksolok ba!

Tasi namuruk ho buat hotu iha laran!

Rai klês no ai-horis sei bok-an:

Ailaran tomak haksolok hananu! Refrão

 

Haksolok iha Na’i futar oin,

Nia mai tesi lia ba mundo.

Nia sei tesi lia lós ba ema,

tesi lia hanesan ba povo sira. Refrão

 

 Segunda Leitura                                                                                                                                                                                                  Tit. 2, 11-14

Lia housi São Paulo nia surat ba Tito

Oan doben sira: Maromak nia rahun-di’ak mosu mai ona, lori Maksoyn ba ema hotu-hotu.  Maromak nia rahun-di’ak hanourin ita atu hatene hamta’uk, atu husik dalan áat, atu hatene moris tuir justiça no fiar, ohin loron, wainhira ita sei hein tempo kmanek ikus nian, no wainhira ita sei hela Jesus Cristo, ita nia Maksoyn, ita nia Maromak boot nia loron. Jesus Cristo saran-An ba mate tan ita, atu hasai ita housi baut áat hotu, atu halibur ba Nia, povo ida ninian rasik, povo ida badinas teb-tebes kona ba hahalok di’ak.

Maromak Futar Lia.

 

Evangelho                                                                                                                                                                                                                  Lc 2, 1-14

Nai Jesus Cristo nia Evangelho nudar São Lucas haktuir  

Iha tempo nebá, ordem mai huis César Augusto, atu arola ema hotu-hotu. Arolamento ida ne’e mak uluk liu, uainhira Quirino mak emboot iha rai Síria. Ema hotu-hotu, ida-idak ba fó naran iha nia cidade rasik. Tan José kona ba uma kain David, nia mos husik cidade Nazaré iha Galileia atu sa’e ba Judeia, ba David nia cidade naran Belém, atu tau naran ho nia kaben Maria. Maria besik atu tur ona áhi. Uainhira sira sei iha Belém, Maria nia loron atu tur áhi too daudaun. Nia tur áhi duni, nia oan mane. Maria haneras no hatoba Nia iha balada han-fatin, basá la iha fatin oan ida ba sira, iha uma laran. Iha fatin nebá, iha bibi atan balun; sira toman ona kalan-kalan toba iha rai luan atu hein bibi. Maromak nia Anjo mosu ba sira; Maromak nia roman nabilan iha sira leet; sira hakfodak teb-tebes. Anjo dehan ba sira : “keta tauk, basá ha’u lori lia foun ida ba imi; lia ne’e sei haksolok imi hot-hotu. Ohin iha David nia cidade, moris ona ba imi, Maksoin ida; nia mak Messias, katak : “NAI”. Sinal atu hatene hetan Nia, mak ne’e : imi sei hetan kosok oan ida ho neras toba iha balada han fatin”. Teki-tekil, libur hamutuk ho Anjo ne’e, Anjo rihun ba rihun, hananu hodi hana’i Nai Maromak, hateten : “ hawelok Maromak iha lalehan tutun! Hakmatek iha rai-klaran ba ema sira be Maromak hadomi”.

 Lia Maksoyn

 

JESUS NIA PRESENÇA IHA HISTÓRIA EMA NIAN

Barak husi ita mak conhece Charles Dickens. Nia dehan hanesan ne’e: “ha’u respeita Natal no rai didiak iha ha’u nia fuan no kaer metin nafatin iha nia iha tinan tomak.” Liafuan Dickens nian ne’e fó hanoin ita katak Natal ne’e laos cerimonia rutina deit maibé biban atu reflete no sente domin Maromak nian ba ita ema. Ita tem que fiar katak Jesus moris iha ita ema ida-idak nia moris, nia mos moris hodi sai otas boot iha ita ninia moris ida-idak. Jesus moris iha familia ema nian, haforça privado ida-idak nian atu hadomi malun nafatin.

Hafoin hakat liutiha preparação atu celebra Natal iha tempo advento, ita hotu hetan duni biban hodi hasoru malun ho Cristo, naroman mundo nian. Nia mak Maromak Oan, Liafuan nebé sai ema no hela hamutuk ho ita. Maromak iha plano nebé kmanek tebes atu liberta ema hodi sai tiha hanesan ita ema exepto iha sala(pecado). Jesus moris iha familia ema nian no husi ne’e mak hasanto ema hotu iha familia nia laran tomak. Familia hotu nebé hela iha nakukun laran hetan naroman husi Maromak hanesan profeta Isaías dehan iha primeira leitura kalan ne’e nian.

Iha primeira leitura, ita rona liafuan Maromak nian liuhusi profeta Isaías. Maromak hatudu ninia inisiativa nebé boot hodi salva ema. Povo Israel sente dadaun tragedia ida nebé boot, ne’e mak “povo be lao iha nakukun laran, haré naroman boot ida. Ba ema sira be tur iha nakukun laran, naroman boot ida mosu ba sira. Na’I, ita mak halo nia diak sai wain, Ita mak halo nia ksolok sai boot”. Nebé sei resulta katak “ita halakon sira nia dadur, Ita silu tohar ema sira nia óe be hakanek povo nia kabás, hanesan iha loron Madiam nian. ema sei sunu hotu botas funu nian, ema sei sunu hotu hena sira be ran nakonu : buat hirak ne’e, sei sai ahi etun”. Ne’e mak biban nebé diak atu hateke  kosok oan ida moris ona mai ami, Oan mane ida too ona mai ami. Oan ne’e mak kaer óe. Ema hanaran Nia “Lia Nain boot ! Maromak kbiit wain! Aman tinan ba tinan! Dame nain! Nia ukun sei boot, Nia Dame sei lalakon iha David nia trono, iha David nia reino. Sira simu duni promessa salvação husi Maromak hodi haksolok iha Maromak.

Maromak dehan: “Ba ema sira be tur iha nakukun laran, naroman boot ida mosu ba sira”. Maromak promete atu lahela nonok. Nia sei salva povo hotu nebé hela iha nakukun laran.

Dalabarak mos ita moris iha laran taridu nia laran. Problema lubuk nebé mai sasurut, katuas ferik sira laran lahakmatek, labarik sira iha familia nia laran mos fuan tuku tuku. Buat importante nebé profeta Isaías hatudu mak fuan nebé nakloke ba malun atu hatur Maromak hanesan fundamento moris nian. Ne’e sai evidencia duni tamba haraik duni Nia Oan Mane mesak sai naroman ba nakukun.

Iha Segunda Leitura, ita rona testamenuho fiar nian husi São Paulo nebé dehan : “Maromak nia rahun-di’ak mosu mai ona, lori Maksoyn ba ema hotu-hotu. Nia afirma história salvação nian nebé tuir loloos ema barak hatene ona iha ninia tempo. Maibé nia koalia fila fali ba sira hodi conscencializa sira atu moris buras iha fiar ba Jesus Cristo. Maromak rasik presente iha sira nia leet hodi salva. Personagem importante hanesan Liurai David too João Baptista mosu iha Paulo nia hanorin sira atu hakbiit tan sira.

Iha Evangelho, ita rona São Lucas haktuir oinsa mak Jesus moris iha hospital natural nebé laos ho ahi, be manas maibé hatoba iha balada han fatin. Liuhusi relato ne’e; ita hetan ona naroman fiar nian katak Maromak hadomi tebes ita nune’e mak nia sacrificaan atu sai ema iha Ita Nain Jesus Cristo; hodi moris simples, moris iha balada han fatin ba libertação ema hotu nian, significa ema hotu hetan bolu ba hetan salvação tan Maromak nia domin.

 

(Assim Seja e Bem Hajam)

Mário de Oliveira Pires

Leitura no Reflexão

NATAL – MISSA KALAN FAHE-RUA

 

Primeira Leitura                                                                          Is. 9, 2-7 ou 1- 6

Lia housi Livro Profeta Isaías:                                     

Iha loron hirak nebá, povo be la’o iha nakukun laran, haré naroman boot ida. Ba ema sira be tur iha nakukun laran, naroman boot ida mosu ba sira. Na’i, Ita mak halo nia di’ak sai wa’in, Ita mak halo nia ksolok sai boot. Ema sira ne’e laran ksolok iha Ita futar oin, nu’udar sira haksolok tebes wainhira sira fahe ba malu riku-soin funu nian. Basá, Ita halakon sira nia dadur, Ita silu tohar ema aat sira nia óe be hakanek povo nia kabás, hanesan iha loron Madian nian. Ema sei sunu hotu botas funu nian, ema sei sunu hotu hena sira be ran nakonu: buat hirak ne’e, sei sai áhi-étun. Basá, kosok-oan ida moris ona mai ami, Oan-Mane ida to’o ona mai ami. Oan ne’e mak kaer óe.  Ema  hanaran Nia “Lia-na’in boot! Maromak kbiit wa’in! Aman, tinan ba tinan! Dame na’in!” Nia ukun sei boot, Nia dame sei la lakon iha David nia trono, iha David nia reino. Nia mak ho haholok lós nian, sei halo David nia reino metin nafatin. Houri ohin ba oin nafatin, Maromak kbiit wa’in mak sei halo ida ne’e.

Maromak Futar Lia.

 

Salmo Responsorial                                                                                                                                                                             Sal. 95, 1-3; 11-13

Refrão:   Ohin moris ona ita Maksoyn,

                 Jesus Cristo ita Na’in!!! Repete-se

Hananu ba Na’i knananuk foun ida:

rai-klaran tomak hananu ba Na’i!

Hananu ba Na’i, hahí nia futar naran! Refrão

 

Kalan-loron hawelok Ita Maksoyn!

Iha povo leet hananu nia kbiit:

Tatoli ba nação tomak buat di’ak Nia halo. Refrão

 

Lalehan ho rai haksolok ba!

Tasi namuruk ho buat hotu iha laran!

Rai klês no ai-horis sei bok-an:

Ailaran tomak haksolok hananu! Refrão

 

Haksolok iha Na’i futar oin,

Nia mai tesi lia ba mundo.

Nia sei tesi lia lós ba ema,

tesi lia hanesan ba povo sira. Refrão

 

Segunda Leitura                                                                                                                                                                                                    Tit. 2, 11-14

Lia housi São Paulo nia surat ba Tito

Oan doben sira: Maromak nia rahun-di’ak mosu mai ona, lori Maksoyn ba ema hotu-hotu. Maromak nia rahun-di’ak hanourin ita atu hatene hamta’uk, atu husik dalan áat, atu hatene moris tuir justiça no fiar, ohin loron, wainhra ita sei hein tempo kmanek ikus nian, no wainhira ita sei hein hela Jesus Cristo, ita nia Maksoyn, ita nia Maromak boot nia loron. Jesus Cristo saran-An ba mate tan ita, atu hasai ita housi buat áat hotu, atu halibur ba Nia, povo ida ninian rasik, povo ida badinas teb-tebes kona ba hahalok di’ak.

Maromak Futar Lia.

 

Evangelho                                                                                                                                                                                                                     Lc 2,1-14

Na’i Jesus Cristo nia Evangelho nu’udar São Lucas haktuir

Iha tempo nebá, ordem mai housi César Augusto, atu arola ema hotu-hotu. Arolamento ida ne’e mak uluk liu, wainhira Quirino mak emboot iha rai Síria. Ema hotu-hotu, ida-idak ba fó naran iha nia cidade rasik. Tan José kona ba uma-kain David, nia mos husik cidade Nazaré iha Galileia atu sa’e ba Judeia, ba David nia cidade naran Belém, atu tau naran ho nia kaben Maria. Maria besik  atu tur ona áhi. Wainhira sira sei iha Belém, Maria nia loron atu tur áhi to’o daudaun. Nia tur-áhi duni, nia Oan mane. Maria haneras no hatoba Nia iha balada han-fatin, basá, la iha fatin oan ida ba sira, iha uma laran. Iha fatin nebá, iha bibi-atan balun; sira toman ona kalan-kalan toba iha rai luan, atu hein bibi. Maromak nia Anjo mosu ba sira; Maromak nia roman nabilan iha sira leet; sira hakfodak teb-tebes. Anjo dehan ba sira: “Keta ta’uk, basá ha’u lori lia foun ida mai imi; Lia ne’e sei haksolok imi hotu-hotu. Ohin, iha David nia cidade, moris ona ba imi, Maksoyn ida; nia mak Messias, katak: “NA’I”. Sinal atu hatene hetan Nia, mak ne’e: Imi sei hetan Kosok oan ida ho neras toba iha balada han-fatin”. Teki-tekil, libur hamutuk ho Anjo ne’e, Anjo rihun ba rihun, hananu hodi hana’i Na’i Maromak, hateten: “Hawelok Maromak iha lalehan tutun! Hakmatek iha rai-klaran ba ema sira be Maromak hadomi!”.

Lia Maksoyn

 

 

Evangelho                                                                                                                                                                                                                     Lc 2,1-14

Ita dúvida uitoan katak Quirino, nu’udar governadór, haruka halo resenseamentu iha époka Jezús moris (nia sai governadór Síria nian iha tinan 6 (dK- liutiha Jezús nia moris), maski nia bele mós fó orden atu halo resenseamentu ne’ebé lori efeitu prátiku ba Palestina iha tinan sira entre 6/7 mK, altura Jezús moris). Maski nune’e, Lucas la hakerek “istória”, maibé halo teolojia no aprezenta katekeze ida kona-ba Jezús, Maromak nia Oan, ne’ebé mai hasoru ema atu aprezenta ba sira proposta ida salvasaun nian.  Ho indikasaun sira ho karákter istóriku, Lucas iha interese atu situa Jezus nia moris iha époka no espasu konkretu ida, hodi sujere katak ne’e la’ós akontesimentu ne’ebé inventa de’it, maibé buat ruma integra didi’ak iha istória no ema nia moris.

