shadow
Diocese de Dili > NOTÍCIAS > Articles by: Departamento Comunicação Diocese Dili

Sexta-Feira, XXVI SEMANA DO TEMPO COMUM

ANO A

 

Primeira leitura                                                                                                                  Bar. 1: 15-22

Lia housi livro Baruc nian

Justiça, Na’i, ita nia Maromak ninian, maibe, ba ita mak moe nebe taka iha ita oin, hanesan ohin loron , no mós ba ita nia liurai sira, ba ita nia ulun sira, ba ita nia Na’ililuk sira, ba ita nia profeta sira no ba ita nia aman sira, tan ita sala hasouru Na’i. Ita la halo tuir Na’I Maromak nia hakarak; Ita la rona nia lian hodi la moris tuir ukunfuan sira nebe nia haraik mai ita. Houri loron nebe Na’I hasai ita bei-ala sira housi rai Egipto to’o ohin loron, ita laran áat hasouru Na’I, ita Maromak. Tan ne’e, hanesan ohin loron mosu mai ita leten susar oi-oin no malisan nebe Na’I haruka housi nia atan Moisés iha loron nebe hasai ita nia bei-ala sira housi rai Egipto, atu haraik mai ita rai ida nebe suli susu-wen no wani-wen. Ita la rona Na’I, ita Maromak nia lian, nebe hato’o mai ita housi profeta sira be nia haruka mia ita. Ita ida-idak tuir ita nia fuan nia hakarak áat hodi adora Maromak falso sira, no halo buat áat iha Na’i, ita Maromak nia oin.

Maromak futar lia.

 

Salmo responsorial                                                                               Sal. 78(79):1-2,3-5,8-9 (R.9b)

Refrão : Na’i, soi ami ba, tan glória ita naran nian!!! Repete-se

Na’i, nação sira hola ho kroat ita liman-rohan,

Sira hafo’er ita templo santo, Sira halo Jerusalém sai hanesan foho krebek nian,

Sira soe ita atan sira nia isin maten, Sai aihan manu sira lalehan nian,

Ita sarani sira isin sai aihan balada fuik nian.    Refrão

 

Mota boot ran nian suli hale’u Jerusalém,

La iha ema ida atu hakoi mate isin sira. Ami sai hanesan buat ida be maluk sira hakribi,

No ema sira be hale’u, hamoe ami. To’o wainhira Na’i ita rai hirus hasouru ami,

To’o wainhira lós ita laran manas be nakali?   Refrão

 

Keta hanoin fali atu hasouru ami,

Tan ami nia bei-ala sira nia sala;

Halo ita laran-luak mai lalais hasouru ami,

Tan ami lakon hotu ona ami biit.   Refrão

 

Tulun ami, Maromak, ami Na’in,

Tan glória ita naran nian.

Soi ami no perdua ami salan sira,

Tan glória ita naran nian.  Refrão

 

Aclamação

Refrão : Aleluia, Aleluia!!! Repete-se

                 Ohin imi rona karik Na’i nia lian,

                  keta taka imi nia fuan.  Refrão

 

Evangelho

Na’i Jesus Cristo nia Evangelho tuir São Lucas

Iha tempo neba, Jesus hateten: “Rahun áat ba o, Corazim! Rahun áat ba o, Betsaida! Basá, milagre sira nebe halo tiha iha o, halo karik iha Tiro no Sidónia, kleur ona mak sira hakribi sira nia sala hodi hatais karon no taka sira an ho ahikdesan. Maibe iha loron tesi lia nian, Tiro no Sidónia sei la hetan susar hanesan imi. O mós, Cafarnaum, hakarak foti an to’o lalehan? Ema sei la hamonu ó to’o inferno!”

“Ema nebe rona, imi rona ha’u; no ema nebe hakribi imi hakribi ha’u; maibe ema nebe hakribi ha’u, hakribi ida nebe haruka ha’u mai.”

Lia maksoyn.

Quinta-Feira, XXVI SEMANA DO TEMPO COMUM

ANO A

Primeira Leitura                                                                                                Ne. 8:1-4a,5-6,7b-12
Lia housi livro Neemias nian

