shadow
Diocese de Dili > NOTÍCIAS > HOMILIA DO BISPO

Privilégio Nebe Na’i Maromak Haraik Ba Maria Sai Mai Ita Povo Nu’udar Esperança Hodi Funu Hasoru Sala No Mate

Solenidade Assunção Virgem Santa Maria

Same, 15/08/2020

 

Sarani doben sira!

Ohin ita halibur hamutuk atu agradece Maromak ne’ebe haraik ona mai ita Virgem Santa Maria nu’udar ita nia mahein. Wainhira ita contempla kona ba festa ida ne’e atu hola conciência inportância moris iha rai ida ne’e katak ita hotu ne’ebe iha rai ne’e mesak ema lao rai ‘peregrino’. Dala barak ita haluha tiha katak moris ne’e Na’i Maromak fó mai ita hanesan Bíblia dehan forte lia dalaruma to’o 80 ka 90. Ita haluha tiha katak moris nee Naí Maromak empresta de’it ba ita, ita dala barak hanoin fali katak ita mak nain ba rai ida ne’e, ita mak nain ba buat hotu. Nee duni opurtunidade mai ita atu fanun ita no hateke ba ita nia an hodi halo reflexão.

Comemora Festa Padroeiro nian sempre sai momento diak ida ba ita sarani Same atu pausa ituan husi ita nia actividade diário hodi hateke ba kotuk diak barak nebe ita simu husi Na’i Maromak liu husi intercessão ita nia Inan doben ninian. No hateke ba kotuk mos buat lubuk ne’ebe ita sees husi Inan doben nia hakarak. Tan ne’e, pausa ituan hodi hateke ba kotuk ho haraikan, ho corágem hakarak hadia ita nia an.

Maluk doben sira!

Ohin iha Solenidade Santa Maria ba Lalehan convida sarani fiar nain sira atu tau neon metin nafatin ba ita nia centro fiar ninian. Ida nee mak mistério boot Cristo nia Ressurreição. Tan nee Amo Papa Emérito Bento VI dehan; ó Virgem Santíssima ita hare ba oin dalan ne’ebe ita atu ba, koko atu liga ita nia moris ho Jesus ninian hanesan Maria. Festa nee koalia kona ba ita nia futuro basá ita mos sei lao duni tuir dalan ida nee, ho fiar metin loron ida ita mos sei hola parte iha ksolok hamutuk ho Maromak ita Nain Jesus Cristo. Tan nee, convida ita atu laran metin nafatin iha Jesus nebe moris hias.

Sarani doben Sira!

Maria halao tiha nia knaar iha rai ne’e, Maromak hasae Nia ba Lalehan, nune’e Nia sai ba dala uluk Na’i Maromak nia Criatura ne’ebe hetan salvação rohan laek. Privilégio nebe Na’i Maromak haraik ba Virgem Maria sai mai ita povo Maromak nian nu’udar esperança hodi funu hasoru sala no mate. Nune’e mos hanesan Nia ita mos sei koko glória rohan laek ne’ebe Nain Feto koo tiha ona.

Wainhira koalia kona ba Assunção Papa Pio XII (1950); Inan sala laek Maromak nia Inan Maria Feto Kmok wainhira nia termina nia moris iha rai ida nee, Nai Maromak hasae Nia Isin no Klamar ba Lalehan. Wainhira ita hanoin kona ba diak no kmook nebe Virgem Maria simu dala barak ita mos hanoin hodi hamosu mos iha ita nia fuan katak iha loron ida ita mos sei participa iha ksolok ida nee. Ksolok ida nebe Maria hetan iha nia Moris rohan, ita mos hein katak loron ida, ksolok no esperança ida nee sai mos ita ida-idak nian.

Furak oinsa mos moris iha Maromak nia kadunan Santo, diak Maromak nian mak continua wainhira ita celebra tinan-tinan festa padroeiro koko atu tama klean liu tan hanesna Nain Feto Koko. Hanesan Maria sente nia expressa ho nia liafuan nebe hanesan ohin ita rona iha Evangelho dehan ‘Nia nebe kbiit nain halo kmanek oi-oin mai hau, Nia naran Santo tebes’. Los Maria mos nia sente la soi ba buat ida nee, maibe too ikus mai nia sente katak nia la soi maibe Na’i Maromak tau marca ida nee; foti Nia a’as liu criatura hotu-hotu.

Ba foin sae sira nebe atu simu Sacramento Crisma kata, Simu Sacramento Crisma laos buat nebe formal deit maibe exige ita nia maturidade iha responsabilidade nu’udar sarani, Oan no nudar foinsae. No sacramento Crisma nee rasik ita simu atu completa ita nia sacramento inciação. Iha livro Apocalipse haktuir mai ita kona ba Creda nia susar oinsa atu haklaken Maromak nia mensagem. Ema sei trata ita, hatete at ita, maibe nee la saugate tanba susar no terus nee hotu sura iha Na’i Maromak nia matan. Tan ne’e ho roman assunção Virgem Maria nian nee hanesan arca ida nebe hatur iha Maromak nia Santuário iha Lalehan.

Ohin agradece ba Maromak husi Virgem Santíssima nia moris hanorin no hatudu dalan mai ita atu moris hanesan ema fiar nain. Moris iha rai nee hola nafatin conciência katak ita ema lao rai katak ita nia fatin iha lalehan. Maske terus no susar nunca halo ita desanima. Hanoin kona ba Nain feto ninia maternidade fo hanoin mai ita kona ba ita nia mama sira. Papel inan nian ne’e laos deit iha momento ida, maibe acompanha oan sira too rohan.

Maluk sarani doben sira!

Iha tempo Covid ninian ita hare katak buat barak mosu iha ita nia rain. Liu-liu ita hare no rona iha grupo barak sai halo caridade, halo diak no fo tulun. Sira nebe iha supermi rua fo netik ida ba ida nebe laiha, sira nebe iha mina barak fahe ba sira nebe laiha. Nee hatudu ona sinal sarani nia maturidade iha Timor. Katak ita nia fiar latoo deit maske tempo Covod ninian ita labele ba missa, maibe ita prática daudaun caridade domin katak ita fahe ba malu. La hanoin deit kona ba ida-idak nia an maibe ema barak sai husi nia fatin hodi fahe buat nebe sira iha ho ema nebe laiha. Então mai ita husu ba Maromak liu-liu iha loron ida nee hodi agradece ba Nia ba diak hotu nebe ita simu, maibe ita mos tem que hola conciência fial fali ba oin hafoun ita nia an nuudar sarani iha Paróquia ida nee, nuudar família ida-idak hateke ba Nain Feto hodi lao tuir exemplo Nain Feto ninian hodi lao iha oan sira nia sorin too ita nia moris termina iha rai ida ne’e. Nunee mos oan no foinsae sira hotu atu ita mos hare ba Maria nuudar oan, nudar jovem ida nia hatene husik Maromak atu hola parte iha nia mehi. E wainhira nia husik Maromak atu hola parte iha ninia mehi no nia plano. La obriga Maromak atu tuir deit nia plano, nia hakarak maibe nia aprende atu comprende Maromak nia plano. Dala barak ita reza itaobriga Maromak atu tuir ita nia hakarak. Ita nia oração tulun ita atu compreende Maromak nia plano iha ita nia moris.

HOMILIA BISPO (MISSA CRISMAL 2020)

Maluk doben sira, ho ksolok boot ita bele halibur hamutuk fali iha loron hirak ne’e nia laran (hahu Assembleia hodi bain rua, horseik encontro Paroco sira no ohin too iha nia climax termina ho missa crismal…hanesan exprexão amu balun nian:”furak ida oin sa!”) sa tan liu tiha tempu silencio fulan rua resin nebé ita Ia hasoru malu iha novidade barak atu conta;

celebração ohin sai mos momento ida mai ita clero Dili nian agradece ba Maromak nebé Ia abandona ita maibé continua hatudu nia proximidade mai ita hanesan salmista dehan:

“Ha’u sei hatudu Ha’u laran mos no laran luak ba” imi!

Tamba Nai Nia laran luak Ia sura ne’e, mak halo ita mos Ia hakmatek buka duni atu agradece. Sinal ida concreto agradecimento nian mak ita sei halo iha celebração ohin hodi hafoun hikas ita nia fidelidade ba Maromak ba kana’ar Amululik nian nebé ita simu iha loron ordenação nian, nebé tuir lolos celebra tiha ona molok ita tama ba semana santa tinan ne’e nian tuir ita nia calendario maibé tamba situação obriga ho mos orientação:

Baseia ba Decreto covid-19, iha 19 de Março 2020 housi “Congregação para o Culto Divino e Disciplina dos Sacramentos”, husu ba Bispo sira atu iha conferencia Episcopal sira decide tamba covid-19 bele muda data missa Crismal tuir nação id-idak nia situação.

No ohin mak momento laos atu agradece deit maibé mos celebra ita nia missa crismal hamutuk.

Missa ida ne’e importante mai ita liu-liu ba amululik sira; iha introducão Missa crismal nian fo hanoin fali mai ita,

“O Bispo concelebra com o seu presbíterio e dentro da qual consagra o santo crisma e benze os outros óleos, é como que a manifestação da comunhão dos presbíteros com o seu Bispo.” (Missal Romano, introdução geral)

Ita laos deit benção óleos hanesan temi ona iha leten maibé iha ne’e mak hatudu ita nia comunhão laos virtual deit maibé iha actos concreto tan ne’e hakarak agradece ba ema houto nia esforso no sacrificio tamba tenke housik actividade balun atu bele participa iha eucaristia ne’e, particularmente ba ita nia amu sira nebé mai housi Oecusse (hodi kalan tomak iha tasi laran mai deit atu participa iha missa crismal nian no orsida lokraik sira fila kedas); maske fulan hirak ne’e sira dook housi ita maibé iha biban ida ne’e sira haka’as an duni atu hola parte fisicamente iha ita nia leet;

maluk doben sira celebra missa crismal no renovasaun ita nia promessa, iha fulan Sagrada Coração de Jesus nian, sa tan iha loron ikus molok festa boot Sagrado Coração de Jesus nian ne’e iha folin no sentidu saida 10s mai ita amululik sira, se laos buka “atu halo ita Nia fuan sai hanesan Jesus ninian?

Fuan ida hanesan sao Paulo dehan iha nia carta ba colesenses:

“imi nebé hili ona, santo no predilecto tan ne’e haka’as an ba atu hatais ho hatais sira hahalok misricordia nian, mansidoun, bondadade, humildade no paciencia. Buka atufo tulun ba malu no perdua malu 3,13-14)

Sasukat ruma nebé ita precisa kaer mak mai ita fila fali ba Evangelho sao Lucas nebé foin ita rona hamoris fali iha ita nia emosaun ba Jesus wainhira nia lê profecia Isaias nian ba povo; sinagoga nakonu ho ema, ema nebé hatene Nia, ninia vizinho, familiares nune’e mos balun nebé Ia hatene Nia. ema houto tau sira nia matan ba “Jesus”. Uma Creda desde uluk sempre tau nia matan “fixo” iha Jesus,

 

IDA NEBÉ KOSE ONA MINA, ESPÍRITO HARUKA, BA KOSE MINA BA MAROMAK NIA POVO.

lha evangelho ita rona beibeik figura Jesus nian ida nebé iha em awain “EMA LUBUN BOOT” nia leet, ida nebé ema barak buka husu Nia atu duni sai Espírito a’at sira, buka hakarak atu rona Nia Lian nune’e mos hakarak lao hamutuk hoNia.  “Ha’u Nia bibi sira rona Ha’u nia Lian: Ha’u hatene sira nune’e mos sira tuir Ha’u.” (Jo 10,27)

Nia nunka lakon contacto ho Nia povo, mantein nafatin proximidade ida ho nia povo; wainhira ita refere ba “ema lubun boot” Ia refere ba ema nebé ita Ia hatene mai housi nebé no buka saida…maibé wainhira Jesus iha ema lubun boot ne’e nia leet, hatudu iha contacto ida nebé reciproca …”interacção”ho sira…Jesus hanesan bibi atan transforma sira: iha espírito ida nebé suscita desejo atu tuir Jesus, hamosu admiração no iha forma ida hodi halo “discernimento.”