 

MENSAJEN

Indikasaun dahuluk mai husi referénsia ba Belein nu’udar fatin efetivu Jezús moris bá.  Nune’e, Lucas sujere katak, Jezús mak Mesias, husi dexendénsia David nian, ne’ebé profeta sira haklaken (kf. Miq 5,1). Sai klaru kedas katak, Jezús nia moris integra iha planu salvasaun Maromak nian ba ema sira – planu ne’ebé profeta sira haklaken no Maromak nia Povu hein ninia realizasaun. Importante mós elementu sira ne’ebé define kuadru moris nian – balada han-fatin, laiha fatin iha ospedaria, hena sira ne’ebé hodi falun kosok-oan, sasin sira akontesimentu nian (bibi-atan sira): iha pobreza, simplisidade, frajilidade mak Maromak mai hasoru ema sira atu propoin ba sira projetu ida salvasaun no ksolok nian. La’ós projetu tronu ida aas nian, ho forsa kilat nian, osan nian ka komunikasasaun sosiál nian: maibé proposta ida ne;ebé to’o ba ema nia fuan liuhusi simplisidade, frakeza no laran-maus “kosok-oan” ida nian. Hanesan ne’e mak Maromak tama iha istória, hanesan ne’e mak lójika Maromak nian. Ikusnian ita hateke ba “sasin” sira moris nian: bibi-atan sira. Sira ne’e mak ema sira ne’ebé ema hanoin nu’udar ema violentu no marjinál ka laiha importánsia, ne’ebé ho sira-nia bibi sira tama ema nia propriedade no koñesidu nu’udar ema sira ne’ebé foti ba sira-nia an bibifulun, susu-been no bibi-oan sira. Bibi-atan sira no publikanu sira ema tetu hanesan, hotuhotu lahó kapasidade atu rekoñese sira-nia salan hasoru ema seluk, nune’e, lahó kbiit atu halo reparasaun ba sira-nia salan. Lucas tau sira nu’udar “sasin” sira ne’ebé simu Jezús ne’ebé mai iha mundu. Ba sala-na’in sira-ne’e mak Jezús ne’ebé mai sai “liafoun di’ak”, simu ho ksolok: salvasaun/libertasaun to’o ona mai; horiohin ba oin ema kiak sira, ema fraku sira, ema marjinalizadu no sala-na’in sira hetan konvite atu integra an iha komunidade Maromak nia oan doben sira-nian. Maromak la hakribi ka  hewai, maibé hakarak aprezenta ba sira proposta ida salvasaun nian ne’ebé lori atu integra iha komunidade Aliansa Foun nian,komunidade Reinu nian. 

 

Hanoin kona ba ó rasik nia fiar : 

Iha Natál ita selebra Maromak Nia Mistériu boot nebé Nia atu sai hanesan ita ema. Ita hanoin kona ba Nai Maromak mai ita housi Jezus nebé halo-An hanesan ita ema baibain.  Bainhira ita hanoin kona ba Maria ho Jozé sira nia situasaun moris nian, ki’ak no seguransa la’ek, ita hahú komprende katak Maromak mai mundu hodi tulun ema ki’ak sira. Iha tempu Jezus nian, bibi atan sira ema konsidera hanesan ema foho, servisu iha loron santu, hein sira nia bibi sira iha ema rai seluk nia rai. Maske sira ema foho, sira mak simu uluk lia foun kona ba Jezus nia moris. Ema foho sira mak halekar novidade kona ba ita nia Maksoin nia moris. 

“BA MAROMAK BUAT IDA LA SUSAR”

Leitura no Reflexão ba Domingo Advento 4, Ano B

 

Primeira Leitura                                                             2 Sam. 7, 1-5, 8b-11, 16

Lia husi Livro Profeta Samuel

David horik iha nia uma,Na’i haraik tulun, nia moris hakmatek iha funu-baluk sira hotu nia leet. Liurai dehan ba Profeta Natã:”ó hare, ha’u hela iha uma ida, halo ho ai Cedro, maibé, Maromak nia aibalun(Arca) horik iha takabaluk ida nia ókos”. Natã hatán ba Liurai:”halo buat nebé ó fuan husu ba ó, basá, Na’i hamutuk ho ó”. Maibe iha kalan ne’e duni, Na’i lia tun ba Natã, dehan:” ó ba dehan ba ha’u atan David; Na’i ko’alia nune’e:  Ó mak sei halo kadunan ida mai Ha’u ,atu Ha’u horik ba?…Ha’u hasai ó housi rai balada han fatin, housi balada atan, atu ó sai Ha’u povo Israel nia ulun. Ha’u hamutuk nafatin ho ó, iha fatin hotu nebé ó la’o, hodi halakon housi ó oin, ó nia funu-baluk sira hotu. Ha’u sei halo ó naran, sai naran boot ida hanesan rai nia boot sira naran. Ha’u sei fihir fatin ida, atu Ha’u nia povo horik ba. Nia sei la hetan susar, ema áat sira sei la hanehan tan Nia hanesan uluk, wainhira Ha’u tau juiz sira iha Ha’u nia povo Israel nia oin. Ha’u sei halo ó moris hakmatek iha ó funu-baluk sira hotu oin; Na’i dehan katak, Nia sei halo uma ida ba ó. Ó uman no ukun, iha nafatin Ha’u oin. Ó nia trono metin nafatin tinan ba tinan”.

Maromak Futar Lia.

 

Salmo Resposorial                                                                                                                                                           Sal. 88 (89) 2-3, 4-5, 27, 29

Refrão: Na’i, ha’u sei hananu

              Ita laran luak tinan ba tinan!!! Repete-se

Ha’u sei hananu tinan ba tinan Na’ilaran luak,

Oan ba bei-oan,ha’u sei haklaken Nia diak

Na’i dehan:”Graça harí tinan ba tinan,

Laran mós metin iha lalehan. Refrão

 

Ha’u halo moruk ida ba Ha’u povo,

Ha’u jura ba David Ha’u atan.

Ó nia geração sei nafatin,

Ó trono nafatin tinan ba tinan. Refrão

 

Nia sei Hasa’e lia mai Ha’u,

“Ita Ha’u Aman ha’u Maromak,ha’u maksoyn”

Ha’u sei tulun nafatin nia,

Ami rua nia moruk rohan sei laek”. Refrão

 

Segundo Leitura                                                                                                                                                                                               Rom. 16, 25-27

Lia husi São Paulo nia surat ba sarani sira iha Roma

Maul-Alin sira: Maromak mak fo kbiit, atu ita nia fiar metin nafatin, tuir ha’u nia Evangelho no Na’i Jesus Cristo nia hanourin, nu’udar hatudu mistétrio subar kleur ohin loron foin fo sai. Hodi Escritura mak Maromak rohan laek haruka dehan nanis; Mistério ida ne’e fó hatene gentio sira hotu, atu sira moris tuir fiar. Ba Maromak mesak nebé matenek, hodi Na’i Jesus Cristo, ba nia, Gloria, tinan ba tinan! Amen.

Maromak Futar Lia.

 

Aclamação                                                                                                                                                                                                            Lc. 1, 38ª

Refrão : Aleluia, Aleluia!!! Repete-se

                  Na’i, atan feto mak ne’e,

                  halo tuir de’it Ita futar lia ba. Refrão

 

Evangelho                                                                                                                                                                                                           Lc. 1, 26-38

“Nai Jesus Cristo nia Evangelho nudar São Lucas haktuir”

Iha tempo neba, Nai Maromak haruka Anjo Gabriel ba cidade iha Galileia, naran Nazaré, atu koalia ho feto virgem ida, mane ida naran José, husi uma kain David, nia noiva. Feto virgem nee naran Maria. Tama tiha iha feto virgem nee nia uma, Anjo hatete: “Ave, feto kmanek wain tebes, Nai ho ita”. Rona tiha ida nee, ho laran taridu feto virgem nee hanoin iha nia laran, lia Anjo hateten, katak sa los ba nia. Nunee Anjo hatete: “Maria keta tauk! Basá, o hetan rahun diak tebes iha Maromak futar oin! O sei kous no tuur ahi oan mane ida; o sei hanaran Nia JESUS.” Oan nee sei sai ema boot ida; ema sira sei hanaran Nia, Maromak boot nia Oan! Nai Maromak sei haraik ba Oan nee, nia Aman David nia reino. Nia mak sei ukun iha uma kain Jacob! Nia ukun sei la hotu”. Maria hatan ba Anjo: “nee sei sai oinsa los? Hau la hola mane!” Anjo hatan ba: Espírito Santo sei horik ho o! Maromak nia kbiit sei hamahan o! Tan nee, Santo nebe atu moris, hanaran-An Maromak Oan! O nia parente Isabel mos kous oan mane ida, maske ferik. Nia kous fulan neen ona; nia, ida be ema hateten katak la kous, basá, ba Maroma buat ida la susar!” Nunee, Maria dehan: “Nee sa, Nai atan oan mak nee. Halo tuir Ita lia fuan ba”…………..

 Lia Maksoyn

 

Reflexão

Iha biban nee, ita hotu hamutuk sei ba reflecte Nain Feto nia experiência kona ba Maromak nia domin no kbiit nebe haraik ba Nia. Basá, ba Maromak buat ida la susar significa buat nebe ita ema la bele halo, Nai Maromak bele halo.

Semana ida nee, Uma Creda Católica hahu ona tama ona ba Domingo ba dala 4 ka Domingo ikus tempo Advento nian. Nunee, ita la sente katak celebração Natal Nai nian besik dadaun ona mai.

Maromak nia futar Lia Fuan Domingo semana nee nian convida ita hotu nudar sarani Católico tau fiar metin liu tan ba Maromak tanba, iha Maromak nia futar oin, buat ida la susar.

Ba Domingo semana ida nee, Evangelista São Lucas bolu hikas ita nobun atu saran-an tomak ba Maromak nia providência hodi colabora mos ho Maromak iha realização mistério salvação ba ema mundo tomak. Leitura sira  Domingo semana nee mos sei ajuda ita loke ita neon, ita fuan ba Nai Jesus Cristo nia lia fuan ksolok Evangelho nian.

 

Ilustrção :

Loke fuan ba Maromak

Senhor ida naran Harianto ema indonésio, haktuir nia esperiência fiar nian ida hanesan tuir mai. Nudar Católico, nia mos serviço iha ofício estado nian ida no nia hetan successo boot iha nia serviço fatin nee. Liu tiha tinan balu nia laran, nia kazamentu ho nia fen-kaben naran Lestari. Senhora Lestari nee ema protestante ida nebe serviço iha loja boot ida. Sira nain rua ikus mai decide atu simu sacramento Matrimónio tuir ritual Igreja Católica nian. Simu tiha sacramento kaben, sira hahu moris foun nudar ema kaben nain. Iha sira nia uma kain mos economicamente buat ida la kuran. Sira ba serviço loroloron hanesan baibain no sira mos la haluha cumpri sira nia fiar hanesan ema sarani. Senhora Lestari mos começa aprende no hatoman-an ho cerimónia ritual Igreja Católica nian basá, uluk nia ema protestante ida nebe la toman ho cerimónia Igreja Católica nian. Nunee, sira la kuran buat ida iha sira nia família laran. Tanto materialmente tanto espiritualmente.

Liu tiha tinan tolu sira hahu enfrenta problema ida. Problema nee nia hun mak maske sira casamento ona maibé, too momento nee mos sira seidauk hetan oan. Sira nain rua ikus mai decide atu ba konsulta iha hospital. Rezultado ikus hatudu katak senhora Lestari nia saúde la dun favorável atu sira bele hetan oan. Precisa tempo naruk no senhora Lestari tenke tuir terapia hodi bele iha possibilidade hetan fali oan. Diagnosa doutor nian nee halo sira sente laran taridu ka putus asa tan sira kal la  hetan duni ona oan.

Hasoru problema hanesan nee, sira entrega buat hotu ba Maromak. Sira continua moris hanesan família Católica ida no sira hahu halo novena ba Nain Feto, além de nee, sira mos ba vizita santuário Nain Feto nian iha fatin balu hodi comunica sira nia laran taridu nee.

Tan Maromak rona sira nia harohan hodi hatan sira nia orasaun; liu tiha tinan haat depois de diagnosa nee, senhora Lestari isin rua no ikus mai kous duni oan feto ida. Família senhor Hariyanto nian sente katak sira nia fiar no mos sira nia oração durante nee la saugate ida. Maske diagnose katak sira sei la bele hetan oan maibé liu husi oração no esforço oioin, sira bele hetan duni oan feto ida. Ida nee hanesan milagre ida nebe ita ema la espera no ita mos la bele esplica ho ita nia razão maibé, ba Maromak buat ida la susar.***

Istória hanesan nee, laos buat bosok ida maibé , nee istória kiik ida husi realidade barbarak nebe sempre acontece iha ita nia leet. Experiência nee, além de acontece ba família senhor Hariyanto ho senhora Lestari, bele mos acontece ba ita lobuk ida iha ita nia vida hanesan sarani Católico. Los duni, família balu too horas nee la hahoris oan maibé, barak mos liu husi sira nia oração no esforço, sira hetan oan. Lição murak nebe ita bele aprende hosi istoria badak nee mak; entrega ita nia susar no terus tomak ba Maromak basá, ba Maromak buat ida la susar, wainhira ita tau ita nia confiança iha deit Maromak. Naran katak ita mos halo netik esforço ruma konta ho Maromak nia tulun. Tanba nee mak iha evangelho são Lucas Domingo Advento dala 4 nian, ita sei rona Anjo nia lian ba Maria be tenik; ba Maromak buat ida la susar.

