shadow
Diocese de Dili > NOTÍCIAS > Notícias

DIOCESE DILI AVALIA SERVISU ANUAL

DCDD-Segunda, 22-23 fulan Janeiro tinan 2019, bispo de Dili Dom Virgílio do Carmo da Silva, SDB hamutuk ho Nailulik tomak nebe haknar an iha Paróquia, Instituição no Departamentos sira iha diocese Dili nia laran haliburan hamutuk iha UNIO Ailok laran, Dili ho objetivo ida hodi avalia serviços durante tinan tomak ida nian laran (2018).

Dom Virgílio do Carmo da Silva iha entrevista haktuir kona ba avaliação nee hateten, tinan-tinan halo encontro ida ho finalidade ida de’it katak, atu apresenta kona ba bazed orsamental nian nebe halao ona no sei apresenta ba iha assembleia diocesana ninian no ami hotu acompanha atu bele controla liu tan. Ida ne’e finalidade ida atu controlo kona ba contabilidade, responsabilidade no mos bele garante nafatin buat ida naran transparência iha paróquia no iha diocese laran.

Bispo Virgílio do Carmo da Silva reforça tan katak, ninia objetivo principal husi encontro ne’e atu garante nafatin ba contabilidade, responsabilidade no transparência ba orsamento nebe iha paróquia sira ou iha Departamento ida nia laran, atu nune’e cada Paróquia no Departamento sira apresenta relatório sira no ami mos bele tuir katak paróquia ida nebe mak iha osan,  paróquai ida nebe mak laiha osan. Husi Apresentação sira kona ba dificuldade sira nebe mak iha, tanto husi paróquia ida no Departamento ida oinsa mak atu bele ajuda malu hadi’a di’ak liu tan gestão. Ne’e duni, finalidade katak além de garante ninia contabilidade no transparência ne’e, ao mesmo tempo sai hanesan mos meios ida atu ajuda malu kona ba oinsa atu hadi’a di’ak liu tan sistema da administração iha paróquia laran. (Leo & Afoan)

REFLORESTAÇÃO DARE SAI ZONA VERDE

DCDD, Segunda, Fundação São Paulo de Diocese de Dili iha ona hanoin atu halo reflorestação ba prioridade diocese Dili nian iha Dare. Atividade reflorestação ida nee sei inplementa husi Fundação São Paulo Diocese de Dili ho título programa reflorestação de Dare nebe hetan mos participação financeira husi União Europeia. Atividade nee Fundação São Paulo halo parseiro ho NGO RAEBIA no mos Compania Timor Internacional Turism Paradise. Atividade nee realiza iha sala de Conferência da casa Retiro de Dare nebe participa husi Bispo de dili Dom Virgílio do carmo da Silva, Enbaxada União Europeira iha Timor-Leste, Vigário Greal diocese Dili Pe. José António da Costa, Padres, Ministro Agricultures e Pescas, autoridades locas, polícia no convidados.

Dom Virgílio do Carmo da Silva Bispo de Dili iha nia discurço ba evento inportante nee hateten, Ohin biban diak ida atu halibur ita hodi hamatak fali Dare iha nebe servisu hamutuk entre Fundação São Paulo ho NGO RAEBIA no Compania Turism Paradise. Primeiro hakarak agradece teb-tebes na NGO RAEBIA nebe hatudu sira nia disponibilidade atu servisu hamutuk ho Fundação São Paulo ninian nomos agradece ba compania Turism Paradise nebe hakarak colabora ho Fundação. Ida nee primeiro experiência nebe Fundação São Paulo atu hahu halao servisu ida nee e hau hanoin ida nee laos fácil maibe sira koko atu nani no sira sei aprende hamutuk ho ita boot sira atu bele halo buat ruma nebe diak.

Tanba sa mak precisa halo reflorestação ba Dare, wainhira le ou rona história wainhira Dare nee hahu. Wainhira le fila fali documento uluk ninian, wainhira Bispo Medeiros sosa rai Dare ninian nee ho finalidade ida atu iha foho ida nee bele kuda ai-horis oi-oin no ai-fuan oi-oin. Ohin loron ita hare buat aihoris no aifuan menus ona. Tanba hare ba situação nebe iha hodi halo ita ladun fo atenção ikus sai sai problema ituan. Ida nee mak sai hanesan motivação ida nebe hau koko atu buka dalan oinsa mak ita bele hamatak fila fali Dare. Liu husi Nunciatura loke dalan atu hasoru embaxada União Eropeia no Embaxada Eropeia rasik fo dalan ida nee atu ita hamutuk hodi hare katak se ida nee mak Maromak nia hakarak duni pelo menos iha tinan tolu nia laran tuir projeto ida nee ita koko atu lori fila fali sensibilidade ida nee. tan nee mak ita hein katak projeto nee sei lao ho diak ho coperação sira comunidade sira nian. Hau mos hakarak apela ba pároco, chefe suco, polícia comunitária no comunidade sarani sira atu colabora ho iniciativa ida nee tanba hamatak Dare ida nee laos atu ba diocese nia diak maibe hanoin Dare nee sai matak no furak ba timor ninia furak no diak.

Ministro Agricultura e Pescas Sr. Joaquim dos Reis Gusmão iha ocasião nee mos hateten, Seção ida nee diak tebes no espera katak ita bele halao saida mak ita planeia ona tuir apresentação hotu nebe mak ita hare. Tan nee hau lori governo nian Ministério Agricultura e Pescas hakarak fo sai katak Ministério Agricultura e Pescas liu husi direção geral florestas no indústrias pronto para fo apoio tomak ba iniciativa ida nee. Ita hatene katak iha Timor-Leste dereflorestação iha timor as teb-tebes impacto husi buat barak mudança climática no husi mos ita nia comunidade sira nebe mak sidauk iha hanoin diak para atu bele conserva ita nia florestas ida nee sai hanesan desafio boot ida que até agora direção refloresta preucupa.

 

Iniciativa atu halo refloresta Dare nee iniciativa ida que capaz teb-tebes tanba VIII governo nia plano ida mak atu kuda ai oan iha timor laran tomak tokon ida kada tinan. Ministério Agricultura e Pescas konta mos ho participação interesse hotu-hotu inclui husi Igreja no mos husi, parseiro sira nomos husi ema hotu

Diretor executivo NGO RAEBIA Timor-Leste Mateus Soares Maia iha nia intervebnção hateten, Iha hakarak apresenta ideias Fundação São Paulo no NGO RAEBIA iha katak reflorestação Dare sai Zona Verde. Iha observação hamutuk entre Fundação São Paulo no NGO RAEBIA observa katak suco Dare iha dificuldade boot nebe mak precisa atu hadia maibe hare ba iha tempo ami alista programa 5 mak hanesan programa promoção halo to’os foho lolon no trava cadalak, hasae promoção horticultura, conservação be matan, resumidação ka campagas café. Ideia hirak nebe mak ami inicia nee katak husi Fundação São Paulo ho NGO RAEBIA iha 27 de Dezembro 2018 hetan apressiação boot União Eropeia. Ho apressiação nebe fo mai parte rua Fundação São Paulo no NGO RAEBIA atu hadia duni Dare sai zona Verde.

Compania Timor Internacional Turism Paradise Manuel Vong mos hateten, Compania Timor Internacional Turism Paradise foin hari iha tempo hirak liu ba atu responde ita nia lacunas iha dezemvolvimento setor turismo. Ami nia observação katak setor turismo hanesan setor ida nebe estratêgico ba economia nacional Timor-Leste. Tanba nee mak observação ba iha setor turismo ida nee, setor privado barak liu consentra iha infrastuturas enquanto setor hirak nebe barak liu mai husi empresários etrangeiros. Tan nee mak ita hakarak ho hanoin atu bele lori timor ba mundo no lori mundo mai timor no ba timor tomak. Atividade principal husi paradise neste momento conseitoria ba Turismo traansversal katak ligado ho setor sira seluk tanto horticultura, pescas, pequária, saúde no setor sira sel-seluk. (Chico)

O Amor de Deus o Amor do Útero

DCDD, iha loron 18-20 fulan Janeiro tinan 2019, Vigário Paroquial Paróquia Motael Pe. Evaristo Fernandes da C. Soares hamutuk ho responsável Estação Capela São Miguel Arcanjo Surik-mas, hamosu iniciativa diak ida hodi realiza Conferência Internacional ho nia tema Mengenal Lebih Dalam Devosi Kerahiman Ilahi, iha nebe nia orador husi Romo António Paduas Dwi Joko, Pr., husi Surabaya Indonésia. Conferência Internacional ne’e participa husi Pe. Chanceler Diocese Dili Pe. Ludgerio Martins da Silva no Diretor ba grupos Categoriais Diocese Dili Pe. Violanto  da Costa no participantes sira mai husi paróquia sira nebe besik iha Dili laran, paróquia Ainaro, paróquia Suai no paróquia Oe-cussi.