Wainhira ita koko observa besik liu oituan ba proximidade nebé Jesus goza ho “ema lubun boot” ne’e la termina deit nune’e maibé housik hela marca ruma;

Sira Ia buka deitJesus maibé sira tuir Nia,

Hanesan sao Lucas dehan “sira buka Nia”(Lc 4,42) “sira tuir Nia”(Lc 14,25)”sira sena malu, dudu malu”(cf. LC 8,42-45) “sira halibur malu lubun boot ida atu rona Nia”(Lc 5,15) sira tuir ho hakarak no ho carinho….

maibé ita houto hatene katak escolante sira mak dala barak sai obstaculo tamba preocupa ho logistico no buat hirak acomodação nían tan ne’e sira husu ba Jesus atu haruka ema lubun boot ne’e fila ona tamba rai kalan ona; escolante sira lakohi atu preocupa ho ema hirak ne’e necessidade…iha nebé mak sira bele prepara fatin no ai han ba ema hirak ne’e houto. Tan ne’e sira husu ba Jesus diak liu haruka ema hirak fila ba sira nia fatin.

Maibé Jesus wainhira hare escolante sira nia atetude nia teri netik kedas dehan:

 “imi fo han ba sira!”

maluk dobens sira, atetude escolante sira nian ne’e mos dala ruma sei moris hela iha ita nia leet; iha tempu pandemia nían ne’e wainhira mosu hanoin atu fahe netik buat ruma nebé ita iha ho hirak nebé Ia iha ou halo caridade ho maluk sira nebé precisa •, ….mosu mos balun nebé dehan,-tan sa ita tenke ba haduu fali Governo nio Tan sa ida ne’e no tan sa tenke haneson nebo.?

Tamba iha tansa barak ami dehan deit hodi hein governo nia promessa ita auguenta netik etu bikan ida mos bele salva ema balun nia moris; kona ba atetude indiferente ida hanesan ne’e iha uma Creda Amu Papa dehan,

ha’u hanoin clericalismo hahu iha ne’e: atetude ida wainhira buka atu assegura deit hahan no ninia comodidade la Preocupa ho ema seluk nia interesse.”

Jesus hanourin ho autoridade ida (Mt 7, 28 mak Lia fuan nebé halo an ba ema, suscita iha ema capacidade ida ne’e atu hatene Jesus; wainhira Jesus descute malu ho Fariseu no doutor sira lei nian, buat nebé ema reconhece iha Nia mak Jesus Nia autoridade: forsa ida iha nia dotrina. nebé bele penetra ema nia fuan sira no facto ida espírito a’at sira mos hakruk ba Nia;

evangelho wainhira koalia kona ba -ema lubun boot” ne’e refere ba grupo ha’at nebé sai nia preferencia; kiak sira, sira nebé dadur tamba funu, matan delek sira no hirak nebé ema hanehan eh iha kloot laran;

Amo Papa fo hanoin fali mai ita. maluk amululik doben sira, keta haluha ita nia modelo sira evangelho nian mc •povo’ ida ne’e, ema lubun boot ho oin sira nebé concretomita la bele tauk atu identifica ita nia an ho sira nebé simples.

Ita amululik sira, ita mos kiak no ita hakarak iha fuan ida hanesan feto faluk nebé iha evangelho halo esmola bolu Jesus nia atengäo; tamba nia hatene fo houto no fo ho hakarak; ita amululik hanesna Bartimeu, iha dader wainhira ita hader precisa reza nafatin: •sci. tulun atu ha’u bele hare!-

teste diak ida atu hatene ITA NIA FUAN BIBI ATAN NIAN MAK ITA precisa hare oin sa ita hasoru terus. Dala barak bele acontece ita nia comportamento sira hanesan levita ou amululik nebé iha aiknanoik wainhira lao liu hare ema nebé monu hela iha dalan la importa, ignora tiha deit no liu dadaun. Ou a’at liu tan ita hahu buka rasaun oi-oin hodi salva ita nia-an;

Los duni iha situagäo sira hanesan ne’e halo ita la soi atu hateke ba Jesus maibé ita precisa iha coragem no humilde housik Jesus penetra ita nia Vida, cura ita nia fuan nebé kanek, face mos ita nia ain nebé hafoer tiha ho buat nebé mundo nian nebé impede ita atu bele lao didiak;

Iha dalan perfeiqäo nian mai ita contempla nafatin Nossa Senhora Mäe dos Sacerdotes. •Ela , mulher do coraqäo trespassada”(Lc 2.35) hanourin ita loke ita nia matan ba futuru no haraik fali esperansa.

Ita Nai Maromak hakonu nafatin ita nia fuan sira ho mina misericordia, bondade, mansidaun. humildade e paciencia atu ita bele “hatudu verdadeiro rosto do Jesus.

 

ARCEBISPO METROPOLITAN ARQUIDIOCESE DE Dili

DOM. VIRGILIO DO CARMO DA SILVA, SDB

Catedral 18/06/2020

IV Domingo tempo Quaresma hanaran Domingo LAETARE (Domingo ksolok nian)

Quarta domingo quaresma nian hanaran domingo LAETARE (domingo ksolok nian). oinsa mak ita bele haksolok wainhira ita seidauk celebra tan loron Jesus nia moris hias (Jesus nia ressureição?/domingoPáscoa?)

 

Ita iha ona metade tempo quaresma nian, ita besik dadaun ona atu termina quaresma no ohin ita hanaran domingo ksolok nian tamba liturgia apresenta passagem evangelho ida nebé extraordinario. Iha nebé haktuir mai ita passagem ida naruk lós kona ba ema ida nebé moris mai matan delek kedas ona maibé Jesus halo nia bele haré.

 

Semana kotuk wainhira ita hanoin kona ba dialogo Jesus ho feto Samaritana iha poço, Jesus apresenta nian an: Ha’u mak we matan moris nian.

 

No ohin ita hanoin kona Jesus mak Naroman mundo nian. Hanesan Sao João dehan “Lia fuan mak Naroman lolós, Nia mai iha mundo atu lori naroman ba ema houto” ( Jo 1,9); Cristo mai atu halakon ita nia nakukun sira, atu leno ita nia nakukun sira, lori ita tama ba familia sira nebé pertence “ba naroman nia oan sira no loron nia oan sira” (l Ts 5,5)

 

Houri uluk kedas Maromak liu housi Nia profeta sira haklaken Maromak Nia liafuan ba ema houto; no Maromak mak leno nia povo atu lao iha dalan lós nian. hanesan iha primeira leitura housi Samuel Maromak haruka nia atu fihir Jesse nia oan ida atu sai liurai Israel nian. atu ukun povo Maromak nian tuir Maromak Nia dalan, dalan naroman nian.

 

Wainhira profeta too iha Jesse nia uma nia haruka Jesse halibur nia oan sira houto housi boot too kiik mai hasouru Samuel maibé Nai Maromak Ia fihir sira ne’e ida, hafoin Porfeta husu ba Jesse se nia sei iha tan ema balun nebé seidauk iha. Jesse iha oan ikun no kiik nebé tau matan hela ba bibi sira. Samuel haruka Jesse bolu kedas labarik oan ne’e. Labarik oan ne’e mak David, wainhira sei dook Nai Maromak dehan ba profeta: ida ne’e mak o sei tau olio “fo benção” ba nia atu sai liurai Israel nian, basá

 

“ema haré housi aparencia external (liur) maibé Nai Maromak haré mak buat nebé lha ema nia laran”.

 

Housi laran mak Nai Maroamc haré David nia DISPONIBILIDADE. Maromak hili ema nebé disponivel (pronto) atu executa Maromak nia plano, halo Maromak nia vontade no habelar Nai Maromak domin.

 

Semana kotuk ha’u dehan ona katak semana tolu ikus molok atu tama ba semana santa convida ita atu haklean liu tan kona ita nia batismo. We laos deit hamos ita nia sala maibé we mos hasai ita housi nakukun.

 

Paulo iha segunda leitura apresenta doutrina Batismo nian. batismo mak dalan ba Naroman. Ida ne’e mak dalan ba bontade, ida ne’e mak dalan ba justice no ida ne’e mak dalan ba verdade (lia lós).

Tamba sa mak tinan-tinan iha quaresma continua fo hanoin mai ita kona ba importancia batismo iha sarani ida nia morís? Tamba iha perigo ida nebé ita precisa fo atenção:

 

Iha lian latin frase ida dehan: NON PROGREDI REGREDI EST!…..

Ita ema ne’e iha moras a’at ida ne’e, ou ita bele dehan “toman a’at” ida. Ne’e mak RELAX… SANTAI…. dala ruma ita hanoin buat houto gampang! Ita husik exigencia isin nian domina tiha ita nune’e atu halo Maromak nia vontade dala barak ita kole, baruk no matan dukur hela deit “toba nafatin”, nune’e saida mak mosu? Ita husik nakukun, hahalok nakukun mundo nian mak domina ita.

 

Haré ba ita nia inconcistencia ne’e Paulo dehan nusa mai ita ohin?

“hader  O be toba ne’e, hamrik housi mate sira leet, Cristo nabilan iha O”. Ne’e duni comporta hanesan ema naroman nia Oan, laos fali hanesan ema nakukun nia oan. Maluk doben sira ita houto hodi batismo ita sai tiha ona housi sala no housi nakukun tan ne’e ita tenke hadook an housi hahalok nakukun nian…. ida ne’e mak sentidu quaresma nian convida ita atu fila fali ba naroman.

 

Cristo mai atu halakon ita nia nakukun sira, atu leno ita nakukun sira, lori ita tama ba familia sira nebé pertence “ba naroman nia oan sira no loron nia oan” (Ts 5,5)

 

Jesus haraik matan ba matan delek nebé housi kedas moris mai. Wainhira ita rona Istoria matan delek ida ne’e nian lori ita ida-idak hanoin fali kona ba ita nia istroia. Ita nia istoria fiar nian.

 

Ema ne’e molok hasouru malu ho Cristo nia matan delek, Jesus mak kura nia matan nebé delek, fo fali matan ba nia, hodi we batismo nian mak loke nia matan. Matan delek ne’e consegue haré fali wainhira fase tiha ho we, tuir Jesus nia ordem.

 

Jesus kura matan delek barak maibé ida ne’e kura ida especial; wainhira Jesus haruka matan delek ne’e :

“loke O nia matan!”

Ne’e hatudu kona ba dalan nebé matan delek ne’e descobre; nia descobre dalan naroman nian; nia descobre atu sai housi dalan nakukun ba dalan naroman boot mai housi Cristo;

 

Kura matan delek ne’e hakarak hatudu saida mai ita? Hakarak apresenta saida?

  • Nu’udar ema ita iha tendencia atu buka ita nia hakarak deit, isin nia hakarak… iha nebé gosta atu lao iha nakukun do que naroman…

 

Iha dalan fiar nian mak ita nia matan mos hahu nakloke….ita husu ba ita nia an:

 

Ha’u iha lós nebé? Saida mak ha’u halo iha mundo ne’e?