Nudar Cristão Católico, Anjo Gabriel nia lia murak nee hafanun ita hodi neon nain, reza no se tilun ba Nai Maromak Nia lian deit mak ita bele hetan tulun hosi  Maromak ba plano salvação Maromak nian ba ema ida-idak iha mundo nee.

Semana nee, ita tama ona ba Domingo ikus  tempo Advento nian. Creda Católica iha mundo rai klaran tama  dadaun ona tempo forte iha semana ikus atu celebra festa boot Natal Nai nian. Nudar ema Cristão Católico fiar nain, Maromak bolu tenik ita atu loke neon no fuan ba Maromak nia Espérito Santo basa Maromak hili ita sai sarani no hamahan nafatin ita ho nia Espírito Santo iha ita nia moris tomak. Ba ida nee, São Efrém iha nia comentário ida, hateten;  “Nai Maromak hakarak hamahan atu nune’e ita metin nafatin iha matan moris. Nunee, ita ida-idak bele hanoin katak acontecimento hotu hafunan ba ita nia moris durante ita nia vida tomak”.

Roupa obralan Natal nian ema fan rebrebo los iha Timor Plaza no iha loja sira colmera nia oin. Iha lorokraik wainhira  rai nakaras, se Ita bibi ain ba mai oitoan iha Dili laran, ita matan halai tan deit iha cidade nia sikun too leet sira, presépio modelo oioin deit. Jovem sira liliu mane no feto balun rame-rame hafutar sira nia presépio ho lampu Natal, ai funan, letra, duut, coluna bobot hodi toca música Natal ho música bajakan too kalan boot, imagem menino Jesus ho Nossa Senhor ho São José, inclui mos bibi atan ho Liurai nain tolu. Ornamento hirak nee halo ita fuan hakmatek basá, nuansa festa Natal nian forte tebtebes iha ambiente Timor. Iha foho, sarani barak mos prepara-an ho presépio modelo oioin. Pergunta ba ita mak nee; será que ita nia fuan mos ita prepara lakan nabilan hanesan presépio ka lae?

Nunee, iha biban kmanek ida nee, mai ita hanoin fali ba kotuk, ita nia istória moris nian tinan hirak nia laran nebe liu ona. Saida mak ita halo ona no buat saida mak ita seidauk halo iha Maromak nia futar oin hodi hatudu provas katak hau nee ema sarani ida. Hau mos ema criatura nebe hatene taka liman hodi reza no loke fuan ba Maromak nia Espírito Santo. Iha hakmatek laran, mai ita reflecte fali oinsá Maromak envolve-An iha ita nia moris liliu iha ita nia istória hanesan ema sarani. Presépio nee símbolo ida; Maromak mai hela iha ita nia fuan laos mai hela iha presépio nebe halo para hatudu ita nia creatividade ba ema seluk.

Wainhira ita hanoin kona ba Natal, baibain ita nia imaginação halai liu ba iha presépio sira,  missa solene, ema barak hatais hena mesak foun, sarani sira nadodon rame-rame ba missa, ema visita malu husi uma ida ba uma seluk, música Natal sira lian iha fatin hotu, Rw, Fahi Lalar, ayang bakar……………no buat seluk tan. Ba lalaok hirak nee, ita la bele dehan nee la diak maibé, ita bele dehan katak nee seidauk too atu ita compreende sentido lolos Natal nian. Dala ida tan Jesus Cristo Maksoin laos mai hoorik iha neba. Nia hakarak mai horik iha ema nia fuan nebe moos.

Reflexão nebe los liu mak; ho Natal ita hanoin no reflecte momento salvação nebe Maromak haraik mai ita iha Nai Jesus Cristo nia-an tomak. Liu husi Jesus Cristo nia Natal, Maromak hakarak hanorin ita atu hatene taka liman nodi loke neon ba Maromak basá, ba Maromak buat ida la susar (Lc 1,38).

Iha leitura sira Domingo semana nee nian, Maromak nia lia fuan hatutan mai ita tomak atu ita colabora hamutuk ho Maromak nia Espírito Santo atu bele realiza salvação ba mundo ida nee. Nunee, enquanto ita fiar metin ba Maromak então Espírito Santo sei hamahan ita no hametin ita fiar tan ita mos hetan confiança iha Maromak nia futar oin.

Iha Evangelho São Lucas nian, ita sei rona figura feto nain rua nebe sei sai hanesan exemplo ba ita nia moris tomak. Figura ida uluk mak Nain Feto virgem Maria nebe atu hakous Jesus Cristo. Tuir fali, figura ida seluk mak Santa Izabel, João Baptista nia inan.  Virgem Maria hetan kbiit husi Espírito Santo hodi hakous Jesus Cristo maske nia saran-an tomak ba Maromak hodi la moris hamutuk ho ninia laen São José.

Tuir fali, Santa Izabel, maske ferik ona maibé, tan deit nia fiar, Maromak hatan nia oração hodi haraik kbiit Espírito Santo ba nia hodi hakous João Baptista nebe sei sai Maromak nia manu-ain hodi bolu ema hotu hakribit salan. Lia fuan murak hirak nee tomak, sai hanesan referência atu ita colabora nafatin ho Maromak nomos hodi justifica ka hatudu provas katak ba Maromak buat ida la susar.( Lc 1,38).

Iha segunda leitura Domingo semana nee nian, são Paulo iha nia carta ba sarani sira  iha Roma hakerek hodi hateten lia fuan tuir mai: Maun alin sira: Maromak mak fo kbiit, atu ita nia fiar metin nafatin.(Cf Rm 16,25).

Iha Bíblia Antigo Testamento nian, liliu iha livro siracide nian descreve momos  visão negativa ida katak “liu husi feto ida (EVA) mak pecado tama iha mundo no tanba nia duni mak ita hotu tenke mate”(Sir 25,24).

Maibé, ita mos keta haluha katak liu fali husi feto ran ida be Maromak fihir nanis mak Maromak Oan incarna-An hodi  hola isin hanesan ita ema ao mesmo tempo hatudu Maromak nia mistério boot, mistério salvação nian. Maromak nia vontade nee hakarak justifica fila fali katak Maromak la husik ema mout klean iha sala laran no Maromak mos hakarak renova fali dignidade EVA nian liu husi ita NAIN FETO nia hatan ba Maromak nia plano salvação.

Acontecimento milagroso hirak nee dala ida tan hakarak comprova duni katak ba MAromak buat ida la susar. Basta ita fiar deit hodi colabora ho Maromak nia plano tomak maka ita mos sei hola parte iha Reino Lalehan wainhira ita husik mundu ida nee.

Nain Feto nia vida exemplar hanorin mos ita atu keta tauk hodi rona Maromak lian. Nudar Anjo são Gabriel hateten ba Maria iha Evangelho katak; “keta tauk’.  Wainhira ita halakon ita nia tauk hodi kolabora ho Maromak então, automaticamente ita mos sei saran-an tomak ba Maromak nia providência ka Maromak nia plano tomak ba mundo nia salvação. Exemplo concreto nudar virgem Maria hateten rasik ba Anjo são Gabriel dehan; “nee sa Nai..!  atan oan mak nee, halo tuir deit ita hakarak ba”.

Acontecimentos milagroso sira nudar haktuir iha Antigo Testamento nomos Novo Testamento prepara hela ita nobun ba impossibilidade sira seluk nebe sei acontece. Natal nebe ita celebra hamutuk tinan nee, la seluk mos ho Natal nebe ita celebra ona iha tinan hirak liu ba kotuk. Natal hanesan mos ita sei celebra iha tinan hirak oin mai. Se nunee, Natal nee acontecimento baibain ida basá, husi ita nia parte ita  seidauk fo valor ba Natal nee nia sentido rasik. Ita toman liu halo presépio hodi hafutar murak oioin maibé ita nia presépio fuan nia nian seidauk halo Maromak nia hakarak hanesan Nian feto nia lian hatan ba Anjo.

Figura Bíblica sira tuir mai, sai hanesan exemplo kona lia fuan BA MAROMAK BUAT IDA LA SUSAR; Sara, Abrão nia fen-kaben ho kbiit Maromak nia Espírito Santo nian bele kous nia oan sira iha idade nebe ferik ona. Manoah nebe taka liman harohan ba Maormak loron-kalan too ferik tiha ona mak Maromak foin hatan nia oração hodi haraik oan mane ida naran Samson (Cf Juizes 13, 2-3). Samson nee tuir mai sai defensor ba ema Israel sira nebe ema filisteu sira halo terus. Nunee, ba Maromak buat ida la susar. Santa Izabel são João Baptista nia inan iha Novo Testamento mos hakous João Baptista iha idade nebe ferik ona.

Dala ida tan; ba Maromak buat ida la susar. Evento milagroso hirak nee tomak esclarece mos katak ita nia vida ida nee la lao nunee deit maibé Espirito Santo mak fo kbiit.

Lição kmanek nebe sai hanesan bukae ba ita nia preparação espiritual iha Domingo ikus Advento nian nee mak:

  • Ita hadia dadaun presépio iha ita idaidak nia uma maibé ita mos precisa hadia ita nia presépio iha ita nia fuan.
  • Presépio sira sai hanesan sinal exterior/ sinal liur maibé presépio nee sei sa kmanek wainhira ita hafutar ita nia klamar liu husi sacramento confessa no halo morin ita klamar liu husi missa santa. Ba ida nee profeta Natã iha primeria leitura hateten ba liurai David dehan;”halo buat nebe o fuan husu ba o, basá Nai Maromak hamutuk ho o”.
  • Nudar sarani nebe kaer metin iha virtude Uma Kreda nian iha Fé, Esperança no Caridade. Lalaok NAIN FETO nian nebe saran-an, tau confiança tomak iha Maromak no hatan ba Maromak nia convite hodi hateten lian nee; nee sa Nai atan oan mak nee, halo tuir deit ita hakarak”. Basá, ba Maromak buat ida la susar. Ho lia fuan seluk dehan BAGI TUHAN SEGALANYA MUNGKIN.
  • Ikus liu, mai ita enfeita ita nia presépio klamar nian laos ho tua sabu, laos ho lia fuan tolok, baruk ten, odio malu, no kan ten maibé, mai ita hafutar ita klamar ho deit Maromak nia Espírito Santo. Iha Maromak nia futar oin buat ida la susar. Nudar ema Cristão Católico, ita tau fiar iha se los?

Loke laran ba Maromak iha tempo Advento ida nee hanesan música missa nebe baibain ita hananu dehan: MAI MAI NAI JESUS! LALAIS HIIT-AN MAI, RAI NEE MATE MALIRIN, AMI KLAMAR LAKON NIA MANAS. Pergunta ida tan mk nee; se Jesus hiit-An lalais tiha mai, ita prepara ona ka lae. Keta halo ita seidauk prepara karik? Keta halo ita prepara presépio, sapato foun kalsa foun oioin maibé keta klamar seidauk foun karik?

Ba ida nee, Salmo Domingo uluk nian mos hahisik aten brani mai ita nobun ho lia fuan murak nee: ”Nai, ami Maromak, halo ami fila, hatudu ita futar oin mai ami, ami hetan maksoyn”.

 

Ornai, 19/12/2017(Ignas Lopes).

IV Domingo, Tempo Advento

Ano B

 

Premeira Leitura                                                          2 Sam. 7, 1-5, 8b-11, 16

Lia housi Livro Profeta Samuel

David horik iha nia uma, Na’i haraik tulun, nia moris hakmatek iha funu-baluk sira hotu nia leet. Liurai dehan ba Profeta Natã: “Ó haré, ha’u hela iha uma ida, halo ho ai Cedro, maibé, Maromak nia aibalun (Arca) horik iha takabaluk ida nia ókos”. Natã hatán ba liurai: “Halo buat nebé ó fuan husu ba ó, basá, Na’i hamutuk ho ó”. Maibé, iha kalan ne’e duni, Na’i lia tun ba Natã, dehan: “Ó ba dehan ba Ha’u atan David; Na’i ko’alia nune’e: Ó mak sei halo kadunan ida mai Ha’u, atu Ha’u horik ba? … Ha’u hasai ó housi rai balada han fatin, housi balada atan, atu ó sai Ha’u povo Israel nia ulun. Ha’u hamutuk nafatin ho ó, iha fatin hotu nebé ó la’o, hodi halakon housi ó oin, ó nia funu-baluk sira hotu. Ha’u sei halo ó naran, sai naran boot ida hanesan rai nia boot sira naran. Ha’u sei fihir fatin ida, atu ha’u nia povo horik ba. Nia sei la hetan tan susar, ema áat sira sei la hanehan tan nia hanesan uluk, wainhira Ha’u tau juiz sira iha Ha’u nia povo Israel nia oin. Ha’u sei halo ó moris hakmatek iha ó funu-baluk sira hotu oin; Na’i dehan katak, Nia sei halo uma ida ba ó. Ó uman no ó ukun, iha nafatin Ha’u oin. Ó nia trono metin nafatin tinan ba tinan”.

Maromak Futar lia.

 

Salmo Responsoria                                                                                                                                                          Sal. 88 (89) 2-3, 4-5, 27, 29

Refrão: Na’i, ha’u sei hananu

                Ita laran luak tinan ba tinan!!! Repete-se

Ha’u sei hananu tinan ba tinan Na’i laran luak,

oan ba bei-oan, ha’u sei haklaken Nia di’ak

Na’i dehan: “Graça harí tinan ba tinan,

laran mós metin iha lalehan. Refrão

 

Ha’u halo moruk ida ho Ha’u povo,

Ha’u jura ba David Ha’u atan.