Iha loron hirak neba, povo Israel tomak libur hamutuk hanesan ema ida de’it iha praça Jerusalém nian nebe iha odamatan we nian, nia oin. Sira dehan ba Escriba Esdras atu lori Moisés nia livro lei nian mai, nebe Na’i haruka nanis ba Israel. Nune’e, na’ilulik Esdras lori livro lei nian mai, iha povo tomak nia oin, nebe iha mane no feto barak, no ema hotu nebe bele comprende nia oin. Iha loron ida fulan ba dala hitu, hahu lê livro lei nian ne’e housi dader to’o loron fahe rua, iha rai luan boot, iha odamatan we nian, iha mane no feto sira oin, no ema hotu nebe bele comprende nia oin. Povo tomak sée tilin hodi rona ho neon liafuan hirak sai housi livro lei nian.
Esdras sira explica ne’e, Lei ba povo nebe hamriik hela iha fatin áas nebe ho ai-kabelak halo nanis ona ba ne’e, nia leten. Esdras loke livro iha sira hotu nia oin, basá, nia hamriik iha fatin áas. Esdras hasa’e agradece ba Na’i Maromak boot. Povo tomak hasa’e liman hodi hatan: “Aman, Amen!” hafoin sira taka rabat rai, hodi adora Na’i.
Levita sira explica lei ba povo hamriik hela. Sira lê Maromak nia liafuan, hafoin explica nia sentido ba povo, atu nune’e sira hotu bele compreende.
Nune’e, embo’ot Neemias, na’ilulik no escriba esdras, hamutuk ho levita sira nebe hanourin povo, dehan ba ema hotu: “ loron ne’e, loron halulik ba Na’i, imi nia Maromak. Imi keta neon sala no keta tanis”. Basá, povo tomak tanis wainhira rona liafuan hirak lei nian.
Tuir mai, Neemias dehan ba sira: “ imi bah an naan bokur, hemu tua midar, hodi fahe ba balu sira ba la dauk prepara buat ida, basá, loron ne’e, loron santo na ita Na’i. Imi keta neon sala, tan na’i nia ksolok mak biit imi nian”. Levita sira haruka ema hotu-hotu nonok, hodi dehan: “ Nonok ba, basá, loron ne’e, loron santo! Imi keta nean sala.” Povo tomak ba han no hemu, hodi haruka hahan balu ba kiak sira. Sira hotu hatudu sira nia ksolok boot, basá, sira hotu compreende lia sira hotu nebe haklaken ba sira.
Maromak futar lia.

 

Salmo Responsorial                                                                             Sal.18(19):8,9,10,11 (R.9a)
Refrão: Na’i nia ukunfuan haksolok fuan. Repete-se

  • Na’i nia lei lós tebes, hamoris ema nia laran.
    Na’i nia ordem metin tebes,
    fó matenek ba ema haraik-an sira. Refrão
  • Na’i nia ukunfuan los tebes,
    sira haksolok fuan.
    Na’i nia lei sra mós tebes,
    leno ita nia matan. Refrão
  • Hamutuk Na’i, mós tebes,
    hela metin tinan-ba-tinan,
    Na’i tesi lia ho lialós tebes;
    Nia hanourin hotu mesa lós duni. Refrão
  • Nia liafuan folin boot liu osan mean,
    osan mean nebe kmook liu.
    sira midar liu wani ben,
    wani ben midar tebes. Refrão

 

Aclamacão
Refrão : Aleluia, Aleluia!!! Repete-se
                 Maromak nia reino besik ona,
                 hakribi imi nia salan no fiar iha Evangelho. Refrão

 

Evangelho                                                                                                                                      Lc. 10:1-12
Na’i Jesus Cristo nia Evangelho tuir São Lucas
Iha tempo neba, Jesus hili escolante hitu nulu resin rua tan, hodi haruka sira rua rua ba uluk iha cidade no fatin sira nebe nia atu ba. Nia dehan ba sira: “ To’os boot duni, maibe serbisu nain sira oituan de’it. Tan ne’e, husu to’os na’in ba atu haruka serbisu na’in sira na nia to’os. La’o ba. Ha’u haruka imi ba nudar bibi oan sira iha asu fuik sira leet. Keta louri bukae, kohe eh sandálias. Keta komprimenta ema iha dalan. Imi tama karik iha uma ida, uluk knana’in dehan: ‘ Dame ba uma ne’e!’ iha karik ema dame nain ida iha neba, imi nia dame sei hôrik ho nia; lae karik, sei fila fali ba imi. Hela iha uma ne’e ba, han hemu buar nebe sira iha; basá serbisu nain soi atu simu nia kolen. Keta tama uma sai uma sira. Imi tama iha cidade ida no sira simu imi karik, han ba buat nebe sira fó ba imi. Fó isin di’ak ba ema moras sira iha neba, hodi hateten ba sira: ‘ Maromak nia reino besik ona imi’ maibe imi tama iha cidade ida no sira la simu imi karik, sai ba dalan sira hodi dehan: ‘Rai rahun mós housi imi nia cidade, nebe belit baa mi nia ain, ami liki tiha ba imi! Maibe imi hatene ba katak Maromak nia reino besik liu ona’. Ha’u dehan tebes ba imi: aban bainrua Sodoma sei la hetan susar hanesan cidade neba.”
Lia maksoyn.

Quarta-Feira, XXVI SEMANA DO TEMPO COMUM

ANO A

 

São Francisco de Assis

Primeira Leitura                                                                                                                      Gal. 6:14-18

Lia housi São Paulo nia Surat ba sarani sira iha Galácia

Maun-alin sira, ha’u fali, ha’u gaba-an de’it iha Na’i Jesus Cristo nia Cruz. Housi Na’i nia Cruz, mundo mate ona mai ha’u, no ha’u mate ona ba mundo. Buat nebe folin liu mak, ema ida sai buat foun ida; circunsição ka lae, ne’e la halo buat ida. Dame no laran-luak ba sira nebe moris tuir ukunfuan ne’e; ba Maromak nia povo tomak. Houri ohin ba oin, emaida keta fó susar tan mai ha’u, basá ha’u lori iha ha’u nia isin Jesus nia marka. Ita Na’i Jesus Cristo nia graça, hela ho imi hotu, maun alin sira. Amen.