Iha ne’e obriga ha’u atu buka duni naroman iha ha’u nia moris; exige ha’u atu halo duni opção! Obriga ha’u atu hili dalan naroman do que nakukun nian.

 

Hili dalan Fiar nian…tan ne’e saida mak mosu ba matan delek ne’e? Nia ba!

Nia fase!

Nia fila!

Nia haré!

Ikus Nia Fiar….

 

Nia Adora!…. maske  Fariseu sira la simu tamba Jesus la observa Judeu sira nia lei katak la bele servisu iha loron sábado. Maibé Matan delek ne’e reconhece katak ne’e laos hahalok ema bai-bain ida nian maibé tenke mai housi Maromak.

 

Jesus mai duni lori naroman ida ne’e, hanesan Zacarias iha nia cantico hahí dehan: “Naroman housi leten a’as sei mai visita ita”. Jesus mak naroman boot ida ne’e, tuir Sao Joao.

 

Maluk doben sira saida mak ita bele aprende housi cena ida ne’e?

  1. Atu ita bele sai housi ita nia condição sala nian minimamente precisa reconhece katak “Ha’u sala Nain.”
  • Hatudu necessidade ida ba Maromak
  • Fariseu sira taka an ho sira nia arrogancia/soberbo nune’e labele haré lialós nebé mai housi Jesus
  • Matan delek ne’e hatene reconhece mak ikus mai bele tama iha comunhao ho Jesus atu bele hola parte iha mistério boot ne’e precisa deit buat rua:

 

  1. Ema nunka kole atu buka Maroamak… buka Maromak nia bontade, buka Maromak nia verdade, buka Maromak nia…
  • Ita precisa reconhece katak ita ema sala na’in, matan delek ne’e iha evangelho la iha naran ne’e significa nia representa humanidade tomak, nia representa ema houto nebé buka hela naroman boot ne’e, nia representa ita ida-idak…

Solenidade São José, Esposo da Virgem Maria

Iha Solenidade Festa São José, Virgem Santa Maria nia kaben nian ne’e, ita haksolok tanba dala ida tan ita sente duni Na’i Maromak nia domin boot oinsa mai ita nia Arquidiocese.

NIA hatudu mai ita hodi bolu tan foinsa’e nain tolu husi ita nia leet, atu hakat besik liu tan ba Na’i Maromak, atu Na’i Maromak consagra sira, atu sira bele saran sira nia an serbi de’it Na’i Maromak no ninia povo.

Wainhira Na’i Maromak bolu ema ida, NIA bolu ba knar ida, ba missão ida. Ida ne’e laos novidade ida mai ita, basá desde uluk mai to’o ohin loron Na’i Maromak continua bolu ema ho nia dalan oi–oin, ho nia maneira rasik.

Nune’e atu realiza Maromak nia plano aliança domin nian ne’e, Na’i Maromak livremente fihir ema ida hosi ema seluk nia le’et. Hanesan iha história salvífica ninian Na’i Maromak fihir Abraão atu hosi nia graça no bença Na’i Maromak ninian bele daet ba ema hot-hotu. Laiha ema ida nebe bele dehan katak nia meresse ou nia soi duni ba ida ne’e.

Salvação ne’e Na’i Maromak nia don ida. Certamente NIA fo ba ida nebe hatene ho fuan no laran buka moris tuir Maromak nia plano. NIA fo ba hirak nebe hatene tau sira nia an iha Maromak nia domin.

Abrão fiar iha Maromak nia Liafuan. Maromak sei haraik ba nia oan ida, nia tau confiança tomak iha Maromak maske susar, maibe nia fiar la nakdoko. Fiar iha Maromak hatudu iha nia haraik an no fiar iha Maromak hatudu nia hatene atu halo tuir. Ida ne’e mak São José sai figura boot iha história salvação ninian. Tan ne’e, ohin Santa Kreda iha mundo rai klaran hateke ba nia nudar modelo liu-liu ba aman no chefe da familia.

São José ema nebe justo ho Maromak ho mos nia maun-Alin sira. ida nee hatudu liu-liu iha São José ninia relação ho Virgem Maria. Wainhira nia hanoin atu husik Maria, maibe Na’i anjo mosu ba nia dehan; José David nia oan keta tauk simu Maria nu’udar ó nia kaben basá nia kous hodi Espírito Santo nia kbiit.

São José consege tama iha Na’i Maromak nia mehi. Tan nee hader husi mehi José halo tuir buat nebe Anjo dehan ba nia. São José cumpre Maromak nia vontade maske nia lori hela dúvida boot. Saida mak ema sei koalia kona ba ida nee! Nee mak ita dehan momento nebe nakukun iha São José nia moris. Nakukun boot ida iha nia moris iha nebe nia rasik mos susar atu enfrenta basá ida ne’e mistério boot ida.

Maluk doben sira!!

Ita celebra daudaun Solenidade São José nian iha tempo quaresma. Durante tempo hirak nia laran, Santa Kreda convida ita atu fila fali ba Maromak. Fila fali atu descobre Maromak nia vontade mai ita ida idak. Maromak nia vontade sai realidade iha ita nia moris exige mos ita atu mate ba ita nia an no mate ba ita nia plano, mate ba ita nia mehi sira.

Ida ne’e mak São José buka hatudu mai ita iha nia moris. São José nia dúvida no nia nakukun sai maka’as liu tan wainhira nia defende no preocupa tebes ho nia hakarak. Maibe wainhira nia husik Maromak nia mehi sai nia mehi. Wainhira nia aprende atu sai Maromak nia vontade, aprende atu abandona nia an ba Maromak nia vontade, mate ba nia an, mate ba nia plano mak São José bele simu Maromak nia hakarak ne’e ho paz no serenidade.

Maluk doben sira!!

Iha contexto ida nee São José convida mos ita atu la buka manan de’it, maibe aprende atu comprende malu, aprende atu mate ba ita nia hakarak, nunee ita bele construi dame, unidade iha família laran.

São José la hanion de’it atu salva virgem Santíssima, maibe nia hanoin liu Maromak nia plano atu salva humanidade tomak.

Ita hotu nia sorumutuk dader ida nee ninian sai realidade ida tanba foinsae nain tolu nebe hatudu sira nia prontidão atu hatan ba Na’i Maroamk nia bolu.

Sira ida-idak iha sira nia história; iha sira nia nakukun no sira nia dúvidas. Liu husi experiência sira nee hotu, sira mos comprende duni no laos buka sira nia hakarak de’it, maibe buka Maromak nia vontade. Sira aprende atu mate ba sira nia hakarak atu moris de’it ba Na’i Maromak.

Ne’e duni, imi simu ordenação diaconado ona imi laos ona hanesan jovem bai-bain, maibe imi joven ida ministro Maromak nian. Wainhira imi hili hakarak atu sai diácono katak imi tem que renuncia total, halo mudança ida, halo opção ida nebe fundamental hodi husik buat hotu, hanoin de’it atu fo, atu saran an tomak atu serbi Maromak. Husik buat hotu katak husik sasan sira mundo ne’e nian hodi halo tuir de’it Maromak nia vontade hanesan São José.

Iha ordenação ninian frase nebe temi bebeik “Fiar iha buat nebe o lê, hanorin buat nebe o fiar, moris tuir buat nebe o hanorin”. Kaer ba iha Amo Papa ninia carta nebe wainhira koalia kona ba ida frase ne’e, nu’udar ministro Maromak ninian, Papa dehan “La to’o de’it atu hatene interpreta Maromak ninia liafuan maibe buat nebe precisa fo atenção liu mak precisa hakbesik Maromak nia liafuan ho fuan ida nebe nakloke harohan ninian”.

São José laos pregador ida, maibe husi nia experiência moris nian, hakarak fo hanoin mai ita hotu, liu-liu ba imi nain 3 katak, eficiência imi nia ministério diaconado nian ne’e, sei hetan liu-liu iha imi nia intimidade ho Na’i Maromak, fiar buat nebe imi lê, hanorin buat nebe imi fiar, moris tuir buat nebe imi hanorin.

São José Jesus nia aman hakiak, mahein Uma Kreda ninian, cuida nia família ho Espírito serbi ho haraik an ninian. Mai ita aprende husi nia siléncio hodi hatene serbi Na’i. Ita harohan atu Na’i hanorin ita tuir exemplo São José ninian atu ita bele moris tuir projecto da vida ida mak tuir Maromak nia vontade, ita harohan atu ita hotu aprende husi São José atu halo ita nia moris hanesan knananuk ida hodi hahi Na’i Maromak.

RAHUN DIAK FETO KMANEK TEBES NA’I HO ITA

Arcebispo Metropolitana de Dili, sarani tomak Arquediocese Metropolitana Dili nian, hamutuk ho padres, madres, religiosos/as, seminaristas tomak celebra missa agradecimento ba mahein Imaculada  da conceição ihs Sé Catedal Dili nian. Iha celebração  ba mahein Arquediocese Metropolitana Dili nian ne’e Arcebispo Dom Virgilio do Carmo da Silva mak preside no padres lubuk mak concelebrante, celebração ne’e nudar ação de graça ba Maromak, tan diak hotu nebe simu ona liu hosi harohan daet ita nia mahein, celebração ne’e hanesan sonelidade dahuluk nebé comemora iha calendario liturgia foun iha tempo advento, momento preparação ida  radical nian hodi hein salvador nudar creda ida nebe kmo’ok  sala laek no santa. Celebração ne’e realiza iha loron Sabado, 7 de Desenbro de 2019.

Iha ninia homília Dom Virgilio dehan “momento ida atu convida ita ida idak no haraik an, hare ba ita nia an, nudar comunidade haksolok ho diak nebe ita simu tiha ona nune’e mos, fo coragem, admite buat nebe ita labele halo maibe serve nudar lição ida mai ita atu melhoria ita nia an,  ita nia comunidade, atu hahu; hakarak convida ita boot sira hanoin fali salmo nebe ita foin rona”.

Hodi habadak reflexão ne’e Arcebispo dehan “hau habadak lia fuan hirak ne’e Na’i ami haNa’i no hahi Ita nia domin nia furak no kmanek sira, ita haNa’i no hahi Maromak  nia domin, Maromak  nia kmanek nia furak sira, salmo ida ne’e mak bele tulun mos ita atu bele comprende diak ministerio boot nebe ohin ita celebra iha loron ida ne’e”.

“Convite ida mai ita atu comprende diak liu tan pasagem evangelho nebe ita rona, espaço ida mai ita atu nonok uitoan, iha silencio, espaço ida mai ita atu admira, Maromak  nia diak iha ita ida idak, espaço ida mai atu bele contempla klean liu tan diak Maromak  nian mak ita bele rechoce, mak ita bele hakiak iha ita nia fuan ksolok ida nebe los”dehan Dom Virgilio.

“Perante ida nebe halo buat kmanek hirak ne’e hotu, ida nebe halo ita hatene ona nia salvação  hodi hanoin fali kona ba nia domin no fidelidade ba povo nebe nia hadomi. Mai ita laiha sensto nebe diak liu ona  do que agradese de’it ba Maromak; ba nia domin nebe boot tebes mai humanidade tomak”. Salienta Arcebispo.

Dom Virgilio Explica liutan katak “Iha nia maneira rasik koko ho lia furak nebe dehan molok atu hakiak mundo Na’i Maromak  fihir kedas ita atu bele moris hanesan ema santo, nudar  ema sala laek iha nia futar oin, maibe Maromak  nia prejeito confirma liu hosi historia nebe marça  ho promessa”.