Ó nia geração sei nafatin,

ó trono nafatin tinan ba tinan. Refrão

 

Nia sei hasa’e lia mai Ha’u,

“Ita ha’u Aman, ha’u Maromak, ha’u Maksoyn”

Ha’u sei tulun nafatin nia,

ami rua nia moruk rohan sei laek”. Refrão

 

Segunda Leitura                                                                                                                                                                                          Rom. 16, 25-27

Lia housi São Paulo nia surat ba sarani sira iha Roma

Maun-alin sira: Maromak mak fó kbiit, atu ita nia fiar metin nafatin, tuir Ha’u nia Evangelho no Na’i Jesus Cristo nia hanourin, nu’udar hatudu mistério subar kleur ohin loron foin fó sai. Hodi Escritura mak Maromak rohan laek haruka dehan nanis; Mistério ida ne’e, fó hatene ba gentio sira hotu, atu sira moris tuir fiar. Ba Maromak mesak nebé matenek, hodi Na’i Jesus Cristo, ba Nia, glória tinan ba tinan! Amen.

Maromak Futar Lia

 

Aclamação                                                                                                                                                                                                                Lc. 1, 38ª

Refrão : Aleluia, Aleluia!!! Repete-se

                  Na’i, atan feto mak ne’e, halo tuir de’it ita futar lia ba. Refrão  

 

Evangelho                                                                                                                                                                                                             Lc. 1, 26-38

Na’i Jesus Cristo nia Evangelho nu’udar S. Lucas haktuir

Iha tempo nebá, Na’i Maromak haruka Anjo Gabriel ba cidade iha Galileia, naran Nazaré, atu ko’alia ho feto virgem ida, mane ida naran José, housi uma-kain David, nia noiva. Feto virgem ne’e naran Maria. Tama tiha iha feto virgem ne’e nia uma, Anjo hateten: “Ave, feto kmanek wa’in tebes, Na’i ho ita”. Rona tiha ida ne’e, ho laran taridu feto virgem ne’e hanoin iha nia laran, lia Anjo hateten, katak sá lós ba nia. Nune’e Anjo hateten: “Maria keta ta’uk! Basá, ó rahun-di’ak tebes iha Maromak futar oin! Ó sei ko’us no tur-áhi oan mane ida; ó sei hanaran Nia JESUS. Oan ne’e sei sai ema boot ida; ema sira sei hanaran Nia, Maromak Boot nia Oan! Na’i Maromak sei haraik ba Oan ne’e, nia Aman David nia reino. Nia mak sei ukun iha uma-kain Jacob! Nia ukun sei la kotu”. Maria hatán ba Anjo: “Ne’e sei sai oin sá lós? Ha’u la hola mane!” Anjo hatán ba nia: “Espírito Santo sei horik ho ó! Maromak nia kbiit sei hamahan ó! Tan ne’e, Santo nebé atu moris, hanaran-An Maromak Oan! Ó nia parenti Isabel mos ko’us oan mane ida, maski ferik. Nia ko’us fulan neen ona; Nia, ida be ema hateten katak la ko’us, basá, ba Maromak buat ida la susar!” Nune’e, Maria dehan: “Ne’e sá, Na’i atan oan mak ne’e. Halo tuir Ita lia-fuan ba”.

Lia Maksoyn.

Sábado, III Semana do Tempo Advento

ANO B

 

Primeira Leitura                                                                      Mal. 3. 1-4, 23-24

Lia housi Profecia Malaquias nian

Na’i Maromak lia tun nune’e: “Hau sei haruka Ha’u nia manuain, atu hadi’a dalan iha Ha’u oin. Teki-tekir sei tama iha Nia templo Na’i nebé ami hein ho laran manas, anjo moruk nian nebé imi hanoin tebes. Nia mak mai neba, Na’i hot-hotu nian lia tun. Maibé sé lós bele tahan loron nebé Nia hi’it-An mai? Bele hamriik metin wainhira Nia mosu mai? Nia hanesan ahi ema tuku besi nian, hanesan mós lixivia ema fase hena sira nian.

Nia sei tur atu halo neuen hodi hamos. Nia sei hamos Levi nia oan sira, sei tiri sira didiak lós hanesan ema tisi osan mean no mutin. Nune’e sira bele hasa’e ba Na’i Maromak buat-karan ida di’ak liu tebes duni. Hafoin, Judá no Jerusalém nia buat-karan sei haksolok Na’i, hanesan houri uluk, hanesan iha tinan uluk liu nian. Ha’u sei haruka ba imi profeta Elias, molok Na’i nia loron to’o, loron ne’e boot no maka’as liu. Nia sei halo aman no oan sira fó laran ba malu atu Ha’u la bele hakanek rain ho malisan”.

Maromak Futar Lia.

 

Salmo Responsorial                                                                                                                       Sal. 24(25). 4bc-5ab, 8, 9, 10, 14 (R. Lc. 21. 28)

Refrão : Foti imi ulun ba, imi maksoyn besik dadaun!!! Repete-se

Na’i, halo ha’u hatene Ita dalan,

Hanourin Ita dalan mai ha’u.

Dada ha’u tuir Ita nia lialós,

Basá Ita, ha’u nia Maromak no Maksoyn. Refrão

 

Na’i di’ak no lós.

Lori ema maksalak sira fila ba dalan,

Hatudu dalan ba ema haraik-an sira iha justiça,

Ba ema kiak sira, Nia leno sira ain fatin. Refrão

 

Na’i Nia dalan mak graça no laran metin,

Ba sira nebé halo tuir Nia ukunfuan,

Na’i bolu ba rasik liu Nia graça,

Sira be hamta’uk Nia hodi fó hatene

Nia moruk ba sira. Refrão

 

Aclamação                                                                                          

Refrão : Aleluia, Aleluia!!! Repete-se       

                  Liurai povo hotu bian, fatuk inan Kreda nian,

                  Hi’it-An mai soi ema be Ita halo housi rai rahun. Refrão

 

Evangelho                                                                                                                                                                                                         Lc. 1. 57-66

Na’i Jesus Cristo nia Evangelho nudar São Lucas haktuir

Iha tempo neba, loron to’o ona Isabel tur-ahi oan mane ida. Nia maluk no parente sira hatene katak Na’i hatudu laran-luak boot tebes ba nia. Sira mós haksolok ho la ne’e.

Liu tiha loron ualu, sira mai halo circuncisão ba kiikoan no hakarak hanaran nia ho nia aman naran Zacarias. Maibé nia inan hatan dehan: “La bele! Sei hanaran nia João”. Sira dehan ba nia: “Maibé la iha ó nia parente ida ho naran ne’e”.

Sira housi sinal husu ba nia aman oinsá lós nia hakarak hanaran kiikoan. Aman husu aikabelak ida hodi hatan ho hakerek; “Nia naran mak João”. Ema hotu hakfodak. Nia ibun nakloke kedas, nia nanal mós mamar, hahu ko’alia hawelok Maromak. Nia maluk sira hotu hamta’uk wain.

Hafoin iha Judeia foho leten sira tomak, ema haktuir buat hirak ne’e hotu. Sira be rona ema haktuir buat hirak ne’e, rai didi’ak iha sira laran hodi hateten; “Kiikoan ne’e sei sai sé lós?”. Tebes duni, Na’i futar liman hamahan nia.

Lia Maksoyn

Leitura & Reflexão IV Domingo Advento

Primeira Leitura                                                                                                                                                                    2 Sam. 7, 1-5, 8b-11, 16

Lia housi Livro Profeta Samuel

David horik iha nia uma, Na’i haraik tulun, nia moris hakmatek iha funu-baluk sira hotu nia leet. Liurai dehan ba Profeta Natã: “Ó haré, ha’u hela iha uma ida, halo ho ai Cedro, maibé, Maromak nia aibalun (Arca) horik iha takabaluk ida nia ókos”. Natã hatán ba liurai: “Halo buat nebé ó fuan husu ba ó, basá, Na’i hamutuk ho ó”. Maibé, iha kalan ne’e duni, Na’i lia tun ba Natã, dehan: “Ó ba dehan ba Ha’u atan David; Na’i ko’alia nune’e: Ó mak sei halo kadunan ida mai Ha’u, atu Ha’u horik ba? … Ha’u hasai ó housi rai balada han fatin, housi balada atan, atu ó sai Ha’u povo Israel nia ulun. Ha’u hamutuk nafatin ho ó, iha fatin hotu nebé ó la’o, hodi halakon housi ó oin, ó nia funu-baluk sira hotu. Ha’u sei halo ó naran, sai naran boot ida hanesan rai nia boot sira naran. Ha’u sei fihir fatin ida, atu ha’u nia povo horik ba. Nia sei la hetan tan susar, ema áat sira sei la hanehan tan nia hanesan uluk, wainhira Ha’u tau juiz sira iha Ha’u nia povo Israel nia oin. Ha’u sei halo ó moris hakmatek iha ó funu-baluk sira hotu oin; Na’i dehan katak, Nia sei halo uma ida ba ó. Ó uman no ó ukun, iha nafatin Ha’u oin. Ó nia trono metin nafatin tinan ba tinan”.

Maromak Futar lia.

 

Salmo Responsorial                                                                                                                                                             Sal. 88 (89) 2-3, 4-5, 27, 29

Refrão : Na’i, ha’u sei hananu Ita laran luak tinan ba tinan!!! Repete-se

Ha’u sei hananu tinan ba tinan Na’i laran luak,

oan ba bei-oan, ha’u sei haklaken Nia di’ak

Na’i dehan: “Graça harí tinan ba tinan,

laran mós metin iha lalehan. Refrão

 

Ha’u halo moruk ida ho Ha’u povo,

Ha’u jura ba David Ha’u atan.

Ó nia geração sei nafatin,

ó trono nafatin tinan ba tinan. Refrão

 

Nia sei hasa’e lia mai Ha’u,

“Ita ha’u Aman, ha’u Maromak, ha’u Maksoyn”

Ha’u sei tulun nafatin nia,

ami rua nia moruk rohan sei laek”. Refrão

 

Segunda Leitura                                                                                                                                                                                       Rom. 16, 25-27

Lia housi São Paulo nia surat ba sarani sira iha Roma

Maun-alin sira: Maromak mak fó kbiit, atu ita nia fiar metin nafatin, tuir Ha’u nia Evangelho no Na’i Jesus Cristo nia hanourin, nu’udar hatudu mistério subar kleur ohin loron foin fó sai. Hodi Escritura mak Maromak rohan laek haruka dehan nanis; Mistério ida ne’e, fó hatene ba gentio sira hotu, atu sira moris tuir fiar. Ba Maromak mesak nebé matenek, hodi Na’i Jesus Cristo, ba Nia, glória tinan ba tinan! Amen.

Maromak Futar lia.

 

Evangelho                                                                                                                                                                                                           Lc. 1, 26-38

Na’i Jesus Cristo nia Evangelho nu’udar S. Lucas haktuir

Iha tempo nebá, Na’i Maromak haruka Anjo Gabriel ba cidade iha Galileia, naran Nazaré, atu ko’alia ho feto virgem ida, mane ida naran José, housi uma-kain David, nia noiva. Feto virgem ne’e naran Maria. Tama tiha iha feto virgem ne’e nia uma, Anjo hateten: “Ave, feto kmanek wa’in tebes, Na’i ho ita”. Rona tiha ida ne’e, ho laran taridu feto virgem ne’e hanoin iha nia laran, lia Anjo hateten, katak sá lós ba nia. Nune’e Anjo hateten: “Maria keta ta’uk! Basá, ó rahun-di’ak tebes iha Maromak futar oin! Ó sei ko’us no tur-áhi oan mane ida; ó sei hanaran Nia JESUS. Oan ne’e sei sai ema boot ida; ema sira sei hanaran Nia, Maromak Boot nia Oan! Na’i Maromak sei haraik ba Oan ne’e, nia Aman David nia reino. Nia mak sei ukun iha uma-kain Jacob! Nia ukun sei la kotu”. Maria hatán ba Anjo: “Ne’e sei sai oin sá lós? Ha’u la hola mane!” Anjo hatán ba nia: “Espírito Santo sei horik ho ó! Maromak nia kbiit sei hamahan ó! Tan ne’e, Santo nebé atu moris, hanaran-An Maromak Oan! Ó nia parenti Isabel mos ko’us oan mane ida, maski ferik. Nia ko’us fulan neen ona; Nia, ida be ema hateten katak la ko’us, basá, ba Maromak buat ida la susar!” Nune’e, Maria dehan: “Ne’e sá, Na’i atan oan mak ne’e. Halo tuir Ita lia-fuan ba”.