Iha biban ne’e Vigário Paroquial Paróquia Motael Pe. Evaristo Soares iha nia esplicação hateten, hahu organiza devoção boot ida ne’e iniciativa mai housi Santo Padre atual iha 2016 declara tinan ida ne’e sai hanesan tinan Jubileu ba misericórdia ninian. Housi atividade hotu nebe hala’o tinan tomak, ha’u mos hetan convite hodi ba tuir congresso Divino Misericórdia ninian iha Surabaya, iha nebe Indonesia tomak halibur an hamutuk hodi halo congresso ida  ne’e. Ida ne’e hanesan fó mai ha’u motivação ida. No mai ona devotos comesa ami hahu reza hamutuk iha capela Surik-mas, ami cria hanesan centro ida no sai hanesan Altar Misericórdia ninian no ema comesa halibur-an. Maibe, iha diferença grupo ida-idak halo ninian, tanba ne’e ha’u nia iniciativa atu bele unifórmiza devoção ida ne’e para atu labele iha diferença. Tanba Divina misericórdia ne’e devoção ida nebe Jesus rasik husu ba Santa Faustina hodi haklaken ba mundo no ba ema hotu atu conhece diak liu tan Maromak nia Laran Luak. Ida ne’e mak ha’u nia plano hamutuk ho estrutura no hamutuk ho devoção sira hotu buka  hodi realiza seminário ida ne’e.

Vigário Paroquial Paróquia Motael Pe. Evaristo Soares hatutan tan katak, Objetivo atu mai koalia iha parte Uma Creda nian atu devotos hirak ne’e compreende diak liu devoção hirak ne’e atu ema ida-idak labele halo tuir nia hakarak, labele halo tuir nia gosto fóra housi linha Uma Creda nia hanourin ninian, tanba dalaruma ema kahur tun kahur sae devoção ne’e halo ema labele compreende. Tanba ne’e, convida pe. António Paduas Dwi Joko, Pr husi Surabaya Indonésia mai bele fahe esperensia, fahe conhecimento Uma Creda ninian kona ba devoção, tanba pe. António Paduas Dwi Joko, Pr responsável duni no acompanha grupo devoção misericórdia nian iha diocese Indonesia ninian, atu nunee ema hotu bele compreende diak no continua devoção ida iha corridor tuir Uma Creda nia hanourin.

Iha biban hanesan Diretor ba grupos Categoriais Diocese Dili Pe. Violanto da Costa mos hateten, Maromak ninia domin ne’e ema dehan Rahim. Liafuan kerahiman mai housi rahim. Rahim katak fó moris. Inan feton sira dehan katak uluk iha antigo testamento dehan O Deus ama não com coração, não com mente mas ama com o Útero. Tanba housi útero (rahim, Knotak) mak fó moris. Ne’ebe domin ida ne’ebe fó moris. Rahim katak O Amor de Deus O Amor Do Últero. Cinta Allah itu cinta yang berasal dari rahim yang memberi hidup. Tanba ema hot-hotu moris ne’e toba iha inan ninia knotak fulan sia nia laran ikus mai fó moris ba ema. Tan ne’e ho presença Pe. António Paduas Dwi Joko, Pr iha ita nia leet durante loron rua nebe sei lori ita ba atu hatene klean liu tan kona ba Mengenal Lebih Dalam Devosi Kerahiman Ilahi, oinsa atu compreende didiak ida ne’e atu ita sai duni instrumento Maromak Nia laran Luak nian. (Fidi)

JESUS MAK REVELASÃO LOLOS

DCDD, loron terça-feira (25 de Dezembro 2018) sai hanesan loron importante ba uma creda católica iha mundo tomak, nebe cada tinan sempre celebra festa natal ho ksolok hodi simu Kosok-Oan nebe atu mai mundo. Relasiona ho loron boot ne’e amo paróco Nossa Senhora Imaculada Conceição Pe. José Antonio iha nia homilia hateten katak, durante semana ha’at nia laran iha tempo adventu nian atu celebra festa natal nian, la’os ho ksolok Na’i nian de’it maibe ho ksolok Espíritu nian. Lia hirak nebe ita rona iha liturgia loron ohin nian husi profeta Isaías nebe ko’alia ba povo Judeu nebe moris dook husi sira nia rai rasik iha tinan barak nia laran hodi hela iha cidade Babilonia, nune’e sira neon kraik no laran nakonu ho saudades hodi hanoin buat uluk sira iha molok monu iha susar laran maibe loron ida Maromak lia tun ba sira liu husi profeta Isaías nia ibun hodi hanoin kona ba Ninia domin, Ninia fidelidade ba povo Judeu ne’e, ba povo nebe Nia hili, povo nebe Nia tau naran mak povo Israel, hafoin Nia hakotu atu liberta povo husi moris susar iha nação seluk nia leet maibe tanba moris povo ninian iha susar boot laran sira simu profeta nia lian maibe la’os katak atu cumpri kedas ona maibe hanoin katak  ne’e profeta ko’alia no tempo oin nebe sei mai katak tempo nebe Maromak sei hakarak duni liberta povo iha tempo oin. Lia hirak ne’e hato’o iha igreja Nossa Senhora Imaculada Conceição- Catedral-Dili.

Amo paróco Nossa Senhora Imaculada Conceição esplica katak, Messias nebe ohin ita celebra Nia loron ne’e Nia mai tiha ona maibe buat nebe profeta fo hatene ba povo to’o ohin loron seidauk cumpri iha povo nia leet, iha nia historia. Maluk sira, ita mos moris iha sitação ida, hanesan povo Israel nebe moris iha tempo liu ba. Ita hare katak libertação nebe Messias mai atu hala’o missão ida ne’e, halo tiha ona buat balu maibe seidauk complete atu ita hetan relação ka libertação lolos nebe promete no hakotu kedas mai ita, hanesan povo Israel, ita mos continua fiar, ita mos continua hein hodi laran metin ba Maromak katak sei to’o loron ida no loron ida ne’e ita  bele dehan katak to’o tiha ona atu harii reino foun Maromak nian. Hanesan São Paulo iha nia surat ko’alia mai ita katak ita mak ko’alia ba malu ho liafuan sira nebe sai husi ibun de’it maibe ita  bele ko’alia ho buat oi-oin, ita rasik mos ho ita nia atetude expresão ita nia oin no ita nia matan, ema bele compriende kona ba saida mak ita hakarak hato’o no saida mak ita sente iha ita nia laran.

Amo paróco Pe. José Antonio reforça liu tan katak, leitura ohin dehan katak Maromak mos uza meios oi-oin atu hato’o ba ita ema katak Nia hadomi duni ita ema hanesan criatura Maromak nian nebe halo tuir ilas no lalatak Maromak nian katak iha neon no hakarak, Maromak ko’alia wainhira ita hateke ba criatura natureza nian, ita contempla hamatan ba buat di’ak sira nebe ita hare kmook, maibe ita la hatene katak Maromak iha. Nune’e mos ema gentiu sira no ema nebe laiha fiar iha sarani mos, husi acontecimento no fenómena natureza nian sira reconhece egisténcia  nebe bele ordena buat hot-hotu iha mundo raiklaran.

Pe. José Antonio mos dehan, ha’u hanoin imi sira balun nebe estuda boot, lê historia povo Tito nian no lê historia povo profeta nian, ita hare katak povo antigo sira ne’e ho sira nia kakutak ho sira nia neon, sira estuda buat barak maibe ita ho tecnologia ohin loron nian seidauk compriende oinsa sira halo ida ne’e? Tanba ita ema iha neon, iha kakutak mai husi Maromak. Nune’e mos ema gentiu sira, ita hare ita nia lulik sira, wainhira ita hare rai tarutu ka rai lakan ne’e ita dehan katak ne’e kbiit Maromak nian, ita dere besi ka baku kalen atu dehan katak ami sei iha  maibe ohin ita rona dehan katak povo Israel hetan premilegio boot ida husi Na’i Maromak rasik atu ita  bele hatene Na’i Maromak liu husi profeta sira nia ko’alia. Profeta sira ita  bele dehan katak povo Israel hanesan ascutador ida nebe Maromak ko’alia ho sira no sira rona hafoin hato’o mai ita maibe ohin ita rona katak wainhira to’o tiha tempo nia rohan Maromak haruka Nia Oan Mane rasik, Oan nebe ninia ilas lolos nian, Oan nebe ninia liafuan nebe dehan katak Jesus maka revelasão lolos nebe as liu no momos liu nebe hatudu mai ita mak Aman.