Cristão sira iha missa Padroeira Arquediocese Dili nian, Photo Alin Soares

“Esperança ida atu realiza ita ema ida idak nia moris, Maromak nia plano, promessa ida esperaça ninian mak realiza ho feto kmook hosi Nazaré ninian hanesan anjo nia lia fuan ohin ita rona dehan Rahun diak feto kmanek tebes Na’i ho ita. Feto kmook ida ne’e  mak ita tenque haksolok duni basa hatudu presença Maromak  ida nebe mai atu salva no Maromak  ida nebe misericordioso” Dom Virgilio afirma.

Arcebispo Metropolitana ne’e haklaken “Misterio boot ne’e realiza hosi díalogo entre Maromak  nebe hatudu nia an liu hosi lia fuan, feto kmook ida ne’e iha ninia humildade, kapasidade atu rona ho radicalidade, buat uitona toka tebes ita hosi ministeriocordiosa ne’e mak Maromak  halo dialogo ho maria. Maria lao simplismente sai disnitaria  relação ba Maromak  oan, nia iha papel ida nebe ativo,paseira iha contecsto ida, parseira ida nebe Maromak  nia anjo nian  ho Maromak  rasik. Ida nebe hakarak duni atu refelecção Maromak  nia projeito ne’e iha liberdade tanba nia fiar”.

Liutan ne’e Dom Virgilio dehan “Maria nia dialogo ho anjo dalan ida atu bele comprende didiak plano Maromak  nian nun’e mos biban atu ita tetu duni no tetu didiak to’o tasak, força dialogo ida ne’e  mak iks mai loke Maria nia neon no laran ba ministerio boot ida ne’e to’o nia haraik dehan. Ne’e sa Na’i Atan oan mak ne’e  halo tuir Ita nia lia fuan ba , maibe llos ita la presija hakfodak basa iha inicio historico be salvaçào nian hahu kedas ona wainhira sal mai iha mundo, iha tiha ona dialogo entre ita ema ho Na’i Maromak”.   

“Precisamente leitura ohin nian kona  duni dialogo rua ne’e, dialogo silencioso entre Na’i Maromak  ho premeiro home  dialogo nebe profundamente ho marca drama escurso ida  no ikus mai taka comleta ho novidade boot ida mak dialogo entre anjos ho Na’i feto maria.Acontesemento rua nebe  iha momentu no espaço rua nebe lahanesan maibe rua ne’e hotu hakarak hatudu deit  buat ida mai ita , Maromak  ida nebe buka, nia buka ita ema, maroamk ida nebe buka iha ema ida nebe reflecte ninia fuan no nia laran sadia nia sei hakmatek no lakohi atu lakon critura nebe as liu criatura hotu-hotu, nia buak atu hadia fila fali amisade ida nebe lakon tiha ona ho lia fuan no iha nia deit mak bele hadia fali ilas Maromak  nian ida ne’e”, dehan Arcebispo Dili ne’e.

Iha tempo hanesan Dom Virgilio dehan tan “Na’i Maromak  buka hanesan uluk buka adão ho eva, ohin mos continua buka ita ida idak, pregunta ida nebe ita rona iha premeira leitura dehan katak  ó iha nebe  ida ne’e mak lia fuan derige ba ema wainhira nia rasik fila kotuk ba Maromak , so Maromak  deit mak bele halo pergunta ida nebe  certamente sunu duni kanek sira iha ema nia fuan, no obriga ema atu foti matan atu hare no hili dalan foun maske naruk, todan, maibe ida ne’e Maromak  ninia hakarak. Ó iha nebe fatin nebe mak ema ho nia liberdade tomak hili atu ba hodi hela, ita dehan hodi subar, fatin nebe hodi fo ksolok ba hau nia isin nia hakarak atu ba los iha nebe, saida mak nia hakarak atu hetan ida ne’e mak Maromak  nia horik fatin buka Maromak . Iha mons katuas monge ida dehan buka Maromak laos iha nebe nia hela, ema buka Maromak  nia futar oin ho haraik an no fiar katak Maromak  deit mak nia bele hetan fatin ida ne’e ó iha nebe wainhira rona tiha lian ida ne’e ita hotu hatenen katak, Adão hatan basa hau isin tanan hau moe, Adaõ nia resposta mak ema nia resposta, resposta ida humanidade ninian nebe la hatene tan atu ba los iha nebe, Maromak hasai tiha ona hosi nia horik fatin agora laiha tan fatin nebe seguro tan ne’e nakonu ho ansiedade, fragilidade, desesperação boot, halo nia moris  tauk iha seguro todan oinsa  wainhira ita sente dok hosi Maromak”.

“Wainhira Maromak  hakat besik ba nia, nia sente ameaçado, lahatene atu halo los sa, maibe Na’i Maromak  nia presença ida nebe atu hakuak; atu hametin liu relação ho ita ema, Maromak  hakbesik no bolu fila fali ema tama ho contacto ho nia laos tanba direito maibe tanba Maromak  nia domin, o iha nebe pergunta nebe Na’i Maromak  halo ho ema dahuluk no mos ho premeira mulher eva hanesan eco ida nebe  atravesa historia humanidade tomak nebe fanun ema hotu no bok ema hotu nia fuan”, Dom Virgilio haklaken.

Dom Virgilio observa “Ne’e duni maluk doben sira Na’i Maromak  continua  bolu ita ema  hamoris liu liu iha ita nia fuan sira desejo ida; nune’e mos nostagia ida atu fila fali ba Maromak. Furak oinsa wainhira horik iha Maromak  nia kadunan, ita hotu iha desejo boot ida ne’e maibe buat nebe mak ita hakarak sira mundo ninian nebe contrario ho Maromak  nia plano, o iha nebe,  ne’e sa Na’i atan oan mak ne’e halo tuir ita nia fuan ba,resposta maria nian mak resposta ema ida nebe livre, ida nebe haraik an açeita no simu nia realidade, maske sente folin laek isin tanan duni Na’i Maromak  nia futar oin santo, hau mak ne’e resposta ida hatudu katak laiha tan ona tauk maibe iha confiança tomak iha Maromak fiar katak iha nia buat hotu bele, resposta ida hatudu dalan ida obidiencia ba Maromak  nia lia fuan, resposta ida nebe la subar tan buat ida, maibe buat hotu nakloke  transparente ba Maromak”.

“Resposta Adaõ nian mak ita ema nian, nebe dala barak gosta atu halai  hosi Maromak  ou dala barak mos iha tendencia atu subar hosi Maromak nia presença ka ita dehan halai hosi ita nia resposablidade, maibe resposta Na’in feto ninian mak pronto atu simu, atu horik duni iha Na’i Maromak  nia presenca, horik iha Na’i Maromak  nia presença iha liberdade tomak, simu buat hotu hanesan graça Maromak  ninian”, dehan Dom Virgilio.  

Ikus liu Dom Virgilio taka ninia hómilia hodi dehan “Ó  iha nebe halo tuir buat nebe ita hakarak, Na’i Maromak  nia hakaran. Halo tuir Na’i nia hakarak, atu iha loron hosi maria ita lor loron, buka nafatin atu hatan ba Na’i Maromak  nia bolu, atu ita nia oração sai  bele hanesan maria nian Na’i atan oan mak n’e  halo tuir ita lia fuan ba”.

ATU VOCAÇÃO MISSIONÁRIO NIAN BURAS NAFATIN TEM QUE REZA

Ohin ita celebra São Francisco Xavier nia Festa, Ita mai ho centimento ida de’it atu agradece hare fila fali tinan tomak ida ne’e nia laran ne’ebe São Francisco Xavier sai nu’udar mahein ba comunidade sarani nu’udar Paróquia Hatulian nian ba tinan 17 no nu’udar missão 98. Ita hare ba história ne’e hatudu katak tempo naruk ida ona mak sarani comunidade ida ne’e hamahan ana iha São Francisco nia okos. Iha ita nia ksolok, iha ita nia terus, iha diak no a’at nia laran ita halai nafatin ba buka nia husu nia harohan da’et liu housi nia intercessão atu fó nafatin kbi’it no matak malirin ba sarani sira hotu.

Ne’e duni, obrigado Na’i fó mai ami Santo ida, ami nia mahein ne’ebe loron kalan lao ho ami iha tempo naruk ne’e nia laran. Dala barak ita hatene de’it husu, maibe atu fó obrigado ne’e ita moe. Atu tane liman ita la moe, maibe atu fó obrigado ne’e ita moe. Ne’e duni ita hanoin fila fali loron boot ida ne’e sai mos opurtunidade ida mai ita atu hare ba iha ita nia Padroeiro São Francisco Xavier missionário boot. Iha Uma Kreda reconhece katak missionário ne’ebe boot liu ona mak São Paulo tanba nia mak lao ba fatin barak hodi haklaken. Tuir fali mai Uma Kreda mos reconhece São Francisco Xavier nu’udar missionário boot mos liu-liu Apóstolo ida ba ita Oriente. Amo Papa Pio XI haklaken ba mundo tomak katak São Francisco Xavier laos Santo bai-bain de’it, maibe Padroeiro Universal das Missões.

Santo ida ne’e se iha sinal ruma ne’ebe hatudu teb-tebes ninia Espírito Missionário mak ninia gelo ba salvação. Gelo katak nia iha nia paixão, nia preucupa, nia cuidado, nia iha dedicação boot ida atu lori Liafuan diak ita Nain Jesus Kristo ninia cruz ne’ebe nia kaer iha nia liman lori ba mundo rai klaran. Nia la hare ba nia kolen, la hare ba distância, maibe ninia domin ba Maromak no nia domin hodi lori Evangelho Nai Maromak ninin ba ema hirak ne’ebe sidauk hatene liu-liu ba ita hirak ne’ebe sidauk conhece Maromak. São Francisco Xavier iha nia gelo Pastoral ne’e inspira ita nia missionário lubuk ida atu lori Evangelho to’o mai ita nia rain ne’e. iha ita nia rain ita mos hatene katak iha missionário barak mos mate iha ita nia rain hanesan; iha Cailaco, Leimeia nian mos, ne’e hotu hatudu katak tanba domin boot ba Maromak nia Liafuan sira ba lakon sira nia vida tanba Evangelho. Ida ne’e mak ita koalia kona ba Missionário sira nia laran manas, lori Maromak nia liafuan la sente kole, la sente mos baruk atu ba haklaken Maromak  nia Liafuan.

Se ita boot sira sei hanoin hetan Segunda Leitura Carta São Paulo nian ne’ebe iha I Dominggo ADVENTO ne’e ita rona, koalia kona ba Nakukun no naroman; imi buka hatais imi nia an ho hatais naroman ninian. Husik tiha buat ne’ebe nakukun ninian. Dala barak ita rona tiha Maromak nia Liafuan, ita sarani tiha ona, Liafuan diak ne’e todan tiha ona mai ita, maibe dala barak ita sei prefere, ita sei gosta liu hili atu moris iha makukun nia laran duque moris iha naroman nia laran. Ita gosta liu moris tuir isin nia hakarak duque buka buat ne’ebe Espírito ninian. Tan ne’e mak São Paulo dehan; Tempo ADVENTO nian ne’e tempo opurtuno, favorável. Tan ne’e, atu liu housi Festa São Francisco nian ne’e convida ita atu husik hahalok nakukun ninian hodi buka hatais hahalok naroman ninian. Ida ne’e mak nu’udar missionário ida. Ita hare iha São Francisco Xavier ninia hahalok ida tan; Generosidade. Katak nia la serviço ba nia an maibe nia hakasan serviço ba ema hotu nia diak.