Lia Maksoyn

 

MENSAJEN 

Aprezenta tiha “ambiente” kuadru nian, Lucas aprezenta diálogu entre Maria no anju. Sira nia dada-lia hahú ho anju nia saudasaun. Iha anju nia ibun ita hetan espresaun sira iha Testamentu Tuan liga ho kontestu eleisaun, vokasaun no misaun. Nune’e liafuan “ave” (iha gregu “kaire”) la’ós de’it saudasaun ida: nia halian fali anúnsiu salvasaun ba “Siaun nia oanfeto” –figura fraka no delikada ne’ebé personifika Povu Israel, ne’ebé iha ninia frakeza Maromak aprezenta salvasaun no nia sei fó sasin iha povu hotu nia oin (kf. 2 Re 19,21-28; Is 1,8;12,6; Jer 4,31; Sof 3,14-17). Espresaun “nakonu ho grasa” signifika katak Maria mak objetu predilesaun no domin Maromak nian. Espresaun seluk “Na’i ho ita” mak espresaun ida ne’ebé mosu beibeik iha relatu sira vokasaun nian iha Testamentu Tuan (kf. Ex 3,12 – vokasaun Moisés nian; Jz 6,12 – vokasaun Gedeão nian; Jer 1,8.19 – vokasaun Jeremias nian) no serve atu asegura ba ida ne’ebé simu bolun Maromak nia tulun iha misaun ne’ebé husu ba nia. Iha ita-nia oin iha relatu Maria nia vokasaun nian, ho proposta ida mai husi Maromak ne’ebé husu husi Maria resposta klara ida. Maromak propoin ba Maria atu nia sai inan ba “oan-mane” espesiál ida… Uluknanai dehan ba nia katak oan-mane ne’e sei hanaran “Jezús”. Naran ne’e signifika “Maromak salva”. Aleinde ne’e, “oan-mane” ne’e mak “Maromak Aas nia Oan-mane”, ne’ebé sei foti nia aman David nia “tronu no nia ukun rohan laek”. Anju nia liafuan sira lori ita ba 2 Sm 7 no ba promesa Maromak halo ba liurai David liuhusi profeta Nathan nia liafuan sira. “Oan-mane” ne’e mak mesiaa libertadór. Buat ne’ebé propoin ba Maria mak atu nia aseita sai “mesias” ne’e nia inan, mesias ne’ebé Israel hein, libertadór ne’ebé Maromak haruka ba nia Povu atu oferese salvasaun definitiva. Oinsá Maria hatán ba Maromak nia projetu? Maria nia resposta hahú ho objesaun ida… Objesaun halo parte ba relatu vokasaun nian iha Testamentu Tuan (kf. Ex 3,11; 6,30; Is 6,5; Jer 1,6). Ne’e reasaun naturál ida husi ema ne’ebé simu bolun, tanba hakfodak ho kompromisu ida boot liu; maibé liuliu, ne’e mak forma ida atu hatudu Maromak nia kamnek no kbiit, ne’ebé maski ema nia frajilidade no limitasaun, halo sira sai instrumentu ninia salvasaun nian iha ema no mundu nia leet. Iha “objesaun” nia oin, anju garante ba Maria katak Espíritu Santu sei hamahan nia ho ninia lalatak. Espíritu hanesan haraik ba juíz sira (Oteniel – kf. Jz 3,10; Gedeão – kf. Jz 6,34; Jefté – kf. Jz 11,29; Sansão – kf. Jz 14,6), ba liurai sira (Saul – kf. 1 Sm 11,6; David – kf. 1 Sm 16,13), ba profeta sira (kf.  Maria, profetiza Aarão nia feton – kf.  Ex 15,20; katuas sira de Israel nian – kf.  Nm 11,25-26; Ezequiel – kf.  Ez 2,1; 3,12; Trito-Isaías – kf.  Is 61,1), atu sira bele sai prezensa efikás Maromak nia salvasaun iha munudu nia klaran. “Lalatak” eh “kalohan” lori ita mós, ba “koluna kalohan nian” (kf.  Ex 13,21) ne’ebé akompaña Maromak nia Povu iha rai-fuik maran, hodi leno sira iha dalan ba Rai Prometida liberdade no moris foun nian. Pontu mak ne’e: maski Maria iha frajilidade sira, Maromak sei mai iha mundu, liuhusi nia, atu oferese salvasaun ba ema hotu. Relatu remata ho resposta finál Maria nian: “ha’u mak Na’i nia atan de’it; halo mai ha’u tuir Ita nia Liafuan bá”. Afirma an nu’udar “atan” signifika, la’ós de’it haraik-an, maibé rekoñese an katak Maromak mak hili nia no aseita hilin ne’e ho buat hotu ne’ebé implika husi hilin ne’e – basá, iha Testamentu Tuan, sai “Na’i nia atan” mak títulu ida glória nian, rezerva ba sira ne’ebé Maromak hili, ne’ebé nia tau ketak ba ninia servisu no haruka ba mundu ho misaun ida (naran Na’i nia atan mosu iha Deutero-Isaías – kf. Is 42,1; 49,3; 50,10; 52,13; 53,2.11 – iha referénsia ba figura enigmátika “atan Jahwéh nian”). Nune’e, Maria rekoñese katak Maromak hili nia, aseita ho disponibilidade hilin ne’e no manifesta ninia dispozisaun atu kumpre, ho fidelidade, Maromak nia projetu.

 

Hanoin kona ba ó rasik nian fiar:  

Hanesan Ita besik ona Natál, Evanjéliu muda hosi parte nebé Joaun Baptista halo hodi prepara ita ba Jezus iha istória Anunsiasaun nian. Istória Anunsiasaun nian dehan mai ita katak Jezus mai iba ta hosi Maromak. Evanjéliu ne’e hatudu Maria ba ita, hanesan primeiru disípulu Jezus nian, nebé hatán “sin” ba simu Maromak nia planu. Maria feto di’ak teb-tebes ida. Nia sente laran taridu no ta’uk hodi simu responsabilidade ne’e. Bainhira nia hatán “sin” ba Maromak nia pedidu nia hatudu katak nia hakarak moris ho fiar no hala’o duni servisu ho Maromak. Sira prontu atu servisu hamutk ho Maromak. Nia hatene katak Maromak nia hakarak ba nia hanesan mós ba ema seluk tomak. Wainhira Maria hatán “Sin” ba Maromak, nia simu dame iha nia laran no iha nia neon. Maromak hakarak mós ita nia kolaborasaun. Bainhira ita halo buat nebé Maromak hakarak, ita halo mundu ne’e sai fatin di’ak no ksolok ba moris.    Hanesan Maria ho Jezus, ita bele hatán “Sin” ba Maromak, simu dezafiu atu ita bele hetan fatin iha Maromak nia Reinu.  

FAMÍLIA MAK DINAMIZADOR, CATALIZADOR NO ESTIMULANTE MAROMAK FUTAR LIAFUAN

Housi : MARCAL EVARISTO SOARES

 

 

Introdução :

          Ita senti ka lae, ita tama ona ano Liturgico B nebé hahú ona tempo Advento nian. Advento nu’udar dalan atu prepara-an simu Kosok Oan Jesus nebé ita festeja iha NATAL. Atu selebra festa Na’i halo-An ba ema (Encarnação de Deus) iha Natal ne’e, nu’udar sarani tenki hamo’os ita nia-an husi sala hotu nebé ita halo, atu nune’e ita merese duni atu hola parte iha Na’i loron moris nian. Hanesan Maria nebé hatan ba Maromak Nia konvite mak sai fator determinante ba iha realização Maromak Nia plano salvação. “Ne’e sa, Na’i nia atan oan mak ne’e. Halo tuir Ita liafuan ba!” (Lc.1,38). Maria nia hatan nakonu ho mistério ba Maromak nia bolu. Maria ladauk hatene sa mak Maromak hakarak husi nia, maibé Maria conxiente katak Maromak hakarak nia colaboração ba projeto salvação ne’e.

         Maske dificil, maibé Maria koko atu compriende no descobre Maromak nia vontade ne’e iha nia silencio tomak. Maria nia moris tomak hatudu Maromak nia vontade no colabora tebes hodi realiza Maromak nia projeto salvação. Maria nia hatan laos buat nebé facil maibé nakonu ho mistério no consequensia. Hanesan Simeão dehan: “surik ida sei sona borus ita nia fuan atu fo sai buat nebé ema barak hanoin iha sira nia laran”. (cfr. Lc.2,35). Maromak hili no fihir Maria sai Jesus Nia inan, Maromak nia inan, no ita nia inan.

         Nu’udar inan, Maria halao duni nia kna’ar atu hahoris, hakiak, habo’ot no cuida. Jesus nia presenca iha sociedade hatudu momos Maria nia dedicação hodi hanorin no educa Jesus. Família sai fatin previlegio atu hetan valores moris nebé guia no orienta oan ba futuru. Maria nia hanorin no educação ba Jesus ne’e hetan apreciação husi ema wain. Iha Evangelho S. Lucas hateten nune’e: feto ida husi ema lubun sira le’et foti lia dehan: “ksolok ba knotak nebé kous Ita, no hirus matan nebé fo susuben ba Ita” (cfr. Lc.11,27). Pasagem ne’e hatudu momos katak Maria nia involvimento significante tebes ba iha Jesus nia formação no educação.

 

Oin sa ho família moderno sira nia moris iha mundo globalizado ne’e?

          Globalização nu’udar proceso husi tempo ba tempo, husi etapa ba etapa, neneik maibé bei-beik halo mundo ne’e sai ki’ik no halo buat hotu transparante no laiha buat ida nebé subar husi ema nia matan. Buat hotu nakloke, do’ok sai besik, difisil sai fasil, katak buat nebé imposivel bele sai posivel.

  1. Mundo laos ona kabuar maibe mundo agora tetuk deit ou world is flat (Thomas Friedson)

          Mundo kabuar halo ema bele ses-an husi ema seluk nia hare. Maibé ohin loron, matenek nain balun liu-liu Thomas Friedson hateten katak mundo laos ona kabuar maibé tetuk deit (world is flat). Expertu ne’e hateten katak tan mundo ne’e tetuk deit mak laiha buat ida nebé bele subar husi ema nia matan. Buat hotu sai transparan, nakloke no laiha buat ida nebé taka an ou subar. Tan buat hotu mesak transparan no laiha buat ida mak subar, jestu no estilo moris mós sai transparan. Buat hotu nakloke no laiha tan buat ruma mak segredo. Mosu ideologia oi-oin nebé hatur ema sai objeto ba desemvolvimento hotu. Ideologia consumerismo lori ema sai ema ka’an ten no hakarak han buat hotu. Utiliza ema sai objeto no atan ba ema seluk atu hetan lukro nebé hamosu capitalismo iha sociedade nebé mosu gap kiak no rico. Hedonismo lori ema fo gostu ba isin lolon hodi hamosu sexo livre nebé ema nia dignidade hanesan ho animal sira. Fo prioridade ba ka’an no gostu isin nian.

  1. Borderless world katak mundo laiha tan ona linha fronteira.

          Mundo ohin loron ne’e laiha tan ona linha fronteira. Naçao hotu nakloke ba informação nebé bele asesu liu husi Televisão, internet no seluk tan. Naçao hotu labele hases-an husi impaktu informação. Tevisão, telephone no internet hanesan bainaka tolu (3) nebé oras ne’e daudaun sobu família. Problema social no problema família barak mak causa husi tecnologia hirak ne’e. Tuir lolos, teknologia ne’e ajuda tebes ita iha parte ciência nian, maibé ema utiliza la tuir nia função mak hamosu impaktu nebé sobu família no sociedade. Consequensia sala utiliza tecnologia mak hamosu crime lubuk ida iha sociedade. Ezemplo utiliza tecnologia hodi halao comersio sexual, trafico humano, crimi organizado, defamação no seluk tan. Invasão tecnologia mundo moderno ohin loron perigo tebes ba ema nia sustentabilidade moris. Liu husi tecnologia, ema bele hasesu ba buat hotu no laiha ona maneira atu tais (filtru) ba buat nebé diak ou buat nebé a’at. Ema tolan tomak buat nebé iha no ikus mai ema sai atan no lakon nia dignidade iha sasan nebé ema cria rasik nia oin.

  1. Administration state only Katak naçao hela deit ona iha administração maibé labele impede ona ema nia movimento.

          Naçao ida-ida hatene nia população. População hirak ne’e bele hela iha nebé deit no bele serbisu iha fatin hotu. Identitadade no nasionalidade hela deit ba administração atu hatudu katak nia pertense ba naçao ida. Maibé buat hirak ne’e la limita ema atu bele halao nia movimento husi fatin ida ba fatin seluk, bele hela iha naçao seluk atu buka moris. Mundo nakloke ba ema hotu atu lao no hela iha fatin nebé deit nia hakarak atu moris. Ema la moris deit ona iha nia naçao maibé bele moris iha fatin nebé deit. Iha liberdade total atu hili moris iha fatin nebé deit. Hanoin local nakloke ba hanoin global katak konseitu moris haluhan liu tan atu ema nia moris ne’e nakloke liu tan.

          Hahalok hirak ne’e hatudu ema nia liberdade atu moris. Liberdade no democrasia nebé laiha limitação fo impaktu negativu ba ema nia ezistensia rasik. Liberdade no demokrasia nebé la controla bele sai ameasas ba ema nia ezistensia nu’udar criação ida nebé as liu

          Jestu moris nu’udar hakarak ida nebé iha ema ida-idak atu hatudu nia ezistensia iha sociedade ida. Nu’udar Timor oan iha nia identidade rasik konaba oin sa atu halao interação ida iha sociedade. Jestu moris ne’e bele hatudu ema nia mentalidade moris. Jestu iha hahalok, jestu iha pensamento, jestu iha interação social, no jestu iha vestuariu ou hatais. Ema la tau ona importansia ba proceso maibé hare liu mentalidade moris instante ou lalais liu. Ema la tau importansia ba isin lolon nu’udar Maromak Nia horik fatin maibé ohin loron isin lolon nu’udar instrumento estetika nebé ema utiliza nu’udar objetu ba hedonismo nian.