Amo paróco ne’e mos declara katak, evangelho ha’at nebe ita rona mak; Marcus, Lucas, Mateus no João, sira na’in ha’at ne’e hotu ko’alia kona ba Jesus maibe Marcus hahu ko’alia kona ba Jesus hodi haktuir ksolok nebe Jesus ba simu Baptismo husi João, Lucas ho Mateus ko’alia kona ba Jesus hodi hanoin loron moris Jesus nian no mos haktuir historia Jesus sei kiik moris hamutuk ho Nia aman nebe ita rona iha evangelho no João ko’alia kona ba evangelho ho afirmasão ida nebe ema ida la hanoin kona, nia foti liafuan husi buat nebe hahu husi hun mai katak ida be hola isin nu’udar ita ema, ida ne’e uluk kedas iha tiha ona, Nia mak ho Aman halo buat hot-hotu então Nia mak Maromak haruka mai, Nia mak liafuan nebe Maromak mai atu ko’alia ba ita ne’e duni ita atu rona Maromak no atu conhece Maromak ita la precisa estuda boot no buat oi-oin maibe ita atu hatene lolos Maromak se mak Aman ne’e ita precisa hakbesik ba Jesus.

Amo paróco Pe. José Antonio mos sublinha tan katak, tinan hirak liu ba ita rona liafuan katak wainhira ita ko’alia kona ba Maromak laran luak misericordia Maromak nian nebe dehan Jesus votus misericordia katak Jesus ohin Aman laran luak nian. Atu conhece Aman laran luak buka hakbesik ba Jesus tanba Nia mak bele hato’o ba ita kona ba se mak Aman no mos hatudu mai ita saida mak Aman ninia plano, ninia projetu kona ba ita ema. Atu dehan mos katak atu hatene Aman hateke de’it ba Cristo hare buat nebe Nia halo no rona buat nebe Nia hanorin, hare oinsa Nia hahalok sira, oinsa Nia han hamutuk ho ema sira, Nia la defende ema kaer ukun sira maibe Nia defende povo, buat ne’e hotu Nia Aman Maromak halo, ne’e duni Jesus halo de’it buat nebe Nia hare, Nia rona husi Nia Aman Maromak.

Amo paróco ne’e dehan tan, Jesus halo an ba mane atu hanorin ita katak Maromak hadomi ita. Ita seidauk hare Maromak maibe Jesus mak ilas lolos tanba Nia hare tiha ona Maromak. Liafuan ikus iha evangelho nian dehan katak Jesus naroman nebe mai iha nakukun laran maibe nakukun nakonu iha Nia. Nakukun ida ne’e refere ba ema lakohi loke an atu simu Maromak nia mensagem no nakukun katak sala, nakukun mak ita nia egoismo hanoin ba ita nia an rasik de’it no ita nia nakukun mak explorasão. Ida ne’e mak nakukun bele hasoru naroman nebe Jesus mai.

Ikus liu amo paróco mos dehan tan katak, maluk sira labele haluha katak Jesus Cristo ho nia hahalok ikus nian, Ninia paixão iha pascoa Nia  manan tiha ona nakukun ne’e iha ita sarani nia liman atu concretiza nakukun ida ne’e sai naroman houri uluk moris lolos tuir Maromak ninia hakarak. (Afoan)

IDENTIDADE NEBE FORTE MAK FESTA NATAL

DCDD, loron 24 fulan Dezembro tinan 2018, relaciona ona ho loron boot “Natal” nebe cada tinan uma creda católica mundo tomak celebra festa ne’e, bispo Dili D.Virgilio do Carmo da Silva SDB iha igreja Nossa Senhora Imaculada Conceição- Dili hateten katak, durante iha tempo advento nia laran, buat nebe ita hare iha cidade Dili laran comessa husi primeira semana advento ninian to’o ohin kalan ida ne’e, ita la’os celebra arvoré natal, musica natal,  liu-liu riku soi natal ninian nebe iha fatin hot-hotu nune’e mos ho mesangem natal ninian nebe ita haruka ba malu durante tempo hirak nia laran, ida ne’e mak ita hanaran natal maibe keta halo ita reduz natal ne’e ba acontecimento ida nebe simplesmente social nian de’it basá ita hare iha media, ema wa’in iha mundo celebra natal ida ne’e, atu fiar na’in nune’e mos ida nebe la fiel, hotu-hotu haksolok.

Bispo D.Virgilio iha homilia hateten, Sinais sira ne’e mak dala ruma hamosu no halo particularmente buat lubuk ida mak natal bele sai de’it hanesan momento ida ba ema atu halo apelo no valor ruma iha moris no valor nebe importante mak hanesan valor paz, familia, domin, solidaridade no seluk tan. La’os katak valor hirak ne’e importante maibe ita labele identifica natal ho de’it valor hirak ne’e. Iha ita nia situação hanesan ne’e maka hanoin, di’ak liu ita fila fali ba uma abut sarani ninian nune’e ita bele descobre buka hatene di’ak liu tan identidade nebe forte mak festa nebe ita celebra daudaun. Ne’e duni liturgia natal ninian convida ita atu contempla, hanesan ita rona iha leitura sira katak “Kosok-Oan ho neras toba iha balada han fatin”. Ida ne’e novidade boot no furak no ema hotu hana’i ho naran NA’I, MESSIAS, SALVADOR.  

Bispo D.Virgilio esplica katak, Kosok-Oan ida latan hela iha balada han fatin, Nia moris kiak iha kiak sira nia leet, halo an kiak atu hakbiit kiak sira no vida Na’i Maromak tau atu hafoer Nia an nune’e bele hamos ita, foti ita atu ita mos bele sai Maromak oan. Bibi atan sira hakfodak ho Anjo sira nian no sira hotu reconhece katak Kosok-Oan nebe haneras no toba iha balada han fatin ne’e Maromak Oan, Salvador, Messias. Ita husu ba bibi atan sira katak tanba sá temque bibi atan sira? La’os tanba espíritualmente sira ne’e mak bele hamanas preparado atu apoio, atu simu Messias. Avontade bibi atan sira ne’e, se la’os sira ne’e ema simples, ema di’ak no sente  ema publico istima sira.  Ema considera sira nafatin hanesan puro tanba sira nia moris loron kalan mak lao tuir animal sira, laiha tempo ba sira atu tama iha templo uma oração ninian atu rona Maromak nia liafuan atu hadi’ak sira nia moris maibe sira loron kalan iha de’it foho ho animal sira hodi moris tuir sira nia hakarak, hakiak la’os valor maibe haburas bisnis oi-oin. Maibe ba sira hirak ne’e, masque hanesan ne’e, sira ne’e mak ohin sai nu’udar simbolu dame murak ida tanba Maromak haruka nia mensagem atu keta ta’uk ohin Ha’u hato’o ksolok boot ida ba imi no ba ema hotu katak moris ona SALVADOR, CRISTO, MESSIAS. Mensagem ida ne’e, ohin encoraja ita atu ita mos sente katak natal se la folin buat ida se ha’u la haka’as an atu simu no atu hasoru Messias no Nia mai tanba ha’u.

Bispo Virgilio mos dehan, hahu kedas Nia moris iha rai, ita haré Jesus oferece  Nia an nafatin ho sira nebe ikus liu, la’os ida nebe Jesus Cristo no la’os ida nebe ema los mak  hein hela husi Maromak nia liafuan domin nian, liafuan esperança nian, liafuan ksolok no liafuan naroman nian. Hanesan ohin iha primeira leitura, profeta Isaías fanu ita hodi dehan: Ba sira be tur hela iha nakukun laran, naroman boot ida mosu ba sira, sira be la’o hela iha nakukun mate nian maibe mosu naroman boot ida ba sira. Naroman mak liafuan Maromak nian dahuluk nebe pronuncia iha biblia. Liafuan nebe hahu fó inicio ba criação iha livro Génesis nebe hahu husi neba kedas, wainhira Maromak haré katak naroman ne’e di’ak nune’e ema lakohi tan atu lakon naroman ida ne’e. Ema buka maka’as no ta’uk tebes atu  lakon naroman ne’e  no atu fila fali ba nakukun laran.