Kna’ar missionário nian ne’e la termina de’it ho Escolante sira e Missionário nian mos la termina ho São Fancisco Xavier. Kna’ar missionário nian ne’e continua hadaet ba ita, tatoli ba ita. Ohin se mak tem que ser sai missionário; uluk nanain Amo Papa, Amo Bispo sira, Nailulik sira, Madre sira, Catequista sira, Gela sira, Apostulado de Oração no grupo oi-oin laos de’it ona Padre ho Madre, maibe sarani hotu-hotu iha obrigação ida ne’e. Tinan ida ne’e ita taka ano Jubileu Extraordinário Missionário amo Papa nia convite ba sarani mundo tomak mak Sarani hotu-hotu ba no haklaken (Batizados e Enviados). Sarani hotu-hotu simu obrigação ida ne’e atu haklaken, fó sasin kona ba Liafuan diak.

Fó sasin oinsa? Hanesan ohin ita rona katak iha ita nia rai sei iha buat ne’ebe nakukun nian ne’ebe marca ho trata malu ninian, insulta malu ninian, violência, hana malu, soe Bebé, tuda malu, desconhecido, ne’e liafuan ne’ebe ita tama tun sae iha Timor ne’e ita rona bebeik. Karik uluk ita la rona, maibe liafuan ida agora dehan hana malu, soe bebé, tuda malu, sunu uma, tá malu, sadik malu, tolok malu, hirak ne’e hotu ita bele dehan katak sei buras los iha ita nia sociedade laran.

Ohin São Francisco hanorin ita sai missionário aprende atu hamnasa. Wainhira iha ita nia oin hatudu hamansa ne’e katak iha laran iha domin, maibe se iha ita oin mak la hatudu ita nia hamnasa iha fuan atu iha domin ne’e susar ituan, fuan atu iha perdão ne’e susar ituan, fuan atu iha generoso no haraikan ne’e susar ituan. Tan ne’e mak São Francisco nia liafuan mai ita ida de’it mai ita aprende atu lori ita nia cruz, mai ita aprende atu hadomi ita nia cruz.

Tan ne’e ita husu ba São Francisco Xavier liu-liu iha loron ida ne’e ne’ebe ita celebra ita nia Padroeiro, ita reza atu vocação missionário iha rai Hatulia ne’e bele buras nafatin. Ita hanoin kona ba missionário ita mos tem que reza nafatin ba vocação missionário ninian, vocação Amolulik ninian. Diocese Dili sidauk haruka Padre ida ba Missionário, maibe liu housi Congregação Religioso/a sira missionário barak ne’ebe housi Timor ba serviço iha rai seluk, maibe ita tem que nafatin reza ba iha vocação missionária ninian.

“LAO BA MUNDO TOMAK HAKLAKEN LIAFUAN DIAK BA CRIATURA HOTU”

Ohin comunidade Dare haksolok tanba ita halibur hamutuk atu festeza ita nia mahein São Francisco Xavier nia Festa ba tinan 51, decade 5 nia laran mak Paróquia ida ne’e hamahan an iha São Francisco Xavier ninia okos. Durante tempo naruk nia laran ita lao iha ita nia susar no ksolok, iha ita nia fiar no iha tempo a’at nia laran ita halai ba buka hodi husu Intercessão São Francisco Xavier ninian.

Tan ne’e tinan ida dala ida atu ita halibur hamutuk atu agradece. Obrigado ba Maromak tanba fó mai ita São Francisco Xavier atu sai Paróquia Dare nia mahein. Maibe dala barak tinan ida dala ida susar mos mai ita atu fó ita nia nia minuto ida ka oras ida atu halibur hamutuk nu’udar comunidade atu agradece ba Maromak ba presença São Francisco Xavier nian iha ita nia comunidade nia le’et.

Ne’e duni, loron ida ne’e ba Paróquia no Dare tem que ser sai loron ida ne’ebe importante. ita ida-idak tem que sente diak ruma ne’ebe ita simu housi ita nia mahein. Ne’e duni ita ida-idak koko atu haraikan hodi hare fila fali diak ne’ebe ita simu. Então ida ne’e mak halo ita sente orgulho wainhira ita halibur hamutuk atu agradece ba diak ne’ebe ita simu housi Na’i Maromak liu housi Intercessão ita nia mahein São Francisco Xavier nian. Ida ne’e mak razão ne’ebe iha dader ida ne’e convida ita hotu atu halibur hamutuk hodi reza, Canta, hodi hasae ita nia agradece.

Tan ne’e ha’u convida sarani sira ohin liu-liu iha tinan 51 aniversário Paróquia Dare nian ne’e atu lori ita renova ita nia an, hadia ita nia an, ita nia relação ho ita nia mahein, nia ne’ebe bali ita tempo naruk nia laran. Bispo sira iha tempo ruma troca malu, Pároco sira mos troca malu, maibe Mahein nia nafatin hamutuk ho ita, ida ne’ebe conhece, acompanha no ida ne’ebe hatene ita nia diak no a’at sira.

Se ita hare ituan Evangelho ohin loron ninian koalia mai ita kona ba; ‘Jesus nia mandato ba iha nia Escolante sira’: ‘Lao ba mundo tomak haklaken liafuan diak ba Criatura hotu-hotu’. Iha Uma Kreda reconhece katak missionário ne’ebe boot liu ona mak São Paulo tanba nia mak lao ba fatin barak hodi haklaken. Tuir fali mai Uma Kreda mos reconhece São Francisco Xavier nu’udar missionário boot mos liu-liu Apóstolo ida ba ita Oriente. Tanba nia nu’udar missionário iha rai Japão, rai Índia.

Amo Papa Pio XI haklaken ba mundo tomak katak São Francisco Xavier laos Santo bai-bain de’it, maibe Padroeiro Universal das Missões. Tan ne’e ita sente contente tanba ita nia paróquia bele foti nia nu’udar ita nia padroeiro. Santo ida ne’e se ita hare didiak katak, nia iha sinal ruma ne’ebe hatudu teb-tebes ninia Espírito Missionário mak ninia gelo ba salvação. Gelo katak nia iha nia paixão, nia preucupa, nia cuidado, nia iha dedicação boot ida atu lori Liafuan diak ita Nain Jesus Kristo ninia cruz ne’ebe nia kaer iha nia liman lori ba mundo rai klaran. Nia la hare ba nia kolen, la hare ba distância, maibe ninia domin ba Maromak no nia domin hodi lori Evangelho Nai Maromak ninin ba ema hirak ne’ebe sidauk hatene liu-liu ba ita hirak ne’ebe sidauk conhece Maromak. São Francisco Xavier iha nia gelo Pastoral hodi lori Maromak nia liafuan hafoin ita nia missionário lubuk ida hatutan. Então ida ne’e mak ita bele hare iha São Francisco nia vida (gelo Pastoral). Buka serviço ba klamar sira.

Ita nia Papa ida agora ne’e sempre usa liafuan ida dehan; Periferia katak sira ne’ebe iha dook liu Evangelho la to’o ba sira, sira ne’ebe sei moris iha nakukun laran, sira ne’ebe sidauk hatene atu sira mos bele hatene ida ne’e. ita foin hahu tempo ADVENTO. Se ita boot sira sei hanoin hetan Segunda Leitura Carta São Paulo nian ne’ebe iha dominggo ADVENTO ne’e ita rona, koalia kona ba Nakukun no naroman; imi buka hatais imi nia an ho hatais naroman ninian. Husik tiha buat ne’ebe nakukun ninian. Dala barak ita rona tiha Maromak nia Liafuan, ita sarani tiha ona, Liafuan diak ne’e todan tiha ona mai ita, maibe dala barak ita sei prefere, ita sei gosta liu hili atu moris iha makukun nia laran duque moris iha naroman nia laran. Ita gosta liu moris tuir isin nia hakarak duque buka buat ne’ebe Espírito ninian. Tan ne’e mak São Paulo dehan; Tempo ADVENTO nian ne’e tempo opurtuno, favorável. Tan ne’e, atu liu housi Festa São Francisco nian ne’e convida ita atu husik hahalok nakukun ninian hodi buka hatais hahalok naroman ninian. Ida ne’e mak nu’udar missionário ida. Ita hare iha São Francisco Xavier ninia hahalok ida tan; Generosidade. Katak nia la serviço ba nia an maibe nia hakasan serviço ba ema hotu nia diak.

Ohin se ita rona didiak Evangelho São Mateus ninian wainhira koalia kona ba liafuan nakukun São Mateus dehan: Nakukun ne’e hahalok Satanas ninian. Força Satanas ninian mak buat hotu ne’ebe buka obriga ema atu fila kotuk ba Na’i Maromak nia hanorin, fila kotuk ba Maromak nia hakarak. Satanas hakiak iha ita mak: hahalok foti an ninian, karakten ninian, kanten ninian, hanoin de’it ba nia an nunca se hanoin ema seluk nia precisa. Satanas nia hahalok mak buka ódio malu, hahalok sira egoistas ninian ne’ebe dala barak ita hotu hakiak iha ita nia an. Tan ne’e iha Evangelho dehan; dalan único atu ita bele hasoru/ conquista/ manan satanas nia hahalok ho dalan ida de’it katak wainhira ita fial fali ba Maromak.

Tan ne’e mak São Francisco ohin convida ita fila fali ba Maromak nia Liafuan, rona Maromak nia Liafuan, loke an ba Espírito Santo.

Ita nia moris lor-loron ne’e Satanas haleu nafatin ita. Santo sira dehan katak; ema ida ne’ebe santo liu ne’e loron ida nia monu iha sala dala 7. Ita sira ne’e fali la hatene dala 7 ou 70 dala 7 karik. Tan ne’e mak se ita monu karik ba sala precisa Confessa no Eucaristia. Comfessa no Eucaristia precisa bebeik laos hein de’it Natal ho Páscoa mak comfessa. Maibe precisa bebeik atu nune’e ita bele dehan katak ita nia fuan ne’e ba los Na’i Maromak. Sacramento Comfessão no Eucaristia convida ita lao ba. Ordem ne’ebe tina 2000 resin liu ba Jesus molok fial fali ba Nia Aman Nia haruka ona Nia Escolante sira ba atu Haklaken.

Se mak bele hatan ba mandato Jeusu Cristo nian ne’ebe dehan Ba no Haklaken ba mundo tomak; ida uluk Amo Papa nia serviço, daruak Bispo sira nia serviço, datolu nian; Padre sira nia serviço, dahat nian; Madre sira, dalima nian; Catequista sira, dalanen nian; Apostulado de Oração sira, no ikus mai sarani hotu-hotu. Sarani hotu-hotu ne’ebe simu ona batismo ita hotu iha kna’ar atu dehan Ba no Haklaken. Uluk nanain haklaken ho ita nia moris.

Festa São Francisco Xavier nian ne’e hakarak tatoli mai ita katak sarani liu-liu labarik no foinsae sira Dare ninian hakasan atu soe ba kotuk hahalok sira nakukun ninian, loke imi nia fuan ba hahalok naroman ninian. Ita foin celebra aniversário missionário nian ne’e Amo Papa usa liafuan ida dehan; ‘Batizados e Enviados’. Ida ne’e mak Amo Papa sadik ita hotu atu labele kole no baruk halao kna’ar ida ne’e. São João Paulo II dehan ; ida ne’e mak dever ida sarani ida tem que halo iha comunidade laran atu cria relação ne’ebe diak ho ema hotu. Wainhira sarani ida hola conciêncai katak nia sarani, servico missionário ne’e automático. Se ha’u sarani atu halo diak ne’e labele ema seluk obriga ha’u, se ha’u sarani atu hadomi malu ne’e ha’u nia obrigação.