 

Oin sa realidade moris iha família modern ohin loron:

  1. Ida-ida preocupa ba nia serbisu

          Jestu moris ohin loron nian mak ema ida-idak preocupa ho nia moris rasik. Moris nu’udar comunhão hahú mihis. Inan no aman halao nia serbisu diaria, balun hanesan funcionario publico, balun hanesan agricultor, balun hanesan negociante, balun hanesan trabalhador iha pabrica, balun trabalhador iha construção no seluk tan. Ema moris regular no formal. Ema la preocupa ba malu. Laiha tempo atu hamutuk iha tempo han no descansa hamutuk. Ida-ida halao nia serbisu no intensidade hasoru malu no halibur hamutuk mihis liu tan. Tempo barak liu ba serbisu maibé ba halibur hamutuk menus. Ema hela besik malu maibé fuan do’ok tebes ba malu.

  1. Uma nu’udar hotel

          Jestu moris iha area urbana oin seluk ho ema nebé moris iha area rural ou foho. Tuir lolos uma nu’udar fatin atu fo mahon ba membro sira, fatin atu expressa domin ba malu, fatin atu conversa, fatin atu inan-aman no oan sira hamanas domin intima ba malu, no uma sai fatin ou lalehan ba membro família. Maibé mundo agora hatudu katak uma la halao ona nia função hanesan buat nebé ita sita ne’e. Uma agora sai fatin atu halibur hamutuk iha tempo kalan. Uma sai fatin deskansa deit iha tempo kalan, loron ida-ida halao nia moris. Uma sai hotel atu toba no rai sasan deit, maibé la sai ona fatin atu tulun malu hodi buras hamutuk iha domin. Uma lakon nia sentido lolos.

  1. Televisão nu’udar tabernaklu foun atu ema hahi no hanai loron kalan

          Laiha família ida nebé laiha televisão. Kada família sempre iha televisão, iha parabola, iha DVD, iha VCD no seluk tan. Televisão nia função mak atu hato’o informação no divertimento. Liu husi programa televisão ema bele hetan ksolok iha sira nia moris. Maske nune’e, televisão mos iha perigo tebes tamba televisão sai fali tabernaculo foun nebé ema adora fali loron no kalan. Ema susar tebes atu hamri’ik husi tu’ur fatin wainhira televisão hatudu programa interesante sira. Ema bele sai atan ba televisão no a’at liu tan mak televisão halo ema silencio total no hado’ok ema husi comunicação. Ema focu liu ba sasan mate maibé hado’ok an husi ema sira nebé haleu ita. Dala barak mak oan sira sai vitima ba televisão.

  1. Laiha tan comunicação intima

          Comunicação nu’udar meio ida atu hametin relação iha família. Comunicação dalan nebé unico atu família sira bele expresa hanoin no sentimento ba malu. Hatudu no expresa relação nebé intima entre inan-aman, inan-aman ho oan sira. Dialogo no comunicação halo ema besik malu, husi fuan ba fuan, no halo família sai unido iha hanoin no hahalok. Mundo ohin loron, lori ema hadook-an ba malu. Tecnologia comunicação halo ema dook malu maske hela besik malu. Comunicação artificial nebé halo ema la senti besik no senti dook malu. Comunicação nebé diak sempre iha nia condição hanesan nakloke ba malu, honestu, husi fuan ba fuan, respeita malu, responsabilidade no nalonu ho ksolok.

  1. Orientação moris mak osan

          Ema nia orientação moris ohin loron mak osan. Osan sai segundo Maromak iha mundo. Prinsipio economia ohin loron dehan katak tempo mak osan (time is money). Ema nia focu moris mak osan (money oriented). Osan sai alvo moris no ema halo buat hotu atu hetan osan. Osan mak objetivo ikus husi ação hotu nebé ema halo. Efeito husi osan mak halo ema foti-an, loko-an, halo-an rico, sosa buat hotu, han buat hotu, lao ba fatin hotu, hakarak buat hotu no bele sukat ema seluk nia moris ho osan. São Paulo nia surat ba Timotio hateten katak “sala nia hun mak osan (1 Tim. 6,10)

 

Oin sa hahalok mundo globalizado nia influencia ba família?

  1. Domin sei mihis entre aman ho inan, aman-inan no oan sira (Time is money)

          Ba ema funcionario sira, ba ema businessman sira tempo mak osan ou time is money. Tempo hotu, ema konsentra no focu ba serbisu atu hetan osan. Serbisu nebé makaas hodi hasae prestação serbisu no bele hetan lucro nebé bo’ot. Ho intensidade serbisu nebé as hamosu desequilivro (ketidakseimbangan) entre serbisu no responsabilidade ba familia. Fo tempo barak liu no focu makaas ba serbisu sei halakon tempo importante atu halibur hamutuk iha família. Tempo atu tuur hamutuk, tempo atu halimar ho oan sira, tempo atu hela iha família no tempo atu fahe kontenti ba malu hanesan mehi deit. Wainhira domin nebé kuda ona maibé la tau importancia no la cuida didiak bele sai ameasas bo’ot no bele lori desastre bo’ot ba unidade família nebé iha. Domin mak hakesi no hametin família nia unidade, fraternidade, tulun malu, hodi haburas família saudavel no sai família ezemplar da vida.

  1. Sei hamosu adulteiro (perselingkuhan)

          Adulteiro nu’udar consequensia husi domin nebé mihis entre inan-aman, no inan-aman ho oan sira. Laiha tan tempo atu hamutuk iha família, dificil atu hasoru malu tan ocupado iha serbisu, lori ema do’ok husi fuan ba fuan. Ema so bele hasoru malu deit iha tempo balun deit maibé barak liu iha serbisu fatin no hasoru malu bei-beik ho ema sira nebé haleu besik sira. Situação ida ne’e perigo tebes ba família nia ezistensia. Ema la domina ba nia ka’an sira mak bele afeita ba adulteiro (selingkuh).

  1. Sei hamosu violencia domestika

          Violencia domestica nu’udar ação violação fisico hasoru feto iha família nia laran. Violencia domestica consequiencia husi hahalok adulteiro sira. Violencia mosu tamba laiha tan domin entre fe’en no laen iha uma laran. Domin nebé sira hakiak iha família hahú hetan problema tan tempo no oras atu hamutuk lakon, lakon comunicação, lakon sentimento solidario ba malu no a’at liu tan mak wainhira laiha ona interese ba malu.

  1. Sei afeta ba divorsio

          Efeito husi violencia domestica mak divorcio ou soe malu. Soe malu nu’udar consequensia husi hahalok ou ação sira nebé la hatuur ona principio hadomi malu nian. Domin nebé família kuda lakon nia valor tan deit ka’an sira nebé folin laek. Divorsio ou soe malu ne’e lori consequensia bo’ot ba família liu-liu ba oan sira. Oan sira simu consequensia husi inan-aman sira nebé lakon responsabilidade nu’udar mahon ba oan sira. Oan sira sai vitima ba inan-aman nia arogansia hodi buka deit sira nia gostu. Buka previlegio deit ba sira nia serbisu, ba sira-an no sira ka’an sira. Ema dehan quem tudo quer tudo perde katak hakarak buat hotu sei lakon buat hotu.

 

Oin sa Maromak futar liafuan sai matadalan ba família nia moris iha situação ne’e?

A. FAMÍLIA MAK DINAMIZADOR BA MAROMAK FUTAR LIAFUAN

          Família mak dinamizador ba Maromak Futar liafuan. Dinamizador significa katak hamoris, bo’ok husi laran, dudu, orienta atu bele lao. Hanesan motor kareta ida bele moris no trabalha tamba iha dynamo nebé bele hamoris mesin ne’e hodi halo serbisu. Função dynamo mak atu hamoris, bo’ok husi laran, dudu husi laran no orienta atu bele trabalha. Nune’e mos hanesan família ida iha sociedade. Familia mak celula ki’ik liu iha sociedade ida. Família mak forma sociedade ida. Sociedade ida nebé saudavel, sociedade prospero, sociedade feliz, sociedade orientado ne’e mai husi família. Família sai fator determinante iha sociedade nia moris. Tamba ne’e, família iha nia papel importante ba formação sociedade digno no prospero.

          Família ne’e forma husi mane ida no feto ida wainhira hakotu lia atu moris hamutuk. Mane sei husik nia inan aman hodi hela hamutuk ho nia kaben, buat nebé Maromak tau hamutuk laiha ema ida atu haketak (cfr.Mt.19:6). Ida nebé halo ema nain rua hamutuk mak liafuan nebé tuir malu. Liafuan mak hun ba buat hotu, liafuan halo moris, liafuan bele hamosu buat laiha sai real. Maromak cria buat hotu ho liafuan (cfr.Gen,1:1). Liafuan laos foin mak iha maibé liafuan ne’e iha nanis ona. Houri uluk kedas liafuan iha nanis; liafuan horik nanis ho Maromak; liafuan mak Maromak (Jo.1,1).

          Husi sitasaun testu nebé iha hatudu momos katak liafuan bele muda buat hotu, liafuan hamoris buat hotu no liafuan orienta moris. Wainhira ema moris mai, ema hahu rona liafuan ne’e husi inan aman. Inan aman hahu hanorin oan atu koalia liafuan.  Liafuan mak fo ksolok, liafuan fo moris, liafuan hato’o hanoin no sentimentu, liafuan ekspresa ema nia ezistensia nu’udar criatura nebé as liu criatura sira seluk. Oan hahu aprende liafuan husi inan aman nudar orientador  ba moris. Inan aman sai mestri dahuluk ba oan sira no kna’ar ida ne’e ema labele troka. Kna’ar proprio nebé inan aman assume nu’udar responsabilidade ida nebé as tebes nu’udar co-creatio ho Maromak. Inan aman nia moris mak sai liafuan moris, inan aman nia hanorin sai fator determinante oan nia futuru, inan aman nia hahalok moris sai lalenok ba oan sira nia formação, inan aman mak sai ezemplar da vida iha família no sociedade.

          Tamba ne’e, Maromak forma família atu fini diak sira bele buras no naklekar iha sociedade liu husi família ki’ik ida. Maromak futar liafuan bele fo moris ba família, bele haburas família no bele habo’ot família. Oin sa Maromak futar liafuan bele hamoris, haburas no habo’ot família. Ida ne’e mak sai perguntas fundamental ba família atu hatan.\

 

Oin sa hari’i família ida nebé nakonu ho ksolok, feliz no saudavel?

  • Conxiente katak Maromak mak hari’i família ne’e.

          Maromak cria feto no mane tuir Maromak Nia ilas, sai ida deit no Maromak fo kna’ar ba sira atu tau matan ba criação sira seluk (Gen.1,26-27). Tamba ne’e, sira laos nain rua tan, maibé isin ida deit ona. Ne’e duni buat nebé Maromak tau hamutuk ema keta haketak (Mt.19,6). Maromak cria feto no mane atu tulun malu no completa malu. Maromak halo ema hanesan (principio egualidade), tulun malu no complete malu atu moris iha ksolok no felicidade.

         Família nebé rona no cuida Maromak futar liafuan. Família mak instituição social ida ne’e ki’ik liu iha sociedade no sai fundamental tebes. Família nia ksolok lolos mak rona Maromak futar liafuan no cuida iha moris tomak (Cfr.Lc.11,28). Família nebé sempre bolu Maromak nu’udar Aman (Mt.6,9) no harohan ba Aman atu haraik moris ksolok ba família (Ef.3,14-15)

         Família domin nain. Família nebé nakonu ho ksolok mak família nebé sempre pratika domin iha moris lor-loron. Banati tuir Maromak Nia hakarak hanesan Nia oan sira. Lao iha domin hanesan Cristo hanorin (Cfr.Ef.5,1-2). Moris tuir Cristo Nia hanorin no moris tuir Cristo Nia moris. Tan ne’e, ema nebé hare Cristo hare Maromak (cfr.Jo.14,9)/

  • Família nebé sacrifica-an ba malu.

          Hanesan são Paulo nia carta ba sarani sira iha Efeso hateten katak feto sira halo tuir imi nia laen nia hakarak, hanesan imi halo tuir Na’i, basa laen ida ukun nia feen hanesan Cristo ukun creda nune’e mos mane sira hadomi nia feen hanesan Cristo hadomi creda no saran nia moris tamba nia (cfr.Ef.5,22-25). Domin lolos no domin nebé bo’ot liu mak ida nebé saran nia moris ba nia belun sira (cfr.Jo.15,13). Feto sira, halo tuir imi nia laen nia hakarak hanesan iha Na’i, mane sira hadomi imi nia kaben no hare nia ho laran kmaus (Col.3,18-19). Família nebé hatene perdua malu (cfr.Mt.6,12). Sempre iha tempo ba malu no buka fatin atu hakmatek hamutuk (cfr.Mc.6,30-32). Mane sira tenki respeita nia feen sira tamba feto sira nu’udar Maromak nia criatura nebé fraku (cfr.1 Ped.3,7). Mane sira tenki conxiente katak ida nebé folin liu iha Maromak Nia oin mak fidelidade (cfr.Salmo.101,6). Feen no laen Hadomi malu hanesan hadomi nia isin lolon rasik tamba sira nain rua sai isin ida deit (Mt.19,6). Wainhira laen sira la hadomi imi no la rona Maromak futar liafuan no la cuida, saida mak feen sira tenki halo? Bíblia hateten katak hakruuk ba o nia laen, se nia la obedece ba Maromak futar liafuan karik, o bele manan nia laran la ho liafuan maibé liu husi o nia hahalok nebé sai sasin ba respeita nebé klean (cfr.1Ped.3,1-2).

  • Inan-aman sai ezemplar ba oan sira.