Maromak futar lia

 

Salmo Responsorial                                                                       Sal. 15(16): 1-2a,5,7-8,9-10 (R.5a)

Refrão : Na’i, ita mak ha’u nia liman-rohan. Repete-se

 

Tahan ha’u, Na’i, tan ita ha’u nia heli-an-fatin,

ha’u dehan ba Na’i, “ita, ha’u nia Maromak”.

Na’i, ita ha’u nia liman-rohan no cálice,

ha’u nia moris iha ita futar liman.   Refrão

 

Ha’u sei hahi nai tan nia mak ha’u nia mahein;

iha kalan nia fó conselho mai ha’ neon.

Na’i iha fatin ha’u matan nia oin,

Nia iha ha’u nia sorin kuana, ha’u sei la monu.   Refrão

 

Tan ne’e, ha’u fuan haksolok,

ha’u klamar hananu ho hsolok boot,

no ha’u isin toba hakmatek.

Tan ita sei la saran ha’u ba hôrik fatin mate nian,

sei la husik nia atan nia isin dodok.   Refrão

 

Aclamação

Refrão : Aleluia,Aleluia!!! Repete-se

                 Rahun diak na ita, Aman, Na’i lalehan no rai nian,

                 tan ita la husik nia atan nia isin dodok. Refrão

 

Evangelho                                                                                                                         Mt. 11:25-30

Na’i Jesus Cristo nia Evangelho tuir São Mateus

Iha oras neba Jesus dehan: “Aman, Na’i lalehan no rai nian, ha’u hahi ita tan ita subar tiha buat hirak ne’e ba ema matenek no neon na’in sira hodi hatudu ba kiik oan sira. Lós duni, Aman, tan ita hakarak duni nune’e. Ha’u Aman tau tiha buat hotu-hou iha ha’u liman; ema ida la hatene oan, Amak de’it mak hatene; nune’e mós ema ida la hetene Aman, oan de’it mak hatene, no mós ema nebe oan hakarak hatudu ba nia”.

“Maibe besik ha’u, imi hotu nebe kolen no terus; ha’u sei fó kmaan ba imi. Simu ha’u nia ukun ba hodi banati tuir ha’u, tan ha’u laran maus no haraik-an, no imi sei hetan hakmatek ba imi nia klamar. Basá ha’u nia ukun mamar, ha’u nia naha kmaan”.

Lia maksoyn.

Terça-Feira, XXVI SEMANA DO TEMPO COMUM

ANO A

 

Primeira Leitura                                                                                                                  Zac. 8:20-23

Lia housi profecia Zacarias nian

Na’i, mundo rai-klran nian dehan: “sei mai to’o iha Jerusalém povo no ema sira housi cidade boot sira. Ema sira housi cidade ida sei ba dehan ba ema sira ihacidade seluk: ‘Ita ba husu Na’i nia laran diak, Na’i mundo rai-klaran nian, ita ba buka nia, Na’i, mundo rai-klaran nian, ha’u mós hakarak ba’’’ Sei mai to’o iha Jerusalém, povo barak no nação sira be iha kbiit atu buka Na’i, Mundo rai-klaran nian hodi husu Na’i nia laran di’ak.

Na’i ko’alia dehan nune’e: “Iha loron hirak neba, ema na’in sanulu housi lia oi-oin nacão sira nian, sei káer iha Judeu ida nia hatais hodi dehan: ‘ Ami hakarak ba hamutuk ho imi, basá, ami rona dehan katak Maromak hela ho imi.’’’

Maromak futar lia

 

Salmo Responsorial                                                              Sal. 86(87):1-3,4-5,6-7(R.Zac.8:23)

Refrão : Na’i hela ho ita!!! Repete-se

Sião hari iha foho santa nia leten;

Na’i hakarak odamatan sira sião nian,

Liu fali uma Jacob nian.

Ema seihateten lia kmanek kona ba ó,

Cidade Maroamak nian.     Refrão

 

Ha’u sei konta egypto no babilónia

Iha ema sira be hatene ha’u nia leet;

Filisteia, Tiro no Etiópia sira be moris iha neba,

Sei dehan iha Sião: “ sira hotu moris iha neba,

Na’i be áas liu tomak mak hametin nia”.   Refrão

 

Na’i sei hakerek iha livro povo nian:

“Ida ne’e mós moris iha Sião.”