Sarani ida tem que aprende lori nia cruz. São Francisco hanorin ita atu fiar iha Cristo basá ita nia norma moris nian ne’e mak cruz. tanab ne’e ba foinsae sira São Francisco Xavier sadik imi oinsa mak atu Jovem Apóstolo ba Jovem. São Frnacisco mos nia liafuan ba Inan-Aman sira atu sai Missionário. Missionário ne’e laos ho koalia de’it maibe missionário ho vida, ho hahalok. Tan ne’e ho São Francisco nia Festa convida sarani Paroquiano tomak atu ita hotu hateke ba São Francisco Xavier nia imagem atu ita halo exame de conciência; saida mak ha’u tem que halo hodi ba nati tuir missionário boot ida ne’e nia vida? Oinsa mak ha’u bele sai missionário iha ha’u nia família laran? Oinsa mak ha;u bele sai missionário iha ha’u nia comunidade?

ADVENTO CONVIDA ITA ATU HARAIK AN

Ohin iha loron ida ne’e ita sarani Lis-Mori nian halibur hamutuk ho sarani sira housi Dare, Aileu nian hamutuk iha Lis-Mori ita mai ho finalidade ida; hamutuk ho sira iha Primeira Semana ADVENTO nian ne’e atu Inaugura sira nia Capela. Tan ne’e ha’u hakarak hahu ho liafuan ida ne’ebe ohin ita rona iha Primeira Leitura Profeta Isaias nian ne’ebe dehan: “Imi mai ita sae ba Na’i nia foho, ba Jacob nia Maromak nia Uma Lulik”. Então ohin ita mai iha Uma Kreda ida ne’e katak ita mai iha Maromak nia horik fatin. Ita mai iha ne’e ho finalidade ida katak ita mai atu rona Maromak nia liafuan. Maromak nia Liafuan haklaken ba ita hotu. Maromak nia liafuan ne’e laos ita rona de’it, Maromak nia liafuan ne’e convida ita atu aprende kona ba moris.

Ó keta moris hanesan ema bilan maibe buka moris hanesan ema matenek. Moris ne’e laos ó nian, moris ne’e Maromak mak tau iha ó nia liman. Ne’e duni hadomi moris ne’e ba! Respeita moris ne’e ba! Tau matan ba moris ida ne’e. maromak nia liafuan ne’ebe ohin rona labele rona de’it maibe ita aprende housi buat ne’ebe ita rona, atu Maromak nia liafuan bele transforma ita nia moris.

Nu’udar oan iha uma keta la halo to’os karik, la obedece ba Inan-Aman karik, buka de’it imi nia hakarak de’it, buka problema de’it karik, ADVENTO ne’e Maromak convida sai oan ida ne’ebe hatene obedece, sai oan ida ne’ebe hatene halo tuir Inan-Aman, sai oan ida ne’ebe tem que hatene disciplina. Wainhira ita aprende atu rona no halo tuir maka aban bainrua ita bele sai labarik ne’ebe diak.

Ba Inan-Aman sira iha tempo ADVENTO ne’e nia laran, Maromak nia liafuan ne’ebe haklaken ba Inan-Aman sira atu halo saida? Inan-aman sira nia papel oinsa mak hatudu sira ninia domin ba oan sira, dedicação ba oan sira, acompanha oan sira, hanourin sira atu lao iha dalan ne’ebe los. Tanba ne’e iha Maromak nia futar oin Maromak husu ba ó; nu’udar Inan-Aman ó halo duni ó nia dever kalae? Tanba ne’e mak ADVENTO convida ita atu ida-idak hare ba ninia an.

Nu’udar juventude iha rai ida ne’e oinsa mak contribui ba Uma Kreda no Estado ka nu’udar jovem buka de’it problema. Ikus mai liafuan no hahalok hotu ne’ebe ita halo ita ida-idak sei hatan iha Na’i Maromak nia Futar oin. Cedo ou tarde ita hotu tem que hatan. Laiha ema ida ne’ebe moris mai sai desconhecido iha Na’i Maromak nia Futar oin. Iha Timor ema gosta usa liafuan Desconhecido; ha’u halo tiha buat ida subar tiha tanba tauk atu tama iha cadeia. Maibe iha Maromak nia oin ita sei la halai housi justiça tanba Maromak tau iha ita ida-idak nia sorin ita nia Anjo da Guarda atu acompanha ita. Tan ne’e mak ADVENTO fila fali mai ita mai iha Kreda ida ne’e ita mai ho finalidade ida ne’e; ‘Atu rona Maromak nia Liafuan’. Iha mensagem ida ne’ebe Domingo-Domingo Maromak koalia nafatin mai ita atu ita keta baruk atu rona, atu ita keta baruk ba missa no reza.

Ha’u fó parabens ba Amo Pároco, ba sarani Lis-Mori, ba Benfeitor sira, sira ne’ebe soe hamutuk força halo Capela oan furak los. Ne’e duni Capela furak laos atu ema hamriik iha fatin ruma ema hare mai furak, maibe Capela ida ne’e fatin capáz tanba fatin ida ne’e atu ita hasoru malu ho Na’i Maromak. ita la gasta ita nia energia, ita la gasta ita nia osan saugate de’it, maibe ita gasta ita hatene katak contribuição ne’ebe ita fó hodi halo fatin diak ida iha ne’ebe ita bele hasoru malu ho Na’i Maromak.

Dala barak ita ba iha fatin ruma ita hare katak ema wainhira halo rate ne’e furak los, halo ita nia Uma lisan kapáz gasta osan bobot, maibe ita nia Capela dala barak kiik, kiak, bibi ho karau mak hela tiha fali. Se ita fo ba matebian sira buat mesak furak, ba ita nia uma lisan atu halo buat mesak furak no ba Maromak ne’ebe fó moris mai ita, Maromak ne’ebe fó buat hotu mai ita, ita labele fó fila fali ba Nia diak ne’ebe ita hetan ne’e bele halo fali diak ida ba Maromak atu ita bele hasoru malu ho Nia? Tan ne’e mak ba sarani Lis-Mori hakasan duni halo duni Capela oan ida hanesan Pároco dehan uluk ne’e didin de’it ho Bebak, maibe ho esforço sarani ida ne’e nian consegue tau hamutuk força hodi rehabilita Capela ida ne’e atu nune’e bele hasoru malu ho Maromak. ho condição Capela ne’ebe diak, imi tama iha Capela imi iha duni hanoin ida katak atu hasoru malu ho Maromak atu ita rona Maromak koalia mai ita no ita mos bele loke ba Maromak ita nia defeito sira.

Iha momento hirak ne’ebe mak ema ses housi ita, iha momento hirak ne’ebe mak ema haluha ona ita, iha momento ida ne’e mak ita buka duni Maromak, loke ha’u nia an husik Maromak atu hela, hatudu dalan mai ha’u no resolve ha’u nia problema. Maromak la tun mai atu fó kedas 100 dolar ba ó atu resolve kedas ó nia problema, maibe Na’i Maromak haraik matak malirin ba ó nia fuan no laran ó bele hetan dalan atu bele resolve ó nia problema. Hetan dalan atu lao ba oin, loke ó nia fuan hanesan naroman boot ida mai ita. Tan ne’e ita haksolok ho ita nia celebração ohin ho inauguração Capela.

Ne’e duni, ADVENTO convida ita atu hare liu tan ba ponto ida ka rua: 1). Se ohin ita rona didiak iah Evangelho kona história Centurião ninian. Centurião katak Comandante boot ida ne’ebe ba buka Jesus tanba ninia atan feto ne’ebe morias todan. Ikus mai nia hetan milagre Jesus haraik ba nia isin diak. Maibe buat ida ne’ebe ohin hakarak dehan mai ita buat balun ne’ebe dada ita nia atenção; se dehan katak Centurião hetan milagre tanba sa? primeiro tanba ninia domin. Nia comandante boot ida maibe nia preucupa ho ninia atan ne’ebe moras. Ne’e atu dehan mai ita sarani katak tempo ADVENTO ninian ne’e atu ita loke ita nia matan, loke ita nia fuan, atu hateke mos ba ita nias família laran. Dala barak iha ita nia família laran dala ruma iha ema ruma ne’ebe ita la tau matan; sira ne’ebe moras, kiik, sira ne’ebe ita despreza, sira ne’ebe lao iha dalan ita la liga sira, iha tempo ADVENTO mak Maromak convida ita labele hare de’it sira ne’ebe mos, diak, matenek, maibe hare ema hotu liu-liu sira ne’ebe iha ó nia uma laran.

Se imi hakarak celebra imi nia NATAL didiak aprende iha semana 4 ne’e nia laran husu ba Maromak loke ó nia fuan, loke ó nia matan atu bele hare. Atu bele hare precisa virtude ida tan; virtude HARAIKAN ninian. Ohin loron iha ita nia família, iha ita nia rain virtude humildade ne’e dala barak lakon. Jesus ne’ebe Maromak Oan iha NATAL ne’e comvida ita atu hanoin kona ba mistério boot ne’e; Haraikan ninian.

Virtude ida tan iha centurião ne’e mak FIAR. Ho nia fiar centurião ne’e dehan; naran katak ita dehan liafuan ida de’it ha’u nia atan sei hetan isin diak tanba nia hare ba Jesus nu’udar Messias Maromak nia Oan. Tanba fiar ida ne’e mak ita hamutuk, tanba fiar ida ne’e mak ita hari ita nia Uma Kreda.

ITA HAHU TEMPO FOUN IDA KATAK ADVENTO

Ohin ita hahu tempo foun ida katak ADVENTO. Ita hanaran tempo foun tanba iha Calendário Liturgia Romano nian mak hahu housi Janeiro ba hotu iha Desembro. Maibe iha Calendário Liturgia nian hahu housi ADVENTO ba remata iha FESTA CRISTO LIURAI. Ne’e duni ohin ita hahu tempo foun tempo ADVENTO nian. Tanba ne’e mak ohin ita hahu Primeira Semana ADVENTO nian. Iha Igreja sira simbólicamente sempre hahu tau lilin 4 iha Uma Kreda. Sunu Lilin 4 ne’e hatudu katak ita hahu ona tempo foun.

ADVENTO hanesan ita hotu hatene katak prepara ba ida ne’ebe atu mai. Uluk nanain wainhira koalia kona ba Calendário, saida mak valor ka folin Calendário Liturgia ninian mai ita! Ne’e duni ita hanoin kona ba ADVENTO tinan foun ne’e ita hahu ona Calendário foun 2020 ninian e ita husik hela ona Calendário tuan. Ne’e katak tempo ne’e Calendário hatudu mai ita katak ita ema ne’e moris iha tempo ida nia laran. Tempo katak buat hotu ne’e liu. Ita ema ne’e moris iha tempo. Ita iha ita nia hun e ita mos iha nia rohan. Maibe ida ne’ebe laiha hun no rohan mak Maromak de’it ne’ebe ita bolu Eterno. Maibe ita ema ne’e lae! Ita ema ne’e ida ne’ebe temporário, passageiro ne’ebe liu. Maibe dala barak ita moris hanesan tiha Maromak hodi haluha tiha katak ita ne’e passageiro. Ita haluha tiha katak ita moris iha rai ne’e temporário de’it. Dalaruma ita moris iha rai ita haloan katak rai ne’e ita nian, sasan ne’e ita nian hodi halo ita nian hanoin sira ne’e as liu tiha fali Maromak. Então dala barak ita moris haluha tiha ita nia identidade, ita nia natureza ema nu’udar criatura laos criador.