Bispo Virgilio reforça liu tan katak, wainhira ita celebra liturgia natal nian iha kalan, atu fó hanoin nafatin mai ita katak nakukun halakon tiha ona ho liafuan criador ninian no buat hotu nebe moris iha nakukun laran, hetan  ona iluminação boot, naroman husi ita nia Salvador, ita nia Messias nebe halo an ba ema. Ida ne’e mak ita nia novidade, Maromak ida nebe iha kbiit atu cria no hakbiit ema nia matenek no capacidade atu bele halo buat oi-oin  liu-liu atu hatene hadomi. Naroman ne’e mak iha natal hatudu mai ita atu ita bele haré, Maromak sempre iha fazidão labarik oan sira nian, masque sira nebe seidauk moris no sira nebe ita abandona, Maromak presente gratuitu sira nebe ita  haksolok nune’e mos menus sira nebe ita nia laran susar liu-liu wainhira ema lakohi ita no la simu ita. Hanesan são José, Na’in Feto ho kosok oan Jesus nebe la hetan fatin, terus tanba ema la simu, nune’e oinsa wainhira ema la simu ita iha ita nia familia, iha ita nia kolegas, iha ita nia instituição  ka iha ita nia comunidade. Se karik wainhira ita sente ida ne’e ita la contete. Maromak nebe Nia ukun na’in ba buat hotu maibe Nia oan rasik la hetan fatin iha rai ne’e. Ema mos dala ruma la fo fatin ba malu maibe Maromak sempre iha fatin-fatin hamutuk ho ita.

Bispo Virgilio salienta katak, ba ita nebe ohin haksolok iha kalan natal no kalan murak ida ne’e, fitun natal nian hatudu dalan atu ita sai coragem hare Jesus ho labarik sira nebe labele passá natal hamutuk sira nia inan aman tan inan aman sira fahe malu, natal ida ne’e familia la hamutuk nune’e domin ladun sente. Natal ita koko hare Jesus iha kosok oan sira nebe hakarak atu moris maibe labele tanba ita inan aman sira la hanorin oan, obriga hemu ai moruk, fo dalan oi-oin atu estraga sira molok sira moris mai. Ita hare Jesus, Nia kosok oan nebe wainhira Nia moris mai duni maibe inan aman sira husik hela iha luron, iha lixu fatin tanba falta de responsabilidade.

Bispo Virgilio mos declara katak, celebração ohin nian fo hanoin mai ita atu haksolok no naroman natal nian la’os mehi ida nebe sei fila fali ba katuas maibe realidade ida tanba ho Maromak buat hotu possible laiha buat ida nebe impossible masque ita ema iha dificuldade maibe Maromak sempre ho ita, ida ne’e mak novidade nebe iha susar maibe hakarak hafoun wainhira ita sarani celebra loron natal. Mai ita ba simu Maromak basá Nia mai buka ita. Dala ruma ita husu mos ba ita nia an katak oinsa mak ksolok natal nian no naroman natal nian bele hetan iha ha’u nia moris, se ha’u la consege hasoru malu ho Maromak? Oinsa mak ksolok natal nian no naroman natal nian bele hetan iha ha’u nia moris, se ha’u la realiza encontro ida ne’e ho Maromak? Tanba Maromak rasik hatudu no hakbesik mai ita hanesan são Paulo dehan: wainhira to’o nia tempo masque ita ema sala na’in maibe Na’i Maromak loke odamatan lalehan hodi haruka Nia Oan Mane mesak ho imagem perfeito. Iha kalan natal ita hananu Glória a Deus Nas Alturas e Paz na Terra aos Homens. Liafuan rua nebe ita precisa rona ho atenção katak husi lalehan tun mai rai, lalehan ho rai, Maromak ho ita ema. Glória e Paz. Ida ne’e hatudu katak wainhira ita ema Maromak nia glória iha ita ema, nune’e mos ita bele dehan se Maromak moris duni iha ita nia leet paz sei buras tanba ita buka. Hanesan santo Agostinho dehan Maromak mak Dom ba paz fo ba ema ida-idak no fo ba ema hotu-hotu nebe hadomi Nia. Dom ida nebe fo saugate ba ema hotu. La’os ita ema mak conquista, masque ita ema iha boa vontade maibe paz oferta, presente ba ita ema husi Na’i Maromak mai ita.

Bispo Virgilio dehan tan kata, celebração natal ohin ninian, hakarak dehan mai ita ida-idak atu koko no haraik an atu reconhece no simu katak moris hanesan fatin Maromak ninian. No natal apela mai ita atu renova ita nia an, hametin ita nia fiar no haburas ita nia domin nune’e wainhira nu’udar ema moris ho esperança nafatin, moris la’os nahak ida nebe nakonu ho tristeza maibe ho esperança atu ba oin nafatin. Tanba ne’e iha ita nia santa missa ohin natal ninian, mai ita harohan atu fitun natal ninian hamanas liu tan ita ida-idak nia fuan, loke ita nia tilun no ita nia fuan, hanesan bibi atan sira iha Belém no banati tuir são José no Na’in Feto Maria masque la contente ho buat barak maibe sira hatene atu rona. Mai ita harohan atu ita mos iha natal ne’e liu husi kosok oan Jesus fo espasso ba ita nia fuan atu bele rona no Nia  bele fiar nafatin ita ho lian mai ita atu bele la’o iha dalan lia los no dalan Santidade nian. (Afoan)

Mensagem Amo Bispo Nian Ba Natal ho Tinan Foun

Dala ida tan ita agradese ba Maromak no haksolok basá bele celebra Natal; celebração ida nebé iha nia significado unico teb-tebes mai ita sarani iha mundo rai klaran; atu hanoin fila fali iha rai Belem, Jesus, “Maromak oan”, moris housi Feto Virgem ida, naran Maria. Nia moris mai duni, laos tanba ema ida nia hakarak, maibé tanba Maromak Aman ”hadomi tebes haruka Nia oan mane mesak, atu nune’e se deit mak fiar iha Nia, sei la mate maibé hetan moris rohan laek (Jo 3:16)

Natal 2018 nian, bolu ita houtu atu hafoun nafatin ita nia an nudar Criatura Maromak nian nebé sei lao hela iha rai ne’e atu hatene moris nudar Maromak oan;  Maromak mai hasoru ita ema, mai ita ba hasoru Nia, keta fila kotuk ba ida nebé mai (cf.Jo 1:11); Maromak hadomi ita tan ne’e nia hakarak ita Nia diak, lakohi ita nia mate;

Mai ita fila fali atu ho liturgia  Natal nian, Maromak nebé mai, hola ita ema nia isin mortal, halo a’an ki’ik no kiak nune’e bele soi ita; Sira nebé ba dahuluk hare rasik ho sira nia matan Messias nebé moris mak bibi atan sira housi rai Belem. Sira hare no reconhece sinal nebé hat’o ba sira housi anjo sira. Hanesan Maria, sira fiar iha lia fuan Maromak nian no hare Maromak nia gloria; Ho Misterio Maromak halo An ba ema nian, sarani housi fatin oi oin tuku tur hodi hanai dehan.”

“Lia fuan ne’e halo an ba ema, no horik iha ita leet. Ami hare Nia Gloria, Gloria nudar Aman nia oan mane mesak nakonu ho graça no lia los” (Jo 1:14).

Ohin loron, anin foun democracia no liberdade nian nebé lori mai iha ita nia rai doben Timor Leste, hakiak no hafutar Timor nia indentidade sai nabilan liu tan iha Mundo maibé mos loke dalan ba cultura nebé dala barak sai ameaça ba valor no indentidade Timor no sarani nian; hare ba situação ida nebé mak.

Natal convida ita atu fila fali, fo atenção liu tan ba Sinal, “kosok oan nebé latan hela iha balada han fatin”, basa “laiha fatin ida ba sira atu hela ba.” (LK 2:7).

Ohin iha Timor, Natal convida ita atu hare Jesus iha labarik sira iha ita nia rain nebé seidauk hetan, ai han, ai moruk tanba familia nia kbiit seidauk to’o.

Ita hare Jesus iha labarik sira nebé kole tanba tenke lao dook atu to’o ba escola hodi buka matenek; ita hare Jesus iha labarik sira iha ita nia rain,nebé seidauk, assesu ba eletricidade nebé natal ne’e sei tur nafatin iha nakukun laran;

Ita hare Jesus iha labarik sira nebé seidauk bele hetan saude nebé diak tanba kuran ba be mos; ita hare Jesus iha labarik sira nebé labele Passa Natal hamutuk ho inan Aman tanba Inan aman sira fahe malu,Natal ida nebé la iha familia, la iha domin iha familia.