Ho lian bidu no knananuk nian,

Ema hotu sei hetan hôrik fatin iha ó.”  Refrão

 

Aclamação

Refrão : Aleluia,Aleluia!!! Repete-se

             Oan mane mai atu serbi ema,

             no saran nia moris atu soi ema wain. Refrão

 

Evangelho                                                                                                                             Lc. 9:51-56

Na’i Jesus Cristo nia evagelho tuir São Lucas

Iha tempo neba, wainhira tempo atu husik rai ne’e besik daudaun ona, Jesus, hodi hakarak, hahu la’o ba jerusalém. Nai haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadi’a fatin ba nia. Maibe sira la simu nia basá nia atu sa’e ba Jerusalém. Haré tiha ne’e, nia escolante sira, Tiago no João, dehan ba nia: “Na’i, ita hakarak katak ami hamulak atu ahi tun housi lalehan hodi han sira?” Maibe nia fila oin hodi si’ak sira. Tuir mai, sira la’o fali ba knua seluk.

Lia maksoyn.

Segunda-Feira, XXVI SEMANA DO TEMPO COMUM

ANO A

 

Primeira Leitura                                                                                                             Zac. 8:1-8

Lia housi profecia Zacarias nian

Iha loron hirak neba, Na’i, mundo rai-klaran nia Maromak nia futar liafuan tun mai nune’e: Na’i, mundo rai-klaran nia Maromak dehan: ‘Ha’u senti domin boot ba Sião, Ha’u hamkan maka’as ba nia. Na’i koalia nune’e: Ha’u sei fila fali ba Sião hodi hôrik iha Jerusalém. Jerusalém sei hanaran-an ‘Cidade fiel’ no foho Na’I, lalehan no rai nian, ‘Foho Santo.’ Na’i, lalehan no rai nian lia tun fali tun fali nune’e: Katuas no Ferik sira sei fila fali, sei tur iha praça Jerusalém nian; Ida-idak sei lori ai-tonka iha liman, tan siara tinan barak ona. Iha Cidade laran, labarik mane no feto sira sei nakonu hodi halimar iha praça tomak”. Na’i, lalehan no rai nian, lia tun teni, dehan: Ba povo nebe sei moris hela, iha loron hirak neba, haré ba buat ne’e susar atu mosu karik, kala ba ha’u nia matan mós susar duni atu mosu? –Na’i, lalehan no rai nian dehan. Na’i, mundo rai-klaran nian lia tun teni, dehan: Ha’u sei soi Ha’u nia povo, housi rai sira iha loro-sa’e no housi rai sira iha loro-monu. Ha’u sei lori hikas fali sira mai, atu sira hôrik iha Jerusalém. Sira sei sai Ha’u nia povo, Ha’u sei sai sira nia Maromak tuir neon lós no justiça.”

Maromak futar lia

 

Salmo Responsorial                                                 Sal. 101(102):16-18,19-2129,22-23(R.17)

Refrão : Wainhira Na’i sei hari fali Sião,

                  Nia sei hatudu nia glória!!! Repete-se

 

Na’i, nação hotu hamta’uk ita naran,

Liurai sira rai hotu nian, ita boot nia glória.

Wainhira Na’i hari fali sião, Hodi hatudu nia glória;

Sei simu kiak sira nia harohan, no sei la hewai sira nia harohan. Refrão

 

Sei hakerek hirak ne’e hotu ba otas be atu mai,

Povo be atu moris, se hahi Na’i.

Na’i hakruuk housi nia kadunan iha leten áas, Housi lalehan na’I lidu matan ba rai,

Atu rona dadur sira nia halerik, Atu soi sira housi mate. Refrão

 

Ita atan sira nia oan sei hôrik iha dame,

Sira nia bei-oan sira sei hela metin iha ita futar oin.

Atu sira sei hawelok Na’i nia naran iha Sião, sei hahi nia iha Jerusalém

Wainhira povo sira halibur hamutuk atu serbi Na’i. Refrão

 

Aclamação

Refrão : Aleluia, Aleluia!!! Repete-se

               Oan Mane atu serbi ema,

               no saran nia moris atu soi ema wain. Refrão

 

Evangelho                                                                                                                               Lc. 9:46-50

Na’i Jesus Cristo nia evangelho tuir São Lucas

Iha tempo neba, escolante sira hahu haksesuk malu kona ba se mak boot liu iha sira leet. Hatene tiha sira nia hanoin, Jesus káer labarik ida, tau nia iha nia sorin, hodi dehan ba sira: “Ema nebe simu labarik ne’e iha ha’u nia naran, simu ha’u; no ema nebe simu ha’u, nia simu ida nebe haruka ha’u mai. Basá ida nebe kiik liu iha imi nia leet, nia mak boot liu.”

João hatan dehan: “ Mestri, ami haré ema ida nebe duni sai diabo iha ita nia naran maibe ami bandu nia, basá nia la tuir ita.” Maibe, Jesus hateten ba nia: “Imi keta bandu nai, basá ema nebe la hasouru imi, nia hamutuk ho imi.”

Lia maksoyn.