Criatura katak ita ne’e iha ida ne’ebe halo katak ita mai housi ida ne’ebe criador katak Maromak. Tan ne’e mak Calendário Liturgia ne’e bolu ita atu hare fila fali ba ida-idak nia an. Tinan-tinan quando ita hau tempo foun hanesan ADVENTO ne’e hahu koalia mai ita katak ita ema ne’e lao rai, ita moris iha rai ne’e mos temporário de’it; balu moris iha to tinan 10, balun moris to tinan 20, balun 40, balun 50 hanesan Bíblia dehan ne’e ne’ebe forte liu ne’e moris to’o tinan 70/80. Ida hatudu mai ita katak ita laos nain ba moris ida ne’e. Então Liturgia convida ita mos atu moris hanesan ema matenek atu ita mos dalaruma husu ba ita nia an; ha’u moris ba saida? tanba sa mak ha’u moris? Ha’u nia moris iha rai ne’e ba buka los saida? ha’u moris ba osan! Ha’u moris ba poder! Ha’u moris ba riku! Ha’u moris de’it atu bele hetan de’it buat hotu ne’ebe isin nia hakarak! Maibe ita bele dehan katak ohin ó riku aban riku iha fali ema seluk. Ohin ó dehan katak ó nia saúde mak diak liu aban ó moras no sente katak ó fraco liu iha mundo ida ne’e. Ohin ó sente katak ó mak força liu aban força ne’e iha fali ema seluk.

Ne’e duni Calendário Liturgia convida ita atu ita fila fali husu ba ita nia an; saida mak ha’u buka iha ha’u nia moris nu’udar ema! Saida mak ha’u buka iha ha’u nia moris nu’udar sarani! Iha ha’u nia tinan 10,20,50 ne’ebe Na’i Maromak fó mai ha’u ne’e saida los mak ha’u tau iha ha’u nia preucupação! Ida ne’e mak ADVENTO convida ita atu fila fali hodi hein Jesus ne’ebe mai tiha ona ita atu celebra fila fali iha tinan-tinan iha loron NATAL nian. Katak Calendário Liturgia nian ne’e convida ita hodi fanun ituan ita durante ita lao mai to’o iha tempo ida ne’e dalaruma ita keta lao sala karik, lao karik la tuir dalan, lao de’it tuir ita nia hakarak karik ita koko atu hare fila fali atu bele prepara an nafatin. Hanesan Evangelho ohin dehan; Matan Moris no Neon Nain.

Ha’u hakarak kaer liafuan ida iha São Paulo nian ne’ebe ita rona iha Segunda Leitura; Soe ba dook hahalok nakukun nian hodi tau fali hahalok naroman nian. são Paulo convida ita iha tempo ADVENTO ida ne’e nia laran se ita hakarak duni prepara ita nian an koko atu hare tok keta halo hahalok nakukun nian domina hela ha’u mos karik. Tan ne’e buka atu husik hahalok nakukun ninian no buka atu foti buat ne’ebe naroman ninian.

Ita husu então hahalok nakukun nian mak saida? maluk doben sira, ita tinan ida ne’e foin daudaun ita celebra tinan 20 ita nia Consulta Popular e ita mos celebra tinan 20 INTERFET tama iha Timor, ita nia ukun rasik an mos halo ona tinan 18, ita hare ba kotuk katak funu iha Timor ne’e laiha tiha ona. Uluk mak ita funu hasoru ita nia Invasor sira ita barak mate, terus, violência, buat hirak ne’e hotu mak hetan tiha ona ita nia Independência. Ne’ebe ohin loron ita Ukun rasik an tiha ona, maibe dala barak saida mak ita hare, saida mak ita rona, laos violência mak continua! Ita rona nafatin dala barak ema trata malu, tolok malu, sadik malu, hamoe malu, tuda malu, ta malu, Oho malu lao nafatin iha ita nia rian. Violência continua iha grupo ida ne’e ho grupo ida neba, derepente de’it iha grupo desconhecido ida oho ida ne’e, ita la hare ita nia inimigo maibe derepente ita rona katak ema ida mate iha fatin ida ne’e, mate iha fatin neba. E violência ita hare katak sei buras nafatin. Hare ba buat hirak ne’e hotu ita bele husu ba ita nia an; tanba sa mak sei mosu comportamneto hirak hanesan ne’e? tanba sa mak sei iha ema buka malu nafatin? Tanba sa mak sei iha ema oho malu nafatin, trata malu nafatin, ta malu nafatin. Liafuan desconhecido ne’e ita rona bebeik iha ita nia rain. Quando iha ema ruma mate no lakon ita usa nafatin katak nia ema desconhecido ida. Ne’e atu dehan katak iha ita nia segurança sira nia oin ita halai buka atu subar housi Lei, maibe iha Maromak nia oin ita nunca atu subar. Ita bele halai housi segurança, ita bele halai prisão Becora, maibe ita lori hela ita nia conciência, ita lori hela todan boot ida, ita la hakmatek. Ida sei hanesan kanek ida ne’ebe continua book ita nia laran halo ita la hakmatek tanba ita nia conciência mak acusa ita todan liu fali ita ba hela iha Prisão. Maibe atu dehan de’it katak hirak ne’e hotu ita husu nafatin ba ita nia an tanba sa mak hahalok ida ne’e sei mosu nafatin.

Hahalok hirak ne’e mak ohin São Paulo ohin dehan; Hahalok sira nakukun ninian. Ida ne’e mak Segunda Leitura ohin convida ita iha tempo ADVENTO nian ne’e atu bele identifica, ida-idak koko hare ba nia an hodi reconhece katak ha’u mos sei iha hahalok nakukun ruma, ha’u hasai no soe ba dook hahalok nakukun ninian hodi buka atu hatais, buka atu usa hahalok naroman ninian.

Saida mak hahalok naroman ninian? Respeito malu, hadomi malu, la ódio malu, maibe hatene hadomi, hatene buka dame, hakarak atu buka hametin unidade nafatin. Então ida ne’e atu dehan naroman no naroman ida ne’e mai housi ne’ebe? Mai ita sarani CRISTO mak naroman ninia hun. Ida ne’ebe ita prepara iha ADVENTO ne’e atu bele iha tempo NATAL Nia bele lori naroman ida ne’e haroman fila ita hotu.

Jesus rasik dehan: Laos hodi nehan mak selu nehan, matan selu ho matan, maibe Nia dehan; Hadomi ó nia funu baluk sira, reza ba ema ne’ebe halo a’at ó. Ida ne’e mak ita dehan novidade, ida ne’e mak halo ita sarani ne’e diferente housi ema seluk, ida ne’e mak missão sarani sira nian atu hadomi, ida ne’e Jesus convida ita atu halo buat ne’ebe ema dehan katak impossível sai possível. Ida ne’e laos buat ne’ebe foin mosu, ita hare kedas ona iha Primeira Leitura Profeta Isaias koalia tiha ona iha tempo barak molok ita nian Jesus Cristo nian Isaias haklaken tiha ona buat ida ne’e. Nia dehan: Foho a’as mak Maromak horik fatin, ema barak ba iha neba ba buka Maromak. ida ne’ebe buka Maromak ba horik iha Maromak nia kadunan. Ema ne’ebe buka Maromak saida mak sei mosu; ema ne’ebe buka duni Maromak sei nakfilak Instrumento funu ninian hodi halo sasan sira agricultura ninian.

Ne’e duni maluk doben sira wainhira koalia kona ba violência hirak ne’e ita dehan violência hirak ne’e mai housi ne’ebe, ódio maluk hirak ne’e hotu mai housi ne’ebe, buat hirak ne’e hotu nia hun fila fali ba ita ema nia hanoin a’at, egoista, tanba hanoin ha’u nia an de’it, ha’u mak ema ne’ebe hakiak violência, ha’u mak ida ne’ebe odio malu nain, ha’u mak ida ne’ebe gosta atu hirus, ha’u mak ida ne’ebe gosta atu hirus no ha’u dala barak susar atu compreende ema seluk. Ida ne’e fó hanoin de’it mai ita sarani katak wainhira ita koalia kona ba sala boot ulun hitu ne’e mai housi ita. Katak iha ita nia an ne’e iha buat ida foti an, iha ita nia an iha buat ida barukten, iha ita nia an iha buat ida hirusten, iha ita nia an iha buat ida hanoin an nian, iha ita nia an iha buat ida hanoin a’at nian. ne’e duni buat a’at ne’e ita hotu iha maske Jesus mai hodi ninia terus no mate atu kasu ita nia hahalok hirak ne’e, maibe dala barak hahalok hirak ne’e sei buras nafatin. Tan ida ne’e mak tempo NATAL nian, tempo ADVENTO ninian convida fila fali ita ida-daik atu hare ba ita nia an, hare ba ita nia moris oinsa ita buka atu hakonu ita nia fuan liafuan dame, domin, ho ida ne’e de’it mak ha’u fiar katak ita bele sai protagonista ba desemvolvimento, protagonista ba progresso iha ita nia rai laran.

Ohin ita sarani liu-liu sarani Tohu-Meta contente, haksolok marca história foun tanba Capela foun, rehabilita Capela. Tanba ne’e ba Amo Pároco, Chefe Suco, sarani tomak ha’u fó parabens ba imi nia esforço tomak atu rehabilita Capela ne’e sai foun iha tempo foun nian laran atu hakatk ba loron NATAL ninian. Ha’u fó parabens ba imi tanba imi mos sente duni ona katak dala barak ne’e ita nia rate sira ne’e ita halo buras teb-tebes, gasta osan barak, ita nia uma lisan sira ita gasta buat barak, maibe dalaruma Maromak nia uma dalaruma ita la preucupa.

Capela laos bispo nian, Capela laos Pároco nian, maibe Capela ne’e sarani Tohu-Meta ninian. Capela ba ita sarni ne’e fatin ida ne’ebe ita sarani hasoru malu ho Na’i Maromak. Se ba iha fatin ne’ebe ita atu ba toba hanesan Rate nian ita nian ruin hela iha neba, ita nia Espírito lahatene iha ne’ebe, ita halo mesak furak no halo festa tan iha neba. Ita nia uma lisan sira ne’ebe atu hanoin de’it kona ba ita nia abut ka hun, maibe ita nia uma lisan labele representa fali Maromak. Maromak mak iha lisan sira ne’e hotu nia leten. Dala ruma ita nia uma lisan sira ita hadia diak liu fali, maibe ba Maromak ita la tau matan hodi haluha tiha.

Tan ne’e ha’u fó parabens ba sarani Tohu-Meta maske sacrifício hotu ne’ebe imi halo, maibe ohin imi bele inaugura imi nia Capela hodi hakarak mos halo duni fatin ida ne’e ita tama ita bele hakmatek hodi bele reza, ita bele hanoin kona ba Maromak. capela ida ne’e halo laos atu ema hare de’it, maibe Capela ida ne’e halo atu sarani bele mai iha ne’e hodi hasoru malu ho Maromak.

SASUKAT DOMIN NINIAN MAK HADOMI LA HO SUKAT

Hakarak hahu ha’u nia reflexão ne’e ho duni Leitura ne’ebe ohin ita rona liu-liu iha Primeiro Leitura se ita rona didiak dada ituan ita hotu nia atenção ba evento ida ne’e. Ohin iha Primeira Leitura dehan: “Ha’u sei tun ba no Ha’u sei ko’alia ho ó. Iha neba Ha’u sei hasai Espírito ne’ebe horik iha ó hodi halo Nia horik mos iha sira, nune’e sira mos bele hamutuk ho ó tau matan ba povo no ó sei la mesak tan iha todan ida ne’e”.

