shadow
Diocese de Dili > NOTÍCIAS > Notícias

VITOR : GOVERNO FALHA IHA CONTROLO; TL REGISTA HIKAS CASO POSITIVO IDA (1)

DILI 06 Agusto 2020 (DCAD) – Academista Universidade Nacional Timor-Leste (UNTL) Vitor Soares  hatoo nia preucupação  relaciona ho Estenção Estado Emergência ba daha’at  ho razão fundamental katak caso positivo Covid-19 mosu ba segunda fase. Vitor Soares  haktuir questão hirak ne’e liu husi entrevista ida iha ninia knar fatin Caicoli, Dili quinta (6/08) semana ne’e. 

Agora Estado decreta Estado Emergência ba fulan ida tan. Necessária bele aplica Estado Emergência ba daha’at ne’e, maibé ninia contiudo la hanesan ho Estado Emergência fulan tolu liu ba nian. Esxtenção Estado Emergência ba daha’at nian ne’e ita tem que fokus deit ba iha Fronteira tolu ne’e atu bele taka totalmente to’o fulan ida, katak iha rai laran labele sai no iha rai liur labele tama mai. Se Governo loke nafatin ponto entrada sira maka sei lori causa nafatin. Tamba ne’e Governo tem que tau atenção didiak ba ida ne’e no tem que vigilância máximo housi parte segurança hanesan F-FDTL-PNTL iha fronteira. Sasan bele importa tama mai maibé covid-19 maka labele tama mai Timor , haktuir Victor Soares”.        

Tuir Victor katak, Iha segundo fase ne’e foin registo positivo covid-19 ida, tamba ne’e fó ona atenção ona atu Governo toma atenção.

“Ita lakohi tau atenção ba ida ne’e mak ohin loron acontece moras ne’e tama mai ba segundo fase nian. Ne’e hotu tamba falha housi governo no estado ikus mai afeta ba comunidade. Lolos ne’e, Iha fronteira ne’e tem que hametin liu tan mak parte segurança hanesan F-FDTL-PNTL, inclui Médico Saúde sira no Alfandega. Governo tem que cria condição facilidades ba sira para sira mantein metin iha fronteira ne’e para ema labele tama mai, dehan Victor”. (Leo S’mauS)         

FAUSTINO: DIFICIL COLOCA MEMBRO PNTL IHA CADA UNIVERSIDADE SIRA

DILI 04 Agusto 2020 (DCAD) – Ligado ho acontecimento sira nebe dadaun ne’e mosu iha universidade sira iha TL, Comandante Geral Polícia Nacional Timor-Leste (PNTL) Comissário Faustino da Costa afirma katak ita sei la coloca membro Polícia ba iha cada Universidade sira ho razão quantidade membro Polícia sei menus. Faustino da Costa dehan lia hirak ne’e iha Sala Ministério Finanças Aitarak laran Dili hafoin participa apresentação jornada do Orçamento Geral do Estado (OGE) 2021 housi comissão recuperação económica terça (04/08) semana ne’e.

“Hau hanoin cada Universidade ida mak ita tau fatin segurança nian ne’e dificil ituan tamba bele ba oin uma kain, escola secundária no ensino básico sira mós ita bele tau polícia hotu. Basá ita iha lerek polícia hira mak ita atu coloca hotu iha fatin no escola sira ne’e, tanba dadaun ne’e PNTL enfrenta hela menus quantidade membo PNTL nian. Tan ne’e, liga ba questão ida ne’e, parte comando sei tetu didiak, haktuir Comandante Geral Polícia Nacional Timor-Leste (PNTL) Comissário Faustino da Costa”.

Comissário Faustino da Costa mós husu atu parte hotu-hotu coopera di’ak ho Polícia Nacional Timor-Leste (PNTL) hodi assegura estabilidade iha rai laran.

“Kna’ar Polícia nian atu cooperação entre parte hotu-hotu oinsá contribui ba estabilidade iha rai laran. Maibé quando menus cooperação entre parte hotu ho Polícia, Timor ne’e ita bele tau Polícia rihun ba rihun mós la halo buat ida. Exemplo de’it ita bo’ot sira acompanha iha tempo passado luta ba ukun a’an nian, membro militar Indonesia rihun ba rihun mak iha TL, maibé sira la manan funu tamba ita laiha cooperação di’ak ho sira, dehan Faustino”. (Leo S’mauS)

CASO COVID-19 FOUN 1 MÓSU; PNTL SEI NAFATIN ASSEGURA SEGURANÇA IHA SITUAÇÃO SAIDA DE’IT

DILI 04 Agusto 2020 (DCAD) – Comandante Geral Polícia Nacional Timor-Leste (PNTL) Comissario Faustino da Costa informa katak, equipamentos prevenção ba covid-19 ba PNTL iha linha fronteira nian limitado tanba menus Oreçamento. Comissário Faustino da Costa haktuir questão ne’e iha Sala Ministério Finanças Aitarak laran Dili hafoin participa apresentação jornada do Orçamento Geral do Estado (OGE) 2021 housi comissão recuperação económica quarta (04/08) semana ne’e.