XXVI DOMINGO DO TEMPO COMUM

ANO A

 

 Primeira Leitura                                                                                                                                                                                           Ez 18, 25-28

Lia housi Livro Profeta Ezequiel

Na’i lia tun nune’e: “Imi hateten: ‘Na’i nia hahalok la tuir dalan los!’ Ne’e duni, Israel nia oan, rona mai: Ha’u nia hahalok ne’e la tuir dalan los? Keta imi nian karik mak la los? Uainhira ema di’ak husik tiha nia hahalok di’ak ne’e, hodi halo aat, hafoin mate karik, nia sei mate tan buat aat nebe nia halo. Wainhira ema maksalak husik tiha nia moris aat hodi moris los, tuir dalan di’ak, nia sei soi nia moris. Nia loke karik matan hodi hakribi salan nebe nia halo, nia sei moris, sei la mate.”

Maromak Futar Lia.

 

Salmo Responsorial                                                                                                                                                                     Sal 25, 4bc-5.6-7.8-9

Refrão : Na’i, hanoin Ita nia laran luak!!! Repete-se

 

Na’i, halo ha’u hatene Ita nia ukun-fuan,

hanourin Ita dalan mai ha’u.

Hatudu Ita nia lialos mai. Ita, ha’u nia Maromak,

ha’u nia Maksoin. Na’i, ha’u hein ita. Refrão

 

Na’i, hanoin Ita nia laran maus,

no Ita laran di’ak nebe la nahas.

Keta hanoin ha’u nia salan,

hahalok aat molok sei klosan.

Hanoin ha’u ho laran luak, Na’i, tan di’ak tebes. Refrão

 

Na’i, di’ak laran maus,

lori ema maksalak ba dalan los;

halo ema ki’ik moris tuir justisa,

hanourin ba ema ki’ak atu tuir. Refrão

 

Segunda Leitura                                                                                                                                                                                 Flp 1, 20c-24.27a

Lia housi São Paulo nia surat ba sarani sira iha Filipo

Maun-alin sira: Iha karik ksolok oan ruma iha Cristo, iha karik laran kman ruma iha caridade; bele simu netik tulun ruma housi Espirito Santo, iha karik hadomi no laran luak ruma, ne’e sa, imi buka hato’o ha’u nia ksolok hodi moris hamutuk ho neon no hanoin ida de’it: Buka tuir hadomi ida de’it, klamar ida de’it, hanoin ida de’it. Keta halo buat ruma hodi buka hasouru malu, eh hodi foti an de’it; maibe, ho haraik-an, buka hanoin ema seluk boot liu imi an rasik; keta hanoin ida-idak buka de’it sasan ba nia, maibe, hanoin buat nebe ema seluk hakarak. Buka tuir de’it Cristo Jesus nia hanoin. Nia maski Maromak, la hakarak hatudu hanesan Maromak. Maibe, Nia haraik tiha Nia-an rasik, hodi hola isin ida hanesan atan, sai nu’udar ema. Iha tiha ilas nu’udar mane ida, Nia haraik An liu tan, hodi halo tuir to’o mate, hodi iha cruz. Tan ne’e, Maromak hahi Nia. Tan ne’e, Maromak fo ba Nia naran ida nebe boot liu naran hotu-hotu. Atu, ho Jesus nia naran, ain-tur hotu sei hakneak iha lalehan, iha rai, iha inferno; nanal tomak haklaken katak Jesus Cristo ne’e Na’i, atu hahi Aman Maromak.

Maromak Futar Lia.

 

Aclamação

Refrão : Aleluia, Aleluia!!! Repete-se

Ema nebe hanoin Ha’u, sei halo tuir Ha’u nia lia-fuan;

Ha’u Aman sei hadomi nia, Ami sei mai hela ho nia. Refrão

 

Evangelho                                                                                                                                                                                                  Mt 20, 1-16

+ Na’i Jesus Cristo nia Evangelho nu’udar São Mateus haktuir

Iha tempo neba, Jesus dehan ba boot sacerdote sira nian no ba ema katuas sira povo nian: “Imi hadomi oin sa? Ema ida iha oan mane rua. Nia ba hasouru ida boot, hodi dehan: ‘Oan, ohin ó ba serbisu iha to’os uvas nian.’ Maibe nia hatan: Ha’u la kohi.’ Hafoin liu tiha, nia hanoin didi’ak fali, nia ba duni. Aman ne’e ba hasouru fali oan seluk hodi hateten hanesan uluk. Nia hatan: ‘Ha’u ba Na’i.’ Maibe, nia la ba. Sira na’in rua ne’e, ida nebe mak halo tuir sira nia aman nia hakarak?” Sira hatan: “Ida uluk ne’e,” Jesus simu hasouru sira: “Ha’u dehan tebes ba imi: Ema publicano no feto moris aat sira sei ba Maromak nia Reino uluk liu imi. João Baptista mai hasouru imi iha dalan nebe lori ba justisa, imi la fiar nia; maibe, ema publicano no feto moris aat sira fiar duni nia. Imi hare tebes nia, la hakribi imi salan, hodi fiar nia.”

Lia Maksoyn.