Maske Israelita sira halo tiha ona juramento ida/Aliança ida ho Na’i Maromak, povo ida ne’e sidauk iha confiança total iha Na’i Maromak nia liaman. Então sira continua halerik ba Maromak tanba susar oi-oin ne’ebe sira simu. Exemplo ida mak foin ita rona oinsa Moises nia rasik hasae lia tanba kna’ar ne’ebe nia simu housi Na’i Maromak todan tebes ba nia. Ohin ita rona nia halerik  mos dehan; Tansa ita halo terus ita atan; povo ne’e ha’u mak kous; ha’u mesak labele halo buat ida; naha ida ne’e todan tebes mai ha’u. Moises sente naha ida ne’ebe nia lori ne’e todan tebes duni. Tan ne’e ho haraikan nia hasae ho laran metin lian ida ne’e ba Na’i Maromak hodi husu tan servisu nain basá to’os boot maibe ema atu halo servisu ituan de’it.

Ita hare mos história tempo uluk nian nune’e mos tempo ita nian manifesta atitude ruma ne’ebe hanesan sentimento ruma Moises nian. Primeiro; dala barak lori ema atu hadookan housi Na’i Maromak e dala barak mos susar atu compreende tanba sa ema hakarak ses housi Maromak nia Futar oin; tanba ema preucupa liu-liu ba nia an duque Maromak nia Vontada, Maromak nia Plano. Ema ida-idak hare liu ba nia hakarak as liu fali Na’i Maromak nian.

Maibe ohin ita lubuk oan ida ne’e halibur hamutuk iha ne’e ita haksolok agradece ba Maromak tanba foinsa’e oan ida pronto hatan ba Maromak. Tanba foinsa’e oan ne’e nia generosidade ne’e mak ohin lori ita mai hamutuk. Milagre boot ohin ninian ne’e sai realidade ida tanba nia disposição ‘SIM’ ba Na’i Maromak.

Maske nune’e ita hotu hatene didiak housi história Salvação nian katak Maromak hadomi tebes ninia povo nunca bele fila kotuk. Housi povo ida ne’e mak Nia fihir, Nia hili no Nia haraik kbiit Espírito atu nia halao Maromak nia servisu. Hanesan foin ita rona oinsa Na’i Maromak hatan ba Moises nia halerik; Maromak dehan; Ha’u sei hasai Espírito ne’ebe horik iha ó hodi halo nia horik mos iha sira. Nune’e sira mos hamutuk ho ó tau matan ba Maromak nia povo. Ne’e la hanoin katak ó atu halo mesak, maibe fahe mos Espírito ne’ebe ó simu ne’e  atu nune’e hamutuk ho ema seluk imi bele halo diak liu tan. Ne’e haforça liu tan buat ne’ebe hakerek iha Carta ba Hebreu sira ne’ebe dehan: Amolulik boot ida-idak mai housi ema sira le’et no ema foti nia atu hamrik iha ema sira nia fatin iha Maromak. Hamrik iha Maromak nia futar oin atu hasae buat karan no Sacrifício ba sala sira. Nia hakarak hatudu mai ita hotu katak, Amolulik ida mai housi comunidade sira nia le’et.

Jovem ida ne’ebe iha daudaun ita hotu nia oin hanesan ha’u dehan; tan nia laran luak ba Maromak, generosidade ba Maromak, ba Uma Kreda mak ohin convida ita hotu mai iha ne’e. Ita hatene Diácono ninia força no ninia defeito balun. Maibe jovem ida ne’e maske ho buat hirak ne’e hotu la sai hanesan obstáculo ida ba nia atu dehan Não, maibe nia lao nafatin husik ona família atu lao hodi hatan ba bolu ida ne’e hodi husik hela rai doben Oe-Cusse atu ba descobre Maromak nia hakarak. Tan ne’e mak ohin ita hotu halibur hamutuk iha ne’e atu acompanha ninia momento especial ida ne’e tanba nia descobre Maromak nia Vontade. Maromak fihir nia housi sarani sira nia Le’et atu haruka nia ba moris iha sarani sira nia le’et mos.

Ohin ita halibur hamutuk atu agradece no harohan atu ho Espírito Maromak nian halo Santo ita nia maun-alin ida ne’e. ida ne’e mak halo momento ida ne’e sai importante no único tebes, liu-liu ora-oras tan ho oração consagratório nian ne’ebe atu hametin liu tan Maromak nia liafuan ne’ebe ora-oras tan ita sei rona ne’ebe dehan; Na’i haraik mos mai ami kbiit laek colaborador ida ne’e basá ami kuran tebes nia atu halo nia halao kna’ar sacerdócio Apostólico nian, halo foun fali iha nia laran Espírito moris Santo. Iha consagração Amolulik configura ba Cristo hanesan Ulun no bibi atan Kreda nian. Nia mos hariku ho kbiit Espiritual nian iha ne’ebe nia hola parte iha autoridade Jesus Cristo nian atu guia Kreda ho tulun Espírito Santo ninian.

Então força Espírito ida ne’e mak bele transforma ida ne’ebe Na’i Maromak fihir ona ne’e atu sai duni sasin lolos, sasin domin ne’ebe manas, caridade ne’ebe moris, caridade ne’ebe visível, caridade ne’ebe contagiosa Cristo moris hias ninian iha nia moris lor-loron. Ida ne’e mak oração Consagratório hakarak dehan katak Espírito ida transformadora atu hafoun iha ida ne’ebe Na’i Maromak bolu hafoun ninia laran, iha nia laran Espírito moris santo ninian.

Espírito ida ne’e duni mak guia Rev. Eugénio iha ninia dalan vocação nian no liu housi tulun ema nian, liu housi acontecimento oi-oin, ikus mai nia descobre katak Maromak hadomi tebes nia hanesan iha ninia moto; domin horik iha Nia de’it mak bele hetan moris ne’ebe iha duni ksolok. Horik iha Cristo katak renuncia buat ksolok hotu ne’ebe isin ninian. Jesus bolu ninia Escolante sira atu buka duni ksolok ita hanaran verdadeira alegria, laos lakon tempo ho ksolok ne’ebe mai no ba, maibe nia bele descobre katak iha mos ksolok falço lubuk ida ne’ebe Nia dehan; Lae, maibe nia buka duni ida ne’ebe bele hetan iha Maromak.

Tan ne’e Jesus la apresenta ninia domin hanesan modelo ida de’it, nune’e atu ita bele imita, ba nati tuir, maibe Jesus nia domin ba ita moris atu Escolante/Discípulo ida continua laos imita de’it maibe continua. Ita hotu iha batismo ita mate ona ba Nia, sai Nia Escolante ida. No ba ne’e de’it mak Nia moris iha ita.

Tan ne’e oinsa mak buat hirak ne’e bele sai concreto iha ita nia moris no oinsa mak buat hotu ne’ebe ita rona serve ba ita nia maun-alin Rev. Eugénio ne’ebe ora-oras tan sei simu kna’ar Amolulik nian ida ne’e. Buat hirak ne’e sei la sai realidade ida iha ita nia moris se ita la hakasan atu lori iha ita nia kabás ita nia Cruz lor-loron nian ho domin, ho haraikan, ho laran midar.

Ita nia Santo Padre dehan: Cruz mak sasukat domin nian iha momento hotu-hotu. Laos de’it iha momento ksolok nian, maibe iha momento hotu-hotu. Los duni katak ita hadomi sem Cruz, maibe wainhira iha Cruz ha’u nia maneira oinsa ha’u lori Cruz mak sasukat domin nian. Ida ne’e mak ita bele dehan marca ida ne’ebe único iha ita nia moris ba ita sira e’ebe Escolante Cristo ninian. Oinsa mak ita nia Cruz ne’e sai diferente iha ita nia moris. Tan ne’e mak Santo Agustinho iha nia dalan rasik nia hare ida ne’e ho matan seluk nia dehan: “Sasukat domin ninian mak hadomi la ho sukat”. Ne’e katak se ó tuir duni Cristo hakrak lori duni Nia Cruz tem que fó ó nia an total sem reserva. Ne’e ha’u fó hotu laos katak iha tempo ne’ebe diak ita hadomi malu, maibe wainhira susar mai imi desarasca imi nian ba. Tan ne’e precisa hadomi ida ne’ebe saran an tomak laos ona tuir ha’u nia hakarak.

Santo Padre iha loron hirak ne’e nia halo comentário ida liu-liu kona ba Evangelho ohin ne’e nian nia dehan: hadomi ha’u nia inimigo sira. hadomi sira no halo sira sai ha’u nia belun. Maibe laos sai ha’u belun de’it, maibe oinsa ha’u bele hadomi ema ne’ebe ha’u la gosta ikus mai ho domin ida bele transforma sira ba ha’u nia maun ho alin. Ne’e katak domin ne’e laiha duni sukat. Wainhira ita hanoin duni katak housi Cristo ninia Cruz mak domina ita nia moris, ita tem que mate ba ita nia an atu Nia mak moris duni ba ha’u. Ha’u fiar katak ida ne’e mak sai experieência ida ne’ebe convênce Rev. Eugénio hanesan nia habadak iha nia motto.

Exemplo ida seluk ita hare iha Carta daruak São Paulo nian oinsa São Paulo contretiza iha nia moris buat ida ne’ebe ita hotu liu-liu Rev. Eugénio atu tau nafatin iha nia neon figura São Paulo ninian. Nia dehan katak chave ba autenticidade mensagem Paulo ninian mak nia saran an, ninia disponibilidade fo nia an tomak la sura kole, la baruk atu haklaken Maromak nia liafuan. Hanesan ohin ita rona katak maske nia iha cadeia, maibe nia continua haklaken Maromak nia fuan. nia iha gelo pastoral ida ne’ebe extraordinário. Hein katak ida ne’e mos bele inspira ita nia Amolulik foun.

Dalan atu domin ne’e bele sai los nia descobre tiha ona, maibe dalan ida ne’e atu bele sai duni verdadeira alegria ba ita nia Amolulik foun ne’e, hau hanoin atu lori ita boot sira ba cerimónia ne’ebe tuir mai ne’e iha buat rua ne’ebe ba ami Amolulik sira dala barak tem que sai nafatin referência: 1) Sinal dahuluk ne’ebe distingue discípulo ida mak; humildade. Ne’e katak ida ne’ebe hili fatin ikus pronto atu servi, mate ba nia an bele servi ida ne’ebe kiik no kiak ho mansidão, paciênçia no tolerância.

Gesto visível ida ne’e Amolulik sei toba iha ita hotu nia oin. Toba iha rai hatudu ita nia moris haraik an nian mate ba an, mate ba mundo hodi moris iha obidiência no moris de’it ba Maromak. Toba ne’e ita koko nafatin aprende toba nafatin no latan nafatin iha rai atu bele koko, hau hanoin laos de’it loron Ordenação nian mak atu toba, maibe ita Amolulik sira, sarani sira nudar kaben nain ita mos aprende atu halo gesto ida ne’e ba malu, precisa nafatin haraik an ba malu, aprende atu abandona ita nia an iha Maromak nia liman, laos de’it haraik an, maibe saran ba Maromak ita nia plano, ita nia perocupação hotu atu ho Maromak ita fiar katak buat hotu sempre iha dalan (Virtude de humildade).

2) Simu buat karan povo santo hasae atu ó apresenta ba Maromak, hanoin didiak kona ba buat ne’ebe ó halo, ba nati tuir buat ne’ebe ó sei hala’o, ó halo ó nia moris sai tuir mistério Na’i nia cruz nian. Buat ne’ebe ó sei celebra lori nafatin povo ne’ebe Na’i Maromak saran ona ba ó liman hodi oferece sacrifício ida ne’e ho fuan no laran

Halo cada Eucaristia ne’ebe ó celebra sai nafatin hanesan premeira no ultima iha ó nia vida mak bele sa nafatin fonte we matan ba ó nia vida sacerdócio.