Ligado ho caso positivo covid-19 nain ida iha Timor-Leste, Comandante Geral Polícia Nacional Timor-Leste (PNTL) Comissário Faustino da Costa conta katak, ne’e laos buat foun, maibé ne’e tuan ona ba ita.

“Timor-Leste agora daudaun ita regista tan ema nain ida positivo covid-19. Ha’u hanoin ne’e laos buat ida nebé mak foun, maibé ne’e tuan ona ba ita. Tan ne’e, ha’u hanoin equipamentos prevenção ba PNTL iha linha fronteira nian hanesan máscara sira ne’e ita iha no ita distribui nafatin ba membro PNTL sira iha linha Fronteira sira. Maibé kona ba equipamentos prevenção sira seluk ne’e PNTL to’o agora laiha, dehan Comissário Faustino da Costa”.

Comissário Faustino da Costa hateten, hanesan Instituição Governo nian, sei hamrik nafatin hodi assegura segurança iha situação saida de’it. 

“Polícia Nacional Timor-Leste (PNTL) nebé nu’udar Instituição estado nian, sempre assegura saida maka política estado no governo ida ne’e halo. No PNTL  orienta ona para atu assegura di’ak liu tan iha qualquer situação, haktuir Comandante Geral Polícia Nacional Timor-Leste (PNTL) Comissário Faustino da Costa”. (Leo S’mauS)

FUTL NO AJTL HALO AÇÃO PACÍFICA CONTRA CRIMINALIZA LEI DIFAMAÇÃO

DILI 03 Agostu 2020 (DCAD) – Front Universitário Timor-Leste (FUTL) no Associação Jornalista Timor-Leste (AJTL) inclui Siciedade Civil segunda (03/08)  semana nee concentra iha muzeum resistência nia oin hodi  halo ação pacífica contra proposta Ministro Justiça Manuel Cárceres kona ba Lei criminaliza difamação.

Representante sociedade civil atual presidente FONGTIL Daniel dos Santos representa sociedade civil no NGO tomak iha Timor laran foti deçisão reseita total lei criminaliza difamação.

“Lei ida ne’e mosu no demostra incapacidade ita nia governo nian atu fo resposta ba problema social nebé povo enfrenta então hakarak halo lei hodi criminaliza difamação atu salva sira nian an hodi povo labele critica, sociedade civil labele critica, media sira labele critica sira halo buat tuir sira nia gosto, dehan Daniel dos Santos”.

Iha sorin seluk presidente Associação Jornalista Timor-Leste (AJTL), Zevonia Vierra afirma, AJTL continua hakilar no exige ba Ministério Justiça atu hapara no halakon esbosu ida ne’e.

 “se lei ne’e aprova jornalista sai alvo ba iha cobertura nebé mak halo liu-liu iha area investigação sira, sira sai hanesan actor iha alvo tanba sira sai criminozo hotu wainhira halo verificação kona ba ukun na’in sira nebé mak bele halo serviço boa governação tanba ne’e AJTL rezeita total ba lei criminaliza difamação hodi continua hakilar no promove liberdade imprensa no espreção.

Presidente AJTL Zevonia Vierra nafatin motiva jornalista sira labele tauk continua hakerek informação critica kona ba ukun na’in sira nebé mak seidauk responde povo sira nia exigencia. (Marta&Alin S’Gama)

GOVERNO DAUALUK HAHU DISCUTE NO PREPARA JORNADA OGE 2021

DILI 03 Agusto 2020 (DCAD) – Governo daualuk iha segunda semana ne’e iha Ministério Financas Ai Tarak Laran Dili hahu prepara jornada Orçamento Geral do Estado (OGE) 2021. Ministro Presidencia Conselho Ministros Fidelis Manuel Leite Magalhães haktuir katak, reunião entre membros do governo nian ne’e, hodi prepara relatório sira di’ak liu tan ba jornada do Orçamento Geral do Estado (OGE) 2021.