Sábado, XXV SEMANA DO TEMPO COMUM

ANO A

 

Primeira Leitura                                                                                                                                                                                     Zac. 2:5-9a,14-15a

Lia housi Profeta Zacarias nian

Ha’u foti matan hodi haré hanesan mehi, ema ida ho tali hodi sukat nian ida iha liman. Ha’u husu ba nia: “ Ó ba nebe?”  Nia hatan mai ha’u, dehan: “ Ha’u ba sukat Jerusalém atu hatene nia luan no nia naruk iha hira”. Nune’e, Anjo nebe ko’alia dadaun ho ha’u mai oin, Anjo ida seluk hakat ba nia, dehan: “Halai ba, fó hatene ba mane klosan neba nune’e: Jerusalém la bele iha muro, tenki hela nakloke tan ema no balada wa’in tebes mak sei hôrik iha nia. Maibe, Ha’u sei hela ho nia- Na’I ko’alia- nu’udar baki ahi nian ida, hale’u nia, ha’u mak sei sai ninia glória iha nia laran.

Sião nia oan feto, hahi no haksolok ba, basá, ha’u mai hôrik iha ó nia leet- Na’I ko’alia. Iha loron ne’e, nação baraksei halibur hamutuk ho Na’i. Sira sei sai ha’u nia povo no ha’u sei hôrik iha ó nia leet”.

Maromak futar Lia

 

 

Salmo Responsorial                                                                                                                                                          Jer. 31:10,11-12ab, 13 (R.10d)

Refrão : Hanesan bibi atan bali nia bibi sira,

                 Nune’e mós Na’i bali ita. Repete-se

Nação sira rona na’i nia liafuan ba,

Haklaken ba nusa sira be dook.

Ida nebe halo namkari Israel sei halibur fali nia,

Sei bali nia hanesan bibi-atan bali nia bibi sira.  Refrão

 

Na’i soi Jacob,

Hasai nia housi nia funu baluk sira liman.

Sira sei fila ho ksolok ba foho Sião,

Hodi ba simu Na’I nia bensa.  Refrão

 

Fetoran sei bidu ho ksolok,

Foin sa’e no katuas sira sei haksolok.

Nakfila sira lutu ba ksolok,

Sira laran susar sei nakfila ba neon ksolok.  Refrão

 

 Aclamação                                                                                                                                                                                                               2Tm. 1:10

Refrão : Aleluia, Aleluia! Repete-se

Jesus Cristo, ita nia maksoyn, halakon mate;

Nia halo moris nabilan housi Evangelho. Refrão

 

Evangelho                                                                                                                                                                                                             Lc. 9:43b-45

Na’i  Jesus Cristo nia Evangelho tuir São Lucas

Iha tempo neba, wainhira povo sira hakfodak ho buat nebe Jesus halo tiha, Nia dehan ba nia escolante sira: “ Rona didi’ak liafuan hirak ne’e: ema sira sei saran oan mane ba ema sira liman.” Maibe sira la compreende lia ne’e katak sá hodi subar hela ba sira atu nune’e sira la bele hatene no sira ta’uk atu husu kona ba buat ne’e.

Lia maksoyn.

Sexta-Feira, XXV SEMANA DO TEMPO COMUM

ANO A

 

Primeira Leitura                                                                                                                                                                               Ag. 1:15b-2:9

Lia housi Profeta Ageu nian

Iha liurai Dario nia ukun ba tinan rua, iha loron ruanulu resin ida fulan bad ala hitu nian, Na’I Nia liafuan tun nune’e housi profeta Ageu: “Ba hateten ba Zorobabel, Salatiel nia oan, embo’ot judá nian; ba Josué, na’ilulik boot Josadac nia oan; ba povo nebe sei moris: ‘Iha imi leet sei moris ema ruma nebe houri uluk haré templo ne’e nia furak no  nia kmanek? Oras ne’e imi haré nia oinsá? Imi haré nia hanesan buat ida la folin? Di’ak aten barani ba Zorobabel – Na’i dehan. Aten barani ba, Josué, na’ilulik boot, Josadac nia oan. Aten barani ba, povo tomak rai nia – Na’i dehan. Tau imi liman ba serbisu basá, Ha’u hôrik ho imi –Na’i dehan. Tuir moruk nebe Ha’u halo ho imi, wainhira imi  sai housi Egipto, Ha’u Nia espírito hôrik iha imi leet. Imi la bele tauk buat ida! Basá, Na’i lalehan ho rai nian hateten nune’e: La kleur de’it, Ha’u sei halo nakdoko lalehan no rai, tasi no rai hotu. Ha’u sei halo nakdoko nação tomak, atu riku-soi tomak nação hirak ne’e nian, bele suli hotu mai iha ne’e. Ha’u sei halo nakonu templo ne’e glória – Na’i lalehan no rai nian dehan. Osa mean no osa mutin Ha’u Nian – Na’i, Mundo rai-klaran nia dehan. Glória templo foun nian sei boot liu fali ida uluk nian – Na’i, Mundo rai-Klaran nian dehan. Iha fatin ne’e, Ha’u sei hari dame – Na’i, mundo rai-klaran nian dehan.”

Maromak Futar Lia.