Ita hare Jesus iha labarik sira nebé iha Natal ne’e,labele halibur hamuuk ho familia tanba Inan Aman sira tenke husik hela sira hodi ba buka serviço,”buka moris”iha rai seluk,ou sira nebé ih hela cadeia,sira nebé moras hela iha hospital, no sst.

Ita hare Jesus kosok oan sira nebé hakarak atu moris maibé la bele tanba Inan no Aman, sira nia hanoin–an, obriga hemu aimoruk no dalan oi-oin atu estraga sira molok sira moris mai; ita hare Jesus iha kosok oan nebé wainhira moris mai duni maibé inan no aman sira husik hela sira iha luron ga iha lixo fatin tanba falta responsablidade.

“kosok oan nebé latan iha balada han fatin,” Convida ita atu hanoin no harohan ba labarik hot houtu nebé iha mundo liu liu iha rai doben Timor Leste nebé la bele goza sira nia direito no dignidade hanesan labarik ida nebé normal; ita harohan mos atu ita “inan aman /adulto” sira bele dame malu fali ho kosok oan sira houtu nebé tanba sira nia arogancia bele hakmatek, serano iha maromakc nia futar oin;

Nune’e mos convida ita atu hare Jesus iha foin sa’e Timor oan barak, nebé sei halerik hela ba educação nebé diak no hanesan ba Timor oan houtu, laos halo descriminação.

Hare Jesus iha foin sa’e sira nebé sai vitima ba droga,trafico human, no tipo Violencia oi oin nebé tanba pobreza sira nebé iha kbiit explora sira nebé kbiit laek.

Hare Jesus iha foin sa’e sira nebé halerik ba Justiça, verdade no interridade maibé sira nia lian ema la rona;

Mai ita tuku tur no harohan atu Natal ne’e kosok Oan Jesus bele penetra, no moris duni iha Timor oan sira nia fuan no laran atu bele cria ambiente ida familia nian hakiak dialogo, confiança no transparencia ba malu. Nune’e mak fundamento ba verdade, justiça no paz.

Iha Natal, ita adora Jesus nebé moris iha “Belem”. Belem mai housi Bethlehem, nebé consiste housi Beth-uma, lehem-paun; signfica “uma Pão nian”. Wainhira ita fahe pão ba malu sinal ida caridade, unidade no fraternidade nian. Tuir costume no tradição familia religioso sira lori verdade da fe ba uma ida ida, iha Timor iha mos tradição iha nebé loron Natal ita fahe ita nia ksolok hodi haruka postal natal nian ba malu, ita mos fahe presente ba malu nudar sinal ita nia ksolok no domin ba malu;

Presente nebé ohin loron Timor oan houtu, kiik eh boot feto e mane, katuas e  ferik, matenek eh beik hein mak PAZ! paz ba Timor oan houto; ita deseja Natal ne’e kosok oan Jesus bele loke ema hot-houtu nia fuan;Naromak Natal nian bele hasai duni nakukun nebé sei taka hela ita nia matan atu ita bele iha coragem hare ba ita nia an, ita nia moris, Papa Emeritus Bento XVI fo hanoin mai ita katak, “Sarani ida-idak nia vocação atu halo caridade tuir ida-idak nia função no papel iha comunidade no sociedade nia laran”. Papa Francisco nia mensagem ba dia mundial paz ba 52 nian liu liu ba politico sira nia dehan.

 

“Ema nia actividade iha rai ne’e, wainhira hetan inspiração no sustenta housi caridade, contribui ba contribuição Maromakc nia cidade universal, ida ne’e mak finalidade historia familia humana.”ida nebé mak programa ida ba politico sira, la importa housi região eh raça nebé nian deit, tenke aceita,se sira hakarak servico hamutuk ba ema houtu nia diak no precisa tau iha pratica vertude sira nebé bele promove actividade politica nebé forte:Justica igualidade respeito mutua,sinceridae, fidelidade”.

Nia mos fo hanoin kona ba “benanturanças politico sira nian” nebé Cardeal Vienmita ida, François Nguyen Vãn Thuãn:

Rahun diak ba politico nebé foti a’as nia nia dignidade no comprende didiak,nia papel;

Rahun diak ba politico nebé pessoalmente fo sasain kona ba nia credibilidade.

Rahun diak ba politico nebé servico ba bem comum laos nia intrese pessoal

Rahun diak ba politico nebé consistente nafatin

Rahun diak ba politico nebé servico ba unidade

Rahun diak ba politico nebé servico ba mundança nebé radical

Rahun diak ba politico nebé iha capacidade atu rona 

Rahun diak ba politico ida nebé la tauk

 

Maluk doben sira, sinal Natal nian haudu momos tiha mai ona mai ita: “kosok oan ida nebé haneras no toba hela iha balada han fatin”(LK 2:12).

Hanesan Virgem Santa Maria no São Jose, hanesan bibi atan sira nebé iha Belem, atu ita simu iha kosok oan Jesus Maromak nia domin nebé sai ema tanba ita. Ita compromete ita nia an, ho Maromak Nia graça, ita halo ita nia mundo ida nebé mais humano no soi duni ba labarik sira ohin loron no ba aban bain rua nian.

“Ho mensagem ne’e hau hakarak hato’o hau nia BOAS FESTA DO SANTO NATAL e Deseja ba 2019 tinan ida nebé nakonu  ho rahun diak oi oin ba Timor oan houtu”.  

«POLÍTICA NEBÉ DIAK MAK SERVIÇO BA DAME »

SANTA SÉ

MENSAGEM SANTO PADRE FRANCISCO NIAN

BA CELEBRAÇÃO LORON MUNDIAL DAME  NIAN

1º DE JANEIRO DE 2019

 

Adapta ba lia tetun husi Mário de Oliveira Pires

 

  1. «Dame hela iha uma nee!»

          Jesus, uainhira haruka nia discípulo sira iha missão, dehan ba sira: «iha naran uma ida nebé imi tama ba, imi sei hatoo uluk katak: “Dame  hela iha uma ne’e!” iha karik ema dame nain ida iha nebá, imi nia dame sei horik ho nia;  lae karik, sei fila fali ba imi » (Lc 10, 5-6).

 

          Oferece Dame  nebé iha fuan nudar missão discípulos Cristo nian. No oferta ida ne’e mak loloos ba ema mane sira no feto sira nebé hela iha dramas no violências  husi história humana, hein dame.[1] «Uma», nebé Jesus koalia, ne’e mak família ida-idak, cada comunidade, cada país, cada continente, iha ninia singularidade no história; uluk liu laos katak cada pessoa, sem distinção nem discriminação naran deit. No ne’e mak ita ninia «uma comum»: planeta ida nebé Maromak haraik mai ita atu hela no ita hotu hetan bolu atu cuidado ho solicitude.

Ne’e mak, ha’u ninia votos iha início tinan foun ne’e : «damen hela iha uma ne’e!»

 

  1. Desafio husi política nebé diak.

          Dame  parece hanesan ho esperança nebé poeta Carlos Péguy koalia;[2] hanesan aifunan laek ida, nebé buka atu naburas iha fatuk leet sira violencia nian. Hanesan ita hotu hatene, atu buka poder hotu ho ninia folin mak lori abusos no injustiças. Política mak dalan fundamental ida atu harii cidadania no obras husi ema nian, maibe, uainhira sira nebé halao poder ne’e lamoris ho serviço ba ema tomak nian, bele sai fali instrumento hanehan malun nian, marginalização no bele too ba harahun.

 

          «Ema se hakarak sai boot liu sira seluk –Jesus dehan – nia sei sai ikus liu hotu hodi sai ema hotu nia atan» (Mc 9, 35). Hanesan Papa São Paulo VI dehan, «halao política ida nebé sério, iha ninia diversos níveis – local, regional, nacional no mundial – ne’e mak afirma kona ba dever ema nian, husi ema tomak, hodi reconhece realidade concreta no valor husi liberdade atu hili husi sira nebé mak proporciona, atu hamutuk buka too ba cidade nia diak, nação no humanidade».[3]

 

          Husi ne’e, função no responsabilidade política sai tiha hanesan desafio permanente ba sira hirak nebé simu mandato hodi servi ninia país, protege ema hirak nebé mak habita iha país ne’e no serviço atu harii condições tomak iha futuro nebé digno no justo. Uainhira implementa iha respeito fundamental ba vida, liberdade no dignidade husi ema, política sai loloos duni forma eminente ida ba caridade.