          Inan-aman hakuak no fo benção ba oan sira. Husik oan sira hakbesik ba inan-aman. Sempre iha tempo ba oan sira atu hamutuk. Rona oan sira nia hakarak no orienta oan sira nia moris. Hakuak no fo benção ba oan sira. Hahalok ida ne’e mak Jesus hatudu wainhira inan-aman lori labarik sira  mai hasoru Nia (cfr.Mc.10,13-16). Fo tempo atu hanorin oan sira (cfr.Deut.6,4-9). Proteze oan sira iha situação dificil (cfr.Jo.18-7-9). Fo atenção no cuida oan sira atu keta monu ba babeur (1Ptr.5,8). Hanorin oan sira husi liafuan no hahalok moris (Lc.22,24-27). Inan-aman hanorin oan sira diciplina no Na’i Nia doutrina lolos (Ef.6,4; Ebr.12,8-11)

  • Oan obidiente.

          Jesus rasik hatudu momos konaba oin sa Nia halo tuir Aman Maromak Nia hakarak. Oan nebé diak mak oan nebé halo tuir aman-inan nia hakarak no fo ksolok ba sira (cfr.Jo.8,28-29). Oan sira halo tuir inan-aman nia hakarak no hamtauk inan-aman sira nudar ukun fuan uluk no promessa nebé fo ksolok ba oan sira (cfr.Ebr.6,1-3). Halo tuir inan-aman nia hakarak lori ksolok ba família maibé halo tuir iha situação nebé dificil laos buat nebé facil (cfr.Lc.22,42). Diabo sempre buka dalan oi-oin hodi babeur oan sira atu desobedece ba inan-aman, hanesan diabo babeur Jesus iha rai fuik maran. Tan ne’e oan sira kuidadu hili belun no aktividade sira nebé lori ita ba moris los tuir Maromak Nia hakarak (cfr.1Cor.15,33).

Laen hadomi nia feen hanesan nia isin lolon rasik (Ef.5,25-29)

Feen sira hadomi família no respeita laen sira (Tito 2,4-5)

Inan-aman tenki hadomi, hanorin, proteze oan sira (Deut.6,4-9)

Oan sira halo tuir ou obedece ba inan-aman sira (Ef.6,1-3)

Laiha família nebé mak perfeitu atu hetan ksolok no feliz iha mundo ne’e. Tamba ne’e mak sempre haraik-an ba malu no husu perdão ba malu.

 

B. FAMÍLIA SAI CATALIZADOR BA MAROMAK FUTAR LIAFUAN.

          Família mak transmite Maromak futar liafuan iha sira nia moris tomak. Família sai modelo ba moris. Família espelho moris ba sociedade. Maromak futar liafuan muda ema nia moris no halo ema nia moris sai diak liu tan no perfeito liu tan. Hanesan Jesus dehan: “imi keta hanoin katak Ha’u mai atu halakon tiha ukunfuan no profeta sira;  Ha’u mai laos atu halakon maibé atu halo tuir lolos. Maski Lalehan no rai lakon, ukunfuan nia baluk ida mos sei la lakon, sei kumpri hotu” (Cfr.Mt.5:17-18). Maromak futar liafuan muda ema nia hanoin, muda ema nia moris no muda ema nia hahalok husi sala ba moris nebé los liu. Maromak futar liafuan sai masin no naroman (cfr. Mt. 5,13). Nune’e mos Maromak haruka ema, liu-liu família sira atu sai masin no naroman ba oan sira no sociedade hotu nebé sira horik-an ba. Oin sa mak família sira bele sai masin no naroman mundo nian?

Muda ita nia hanoin (change mindset). Ema matenek nain balun dehan hanesan ne’e: se o hakarak muda mundo ida ne’e, tenki muda uluk o nia hanoin. Buat hotu nebé ita halo no moris tuir mai husi ita nia hanoin. Pecado laos mai husi deit ita nia hahalok maibé mos mai husi ita nia hanoin. Jesus dehan: “ema nebé hateke feto ida hodi kaan nia, nia halo ona sala foer ho nia iha nia laran” (cfr. Mt. 5,28). Ema nebé sempre hanoin diak no hanoin los, nia sempre hatudu iha nia moris tomak. Moris ksolok no feliz ne’e tenki mai husi ema nia hanoin. Ida ne’e ema bolu inner beauty katak buat nebé bonita ne’e mai husi laran. Tamba ne’e, Maromak futar liafuan sai sasukat no base hodi muda ema nia hanoin, ema nia mentalidade no muda ema nia espirito moris nian.

          Muda mental baruk ten sai ema nebé badinas. Muda mental suspire ba mental hatene agradece. Muda mental instante ba mental hatene terus. Muda mental korupto ba mental respeit serbisu. Muda mental loko-an ba mental hatene haraik-an. Muda mental desesperado ba mental nakonu ho esperança. Muda mental hatudu liman ba ema seluk ba mental rekonhese ita nia frakeja rasik. Ikus liu, sempre kontenti haksolok ho buat nebé ita iha, agradece ba graça nebé ita simu. Hau agradece laos tamba hau kontenti maibé hau kontenti tamba hatene agradece.

Salmo 19,15 hateten katak karik liafuan sira husi hau ibun no meditação husi hau fuan no hanoin bele to’o Ita ho Na’i, hau nia fatuk inan no….

Ebr. 4,13 dehan: “laiha buat ida nebé subar husi Nia; buat hotu bele hare no nakloke deit ba Nia matan. Ba Nia ita sei hatan kona ba buat hotu”.

 

Dezemvolve hanoin foun:

          Col. 3,1-2 imi moris hi’as ona karik ho Cristo, ne’e duni imi buka buat nebé leten nian; iha nebé Cristo tur iha Maromak Nia sorin kuana; imi sei hanoin kona ba buat nebé leten nian, la’os kona ba sasan rai ne’e nian. Basa sira nebé moris tuir isin hanoin deit buat nebé isin nian, maibé sira nebé moris tuir espirito hanoin buat nebé espirito nian (cfr. Rom,8,5).

          Tamba ne’e Apostolo Paulo hanorin kona ba hanoin lolos iha Cristo. Cristo mak sai cento ba pensamento hotu-hotu. Ikus mai, maun alin sira, halo nakonu imi neon ho buat nebé los, santo, diak, mos, furak no aas. Banati tuir buat hotu nebé imi hatene ona husi ha’u no buat nebé imi hare hau halo, Maromak Nia damen sei hela ho imi (cfr. Fil,4,8). Iha ne’e Apostolo Paulo fo nutrisaun ba hanoin ou neon mak :

  • Hanoin nebé los (Truthful things). Utiliza ita nia hanoin didiak kona ba buat nebé los ou verdade. Precisa teste ita nia hanoin ho Maromak futar liafuan atu descobre Maromak Nia hakarak iha ita nia moris. Kontra buat nebé los ou verdade mak bosok no folin laek.
  • Hanoin santo (Honorable things) katak ita nian hanoin sira tenki respeita no adora Maromak, respeita ema seluk no respeita ita an rasik. Ita precisa hanoin santidade ba ita nia família, ita nia kaben, oan, parente, no ba ema hotu.
  • Hanoin diak (Right or righteous things) katak ita nia hanoin sira baseia ba buat nebé diak, buat nebé justo no buat nebé los iha Maromak Nia Reino.
  • Hanoin ho laran mos (Pure things) katak labele influencia hanoin ho buat nebé a’at ou bele halo polução moral nebé bele estraga ema nia moris tomak. Hanoin aat konaba sexualidade moris nebé akontese degradação moral.
  • Hanoin buat furak no kmanek (Lovely things) katak precisa fo nutrição ba hanoin sira nebé furak tamba bele aumenta ema nia felicidade moris tan ksolok nebé nia simu husi Maromak no ksolok ne’e duni mak nia sei fahe mos ba ema seluk.
  • Hanoin nebé nakonu ho admiração (Admirable things) katak ita nia matenek la suficiente atu bele descobr e buat hotu nebé ita nia hanoin ladauk to’o. Nia sei hela nafatin iha misterio nebé bo’ok ema nia hakarak atu hakbesik-an liu tan ba buat nebé as liu.
  • Hanoin exelente (Excellent things) katak hanoin ho kualidade liu husi estuda, le’e, involve iha aktividades sira nebé loke ita nia orizonte atu sai Maromak nia emar nebé iha kualidade moris.
  • Hanoin ho agradece (Praiseworthy things) katak hanoin nafatin ba buat diak nebé ita simu atu nune’e sempre hahi no hanai Maromak. Agradece mak hahalok haraik-an nian nebé orienta ema sempre hakesi-an iha Maromak. Hases-an husi Maromak katak ita hahú lao iha nakukun no ita sai atan ba hanoin mundo nian katak sai atan ba pecado.

Muda ita nia hahalok. Hahalok ou acto ne’e nu’udar implicação ou manifestação husi ema nia hanoin ou ema nia pensamento. Hahalok ou attitude la ses-an husi hanoin ou pensamento. Hahalok ou attitude nebé precisa hetan mudança mak sete (7) pecados social (Papa Gregorio I) tuir Catesismo Igreja Católica (CIC) artigo 1866 mak:

  • Foti-an (Kesombongan) iha lian latin “superbia” congkak ou angkuh nu’udar sala ou pecado nia hun. Naturalmente pecado mosu hahú husi ema nia foti-an. São Tomás de Aquino hateten katak hahalok hases-an husi Maromak ou husik Maromak iha nia moris nu’udar ação dahuluk husi ema nia foti-an (vaidade). Vaidade ou foti-an nu’udar hakarak ou desejo nebé aas wainhira ema senti nia-an bo’ot no aas liu; iha proseço ida ne’e ema foti-an sai Maromak ba nia-an rasik tamba rejeita atu nia hanoin no hakarak hakru’uk ba Maromak inklui mos ema hirak nebé representa atu obedece ba. Atu halakon hahalok foti-an ne’e, so bele dezemvolve deit virtude haraik-an nian. Tan ne’e, Jesus rasik dehan: “ema nebé foti-an Na’i sei hatun nia, no ema nebé haraik-an Na’i sei foti nia” (cfr.Lc.18,14).
  • Ka’an sexual (Hawa Nafsu) iha lian latin “luxuria” ka’an sexual katak hakarak ou ka’an sexual nebé aas tebes. Hahalok a’at ida ne’e kontra moris castidade. Ezemplo adulterio, masturbação, pornografia, violencia sexual, pelacuran, homoseksual, transgender. Pecado tamba asaun sexual nebé as. Atu minimiza asun sexual sira ne’e precisa dezemvolve virtude castidade no controla-an. Ema nebé hateke ba feto ida hodi ka’an nia, nia halo ona sala foer ho nia iha nia laran (cfr. Mt.5,28)
  • Ka’an ten (Rakus) iha lian latin “gula” katak hakarak ou ka’an nebé as liu ba hahan no hemu. São Tomás Aquino sita Santo Agostinho nia liafuan hakerek hanesan ne’e: ema han naan no hemu tua nebé barak liu buat nebé precisa tenki konxiente katak ne’e pecado ida. Ho razão katak virtude atu kondena hahalok ne’e mak controla-an no tahan-an. Ida ne’e nia hahalok konkretu mak jejum no abstinensia.
  • Laran moras (Iri hati) ho lian latin “invidia” nu’udar ação diskontenti ho ema seluk nia suceso ou ema seluk nia sasan no hakarak atu hetan hanesan ne’e liu husi dalan injustica ou dalan fasil. São Gregorio dehan laran moras hamosu laran nakali, bobar lia, konta vida, duun matak ema no seluk tan. Hahalok ne’e bele hamosu oho. Tamba ne’e tenki dezemvolve virtude haraik-an nian, no virtude laran mos nian (CIC #2540).
  • Barukten (Malas) lian latin “acedia” katak laiha vontade ou hakarak nebé iha relação ho actividade spiritual ou aktividade religoso. Baruk ten ne’e mosu tamba suspira no laran susar. Tuir São Tomás de Aquino katak baruk ten nudar pecado tamba laran susar ne’e bele impede ema atu halo buat nebé diak no los. Tuir CIC #2094 hateten katak baruk ba aktividade spiritual no religioso bele hamosu rejeição ba ksolok sira nebé mai husi Maromak no desrespeita ba vida spiritual. Laran hirus ba Maromak ne’e mai husi ema nia foti-an, tamba ne’e precisa dezemvolve virtude haraik-an nian no virtude badinas nian.
  • Hirus (Marah) lian latin “ira” nu’udar laran nakali atu vinga malu. Hahalok ne’e lori ema atu halakon ema nia vida no oho ema. Hahalok atu hasai ema nia vida tan laran nakali ne’e kontra Maromak Nia ukun domin (Cfr.Mt.5,22)
  • Karak ten (Tamak/pelit) lian latin “avaritia” katak hakarak nebé laiha rohan atu hetan sasan mundo nian liu-liu riku soin mundo nian. Iha Ecl.5,9 hateten katak ema karakten sira nunka senti osan suficiente no nunka kontenti ho sira dezempenho serbisu. São Paulo dehan katak hun ba pecado lolos mak osan (cfr.1Tim.6,10). Kontra pecado ida ne’e mak dezemvolve virtude laran luak nian.