 

Salmo responsorial                                                                                                                                     Sal. 143(144): 1a e 2abc,3-4 (R.1a)

Refrão : Ha’u hein iha Maromak, ha’u Maksoi.  Repete-se

Ha’u Maromak, halo jusriça mai ha’u,

tahan ha’u hasouru ema áat.

Housi ema makerek no laran áat,

soi ha’u Oh! Maromak.    Refrão

 

Ita mak ha’u Maromak no ha’u tulun,

tan sá heuwai ha’u?

Tan sá ha’u la’o neon kraik,

Wainhira funu baluk sira hanehan ha’u?   Refrão

 

Haraik Ita naroman no lialós mai,

nu’udar ha’u nia mata dalan,

atu sira hatudu dalan lós mai ha’u,

ba Ita hôrik fatin santo.   Refrão

 

Nune’e ha’u sei to’o altar Maromak nian,

Maromak ha’u ksolok nian.

Ha’u Maksoi, ha’u agradece Ita ho citara,

Na’i ha’u Maromak.   Refrão   

 

Aclamação                                                                                                                                                                                                Mc. 10:45

Refrão : Aleluia, Aleluia! Repete-se

                  Oan Mane mai atu serbi ema,

                  no saran Nia moris atu soi ema hotu.  Refrão.

 

Evangelho                                                                                                                                                                                                  Lc. 9:18-22

Na’i Jesus Cristo nia Evangelho nu’udar São João haktuir

Nain tempo neba, loron ida, wainhira Jesus harohan mesa-mesak ho nia escolante sira de’it, Jesus husu ba sira: “Ema dehan Ha’u se lós?” Escolante sira hatan: “João Baptista; balun dehan, Elias: balun fali dehan, profeta ida uluk nian mak moris hi’as.” Nia husu ba sira: “Imi  rasik dehan Ha’u se lós?” Pedro simu hodi dehan: “Ita Maromak nia Cristo.” Nia bandu sira atu la bele fó sai buat ne’e ba ema ida, dehan: “Oan Mane sei terus barak: katuas sira, na’ilulik boot no escriba sira sei hakribi Nia hodi oho Nia; no liu tiha loron tolu Nia sei moris hi’as.”

Lia maksoyn

Quinta-Feira, XXV SEMANA DO TEMPO COMUM

ANO A

 

Primeira Leitura                                                                                                                                                                                                           Ag. 1:1-8

Lia housi Profecia Ageu nian

Iha tinan ba dala rua liurai Dario nia ukun, iha loron ida, fulan bad ala neen, Na’i lia tun housi profeta Ageu, ba Zorobabel, Salatiel nia oan, ema boot Judà nian, no ba na’ilulik boot Jusué, Josadac nia oan: “Na’i mundo rai-klaran nian lia tun nune’e: Povo ne’e hateten : ‘Tempo la dauk to’o atu hari frail Na’i nia templo.” Na’i nia laifuan fò sai ba sira housi profeta Ageu: “Maibe, ba imi tempo to’o ona atu horik iha imi nia uma sira be hafutar ho sasan furak oin-oin, wainhira templo ne’e hela aat ba nafatin”. Ne’e duni, oras ne’e, Na’I mundo rai-klaran nian dehan nune’e: “Imi sei hare no hanoin tuir didiakimi nia hahalok: Imi kuda barak, maibe imi hamrook nafatin; imi hatais, maibe imi sente malirin nafatin. Ema ne’ebe serbisu, haloot nia osan koleniha bolsa be iha ku’ak. Na’i, sei sei hare no hanoin tuirdidiak imi nia hahalok. Imi sa’e ba foho hodi lori ai mai; imi hari fila fali Ha’u Nia templo, Ha’u sei simu nia ho ksolok. Iha nia Ha’u sei simu glòria”, Na’i  dehan.

Maromak futar Lia.

 

Salmo Responsorial                                                                                                                                                      Sal. 149: 1-2,3-4,5-6a,9b (R.4a)

Refrão : Na’i hadomi Nia povo. Repete-se

 

Hananu knanauk foun ida ba Na’i,

Hahi Nia iha assembleia fiar na’in sira nain;

Israel haksolok ba iha nia Na’i,

Sião nian oan sira haklalak ba

Iha sira nia Liurai. Refrão

 

Hahi no hana’i Na’i Nia naran,

Hananu kmanek ba ita nia Maromak.

Na’i hadomi Nia povo,

Nia sei haraik prèmio  ba kiak sira. Refrão

 

Ema di’ak no lós sira nia fuan haksolok,

Maromak nia oan sira haksolok,

Hahi la nahas iha sira ibun;

Ne’e mak glória Nia emar sira nain. Refrão

 

Aclamação                                                                                                                                                                                                               Jo. 14:6

Refrão : Aleluia, Aleluia! Repete-se

Ha’u ne’e dalan, lialós no moris hun, Na’i lai tun,

ema ida la liu karik housi ha’u, nia bele ba Aman Maromak. Refrão

 

Evangelho                                                                                                                                                                                                                        Lc. 9:7-9

Na’i  Jesus Cristo nia evangelho tuir São Lucas

Iha tempo ne’eba, rona tia kona ba buat ne’e hotu ne’ebe Jesus halo, liurai Herodes hakfodak, basà ema balun dehan katak João moris hi’as fali housi mate; maibe ema seluk dehan katak Elias mosu fali, no ema seluk tan dehan katak profeta uluk sira ida moris  hi’as fali. Maibe Herodes dehan: “Ha’u tesi tia ona João nia ulun. Ne’e duni, ema ne’e se lòs, ne’ebe kona ba nia ha’u roan buat hirak ne’e?” No nia buka namanas atu hare  Nia.