 

  1. Caridade no virtudes humanas ba política ida nebé serviço ba direitos humanos no dame.

          Papa Bento XVI fó hanoin katak «ema cristão tomak hetan bolu ba caridade ida ne’e, conforme ba ninia vocação no tuir possibilidade sira nebé mak nia iha husi incidência pólis nian. (…) uainhira empenho ba bem comum mak animado husi caridade, iha duni valência superior ida husi empenho simplesmente secular no político. (…) Ação husi ema nian iha rai, uainhira hetan inspiração no hakbiit husi caridade, contribui ba edificação cidade universal Maromak nian nebé sai meta ida nebé história família humana tomak hakat ba».[4] halao tuir programa ida nebé sei bele reconhece husi político sira, husi kedas qualquer afiliação cultural ou religiosa, nebé hakarak tebes serviço hamutuk ba diak tomak família humana nian, pratica dadaun virtudes humanas nian nebé harii husi ação política diak ida: justiça, equidade, respeito mútuo, sinceridade, honestidade, fidelidade.

 

          Propósito hirak ne’e, soin bebeik atu hanoin «rahun diak politico nian», proposta sira husi sasin nain fiel Evangelho nian, Cardeal vietnamita Francisco Xavier Nguyen Van Thuan, mate iha tinan 2002:

  • Rahun diak ba político ida nebé iha noção ida nebé aas no consciência klean husi ninia papel.
  • Rahun diak ba político ida nebé haroman ho credibilidade.
  • Rahun diak ba político ida nebé serviço ba bem comum no laos deit ba próprios interesses.
  • Rahun diak ba político ida nebé fiel ho constitente nafatin.
  • Rahun diak ba político ida nebé realiza unidade.
  • Rahun diak ba político ida nebé compromete hodi realiza mudança radical ida.
  • Rahun diak ba político ida nebé hatene rona.
  • Rahun diak ba político ida nebé[5]

 

          Cada renovação iha cargos eletivos, cada período eleitoral, cada etapa husi vida pública hanesan ona oportunidade ida atu fila fali ba fonte no referência sira nebé inspira justiça no direito. Husi buat ida nebé ita iha certeza: política nebé diak mak serviço ba Dame ; respeita no promove direitos humanos fundamentais, nebé mak hanesan ona deveres recíprocos, atu tetu ho vínculo confiança nian no gratidão entre gerações tomak husi presente no futuras.

 

  1. Vícios husi política

          Virtudes ninia par, infelizmente laos deit vícios, mesmo iha política, tamba bele mos kait ho incapacidade pessoal nune’e mos ba distorções iha ambiente nia leet no iha instituição nia laran. Ba ema hotu, loos duni katak vícios husi vida política hasai tiha credibilidade iha sistema sira nia laran husi buat hirak nebé nia sei halao, hanesan mos ho autoridade, decisão sira no ação ema tomak nian nebé nia dedica ba. Vícios hirak ne’e,hafraco tiha ideal ida iha vida democrática autêntica ninia laran, mesak bosok ten husi vida pública no hatuur iha perigo ba Dame  social ninia laran : corrupção – iha ninia múltiplas formas de apropriação nebé lalos husi bens públicos ou husi instrumentalização ema nian –,negação husi direito, falta de respeito ba regras comunitárias, enriquecimento ilegal, justificação husi poder tamba força ou ho pretexto arbitrário husi «razão de Estado», tendência atu hametin poder, xenofobia no racismo, recusa atu tau matan ba Rai, exploração ilimitada ba recursos naturais iha razão lucro nian nebé imediato, desprezo husi sira nebé mak ema obriga ba exílio.

 

  1. Política diak mak promove participação foin sae sira nian fo confiança iha ema seluk.

          Uainhira exercício husi poder político visa deit atu salvaguarda interesses husi indivíduos privilegiados balun, futuro ne’e sei compromete no foin sae sira bele hetan babeur husi desconfiança, husi ne’e mak sei condena bebeik iha margem sociedade nian, sem possibilidades atu participa iha projeto ida ba futuro. Pelo contrário, uainhira política sei traduz, concretamente, iha encorajamento husi talentos juvenis no husi  vocações nebé hakarak liu mak ninia realização, Dame  ne’e sei halekar iha consciências no iha oin. Sai duni confiança dinâmica ida, nebé significa «ha’u hamlaha ba ó no ha’u fiar ba ó» iha possibilidade atu ita serviço hamutuk ba bem comum. Tamba ne’e, política mak a favor ba Dame , se expressa iha reconhecimento husi carismas no capacidades ema ida-idak nian. «ida nebé diak liu mak ho liman nakloke? Ida ne’e mak soin ba Maromak atu fo no simu. Maromak lakohi atu oho (cf. Gn 4, 1-16) ou haterus, maibé atu tau matan no tulun hodi fó moris. Hamutuk ho fuan no inteligência, bele mos, ho liman, sei sai instrumento husi diálogo».[6]

 

          Ema ida-idak bele contribui ho ida-idak ninia fatuk hodi harii uma comum. Vida política autêntica, nebé harii iha direito no iha diálogo leal entre sujeito tomak, sei hafoun ho  convicção husi feto ida-idak, cada mane no cada geração hodi hakotu iha sira promessa ida nebé bele hametin energias relacionais foun, intelectuais, culturais no espirituais. Confiança ida hanesan ne’e nunca fácil hodi hamoris, tamba relações humanas hirak nebé existe mesak complexas. Iha tempo sira hanesan ne’e, em particular, ita moris iha clima ida desconfiança nian nebé haabut an iha tauk ba ema seluk ou husi ema liur, iha ansiedade husi próprias vantagens nebé lakon, no hatudu mos, infelizmente, ba nível político liuhusi atitudes takaan nian ou nacionalismo nebé hatuur iha questão fraternidade ida ne’e nian atu nune’e ita ninia mundo nebé globalizado liu precisa. Ohin loron, mais do que nunca, ita ninia sociedades necessita duni «artesãos dame nian» nebé bele sai autênticos mensageiros no sasin nain husi Aman Maromak nian, nebé hakarak diak deit no felicidade família humana tomak nian.

 

  1. Laos funu nem estratégia husi tauk.

          Funu mundial dahuluk nian liutiha tinan atus ida nia laran, hodi fo hanoin fali foin sae lubuk mak mate iha combates ida ne’e ninia laran no populações civis nebé mak mout lakon, ita hotu experimenta mos – iha tempo ohin loron nian, sei iha ema barak liu horseik –terrível lição husi funu sira fratricidas, ne’e mak, sei laiha Dame uainhira la reduz equilíbrio husi forças no tauk. Halo ema seluk iha ameaça nia laran significa reduz nia ba estado ida nebé sai objeto no nega ninia dignidade. Ho razão ida ne’e, ita precisa hadia escala sira ho termos intimidação nian, hanesan mos proliferação descontrolada husi armas nebé mak contrárias ba moral no oinsa buka concórdia nebé loloos. Terror halo ba ema sira nebé vulneráveis liu contribui ba exílio husi populações tomak iha mundo nebé buka rai ida ho dame. La sustenta husi discursos políticos nebé buka atu acusa migrantes ba sala hot-hotu no hasai kiak sira husi esperança.

 

          Sorin seluk, precisa reafirma katak Dame  ne’e sei haabut iha respeito ba ema hotu,independentemente husi ninia história, iha respeito ba ninia direito no bem comum, husi criação nebé mak confia tiha ona ba ita no husi rikusoin moral nian nebé  transmite husi gerações nebé liu tiha ona.

 

          Ita ninia pensamento sei hammetin no particularmente, iha labarik sira nebé moris iha zonas atuais conflito nian no sira hirak nebé mak hakaas an ba sira nia moris no sira ninia direitos atu hetan duni proteção. Iha mundo, labarik ida husi sira nain neen crianças sofre violência funu nian ou husi ninia consequências, uainhira la husu sira tuir dalan legal atu sira rasik sai soldado ou hola parte iha grupos armados. Testemunho husi sira nebé serviço atu defende dignidade no respeito ba labarik sira mak extremamente precioso ba futuro humanidade nian.