 

C. FAMÍLIA MAK SAI ESTIMULANTE MAROMAK FUTAR LIAFUAN

          Família mak instituição informal nebé hahú halao educação ba oan sira naturalmente. Educação primeiro hahú husi família no inan-aman mak mestre dahuluk ba oan sira. Iha uma, inan-aman mak sai orientador primeiro no responsabilidade nebé labele tranfere ba ema seluk. Jesus Cristo nia moris hatudu momos katak Maria no José fo influencia makaas ba Nia moris tomak maske Cristo nu’udar Maromak nebé perfeito. Maria no José lori Jesus ba apresenta iha Templo tuir tradição Judeu sira nian (cfr. Lc.2,22). Hahú husi ki’ik inan-aman hatoman oan ho Maromak. Lori ki’ik oan sira ba Na’i nia uma. Nune’e mos, sira sempre buka tuir Jesus wainhira Nia lao lakon iha Jerusalem (cfr. Lc.2,41-51). Hare ba hahalok Maria no José ne’e, inan-aman sira hotu iha obrigação atu hanorin no eduka oan sira hahú husi família. Oin sa hanorin oan sira atu hatene kona ba Maromak futar liafuan?

Maneira atu atrai família hodi dezemvolve Maromak futar liafuan:

  • Le’e Bíblia hamutuk iha família. Família ida-ida tenki hakaas-an atu iha netik Bíblia iha versão Tetum, Indonesia ou Portugues depende ba lingua sa mak família ne’e hatene. Bíblia versão Tetum ladauk kompletu maibé tenki iha netik liafuan diak nebé Bíblia Novo testamento kompletu hela. Hakaas-an le’e tuir calendario liturgico nebé Diocese produs. Loron-loron sempre le’e hamutuk atu nune’e bele fo inspiração no motivação ba moris liu-liu ba kna’ar nebé atu halao. Maromak futar liafuan fo forca, inspira no motiva ita atu dezemvolve moris ne’e diak liu tan tuir Maromak Nia hakarak.
  • Konta historia konaba figura sira nebé iha Bíblia. Inan aman nebé hatene le’e no kompriende Bíblia bele konta historia konaba lalaok moris profeta sira nian, liurai sira nian, juizes sira nian, feto sira iha Antigo Testamento, Jesus Cristo nia moris, eskolante sira, judeu sira, fariseu sira no seluk tan iha Bíblia laran. Figura sira nebé iha testu ne’e bele inspira no motiva oan sira ba valores morais lubuk ida nebé sira bele moris tuir. Figura inspirador, figura motivador no iha figura balun nebé representa hahalok a’at sira nebé bele hanorin oan sira atu hadook-an husi hahalok sira ne’e. Figura balun sai pontu conversão nian atu ema hakribit hahalok a’at hodi fila ba dalan los no dalan diak.
  • Reza ho Bíblia. Família orante sempre utiliza Bíblia iha oração. Mistério hotu nebé ita uja ba reza terço mai husi Bíblia. Tamba ne’e, reza terço tenki utiliza Bíblia. Bíblia mak fonte oração nian. São João Paulo II husu ita atu reza terço ho Bíblia nebé hanaran terço meditada. Terço meditada ne’e ho nia objetivo atu ema hotu nebé reza tenki reflete duni ba liafuan no figura sira nebé iha atu ita imita ou moris tuir. Nune’e mos mos iha liafuan nebé fanun ita atu hakribit salan no fila ba moris nebé los tuir Maromak Nia hanorin.
  • Partilha esperencia moris iha família baseia ba liafuan ou hahalok figura sira nebé iha Bíblia. Iha situação comunhão iha família, membro hot-hotu halibur hamutuk atu partilha moris. Comunicação importante tebes iha família. Dialogo entre inan aman no oan sira tenki baseia ba espirito biblico, signifika katak dialogo iha situação nakloke ba malu, onesto, rona malu, respeita malu, motiva malu, inspira malu, suporta malu no tenki hases-an husi kondena malu no hatun malu. Espirito fraternidade guia família ne’e sai familia nebé ezemplar no sai família ida nebé nakonu ho espirito solidario no comunhão iha Maromak.

 

CONCLUZÃO:

          Mundo globalização fo influencia makaas los ba família nia ezistensia. Ciência tecnologia fo impaktu makaas ba vida família. Família nebé sai pilar principal ba sociedade bele naksobu no rahun. Wainhira família naksobu mak hamosu sociedade desorientado.

          Atu miniza no satan netik influencia hirak ne’e, família tenki ezerse nia função lolos atu orienta nia moris ba família ida nebé nakonu ho domin, dame, prospero no feliz. Tamba ne’e, família tenki hakesi-an iha Maromak futar liafuan atu hetan iluminaçao no orientação ba moris nebé diak no los. Família nebé feliz no ksolok mak família nebé sai dinamizador, catalizador no estimulador ba Maromak futar liafuan iha sira nia moris tomak. Banati tuir família Nazare atu família hotu bele hetan moris, no bele fahe moris ho ema seluk atu hari’i sociedade ida tuir Maromak Nia hakarak. Maromak Nia Reino hahú husi família ki’ik nebé real iha mndo ne’e. Entrega ita nia família iha Maromak atu Maromak rasik mak ukun ita no lori família ki’ik hirak ne’e sai instrument salvação ba mundo. Reino Lalehan hahú agora no iha ne’e (hic et nunc). Família tenki leno nia-an iha Maromak futar liafuan tan Bíblia mak abut, we-matan, roman no moris ba família.

 

Pontus refleção :

  1. Ita nia família sai duni ona Una, Santa, Católica, no Apostolica?
  2. Oin sa ho ha’u nia kna’ar nu’udar aman ou inan ida iha família?
  3. Ita sai duni ona ezemplar da vida ba ita nia oan sira?
  4. To’o ona iha nebé, ita lori oan sira ba Maromak?
  5. Karik ita nu’udar oan, oin sa ita hatudu ita nia domin ba inan-aman sira?
  6. Dala hira ona mak ita nu’udar oan, halo inan-aman laran taridu tan ita nia hahalok sira?
  7. Oin sa ita nia família sai fatin atu haburas Maromak futar liafuan?
  8. Tebes dunikah Bíblia sai ona abut, we-matan, roman no moris ba ita nia hanoin, ita nia hahalok no ita nia moris tomak?

 

Bom refleção e Bom Natal

MENSAGEM NATAL (DOM. VIRGILIO DO CARMO DA SILVA,SDB. BISPO DIOCESE DE DILI)

DCDD – (21/12/2017) Maluk doben sira, Natal laos dala ida tan, cada Natal único. Natal tinan ne’e diferente laos hanesan bai-bain. Tinan 2017 ita celebra Natal dala ida de’it, nune’e mos tinan foun 2018 dala ida sei la repete. Ida ne’e laos acontecimento bai-bain, maibé celebração ida nebé exige ita sarani atu hadia dalan ba Liurai bo’ot ita nia messias, basá Natal mak Jesus ita nia Maksoyn nia moris.

Tinan foun mak lori esperança foun, nachimento esperança foun, ba sira nebé desánimo, sira nebé desespero, lakon kbi’it, lakon esperança. Espírito Natal nian sei hakbi’it iha ita nia fuan no ita nia laran, fiar ida nebé la nakdoko, sólido ‘metin’ katak ida ne’e mak tempo atu hakbesik ba malu atu hase malu, atu koalia ba malu, atu husu desculpa ba malu, atu perdua malu, atu simu malu, ida ne’e mak tempo duni, tempo dame nian, tempo domin nian. Dame tem que hahu husi hau, laos depende ba ema seluk. Karik iha hau nia família mak laiha dame, hau nia comunidade mak la hakmatek, hau nia rain laiha dame, hau tem que husu ba hau nia an, saida mak hau tem que contribui ba dame! Dame atu buras depende mos mai hau e depende mos ba ó. Labele iha fali atitude ida nebé indiferente, ida ne’e laos sarani.

Príncipe da paz iha loron Natal fo hanoin mos kona ba hau nia obrigação ida nebé essencial atu haburas Espírito domin no dame nian, iha hau nia fuan iha sociedade, sociedade ida nebé nakonu ho individualismo ‘buka nia an’, nakonu ho buat nebé edolismo ‘buka deit ksolok ba nia isin’, materialismo ‘domin ba sasan’, consumerismo ‘hakarak deit goja/gasta’. Hirak ne’e mak dalabarak sai knuk ba desentendimento, sai knuk ba descontente, sai knuk ba desconfiança malu, ódio malu e violência. Mas que nune’e, sarani doben sira, ita tem que contente duni, tanba Natal.

Liurai dame nian mai laos hanesan Liurai maibe halo an kiik, atu bele penetra iha ita ema nia mundu, mak Nia bele conquista ba Nia wainhira ita husik ita nia fuan ba Nia. Maluk sarani doben sira ida ne’e mak moris foun ida, ida ne’e mak esperança foun, nebé ita hotu deseja ba malu iha loron bo’ot, loron santo ida ne’e.

Hau harohan atu fitun bo’ot Natal nian sei sai duni naroman bo’ot, leno Timor oan hotu atu hatene hili, atu hatene lao iha dalan naroman ninian, iha dalan lia los nian, dalan unidade ninian, dalan esperança, dalan moris, laos tan lao iha dalan nakukun ninian. Ho esperança ida ne’e mak atan hau deseja rahun diak Natal nian ba povo no sarani Timor tomak, ho tinan foun ida nakonu ho fiar, nakonu ho esperança no domin ba ema hotu-hotu, liu-liu ba família sira nebé lakon fiar, família sira nebé lakon esperança no lakon domin.        

MISTÉRIO NATAL NIAN LA HAKETAK HUSI MORIS TOLU NEE: IDA BE ETERNO, IDA BE HISTÓRICO NO IDA BE MÍSTICO

DCDD – HERA-(18/12/2017) Creda wainhira celebra Mistério Natal nian la haketak husi moris tolu nee: ida be eterno, ida be histórico no ida be místico. Iha moris bai-bain família ema nian ida, mak halao mistério hola isin nudar ema husi nebe Maromak halo An ba Mane, hodi hela iha ema nia leet. Maromak halo moruk ho ema too nia rohan kmanek ho Jesus nia moris. Moris família nian, simu roman no tulun hanesan nee, sei halao hodi hatudu dalan diak ba ema hotu kona Cristo nia ilas no hodi lori sira hotu ba família lalehan nian.

Fulan Dezembro nudar fulan nebe sagrado tebes ba ita nia fiar nudar Católico. Natal nebe ita celebra iha fulan Dezembro nudar fulan ida ksolok tebes, fulan ida nebe que nakonu ho benção Na’i Maromak nian no fulan ida que iha graça boot ba família. Tanba nee, Knar família ida nian mak atu simu, fo fatin no tempo ba Kosok Oan nee bele moris boot sai ema ida no ikus mai sai maksoyn ba mundo tomak.

 

Atu hasoru festa boot Natal, nudar sarani diak ida precisa preparação nebe profundo tebes. Tanba nee liu husi Talksohw nebe realiza iha Igreja São Tiago Hera, Pe. Pároco São Tiago Hera Pe. Jose Tasain SVD iha intervista hateten; nudar Pároco São Tiago Hera hamutuk ho Paroquiano sira ami prepara-an ba hasoru celebração festa natal iha tinan 2017 nian mak hanesan: preparação Espiritual no Preparação Físico. Preparação Espiritual nian mak hanesan ami halo formação Espiritual ba labarik escola oan sira iha semana passada no iha semana nee iha formação Espiritual ba sarani sira iha cada bairro sira no hau husu ajuda husi hau nia maluk religioso sira hodi tun halo formação ba sarani sira iha tempo dader no lokraik ao mesmo tempo amululik sira fo confessão ba sarani sira iha paróquia.

Tuir mai mak preparação fisico katak hau nia sarani sira prepara ami nia fatin Igreja laran, hamos iha ambiente Igreja ninian no mos halo Presépio atu oinsa bele celebra Festa Natal Na’i nian nee iha situação nebe fo ksolok. Além nee mos depois ami visíta família sira hodi hare situação no condição moris iha família sira nebe pertence ba Quase Paróquia ida nee.

Baseia ba passagem Bíblica São Lucas (Luc. 2, 1-14) nian kona ba ‘São José ho Santa Maria’ nudar casal ida nebe foun foin hari uma kain Pe. José Tasain hateten; Hau nia reflexão kona ba texto Bíblico (São Lucas Cap. 2, 1-14) interassante teb-tebes tanba experiência Nain Feto ho São José wainhira hahoris Menino Jesus nee nudar experiência extraordinário tanba casal ida nebe hanesan ita hatene katak hau imagina feto hanesan Maria Nia laiha experiência ida. Nia terus, Nia susar iha situação ida nee mas que fatin laiha ho paciência Nia tem que tur ahi iha bibi luhan. Ho condição ida nee aumenta tan situação psicologicamente ida nee hato’o katak nia mukit lolos, Nia laiha buat ida, nee duni hakarak ka lakohi Nia tem que tur ahi iha Bibiluhan. Tuir mai hanesan mane, São José wainhira Nia hare nia hasoru situação ida nee, Nia tauk no laiha esperança kona ba Maria tur ahi. Ho situação ida nee mak hau dehan extraordinário, plano ida nebe labele acontece compara ho situação ohin loron nian tanba ohin loron waihira inan ida atu partus nia hatene ona husi doutor basá doutor termina ona nia tempo. Maibe compara ho São José no Nain Feto nian iha momento neba, situação ida nee ita dehan extraordinário. Ho sira nia situação hirak nee mas que terus maibe sira hakiak kosok Oan nee ho domin. Tanba nee Knar família ida nian mak atu simu, fo fatin no tempo ba Kosok Oan nee bele moris boot sai ema ida no ikus mai sai maksoyn ba mundo tomak.

Sorin seluk Sr. Bernardo Fernandes hatan sobre preparação ba Festa Natal nian nee hateten celebração Festa Natal ho família sira ita precisa celebra ho ita nia laran no ita nia fuan katak celebra loron boot nee laos ita celebra deit maibe celebra ho oração. (Ngl/J’nanal)