Lia maksoyn.

Quarta-Feira, XXV SEMANA DO TEMPO COMUM

Ano A

 

Primeira Leitura                                                                                                                                                                                               Esd. 9:5-9

Lia housi livro Esdras nian

Iha oras sacrifício loro kraik nian, ha’u, Esdras, hamriik housi hau hakneak fatin, ho hatais no unuk bosan no nakles, ba hakneak fatin, ho hatais no unuk bosak no nakles, ba hakneak iha Na’i futar oin, lolo liman ba Na’i, ha’u Maromak hodi dehan: “Ha’u Maromak, ha’u senti moe teb-tebs no la barani atu foti ha’u oin hodi hateke ba ita boot, ha’u Maromak! Basá, ami nia hahalok áat sira butuk áas liu ami nia ulun fatuk, ami nia sala wa’in tebes hada malu áas to’o ona lalehan. Houri ami nia bei-ala sira nia tempo to’o ohin loron, Ami nia hahalok áat sira wa’in ba bei-beik. Tan ami nia salan sira, mak ami, ami nia liurai sira no Na’ilulik sira, monu iha liurai housi rai seluk nia liman, hetan mate, hetan kadeia; ema na’uk hodi hadau ami nia sasan, no ami moe lerek iha loron ne’e.

Maibe, oras ne’e, ami hetan ona tulun housi ami nia Maromak. Na’i husik hela ami balun, la mate housi terus, hodi haraik mós fatin di’ak mai ami, housi Nia tur fatin santo. Nune’e mak Na’i loke ami matan,fó hikas fali di’ak iha ami nia moris be hanesan atan. Tebes, ami atan duni, maibe, iha mai nia moris nu’udar atan, ami nia Maromak la husik lerek ami mesak; nia halo ami hetan laran-luak housi liurai Pérsia nian; hodi tulun ami foti hi’as fali ami nia Maromak Nia templo, hodi hadi’ak fali baki sira be áat, hodi fó fatin diak di’ak no metin ida mai ami iha judá no Jerusalém’.

Maromak nia futar Lia.

 

Salmo Responsorial                                                                                                                                                      Tob. 13:2,3-4a,4bcd,5,8 (R.2a)   

Refrão :  Rahun di’ak ba Maromak

                  Be moris rohan laek! Repete-se

 

Rahun di’ak ba Maromak be moris rohan laek!

Nia reino hela metin tinan-ba-tinan.

Iha nia liman castigo no perdua, moris no mate,

Buat ida la sai housi Nia ukun.  Refrão

 

Imi fila imi fuan ba Nia karik,

Hodi la’o iha nia futar oin ho lialós,

Nia sei mai to’o imi,

Hodi hatudu Nia futar oin ba imi.  Refrão

 

Imi hare didiak ba, buat sá Nia halo ba imi,

agradece ba Nia ó lia tomak.

Hahi Na’i tan Nia justiça Na’in,

Habilan Liurai otas hot-hotu nian.  Refrão

 

Ha’u hahi Na’i iha ha’u moris-dadur iha rai seluk,

fó hatene Nia biit no beran ba povo sala Na’in sira

Mai, sala Na’in sira, moris tuir justiça iha Nia futar oin,

Kala Nia hatudu laran luak no sadi’a imi.  Refrão

 

Aclamação                                                                                                                                                                                                           Mc. 1:15

Refrão Aleluia, Aleluia! Repete-se

                   Maromak Nia reino besik ona;

                   imi hakribi imi nia salan no fiar iha Evangelho.  Refrão

 

Evangelho                                                                                                                                                                                                           Lc : 9:1-6

Na’i Jesus Cristo nia Evangelho tuir São Lucas

Iha tempo neba, Jesus bolu Apóstolo Na’in sanulu resin rua besik Nia, hodi fó biit ba sira atu duni sai diabu sira no fó isin di’ak ba ema moras sira. Nia haruka sira atu haklaken Maromak nia reino, no mós atu fó isin di’ak ba ema moras sira. Nia dehan ba sira: “Keta lori tuir dalan ai tonka ka kohe, pão ka osan ka hatais tahan rua. Iha uma naran de’it nebe imi tama, hela iha neba to’o tempo nebe imi atu sai. Kona ba sira nebe la simu imi, wainhira imi husik fatin neba, liki rai rahun housi imi nia ain nu’udar sinal hasoru sira”. Nune’e sira sai hodi lao husi knua ida ba knua sira seluk, hodi haklaken Evangelho no fó isin di’ak ba ema moras sira iha fatin hotu.

Lia maksoyn.