“Ohin membros do Governo hot-hotu halo reunião ida iha edifício Ministério Finanças nian ho objetivo hodi rona recomendações preliminar inicial housi comissão recuperação económica nian. Sira hato’o sira ninia recomendações, maske balun relatório final sidauk hatama para membros do governo sira bele tetu no bele descute entre sira hodi prepara ba iha jornada orçamento nebe sei discute iha aban nebe mak koalia liu ba prioridade sira governo nian ba iha tinan 2021, tenik Ministro Presidencia Conselho Ministros Fidelis Manuel Leite Magalhães iha entrevista iha sala Ministério Finanças Ai-Tarak laran Dili segunda(03/08) semana ne’e”.

Tuir Ministro Presidencia Conselho Ministros Fidelis Manuel Leite Magalhães katak, discução entre membros do Governo liga liu ba iha programa ninia implementação nebé maka linha Ministérial sira tem que implementa iha tinan oin.

“Governo ohin rona apresentação housi comissão recuperação económica no iha discução entre membro do Governo sira nian kona ba recomendações sira nebe maka hatoo no haré ona ba dook ninia implementação nebé maka linha Ministérial sira tem que implementa hodi concretiza prioridade sira. Hafoin ida ne’e mak ninia relatório sei hato’o fali ba iha Conselho Ministros halo decisão aprovação ba relatório no recomendações hirak nebé maka submete. Dadaun ne’e ita foin iha fase dahuluk ninian”. (Leo S’mauS)    

COMISSÃO PERMANENTE NAFATIN FUNCIONA PN IHA TEMPO RECESSO

DILI 30 Julho 2020 (DCAD) – Vice Presidente Parlamento Nacional Maria Angelina Lopes Sarmento hateten, representante povo iha Uma Fukun Parlamento Nacional aban hahu recesso no ninia terminação iha 14 Setembro 2020. Tuir Vice Presidente Parlamento Nacional ne’e katak Comissão permanente nafatin baseia ba regimento nebé funciona iha tempo recesso, iha composição sira fahe tuir proporcionalidade ba acento parlamentar iha bancada ida-idak ni’an.   “Comissão permanente nafatin baseia ba regimento nebé funciona iha tempo recesso, iha composição sira fahe tuir proporcionalidade ba acento parlamentar iha bancada ida-idak nian. Tanba ne’e mak número total membros ba comissão permanente ne’e iha 31 e depois kona ba wainhira mak funciona la descreve claro iha regimento. Maibé tuir experiência sira tinan  legislatura sira ba kotuk ni’an deputado sira normalmente halo reunião plenária housi comissão permanente nian cada semana rua-rua mai iha plenária. Karik  membro permanente sira la marca presença nia substituente sira tem que substitui no ida ne’e obrigatório ba sira hotu atu participa, karik iha assunto urgente ruma la precisa tem que hein to’o 15 dias mais bele cada semana comissão permanente bele funciona, haktuir Vice Presidente Parlamento Nacional Maria Angelina Lopes Sarmento iha Palacio do Governo quinta(30/07) semana ne’e.

Vice Presidente Parlamento ne’e mós sublinha tan katak, cada bancada depende ba proporsionalidade bancada ida-idak ni’an.

 “hanesan PLP iha cadeira 8 hetan deputado na’in 2, maibé meja do parlamento hanesan presidente, vice sira  ho secretária da meja ne’e automaticamente faz parte ba comissão permanente. Ha’u la lembra iha lista ne’e horiseik (29/07) le’e sai bancada Fretilin iha número nebé boot liu, bancada kiik sira mós faz parte hotu hanesan bancada PUDD ho Frente Mudança/UDT, deputado ida-idak hola parte iha comissão permanente, tenik Vice Presidente”.

Projeto deliberação prorrogação periodo funcionamento Parlamento Nacional too 30 Julho. Tanba ne’e iha loron 15 Julho la consegue recesso tanba iha agenda importante balu nebé sei pendente.

“deputado sira hatene ona tanba halo tiha ona resolução ida nebé prolonga hosi dia 15 de Julho dada  to’o dia 30 de Julho, então deputado sira hotu hatene ona tanba resolução ne’e menciona kona ba prolonga ka adia data recesso nian emves de hala’o requisito los, oras hanesan ne’e ami recesso ona, dehan Angelina”. (Marta & Alin S’Gama)

GOVERNO APROVA PROJETO DECRETO LEI ORGÁNICA MINISTÉRIO ASSUNTOS PARLAMENTARES NO COMUNICAÇÃO SOCIAL

DILI 29 JULHO 2020 (DCAD) – Iha Sorumutuk Conselho Ministros ni’an iha loron Quarta, 29 Julho 2020 iha Palácio do Governo Dili ne’e, Governo aprova projeto Decreto Lei kona ba Orgánica Ministério Assuntos Parlamentares no Comunicação Social, nebé apresenta housi Ministro Francisco Martins da Costa Pereira Jerónimo.