 

  1. Projeto boot ida ba Dame.

          Sei selebra, iha loron ne’e, septuagésimo aniversário husi Declaração Universal Direitos Humanos nian, nebé adota hafoun  Funu Mundial  da-II nian. Ba respeito ida ne’e, sei fo hanoin ita kona ba observação husi Papa São João XXIII: «uainhira consciência husi direitos ba an rasik mak mosu ona, iha nebá sei moris forçosamente consciência kona ba dever: iha titular direitos nian, dever atu reclama direitos hirak ne’e, hanesan expressão husi ninia dignidade; iha ema seluk, dever atu reconhece no respeita direitos hirak ne’e».[7] ho nune’e, Dame  mak fruto husi projeto boot político nian, nebé sei baseia iha responsabilidade mútua no iha interdependência husi seres humanos. Maibé ne’e mos desafio ida nebé mak husu atu compreende lor-loron. Dame  mak conversão ida husi fuan no klamar, sente fácil atu reconhece dimensões indissociáveis tolu husi Dame  interior no comunitária ida ne’e:

 

          Dame iha ninia an rassik, rejeita intransigência, rai kunan no impaciência no – hanesan São Francisco de Sales aconselha – kuda dadaun «buat diak uituan ba ó nia an rasik », atu ikus mai oferece «buat diak uituan ba ema seluk»; – Dame  ho ema seluk:  familia, belun, ema fuik le’et, kiak, ida nebé ema hewai…, buka atu hametin hasoru malun, atu rona mensagem dame nian nebé lori ba ó; – Dame  ho criação, descobre dadaun dom Maromak nian nebé lanahas no parte husi responsabilidade nebé compete ba ita ida-idak, hanesan habitante mundo ne’e nian, cidadão no ator ba futuro.

 

          Política Dame nian, nebé conhece didiak ema ninia fragilidades tomak no sei ocupa iha nia, sei inspira bebeik espírito husi Magnificat Maria ninian, Cristo Salvador nia inan no Liurai Feto Dame nian, hananu hodi ema hotu nia naran: «rahun diak [husi Ida nebé Bele Buat hotu] halekar husi dersan ba dersan  nebé hamtauk Nia. Nia hatudu Nia liman nia kbiit hodi halakon ema loko an sira.

          Nia hamonu ukun nain sira husi sira tur fatin hodi foti fali ema kiak sira (…), tuir lia menon nebé Nia hakotu ona ba ita nia bei ala sira, ba Abraão no nia bei oan sira ba nafatin» (Lc 1, 50-55).

 

Vaticano, 8 de dezembro de 2018.

Franciscus

[1] Cf. Lc 2, 14: «Glória ba Maromak leten aas ba no Dame iha rai ba ema sira be Nai hadomi».

[2] Cf. Le Porche du mystère de la deuxième vertu (Paris 1986).

[3] Carta ap. Octogesima adveniens (14/V/1971), 46.

[4] Carta enc. Caritas in veritate (29/V/2009), 7.

[5] Cf. «Discurso iha Exposição-Encontro “Civitas” Pádua» nian: Revista 30giorni (2002-nº5).

[6] Bento XVI, Discurso ba Autoridades Benim nian (Cotonou, 19/XI/2011).

[7] Carta enc. Pacem in terris (11/IV/1963), 24 (44).

© Copyright – Libreria Editrice Vaticana

KSOLOK LOLOS NE’E MAI HUSI LARAN

DCDD,- Ambiente celebração dias natalis IPDC ba tinan sanulo resin lima (15) iha loron 10 fulan Setembro liu sei man-manas hela.  Graduação ba dala VI, iha Sexta-feira loron 14 fulan Desembro tinan 2018  iha Canossa Has-Laran marca tan história foun ba IPDC ninia existência. Liafuan “Ksolok” sai foco ba discurso Reitora Instituto Professional de Canossa (IPDC) Me. Ervinia Martins Brito, Fdcc; iha biban graduação nian nebé halao iha Canossa Has Laran.

Reitora  IPDC ne’e dehan “ohin ita hala’o graduação ba dala VI; ba sira ne’ebe curso Bacharelato no licenciatura nian ba dala rua. Ho graduação ne’e aumenta tan número alumi ho total husi 2009 to’o 2018 graduados hamutuk 561. Número 561 ne’e ki’ik liu compara ho Instituição bo’ot sira ihaTimor laran, maibé IPDC consistente ho nia lema “ilumine Tuo videmos lume katak iha Ita roman ami hare’e naroman, hanesan lilin ki’ik ida ne’ebe hamri’ik metin no fo roman ba iha sociedade ne’ebe nia hela ba.

Graduados ba etapa daneen nian hamutuk na’in ualu nulu (80), tamba ne’e Madre Reitora salienta “Maioria fo sasin katak ksolok lolos ne’e mai husi laran, la’os depende de’it ba situação aparência sira ne’ebe habosok ita nia matan no halo delek ita nia conciência, atu discerne ksolok lolos ne’e precisa ema ne’ebe mak matenek no iha conhecimento ida kle’an depende ba iha princípio ne’ebe nia opta hodi guia nia decisão sira no toma responsabilidade ho sério no requere tebes maturidade ida ne’ebe suficiênte”.

Geralmente finalidade educação formula; atu adquiri competências, desemvolve ciência crítico, apodera património ciêntífico no classifica pessoa ho cultura ida a’as. Klaru IPDC prepara nia ema ne’ebe profissional tuir área ne’ebe iha no tuir estandar ne’ebe la’o iha ita nia rai laran, atu compete iha mercado do trabalho no mundo mercadoria; maibé ida ne’e de’it la suficiênte. Instituição sei senti orgulho sé wainhira imi doben graduado sira iha estrutura interna ida metin, hamri’ik metin ho valores hirak ne’ebe imi comunga ona ho ami iha Instituição ne’e. no valores hirak ne’e sai imi nia património no imi nia cultura hodi bele hadaet iha imi nia família, iha imi nia campo de trabalho no iha imi nia sociedade. Adverte Me. Ervinia.

Iha biban hanesan graduado Ricardo da Costa Ribeiro hanesan cumlaude hodi bele representa graduado sira hodi hato’o discurso iha ocasião ne’e dehan “agradeçe ba Maromak tanba ami bele simu educação no formação iha fatin ida ne’e liu-lium Na’i nia protecção durante ne’e ami bele hakat liu dificuldades, desafios iha ami nia peregrinção estudo nian no bele tama iha Instituto Professional de Canossa.

Hanesan graduados ami hakarak hato’o sentimentos de agradece ba educadores liu-liu ba sira nia domin, dedicação, prevenção, paciência, sacrifício hodi fo sira nia matenek, ou seja, sabedoria, creatividades no  acompanhamento tanto pessoal, grupos, iha aula regulares no aula extraregulares.

Hodi conclui discurso ne’e Ricardo da Costa Ribeiro dehan “obrigado wain ba ita bo’ot sira nia esforço, imi tulun ami atu sai agência transformadores no servidores ne’ebe compromotivo ba ita nia Nação, uma Creda liu-liu ba sira ne’ebe kiak no precisa liu iha ita nia sociedade. Hanesan ami nia Inan Mahein Santa Madalena De Canossa dehan “hadomi ema kiak sira halo sira hatene no hadomi Jesus liu hosi dalan hot-hotu tanba ema barak la hadomi tanba sira lahatene”.

Participa iha ocasião graduação ne’e mak provincial congregação FDCC, comvidados, inan aman, alumni IPDC nian. (Reportagem Fr. Agus & Fidy)

Mai Ha’u; Tempo Advento Halo Hau Oin Hamnasa Tan Hein Jesus Atu Mai

DCDD; Mai  Ha’u; Tempo Advento Halo Hau Oin Hamnasa Tan Hein Jesus Atu Mai. Liafuan hirak ne’e hato’o husi Vigário Episcopal Assunto Social Pe. Emanuel Lelo Talok, CMF, wainhira preside misa ba Comemoração Aniversario  Caritas Diocese Dili ba dala 42, iha loron Quinta-feira, loron 06 fulan Desembro tinan 2018 iha ressinto diocese Dili. Ho nia tema “Espirito Solidaridade Ita Hakbiit Malu”. Ho objetivo atu agradece ba serviço caridade no asistensia nebe Caritas Dili hala’o durante ne’e.