“Kona ba leí orgánica MAPCOMS ne’e ohin aprova ona, aprova humano laiha ida mak contra no la iha ida mak comentário negativo, nebé ninia processu ne’e di’ak hotu no ha’u hanoin ida ne’e sai ona ba regra basico para atu ita bele implementa iha tempo badak nia laran depois de pública iha jornada pública dehan Ministro Assuntos Parlamentares no Comunicação Sociál Francisco Martins da Costa Pereira Jerónimo depois reunião Conselho Ministros quarta (29/07) semana ne’e iha Palácio do Governo Dili”.

Tuir Ministro Assuntos Parlamentares no Comunicação Sociál Francisco Martins da Costa Pereira Jerónimo MAPCOMS ninia posição nafatin defende interesse Jornalista sira nebé iha Front Line ba covid-19.

“ha’u halo submissão nafatin no ha’u halo ligação hotu ona no ikus liu iha Ministério Finanças nia liman. Ha’u husu ba Jornalista  Front Line sira lalika tauk tamba ne’e imi nia direito haktuir Francisco Martins da Costa Pereira Jerónimo”.

Tuir Ministro Finanças Fernando Hanjam relaciona ho Jornalista sira nia subsídio katak, nia parte simu ona housi MAPCOMS lista, no nia parte garantido katak ho aprovação Lei Orgánica Ministério Asuntos Parlamentares no Comunicação Social (MAPCOMS) ni’an ohin iha Conselho Ministros ne’e bele ona haré enquadramento legais no fim cobre sira ninia direito iha tempo badak.”(Leo S’mauS)

GOVERNO NOMEIA FLORENTINO SOARES BA CARGO PRESIDENTE CONSELHO DIRETIVO ANPM

DILI 29 Julho 2020 (DCAD) – Governo liu housi reunião Conselho Ministros ni’an iha Quarta-feira (29/07) semana ne’e, iha Palácio do Governo Dili hodi aprova nomeiação ba Florentino Mateus Soares Ferreira ba cargo nu’udar Presidente Conselho Diretivo ba Autoridade Nacional Petróleo no Minerais (ANPM), ba mandato tinan haat. ANPM actua hanesan instituição reguladora ba setór sira no indústria petróleo no recurso mineral.

Tuir informação nebé DCAD acessso katak, Florentino Mateus Soares Ferreira antes ne’e assume hela nia cargo nu’udar Diretor Comercial Conformidade iha Timor Resources. Além ne’e mós Florentino Mateus Soares Ferreira enquadra an mós iha equipa Negociação Tratado Fronteira Marítima nebé lidera housi Chefe Negociador Fronteira Marítima Kay Rala Xanana Gusmão.

Governo liu housi reunião Conselho Ministros halo nomeiação ba Florentino Mateus Soares Ferreira ba cargo nu’udar Presidente Conselho Diretivo ba Autoridade Nacional Petróleo no Minerais (ANPM), ba mandato tinan haat ho razão hodi troca Presidente Sessante Gualdino do Carmo da Silva nebé ninia mandato termina ona iha loron 30 fulan Junho. (Leo S’mauS)

LONGUINOS RECONHECE PROCESSO PAGAMENTO 60% BA EMPRESÁRIO TARDE

DILI 28 JULHO 2020 (DCAD) – Presidente Instituto Nacional Segurança Social Longuinos Amaral hateten, processo pagamento tarde itoan tamba Governo tem que transfere ba conta bancária ida-idak nian no ita tem que trata documentos lubuk. Longuinos haktuir assunto ne’e iha entrevista ida iha Parlamento Nacional terça (28/07) semana ne’e.

“Processo pagamento 60% ba empresário sira ne’e agora daudaun ita la’o namanas hela. Maibe processo ne’e balun ita tarde itoan tanba tuir nia mecanismo no ita hotu hatene katak ita halo pagamento direitamente ba trabalhador sira, dehan Longuinos”.

Tuir Presidente Instituto Nacional Segurança Social Longuinos Amaral katak daudaun ne’e quase 4000 ital mak hetan ona pagamento ho montante osan % 1.5 Mil ital.

“Primeiro processo pagamento tarde itoan tamba Governo tem que transfere ba conta bancária ida-idak nian no ita tem que trata documentos lubuk ida. Tamba ne’e maka pagamento tarde itoan. Maibé ita la’o nafatin no agora daudaun quase 4000 ital mak hetan ona pagamento ho montante osan % 1.5 Mil ital. No depois iha semana oin ita sei selu continua tan quase 2000 ital, afirma Presidente Instituto Nacional Segurança Social Longuinos Amaral”.

Longuinos Amaral reforça tan katak, processo pagamento ne’e rasik tarde tanba Segurança Social halo pagamento direita ba iha trabalhador sira.

“Seguranca Social la’os cancela compania balun, maibé pedido sira nebé mak compania hatama mai ne’e katak, Segurança Social halo pagamento direitamente ba trabalhador sira, la’os ba compania. Tamba ne’e maka tarde itoan. Se Segurança Social halo pagamento direita ba compania, depois compania mak halo fila fali pagamento ba ida-ida nia trabalhador sira, ne’e hau sente lalais deit. Mais como Segurança Social halo pagamento direita ba iha trabalhador sira ne’e maka nia processo ita tem que halo avaliação, haré documentos. No balun conta bancária mate, tamba ne’e mak osan ita transfere tiha ona iha banco no banco reseita fila-fali.

Longuinos argumenta tan katak, Compania nebé mak antes ne’e la registo iha Segurança Social guverno sei la ajuda.

“Governo só ajuda deit ba compania nebé mak registo ona iha Segurança Social. Kona ba registo ne’e la’os taka ona, maibé agora daudaun Segurança Social sei simu nafatin compania tuan, maibé ita nia pedido ne’e ita sei fó tempo ba to’o dia 30 de julho mak la hatama, ne’e significa Segurança Social sei la simu tan ona, nia declara”. (Leo S’Maus)

JOSÉ REIS: PM PREFERE ‘OGE 2020-2021’ PRIORIDADE IHA ENFAESTRUTURA

DILI 27 JULHO 2020 (DCAD) – Iha sorumutu entre Primeiro Ministro Taur Matan ho Vice Primeiro Ministro no Ministro ba Plano no Ordenamento, Ministro Obras Públicas, Ministro Transporte no Comunicações iha Palácio do Governo Dili segunda (27/07) semana ne’e, koalia liu kona ba plano orçamental 2020-2021 prefere tau prioridade iha área Enfraestrutura nian.

“Ami foin remata encontro ho Primeiro Ministro Taur Matan Ruak nebé bolu Ami nain tolu hanesan; Ministro Obras Públicas, Ministro Transporte no Comunicações inclui ha’u rasik hanesan Vice Primeiro Ministro no Ministro ba Plano no Ordenamento. atu cordena ba area infraestrutura no mos atu bele fó prioridade liu ba iha area infraestrutura ida nebé mak importante liu, para bele tau iha programa Orçamento Geral do Estado (OGE) 2020-2021 ninian, dehan Vice Primeiro Ministro no Ministro ba Plano no Ordenamento José Maria dos Reis hafoin sorumutu ho Primeiro Ministro segunda (27/07) semana ne’e iha Palácio Governo”.

Primeiro Ministro husu atu Vice Primeiro Ministro no Ministro ba Plano no Ordenamento, Ministro Obras Públicas, Ministro Transporte no Comunicações atu hahu halo discução kle’an liu tan ba iha questão sira ne’e atu bele defini lolos calendário jornada orçamento nian.

“Primeiro Ministro rasik fó instruções ba ami no ami na’in tolu sei tur hamutuk fila-fali para atu bele descute kle’an liu tan ba iha questão sira nebé mak ohin Primeiro Ministro hato’o mai atu bele define lolos calendário ida nebé mak ba iha jornada orçamento nian. Kona ba infraestruturas ligado ba iha estradas, pontes, be’e mos no electricidade no liu-liu ba infraestruturas setoreais ba iha educação no saúde, haktuir José Maria dos Reis  

Tuir Vice Primeiro Ministro no Ministro ba Plano no Ordenamento José Maria dos Reis informa katak Discução entre Vice Primeiro Ministro no Ministro ba Plano no Ordenamento, Ministro Obras Públicas, Ministro Transporte no Comunicações ba assunto enfraestrutura nian ne’e sei hahu iha semana Ida ne’e nia laran, atu nune’e hodi mai hato’o fali ba Primeiro Ministro. (Leo S’mauS)