Iha homilia Vigário Episcopal Assunto Social Pe. Emanuel hateten; tempo advento mai ha’u hanesan tempo kapas teb-tebes, halo oin hamnasa hela deit tan hein Jesus atu mai. Wainhira ita celebra Caritas nia loron, hanesan ita tama iha ambiente ksolok ninian no nakonu ho esperança. Iha tinan ida ne’e diocese Dili celebra ona Caritas ba tinan 42. Loron ida ne’e ita celebra Maromak ne’ebe laiha dedicação masque ita ema iha lemitação barak, ita temqui tatoli ba malu. Maromak domin naresin iha ita sira ne’ebe domin menus, ita celebra Maromak ne’ebe tau matan no laran luak ba ita sira nebe sei egoismo, hanoin aat, Maromak hanoin luan tiha ona ho nia convida ita atu participa iha nia domin ne’ebe luan no naresin.

Padre Emanuel esplika liu tan Iha moris laran ita precisa haklean buat tolu; Moris Harmonia katak moris lao tuir malu ho diak, la conta malu, la soque malu, la hewain malu, maibe suporta malu, hakbesik malu, halibur malu no tulun malu ita aprende housi kesak quando kesak ida deit labele hamoos foer sira, maibe quando kesak tau hamutuk sira hader an atu hammoos foer sira, harmonia importaante tebes. No tempo advento ne’e tempo ida  Jesus atu mai hametin  fali, hafoun fali harmonizasão relação entre ita rai klaran ho lalehan, ema ho Maromak. Tan ne’e, harmonia ne’e importante tebes, hahu kedas housi família. Justiça ita moris dame ona, rukung ona, hamutuk ona, maibe temqui moris mos ho justiça,  justiça ne’e justo no loos. Moris loos mak hanesan ne’e inan aman, inan temqui moris tuir função inan  nian no aman temqui moris tuir função aman nian. Solidaridade, Loron caritas nian uma kreda iha presente terbaik husi fuan nebe moos no loos ba maun alin sira hodi hatudu solidaridade ba malu. (Fidelia Magno)

Ministro Turismo Comércio e Industria Apresenta orçamento 2018 Ba Comissão D iha Parlamento Nacional

DCDD – Dili;- Iha segunda feira loron 20 fulan de Novembro 2018, iha momentos ikus ano fiscal 2018 nian ne’e, Comissões  C e D Parlamento Nacional Timor Leste nian  ne’ebe trata kona ba assuntos económicos convida ministério sira balun hodi apresenta relatórios anuais ba tinan fiscal 2018 no mos halo apresentação fali ba planos no programas ba tinan fiscal 2019 iha Parlamento Nacional .

Iha biban ne’e  ministro interino dos Assuntos Económicos  hamutuk ho direção geral no mos agéncias ne’ebe tutela ba assuntos económicos no desemvolvimento. Mak halo uluk relatório no apresenta fali plano orçamento tinan 2019 nian.

Ministro dos Assuntos Económicos Senhor Demétrio explica katak “ ministerio ida ne’e tau matan ba ministério bo’ot ida ne’ebe iha tempo liu ba fahe tiha iha ministério rua mak Ministério Comércio e Industria e Ambiente no Ministério Turismo; ohin loron integra iha ministério ida ho naran Ministério Turismo Comércio e Industria. Nune’e mos iha ministério nia laran iha agencias autonomia lobuk ida ne’ebe Ministro dos Assuntos Económicos tau matan ba maka AIFAESA, Centro logístico nacional , Trate invest, IADE, SERVER no mos agéncia do Instituto de qualidade nacional.

Entretanto, direção geral das finanças wainhira relata orçamento tinan 2018 nian dehan katak  ministério Turismo Comércio e Industria utiliza ona osan ho montante $5.532. 100 dolares Americano. Orçamento  ne’e fahe ba categoria do salário vencimento total $1.6; bens e serviço $3.8; capital menor  $3000 ho capital desemvolvimento$114.000.  Execução ba fulan ha’at (4) ikus ne’e ho valor ki’ik no atinge tiha ona 78% husi orçamento  alocado ba Ministério Turismo Comécio e Industria.

No entanto, restante husi orçamento  ne’e rasik mak 22 %  maioria utiliza ba execução de bens e serviços ne’ebe atu selu de’it ba compromisso ne’ebe ami comprometido tiha ona  iha orçamento  ne’ebe hela de’it 22%, no  ministério garante katak até fim de Desembro, ou seja, 20 de Desembro baseia ba calendário execução ne’ebe decreto do governo iha . sai executa hotu tuir ninia calculação  husi parte finanças katak execução ba orçamento  ne’e bele atinge mínimo liu até 97%  molok atu remata ano fiscal 2018 ne’e nian.

Kona fali ba plano orçamental ba tinan 2019 nian ministro interino ba assuntos económicos no secretário estado meio ambiente Senhor Deométrio dehan katak “kona ba proposta orçamento  ba tinan 2019 nian ho ninia atribuição  orçamento  iha ministério relevante ne’e hetan montante $7.775.447 dolares Americanos; composto husi Salário do Vencimento $1.654.784; ba parte Bens e Serviços $6.120.363; Montante orçamento  ne’e ami distribui ba Instituição ou direcção nacional  sanolu (10), especialmente ba direcção  geral do Turismo ho nia direcção nacional  sira ho valor $1.3; direcção geral  Comércio ho nia direcção nacional  na’in ha’at (4) ho valor $1.2; direcção geral industria nian ho valor $570.000 dolar Americanos; Inspecção geral dos jogos $419.000 dolares Americanos; iha tan instituição foun ida agora dadaun ne’e la’o hela, nune’e buka atu halo instalação, instituição ne’e ho naran Instituição qualidade Timor Leste nian, nune’e valor montante ba ne’e mak $370.000 dolares Americanos; iha CCD ho valor $46.000 dolares Americanos; iha direcção geral Administração das finanças ho valor $2.840.622 dolares Americanos, Ministério opta concentração de despesas iha direcção geral liu-liu ba aquisição hotu-hotu nebé concentrado iha ne’eba inclui mos pagamento ba funcionário casuais, tamba ne’e maka atu bele controla deit maka concentração de despesas iha direcção geral da administração financial.

Senhor Deométrio acrescenta tan katak “iha gabinete Vice Ministro ho Ministro hamutuk $541.000 dolares Americano; gabinete de apoio Técnico e Jurídico $290.000 dolares Americano ho gabinete Auditoria Internal. Relaciona ho detalhas das despesas ba plano ne’e, ami iha ministério ne’e rasik iha mos direcção geral ida hodi toma konta ba plano ho programa ne’ebe tutela mos ba ministério ida ne’e”.

Entretanto, iha agéncia AIFAESA iha ninia relatório orçamental tinan 2018 nian relata katak orçamento be utilizado iha agéncia ne’e rasik hamutuk iha montante $346.000 sai hanesan total orçamental mak $41.000 dolares Americano aloca ba Salário do Vencimento; $305.000 dolares Americano ba Bens e Serviços. Husi total orçamento  ne’e ami executa ona 78% falta de’it 22%. Husi Salário do Vencimento executa ona $33.694,80 dolares Americanos; iha parte Bens e Serviços ami executa ona $231.048,94 dolares Americanos. Portanto, falta de’it 22% para execução ba sira seluk.

Iha parte seluk Agéncia Creding Invest (ACI)  be hanesan agéncia Deformação do Investimento e Exportação ne’ebe tutela ba  MEKAE dehan katak orçamento  geral do Estado ne’ebe aloca ba Trate invest  iha tinan 2018 ho total $.696.021 dolares Americanos.

Tinan ida 2019 ne’ebe sei mai agência  refere propõe, aprova ona iha comite de revisão do orçamento  ho total $1.116.113 dolares Americanos. Programas hirak seluk depois mak agência  refere apresenta tuir mai.

Plano ba OGE 2019 Agéncia Centro Logístico Nacional (CLN) sei hetan $2.538.000.  CLN mos hetan cooperação husi Governo China ne’ebe mak  hetan tulun por volta de $23.000.000 ho hari’i Centro de processamento no armagenamento iha Baucau no Natarbora. Nune’e mos Governo JAICA sei halo cooperação hodi halo rehabilitação ba armagem iha Maliana no Dili por volta de $190.000.

Entretanto, Agência  IADE iha plano ba 2019  ho orçamento  ne’ebe mai husi Ministério Finanças nian hamutuk $973.351 dolares Americano. Ba Salário de Vencimento $519.000; ba Bens e Serviços $435.351 no ba Capital Menor $19.000. ne’e maka relatório no plano novo ba agência  IADE.              

Nune’e, tetu ba mai total orçamento  ne’ebe atribui ba ministério Turismo Comércio e Industria hamutuk ho total $7.775.147. Ne’e suficiênte ona atu melhora vida economia iha 2019.  (Reportagem : Agus Silva)